Outback Steakhouse (已搬遷) 新店位置

同朋友庆祝生日，所以決定係位置方便的金馬倫道太興廣場outback中午時段餐廳唔算多人，而且餐廳環境舒適，好適合一班朋友聚餐一行五日點左肉眼扒，ribs,pasta，雜錦拼盤，除左炸雞🍗有點咸，其他食物質素不錯

為同事搞farewell，一行10人，揀咗呢一間餐廳。入到去，地方闊落，環境好好，好有氣氛。用匯豐信用卡叫套餐仲有折扣優惠，我哋叫咗一個風味海鮮盛會套餐，一個美國頂級紐約牛扒套餐，另外叫咗燒肉醬味豬肋骨。食物分量大份，而且食物味道好，叫套餐飲品仲有七折優惠，好抵食。黑糖麵包係重點🤤好好味海鮮拼盤，海鮮好鮮味，特別係個龍蝦好好食，不過略嫌鹹咗少少特別一提，間餐廳有一個唔好處，係女廁只有一格，所以輪候廁所需要好長時間。

Outback Steakhouse (尖沙咀)慶祝屋企人搵到工，揀咗斧頭扒套餐。啱晒一家人share食而且氣勢十足。😛#黑糖麵包 溫暖軟綿綿淡淡黑糖味既包包🥰 $0 任叫係賣點同特色之一。🙆🏻‍♀️成日唔覺唔覺就起碼食左3條以上。😚-#斧頭扒 用大鐵板上，會有專人幫你切開一嚿嚿。🍗由於太大塊太厚嘅關係，上枱嘅時候只有表面係熟嘅。😮太約2-3成熟，要再用鐵板嘅溫度加熱到你想要既熟度但鐵板嘅熱度並唔可以將肉燒到7成熟或以上。😏第一次食斧頭扒，肉味好香濃而且軟嫩。只要沾沾旁邊既海鹽，好味程度upupup。🥳#燒醬味豬肋骨燒得比較鹹帶啲甜甜地，但燒得太耐好乾。🥺#芝士白汁燒蝦寬麵🤩必食！每條意粉都掛滿白汁。白汁既味同蝦又勁夾再加上芝土，好完美。😍#肉眼扒比起斧頭扒實在遜色很多😂沒什麼印象。#雪糕朱古力軟餅雖然好甜，但滿足哂食甜品既心。😝

昨晚同幾個朋友在金馬倫道Outback食晚飯，食物還可以，但待應生的服務態度令人無法接受。10:15pm 她說last order要吾要食物，我地立刻看看menu， 她就黑臉，一臉不耐煩的模樣，實在令人生厭見她這樣表現，什麼也不想食，便埋單。單來的時候，朋友問是否有8折，她又再次黑臉說要訂位才有，朋友說訂位時已經確認有8折的。她又又再次黑臉回去做返張新單嘩！什麼服務態度？她自己心情不好，就對客人發脾氣！真的好失望，我們不會再去這店了。

朋友生日想食好啲於是就約左佢黎呢度鋸扒。雖然outback已經坐擁好多分店，但今次係第一次食🙂首先outback既黑糖包真係期待左好耐！但係無好驚艷到我⋯《蟹肉釀磨菇》$82蟹肉味道被牛油味稍蓋過，味道上有少少怪，面頭既炸蒜提升口感同香氣，整體不過不失。《芝士白汁鮮蝦寬麵》$148份量好多，蝦仁有好多隻，爽彈新鮮。不過汁底既芝士味道唔夠出，寬麵煮得略嫌過淋，口感一般。《精選肉眼牛扒12oz》$318因為唔太食得生所以嗌7成，煎得幾香，但比我平時食既要熟，所以肉質都偏硬身，肉汁都唔多，整體麻麻。啲薯條唔係即炸，好林😢不過跟牛扒既配菜《焗甜薯》就幾出色，甜度恰好，係天然既香甜味👍🏻《Thunder》$68底層係brownie，然後二層係雲呢拿雪糕，最頂係忌廉。Brownie比預期中有驚喜，口感唔乾，仲有好多果仁，個雪糕同忌廉都好滑，不過整體就有啲甜，但係好味！ Openrice訂枱有八折，雖然味道唔算好出色，但係都算抵食。

outback呢間餐廳由我第一次食就已經愛上了😊久不久就會約朋友嚟呢度食晚餐聚餐傾計😁鍾意坐係窗口位，可以望下街~有時放假同埋老公帶埋阿女出去搵地方食tea都會嚟呢度🤣老公問我可唔可以有第二個選擇，我話冇乜地方可以好似呢度咁寬敞，而且啲嘢食又ok~仲有個好好味嘅黑糖包😎阿女最鍾意食包😁我就最愛叫炸雞搥薯條😄阿女雖然係兩歲人仔，但佢可以食晒我啲薯條😅所以我通常都會幫佢叫份兒童餐，咁就唔怕薯條唔夠食🤣🤣

記得第一次食outback係朋友生日所以去食好野，從此愛上左佢的黑糖麵包🥯，真係好好味。好少西餐的餐包係好好食，呢間的黑糖包簡直一試難忘，外脆內軟，新鮮熱騰騰就更加好味道。一間餐廳連前菜都咁有心思，相信主菜都唔會令人失望。芝士白汁寬條麵😬搭配好味，芝士食落唔會太漏，好香，不錯👍🏻，值得一試。牛排🥩好厚身，因為唔太慣食得太生，所以叫左七成熟，不過，肉質都好淋，唔會太韌，配上個汁味道好夾。整體來說，呢一餐真係不錯，價錢同味道成正比👍🏻

是晚嚟咗尖沙咀同姊妹食晚飯大家一致決定揀西餐所以就揀咗outback一早book好位outback起尖沙咀地鐵站B出口一出行一兩分鐘就到正正就係通利琴行對面嘅大廈一上到去同佢地講book位嘅資料就入得㗎啦我哋五個人嗌咗好多嘢食凱撒沙律拼雞肉炸蘑菇炸洋蔥圈炸雞槌一個肉眼扒medium一份ribs首先上菜嘅係佢哋嘅招牌黑糖包基本上我每一次來都會食唔停口啲staff 仲好主動咁樣幫我地refill外脆內軟再配合埋牛油真係一流好想打包返屋企食隔離嗰個係炸蘑菇佢新鮮炸起仲好juicy熱辣辣再點醬一流肉眼扒我哋要咗五成熟雖然有少少韌但佢肉味都好香濃冇over cook而且佢外面嗰層都煎到幾香口配菜叫咗炸薯條新鮮炸起一流基本上呢度豬肋骨係招牌菜啲醬焗到好入味又唔會特別咸又夠份量另外我哋仲叫咗佢個焗薯劏開之後中間放左醬料好好食呢度嘅西餐好有外國風味處理嘅手法一啲都唔馬虎又幾抵食順便一讚佢哋嘅Milkshake 好好飲

新年期間四圍都係人，想同朋友搵個地方食飯之餘又可以坐好耐慢慢傾計，最後嚟咗Outback~ 由七點坐到last order先走，計落都算係划算😆一般人嚟outback都係食扒，我地都不例外，叫咗份Filet Mignon + pasta + 小食拼盤 + 炸蘑菇～不過講到尾，我最鐘情於個黑糖包😋 熱騰騰配上凍牛油，最緊要係可以不停refill! 如果想慳啲食，埋單俾少啲，有兩個tips想分享1. 食多幾塊黑糖包打底，陣間叫野食自然會叫少啲，易啲有果腹感2. 去outback前一日download佢地個app做免費會員，第二日去食埋單可享9折優惠！用咗呢個優惠既話，計落就同免加一差不多，甘食抵好多！

人在 尖沙咀 - 金馬倫道 , 要找點吃的 , 絕不困難 , 但一心想吃牛扒 , 於是就去了 Outback Steakhouse, 反正我們是會員 , 有優惠 ~Menu ~Bloomin' Onion 洋蔥花球 : 可算是這家餐廳的 Signature dish, 味道當然是 finger-licking good ~USDA New York Strip 12oz : 我要的 medium rare 都能夠完全掌握得到 , 牛扒的肉質鮮嫩 , 肉味濃郁 , 配上精心調製 , 味道精妙的醬汁 , 真是好吃 ~本篇完 ~

outback應該好多人都食過，我男朋友好surprise 我竟然冇食過，所以就即刻帶我食，因為我突然間好想食牛扒我地係lunch黎食，我地叫咗一個牛扒一個pork rib。首先嚟咗個黑糖麵包，我第一次食黑糖麵包覺得好好食，但唔敢食太多因為驚太飽食唔到牛扒哈哈。之後主菜就諗好快嚟咗，試咗個牛扒，我哋叫咗prime rib medium rare，我覺得已經比我想像中好食，因為佢夠晒林夠晒牛味！之後再試咗個pork rib，點知佢仲好食過個牛扒。因為啲肉超林一切就開，而且佢個汁真係好好食。仲有佢個薯條都好高水準好好夠薯仔味，好食過好多餐廳。

同家人食個西式去慶祝生日兼冬至好彩有訂枱 上到去已經坐無虛席🔻好中意食佢既黑糖麵包入便暖暖地配佢個牛油真係一絕🔻是日餐湯係蘑菇湯嚟 幾厚身 帶點微辣🔻美國頂級紐約牛扒(12oz)💲398用鐵板上 仲可以自己控制熟度 細心👍🏻牛扒有牛味 唔韌 配埋小小肥膏食 正🤤🔻芝士白汁燒蝦寬麵💲148聞落好香 唔算好勁芝士味但食落個汁又帶返芝士味適合輕度芝士愛好者 蝦新鮮 咬落爽口寬麵吸收晒啲汁好食唔硬🔻燒雞肉芝士夾餅💲118對夾餅一向情有獨鍾 佢呢個整得幾好芝士仲有拉絲效果 雞肉好嫩口 個皮唔厚仲有啲脆口 薯條熱辣辣唔會好淋 好食🔻芝士凍餅幾好食 唔係硬身個隻cheese cake配埋佢on top個cream 甜度岩岩好Overall嚟講 Outback一向都係CP值高既扒房 每次嚟都唔會失望👍🏻

一大班人諗食咩真係好頭痛提早慶祝聖誕節🎄交換聖誕禮物🎁想揾間靚靚地既西餐廳🍴諗諗下發現outback真係好耐無幫襯過啦，超級好味既黑糖包喔好掛住您呀即刻打去book枱，十個大人加一個babe🥳🥳🥳🥳哩度有嗰好處係無set死book枱時間星期五的晚上一收工就去餐廳嚕，係lift口見到好多人一袋袋準備好今晚都係交換聖誕禮物🎁咁岩大家都係同一層出outback真係好有心思呀，成間餐廳都好有氣氛🥰🥰🥰由於我地多人，所以喪嗌野食，每樣野食都好好食，而且侍應服務相當好@冰筒蝦@炸洋蔥@蟹肉攘蘑菇@炸蘑菇@芝士薯條@蕃茄海鮮長通粉@焗三文魚扒@Prime 🥩 with sweet photo@澳洲西冷@芝士巴比包@@@@@最好味既牛，不過唔記得叫咩名@焗椰菜仔

小時候有段時間泡泡小子都幾鐘意食Outback ,每逢朋友生日、聖誕節都會去Outback 慶祝。今日去開尖沙咀見Outback 有Lunch set 就去試一試去Lunch set 有：湯、沙拉、黑糖包、主菜、飲品叫左2個午餐 燒雞芝士夾餅 & 美國安格斯肉眼扒沙拉+湯（粟米忌廉湯）沙拉一般、 湯好味， 粟米甜甜的黑糖口： 熱辣辣，好軟熟燒雞芝士夾餅： 芝士可拉絲，夾餅是脆脆的， 薯條好香口美國安格斯肉眼扒：少少「un」、 都可接受， 薯條好味熱辣辣另外甜多左個甜品： 雪糕朱古力軟餅比起以前食細舊左， 甜少少。 但都好好味泡泡小子鐘意朱古力甜品

今日係男朋友生日所以就揀咗一間俾人大推嘅餐廳，諗住去試吓係咪真係咁正。雖然依間野都開咗一段時間，但係都仍然好多人等位，就算我book咗位都要等半個鐘先有得入座。入到去啦就帶咗一個二人套餐啦就包括左有個鐵板燒牛扒加龍蝦同埋一個意大利飯，仲包左餐湯餐飲沙律同埋甜品。個牛扒比我想像中冇咁好食可能因為佢煮得太耐，所以肉質比較硬，反而個龍蝦啲肉質就唔錯，仲有好有龍蝦味。最讚嘅就真係佢個黑糖包真係超級好食，如果唔係太飽真係好想加多一次。去到最尾個甜品都唔算好差係一舊芝士蛋糕啦，咁佢都好soft嘅。