Outback Steakhouse (東薈城名店倉)

營業中

休息中

Outback 終於出咗佢哋嘅🥖黑糖麥包🥖外賣啦，仲要係獨立包裝款，等到我頸都長，絕對係包痴嘅我又點會唔鍾意佢哋嘅麥包先😏，每一次去食都一定會refill，黑糖包先係重點吧😂😂，幾個月前都已經見到佢哋推出嫁啦，不過就唔啱地方去買，為$12/件，另外仲會跟埋牛油俾你，我嗰次買咗三條，佢哋就俾咗三盒牛油，返去焗3分鐘就食得，真係超方便👍🏻👍🏻，我覺得甜度啱啱好，又夠軟熟，配埋佢哋自家製嘅牛油，簡直係一流🤤🤤，唔知係咪心理作用，硬係覺得有啲唔同，但味道又好似一樣咁🤣🤣，本身仲諗住想買多幾條，但原來佢哋嘅食用日期得幾日，咁就證明冇額外添加啦👏🏻，全線嘅outback steak都有得賣，仲唔快啲去試吓😋😋

估唔到一班後生仔女都可以有咁好嘅服務態度，又有笑容。麵包同湯上咗main courses 先嚟。不斷道歉同即刻跟進，而且入廚房處理完不只一位同事嚟向我交代進度。再加上食物水準，size都好好。佢個意粉係我食咁多間嘅top 3. 8：30後入坐仲有15%discount. 5星呀！

除夕晚去咗東薈城Outback食dinner, 由於冇book枱，等到8:30pm先有位。嗰晚好多人，啲waiter 都做到手忙腳亂，不停翻枱，見到佢哋都覺得辛苦。我哋三個人叫咗一個Ribeye steak, 一個Penne 同nacho. Outback Ribeye steak 保持一貫水準，最鍾意食side dish 嘅薯條同飯。我哋叫medium, 切開塊牛扒中間都有medium嘅感覺。不過我略嫌佢太多肥膏😅 Grilled Lobster tail Seafood penne 中規中矩，我覺得有少少漏，但係lobster 好好味，好多肉。Nacho 我唔記得影相，普普通通啦。最鍾意ice tea 無限refill, 我都飲咗二杯。食到最後，因為佢10pm 關門，後尾都有少少趕我哋，不過唔緊要，大家都明白。

星期五晚去食都幾多人，但等位唔算耐。店內環境寬敞，唔會好迫。食物正常不過不失，叫咗三成熟嘅精選肉眼扒，但某啲位overcook到變咗五成up，中間就三成偏生，但舊肉係好食嘅，冇筋亦都好腍。

放假難得嚟到東涌散吓心，又行吓東涌outlet，行到肚餓要搵嘢食，咁啱嗰日又想食牛扒，見到outback Steakhouse驚牛扒餐好抵食，所以決定試吓。餐廳好大，有得坐卡位，座位舒適。我哋決定咗叫漢堡包餐同埋雞肉pasta，嘢食份量好大，十足10美國style。另外，餐廳亦都提供佢哋著名嘅黑糖麵包，又甜又香，亦都可以refill。餐廳職員態度亦都非常好，整體來講，餐廳嘅性價比非常高，唔怪得可以開到咁多間分店啦。

平日午市，用網上外賣平台落單自取，可以減$50，就超值了。叫了漢堡飽餐，有粗粗薯條、餐湯及招牌黑糖麵包。$70都不用，正👍🏻。漢堡飽蕃茄同菜都很新鮮，鮮甜。一個漢堡飽真的像食飯一樣的飽。粗薯條，始終外賣，質素難平。但份量算多，如飯的份量。湯，香而好味，不會過鹹。最後黑糖包真的吃不下。黑糖包回家才食，也好味，難怪咁多人鍾意。

難得平日放假所以選擇入嚟東涌行吓街食下野，行吓行吓唔覺已經去到下午茶時間，睇咗幾間餐廳都係想食肉，所以就入咗嚟呢到。有分戶外同埋室內，但由於天氣仲有少少炎熱，所以都係留返喺室內舒服啲，但相信秋天嘅時候坐喺戶外都幾舒服，而且個環境係幾靚。下午茶冇乜人，上菜速度都好快叫咗個豬肋骨同埋一個蝦炒飯（無影相）豬肋骨好好食，夠淋又入味，易切而且都好多肉，可以好快就切到啲肉俾小朋友食薯條啱啱炸起熱辣辣又夠脆口蝦炒飯個味道都幾好食，不過個米嘅口感有啲煙靭好似糯米咁樣，所以都幾快飽本身想食多條黑糖麵包都食唔落了唯有留返下一次

一家大細去食牛扒大餐，黑糖麥包，飲品都可無限refill👍🏽叫咗個C餐同D餐C餐：頂級牛扒拼龍蝦尾👍🏽👍🏽必點牛扒侍應冇問幾成熟，鐵板上五成熟，外表焦香，超多肉汁；肉質鬆軟、口感豐富👍🏽龍蝦尾亦非常非常好味。餐另配+芝士白汁燒蝦寬麵（一般，味道很淡）D餐：豪華海陸套餐加拿大蟹腳，鮮甜燒蝦8隻，調味十足燒比目魚柳配雞味飯，比目魚沒有腥，很大片，雞味飯一般，可能因個人口味，唔太好西方炒飯種味。豬肋骨：肉質鬆軟，醬味濃郁雪糕朱古力軟餅👍🏽👍🏽鮮果美式芝士餅，好大件，正常芝士蛋糕味道，但士多啤梨好難食😂

Was greeted with very bad service at this branch. Was there for late lunch and the waitress just left the cups with a loud thud and threw the straws on the table with a nonchalant face. 😓

1. Order時我叫漏side dish 我揭緊本menu 呀waiter出手禁我本menu2. 食完第一條黑糖包 呀waiter收碟時我已經叫refill 食完個main佢都未俾到我 格黎枱反而入座無耐就上左2條先 最後要叫第三次佢先俾到我3. 第一杯水飲完我地舉手叫斟水 佢臨到我果枱 退後左步去斟格黎枱先 我地request既 係咪應該斟左我地先再round埋其他枱呢？4. Waiter round斟水 round到我果枱就停左 但我地有個吉既杯5. 個side dish 有4成係燶既6. 我小朋友扭計喊 waiter格黎枱做野時對住我小朋友”shh” 請問”shh”可以解決到咩? 呢個超級bad feeling!!!service超差食過幾間分店都冇呢d問題出現未試過嬲到一定要寫出黎

星期六 下午5:00 左右入餐廳， 餐廳都仲好多人 ， 9成滿， 好彩仲有位唔洗等。 今日叫左芝士薯條， 芝士都落左唔少。 芒果雞肉沙律味道好 👍 但雞肉比較鞋口， 如果有多d脆脆， 口感會更好。 蝦燴飯都好好味😋 好夠熱 。

今日四個人黎outback食lunch叫左四個set 四杯野飲竟然分三次先黎第一次兩杯第二次一杯最後一杯竟然等左around30mins只係一杯走冰既凍檸茶 要整甘耐？

東涌東薈城既OUTBACK,分開室外同室內位置，一次來HAPPY HOUR另一次來食晚餐都係揀坐室外，貪佢既擺設位置夠舒服夠大，因為室內位置會相對上迫少少既。室外有一個圓圓地既打卡位，放左啲植物同露營椅子同露營枱，夜晚望住幾有氣氛架。👍如果有hsbc信用卡嗌晚餐套餐會有優惠，套餐包左兩個頭盤兩個主菜兩杯野飲兩份餐湯，一份海鮮拼盤同埋最有名氣既黑糖麵包。😋❤️雖然張枱算幾大，但係啲野確實太多，店員要另外揾個細枱放置啲食物，三個人食絕對太多，我地仲要打包兼抱住個肚超級。😆不過餐廳無得訂位，等位就等左一陣啦。

星期日入東涌想搵個坐得舒服的餐廳食飯，所以簡左outback，一坐低每人送上餐湯一碗， 之後再慢慢點餐。 我地叫左2個午市套餐， 好快上檯。夾餅好脆、意粉好掛汁，食物熱熱上檯。雖然係連鎖餐廳，但係我食過咁多間outback中，煮得最好的一間。 服務員工作好快手、有禮。

之前放假決定去這間扒房食晚餐，安排入座時感覺環境氣氛不俗，座位寬闊空間感十足😋我們點了RIBEYE~肉眼牛扒雖然叫了全熟，但唔會乾身，有肉汁仍覺鮮嫩😋BLOOM ONION~雖然普通但賣相吸引，入口香脆😋甘藍沙律~清新健康，食多啲都唔怕😋TW PASTA 芝士白汁燒烤闊麵~芝士味香濃，闊條麵爽滑😋PESTO PASTA 羅勒香草醬意粉~意粉過淋但香草味香濃😋SOUP~勝在抵飲😋黑糖麵包~少少甜熱辣辣，十分好味😋大家在此歡度一個愉快的晚上😋