Outback Steakhouse (分域街) (已結業)

今日慶祝幾個同事生日，所以就嚟到outback lar🥗🥗 Lunch set只係88蚊超，以有得任食黑糖麵包嚟講算幾抵食:-D 餐湯今次就有d油，味道平淡冇特色😩😩 因為想食清d.所以嗌左Chicken mango salad ($108)🥗 份量幾大下，沙律落左柚子汁，冇咁肥又開胃💕燒雞就干左d.不過燒得香ge👻 而芒果就hea左d.因為就咁一塊切落去，雖然幾甜😃 同事叫嘅黑毛豬就幾大件，可惜太干又硬，食左一半已經give up.

又去食outback 中午有張印花卡真係會令到我同啲同事間唔中就會去食outback今次8個人去嗌咗三條黑糖包 肚餓嘅時候個黑糖包都零舍好味㗎 其實每次食outback嘅set lunch 都覺得佢個沙律好唔掂 次次都唔係為咗個沙律佢嘅沙律菜係一啲都唔新鮮望落都覺得好枚又唔夠汁 個湯亦都好普通一啲都唔吸引 今次嗌咗個outback cheese burger 有驚喜啊 個beef patty都幾大舊 而且個patty個面積仲大過塊包呀 所以真係會每次一啖都有肉而且嗰塊patty亦都好夠juicy 好夠味 成個包一啲都唔會乾 而這呢個包亦都烘到啱啱好仲有少少眉微脆喺個面 好味 食完成個burger 要再食埋啲薯條 都真係幾多 又係好豐富嘅一個午餐

what I like-super fast service -They serve warm bread ;clap hands - To me, food was better than Ruby Tuesday.-Reasonable 沙律菜都好爽脆。主角出場 - 牛扒，熟度剛剛好，仲有些少血水，有牛扒鮮味。Side Dish嘅焗甜薯好好味一定要必叫同試

今天 lunch 約左幾個同事去左灣仔Outback Steakhouse 食，我地冇book位，但不用等位，午餐分別$88-$118 另加10%服務費。套餐包黑糖麵包任點任食，服務員好好又有禮，我地攞麵包好快就再送黎，仲有湯、沙律、咖啡或茶。環境幾好，上菜好快速，啱曬趕時間的打工仔去食，主菜叫左燒肉醬味豬肋骨，我就最鍾意食呢度嘅豬肋骨，又嫩又琳，個汁又好味👍，黑糖麵包鬆軟😋，薯條又脆又香口，熱檸茶的茶包仲係獨立包裝tim 。

朋友鐘意食steak, 又想近地鐵站，咁就即刻諗起呢間outback. Lunch set又抵食又好味😋😋😋由於佢都幾多人，lunchtime最好都係打電話去book位，費事去到冇位又要等。入到去即刻order 2個set lunch. 有burger同rib, 每份餐仲會送salad, soup同drinks. 平均每人都係$100左右，真係抵食！👍🏼食物質素唔錯之餘仲可以好多選擇。想係灣仔食西餐絕對可以考慮呢間outback😄

因為儲到印仔可以換一SET LUNCH SET,所以一早訂位黎食。黑糖包永遠都咁正既! 查左CREAM仲好味叫左一SET 豬排骨，個汁好正，薯條夠脆但唔夠味，搞到係咁落PEPPER 同SALT 呢個係脆煙肉漢堡包，上面係CHEESE味SAUCE，不過可能唔係好慣呢種CHEESE味，味道搞到好一般每次既沙律同CREAM SOUP都係咁正，夠濃而且有栗米粒好香。

姨姨黎左我屋企 所以男人話要請姨食飯我地去食西餐 5個人 叫左13xx 嗰個4-6人海鮮拼盤餐第一個當然係新鮮熱辣出爐黑糖軟包包最鐘意佢個打滑晒牛油用黎面包食 肥到傻跟住係忌廉蘑菇湯 夠杰夠香 但偏鹹 飲完好口乾之後再黎Caesar salad 清淡啲唔錯 好大盆菜算幾新鮮 唔係放到梅晒然後就係今日主角喇 海鮮拼盤上面放左shrimp cocktail 都唔錯 爽口彈牙蟹腳唔係啲咩驚為天人 普普通通個煎魚扒上面個汁唔錯 幾開胃最重點就是帶子 牛油煎帶子 表面焦黃色 帶住微微油香咬落去仲要爽口彈牙 真係食到停唔到除左主角 個餐仲包招排的BABY BACK RIBS呢一個係從來都唔會令人失望個汁鹹中帶小小甜 而且肉很軟 一刀切落去就分開咬落骨肉都非常容易分離 十分惹味當日都好多人 我地見場內坐無虛席waiter 反應都很快 仲好細心題醒我地happy hour

今次係為左儲印仔同黑糖包而黎既！因為係食午餐怕好多人，所以早早訂左位。係我最愛既黑糖包呀，其實食左之後好想ｒｅｆｉｌｌ不過好所以唔敢講。一如以前一定係餐前有濃濃忌廉湯同沙律做開胃菜。叫左個漢堡包配薯條，漢堡好多汁配ｃｈｅｅｓｅ一定無輸。不過薯條唔脆其實都幾難食，只係熱熱地。之後叫左個蝦子香辣飯，唔算辣的，香香的唔錯，可以再試，同埋食飯一定飽。

同啲同事間唔中都會去outback食lunch又大份又唔會太貴今日其中一個同事生日又特登去outback食六個人嗌咗三條黑糖包 個包永遠都係咁好味我哋諗住整蠱個生日嘅同事就用黑糖包當蛋糕咁點蠟燭畀佢個侍應見到黑糖包當蛋糕都應該覺得我哋好奇怪 但係笑死我哋個沙律同湯冇乜特別 正正常常今次set lunch揀咗食燒盲槽魚柳都真係幾驚喜熱辣辣嘅時候咬落去個魚皮好脆然後啲肉好好好好滑好好味仲有個飯同啲配菜食完就真係好飽食完之後見到個侍應攞住個甜品係雪糕朱古力軟餅 原來佢特登當呢個係生日蛋糕咁送畀我哋 我哋超級驚喜同埋呢個甜品係真係好好味.雪糕同個蛋糕超級夾真係又驚喜又好味嘅一餐多謝曬嗰位男侍應

因為有同事要走了，farewell當然要食好點啦! 一早已經訂左一點正，一入去侍應很好留左window seat比我地 (以為自己坐飛機)呢個栗米濃湯入面有好多栗米! 真係好好飲，好想再encore不過要留肚!黑糖包跟餐配送的，真心唔錯，配埋旁邊既奶油!! 其實好想問有沒得refill!餐具好有心意咁搵黑巾包住!肉類方面呢個價錢黎講算係咁啦, 炸雞炸薯條都好香口係即炸既，安格斯牛大約hkd 200多元

今日同朋友一齊去灣仔玩，玩完之後帶埋三個小朋友喺附近食飯 ，當日係星期六，我哋一早喺中午時間book咗位 ，但係估唔到咁少人，唔駛等，店員好快手就帶咗我哋入去呀我哋一行人，三大三细， 首先上咗一個免費任添嘅提子軟法包加沙律之後我哋再各自叫咗一個大人餐，我嘅餐係意大利粉， 小朋友都對軟法包非常之感興趣，食完一個又添一個 ，好扺食。另外店員一開始會先給小朋友派發一盒顏色筆及一幅畫畫紙，等小朋友可以一邊玩一邊食嘢。對家庭嚟講，是一個非常之好嘅服務 。食飯嘅過程中一直都係非常之清靜，環境亦非常之舒服，好適合一家人到此一遊 。最後賣單唔使500蚊，真係覺得好抵食 ，而且仲有一張卡可以儲印花

間唔中都想夜晚食下牛扒, 想方便唔洗等位既一定係去連鎖扒房, outback 就係其中之一佢個麵包配d 香濃忌廉一齊食都幾正架肉類方面呢個價錢黎講算係咁啦, 炸雞炸薯條都好香口係即炸既

午飯時間餐廳都不太多人了,不過侍應還是有熱情,醒目,友善。地方尚算寬敞,因為沒有太多人,所以環境都寧靜。午餐款式甚多,除主菜外,跟餐還有麵包,沙律,湯和飲品一杯。最喜愛的黑糖麵包怎麼變了?並沒有從前的新鮮,只感到過了氣。連牛油的味道都變了,為何?今日的湯之味道變得好喝了,多了粟米粒,香而質地適中,不會過淡或過濃。有部份沙律菜微苦,不太新鮮。這款實在太多油了,整碟的底部都是油和醬,太膩,我都只是吃了意粉而已,蕃茄醬過多,肉醬不太鮮味。賣相一般,牛肉過熟,麵包都較為乾旱,薯條總算是新鮮炸的。醒目在侍應聽到我的心聲,平時我通常叫檸樂,但今日我叫7-up(並沒有叫檸七),但上枱時竟然有檸七喎!食物雖一般,但勝在那份窩心的服務令你有愉快的午飯時間。

今日同3個同事來食lunch ,因為無book 位，所以等左around 15 mins 先有位。一坐低就有麵包。outback 個麵包，真係okay, 本人一向都好鐘意食。之後就上個湯，味道都唔錯。本人order 左個香辣燒蝦飯，認真個飯真係麻麻地，d飯好多係痴埋一舊舊，同埋唔係好熱！口感不太好，而且味道都不太好。不過，個賣相係okay ge~而且個價錢都合理。下次黎，都係試下其他先😁* 環境： 好噪！ 同d 同事傾計， 要好大聲先得！

今日係灣仔約左朋友食lunch，當係街上行左－陣，覺得好熱，見到前面有間Outback,於是即刻入去嘆下冷氣。燒雞肉芝士夾餅套餐 - 首先有餐湯及沙律配餐包。夾餅有四件，夾餅好趣，餡料雞肉配磨姑，芝士及跟餅sauce，非常好味。