272
21
13
開飯介紹
地道泰國菜餐廳，食物出品水準平均，經常會有$1美食作招徠。
繼續閱讀
附加資料
每晚9點後7折！六日一樣有！特別節假日除外
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
相關文章
Orange Elephant Thai Restaurant 🐘@orange_elephant_hk搵到間平過泰國當地嘅泰菜，梗係即去啦🤓 門口大大個餐牌寫住每日$1優惠，無眼錯係真係星期一至日適用❗️泰式明爐烏頭魚🐟明爐烏頭原條放係魚爐上陣，排場十足泰有風味🇹🇭 冬菇、秀珍菇、肉碎、紅蘿蔔、芹菜同紅椒，滿滿嘅配料將烏頭完全覆蓋，而墊底嘅椰菜煮得入口軟身，等大家可以慢慢享用唔怕痴底☄️烏頭魚肉質結實幼嫩，以南薑、香茅、芫荽、蒜頭同蔥煮成嘅湯頭，加入魚露同青檸，鮮香帶酸🍋烏頭魚越滾越滾入味，爐底嘅燃料燒咗大概15分鐘，時間岩岩好，不過店員都主動問我地想熱啲的話可以再refill🕯 附上一碗湯汁，蒸發可以再加🥣埋單以正價加一，盛惠$18，真係超抵😎泰式拼盤🔢蝦餅｜春卷｜魚餅｜香葉包雞蝦餅彈牙爽口，不規則嘅形狀似係手打🍤 魚餅食落啖啖香茅味，春卷外皮金黃，餡料豐富，長過手臂嘅香葉包住雞塊，炸得脆口惹味，每款兩件，配上酸酸甜甜嘅泰式醬汁，好好食😋泰式蝦膏炒通菜🦐通菜嫩身，加上炸蒜，惹味又帶有鹹香味道🌱椰青🥥芒果椰子西米慕斯特飲🥭椰青大大個，水多肉飽滿，清甜解渴🌴係熟悉嘅許x山味道，上層係渴身嘅椰子mousse加椰子脆片，中間以鮮芒果打成嘅沙冰，味道天然香甜，椰汁西米粒粒晶瑩通透⚪️位置雖然唔太近地鐵站，但$1優惠真係超抵食，8點半後仲有7折優惠🈹 加上餐廳環境闊落好坐，港島東區之友可以考慮吓🤘🏼
繼續閱讀
朋友住在和富，知道我很喜歡吃泰國菜，就約我到此吃晚餐。餐廳裝修極具泰國特色，中央一棵大樹，掛上閃閃的LED燈，感覺像點點繁星，天花板掛着具有泰國特色的吊燈，還加上一些攀藤植物，很有泰國大自然的風味。店員告訴我們餐廳正進行「每日優惠價，以一蚊換一道菜」的優惠，星期五的特價菜式是泰式炸蝦餅。我們當然要點一個了。🦐泰式炸蝦餅絕對不會「將貨就價」。六件大大大份的，炸得金黃酥脆。蝦肉爽口彈牙，一口咬下去，內部則嫩滑多汁，十分美味。🐟冬陰功湯底明爐烏頭魚烏頭魚肉鮮嫩可口，搭配香茅、南薑、辣椒和酸梅等，還有大量菇、椰菜和一些泰式香料。冬陰功湯底味道酸酸微辣，非常開胃，加上原爐上枱，一直加熱，可以一邊煮一邊享用，很能體驗泰式風味！🐂炭燒牛肋骨份量很多！牛肋骨經過炭燒處理，有獨特的炭燒香氣和口感。面層有微微的燒焦，吃落口真的十分惹味！再配上秘製的調味料和醬汁，令牛肋骨更加美味多汁。飲品：我們這兩個芒果狂熱分子，當然要點選特色芒果飲料了。我們點了Mango Mania和Mango Choco。Mango Mania飲落有很多芒果肉，混合了其他水果，味道鮮甜可口。Mango Choco則加了朱古力，味道濃郁，還有粒粒芒果肉，口感十分豐富。甜品：🥭超級芒果狂熱有芒果糯米飯、布丁、雪糕和忌廉。芒果鮮甜、糯米飯熱辣辣，又Q彈；布丁柔軟、芒果雪糕好味又不太甜。每樣都配搭得很好，放進嘴巴裏，充滿着非常豐富的口感。總括來說，朋友真的冇介紹錯，我最喜歡酥脆的炸蝦餅和充滿濃郁口感的炭燒牛肋骨。還有以芒果為主題的飲品和甜品，真的令我享受了一頓美味的泰國料理。
繼續閱讀
全能六角形實力泰菜！已為甜品翻兜三次，連泰菜都又抵又好食喎，掂😈！・・・・・・・・・・・・・・・・・・・・🍍 原個菠蘿海鮮焗飯 HK$108・味道：飯底好重咖哩味好香，配青口、大蝦、魷魚等海鮮，整體夠fresh唔腥的。有一款疑似臘腸咁嘅色同味嘅肉類加咗落去，令個飯甜鹹甜鹹咁，提升咗個level🆙，好食欸。・口感：個飯可以再乾爽啲，不過都唔算濕嘅，再乾身啲就perfect池！🐔 黃咖哩雞 HK$1・味道：逢一至日都有一款一蚊雞嘅餸Σ(*ﾟдﾟﾉ)ﾉ，今日係黃咖哩雞。椰香甜甜辣辣嘅黃咖哩好開胃😙，入面啲雞肉都幾入味，至少唔係之前食嗰啲白烚餸XD 冇因為平而畀劣嘢，份量嚟講都係下午茶size，不錯欸！・口感：甜椒甜得嚟仲幾juicy喎！🍢 雜錦串燒 HK$89・味道：外皮係香內里嫩滑juicy。個黃色汁似係椰奶幾出嘅咖哩汁，甜甜鹹鹹的幾好食。沙嗲醬好濃厚，仲要有花生粒，中間有少少辣汁，好香口，我點晒啲醬咁滯XD・口感：雞當然出色，但豬同牛都唔差，有啲肥膏配瘦肉食，口感豐富。🥭 芒果冰磚 HK$75・味道：呢個芒果冰好食到我返兜食咗兩次，今次係第三次😂。唔係當造季節食嘅芒果都香甜冇渣，入面嘅冰好綿密到好似棉花咁☁️，淡奶味嘅冰突出芒果香甜，唔會搶主角風頭同時單食都食到微甜奶香嘅風味👍🏻。我一個人啪晒成個，知咩料啦😈！另外三個細匙羹裝住嘅係，煉奶、椰汁糯米飯、芒果醬。煉奶好液體狀但keep住佢嘅甜，芒果醬唔假㗎都係鮮芒果打成醬。最想講個糯米飯，作為唔喜芒果糯米飯嘅人，佢呢個飯好軟糯，唔會同芒果嘅甜夾唔到，椰汁都幾香，雖然都係食唔晒但at least我係少可地覺得幾好食，最後都食咗半份XD！・口感：芒果大嚿香甜冇渣，雪花冰綿密細膩，出to the色！🥥 特選椰青 HK$44・味道：大嚿多汁夠香甜，一啲都唔苦，穩陣嘅好飲。・口感：清爽唔濁。🍹 芒果冰特飲 HK$36・味道：將新鮮腰芒打成沙冰，天然芒果香甜超冰凍解滯，上面有啲芒果粒食添，又係穩陣嘅好味，有質素嘅芒果！・口感：冇渣真係好滾動🥹・・・・・・・・・・・・・・・・・・・・🤰性價比：高～🤰9衝度：9衝～🤰結論：主菜好食，甜品出色，全能六角型實力泰菜！・・・・・・・・・・・・・・・・・・・・
繼續閱讀
放完聖誕長假期今日要收拾心情返工喇，屋企今晚冇煮飯，我話事就揀食泰國野啦✌🏻去咗和富中心嘅「Orange Elephant Thai Restaurant」，餐廳裝修充滿東南亞泰式風情，位置寬敞，門口仲有甜品部，而星期一至日每日都有唔同嘅$1特價菜式，烏頭魚、炸豬扒、沙律、通菜、炸蝦餅、咖喱雞等等👍🏻 認真抵食🤩泰式拼盤有蝦餅、春卷、魚餅、香葉包雞共四款，炸蝦餅金黃酥脆，蝦肉爽口彈牙，春卷皮薄香脆，包住粉條、木耳、紅蘿蔔絲，餡料非常豐富，炸魚餅味道辣辣地，裡面加入青豆角粒帶有檸檬葉嘅香味，點上泰式辣醬別有一番風味，香葉包雞大大件，雞肉緊緻而有彈性，班蘭葉嘅香味滲入雞肉之中，香濃可口泰式滷水豬髀滷得夠晒入味，軟稔嘅豬髀肉肉質鬆化，連同QQ彈彈嘅豬皮一齊食，滿滿嘅骨膠原，口感肥而不膩，香濃嘅醬汁最適合配上一碗白飯👍🏻咖喱海鮮脆包盅香脆嘅麵包配上蛋香味濃嘅黃咖喱，裏面加入大量海鮮，材料豐富，有蝦仁、魚柳、青口、魷魚、青椒、紅椒、洋蔥、唐芹，店家亦好貼心提供鉸剪可以剪開麵包點上咖喱汁，每一啖都充滿椰香，推介👍🏻芒果冰磚以新鮮芒果、牛奶雪花冰、芒果雪糕、椰汁糯米飯製成，可以根據自己嘅喜好加入芒果汁同淡奶，雪花冰奶香味濃，幼滑又軟綿綿，店裡嘅甜品亦做得非常出色，有部份客人更加係專登嚟食呢度嘅甜品🤤芒果忌廉果昔芒果汁加入忌廉打成奶昔口感，奶香味加上芒果嘅香甜，入口順滑，與泰國菜絕配🉐芒果冰特飲芒果沙冰幼滑細膩，清爽又解渴📍Orange Elephant Thai Restaurant (和富) (北角)北角和富道21-53號和富地下G18B號舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️回頭率：⭐️⭐️⭐️⭐️⭐️
繼續閱讀
今日特登出左北角食間好味既泰國野。餐廳既梳化位坐得舒服，有多款菜式選擇。每日更有一款指定菜式做$1優惠。小食：泰式炸蝦餅炸蝦🍤餅即叫即製，超香脆。蝦膠彈牙，配埋泰式辣醬，讚👍冬陰功湯底明爐烏頭魚🍲明爐大大個火熱🔥住，另外跟一碗湯有埋配料：菇及蕃茄仔。本身諗住冬陰功會好辣，但魚下墊了香茅同香葉，中和左辣，係酸味更出好開胃🤤。粉絲雜菜煲唔係白灼，係用泰式醬炒粉絲。粉絲吸晒味，菜亦煮至很冧身。芒果糯米飯：滿足我嘅甜品🍮胃。芒果用匙羹墊住，𠝹花賣相好靚，而且糯米飯仍然暖身好好味。配埋椰青一齊飲好清涼解暑！
繼續閱讀