604
49
18
港鐵宋皇臺站B3出口, 步行約4分鐘 繼續閱讀
所有分店 (3)
電話號碼
27181088
開飯介紹
地道泰國菜餐廳,食物出品水準平均,經常會有$1美食作招徠。 繼續閱讀
營業時間
今日營業
12:00 - 17:00
18:00 - 23:00
星期一至日
12:00 - 17:00
18:00 - 23:00
付款方式
Visa Master AlipayHK 支付寶 現金
座位數目
88
其他資料
餐廳運作模式 - B類
Wi-Fi
酒精飲品
自帶酒水
外賣服務
加一服務費
當面支付
食評 (719)
等級4 2021-06-17
5942 瀏覽
呢排泰菜癮起,喺香港想食泰國菜真係一諗就諗起九龍城,咁唯有plan plan 佢,食完泰國菜食埋甜品啦!聽朋友講Orange elephant 呢排有$1菜式,星期一仲要係泰式明爐烏頭🤭🤭其他日子有唔同嘅,例如鳳爪沙律,飛天通菜,啤酒等等,最吸引應該就係星期一,所以到最後都係決定星期一用下呢個咁吸引嘅優惠🤤🤤由於同男朋友食(佢都幾大食),一定係兩個人嗌三人份甚至四人份嘅portion ,所以我哋一坐低諗都唔諗,就話不如嗌個泰式小食拼盤啦👻👻其實諗返望返張相都真係幾多嘢,有四款小食,都幾大份睇吓個炸蝦餅,好口肉,又彈牙,配上酸甜醬,真係久違了的泰國風味😂😂😂而香葉炸雞就係我一直嘅至愛,唔知點解要包香葉,明明舊炸雞係冇香葉嘅味道😂但係就係好味道😂😂😂到呢個炸春卷,原本對佢冇乜期望,但係男朋友食咗之後就話好好食😂入面應該係一啲蔬菜同埋粉絲,一食,又真係唔錯喎!到戲肉!$1泰式明爐烏頭!一上枱,真係冇諗過咁豐富,一啲都唔欺場喎!同正常嘅明爐烏頭一樣,都會跟一碗湯俾你到時加,試一啖湯,帶點酸,味精唔重,我就幾鍾意啦❤️我食飯就一定要食菜,椰菜苗係泰國菜必食嘅蔬菜類(對我黎講係😂)呢度嘅馬拉盞炒椰菜苗都OK,不過好似炒香啲嘅話會再好食啲,通菜可能都會再好啲🤭仲有呢個泰式炒金邊粉,其實佢另外仲有一個蛋網海鮮金邊粉,到最後我哋都決定是返傳統嘢,穩穩陣陣,幾好食~依家冇得去旅行,唯有食飯時order 返當地牌子令自己好似身在其中咁😂男朋友就嗌左麒麟啤,我就飲青檸梳打,當係盡下興🥳🥳🥳呢度性價比真係幾高,尤其是有$1 menu,大家可以揀你想食嘅日子過嚟enjoy呢個咁正嘅Offer! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-14
2657 瀏覽
炎熱的夏天🌞,真係特別鍾意食泰國🇹🇭菜,所以呢排真係四出去唔同地方試下!食泰國菜,當然諗起九龍城!💡呢日剛好又經過九龍城,見到橙象就試下先!🧡-呢一間Orange elephant🧡🐘,有唔同的分店,九龍城也有一間呢!📍原來現在仲會有每一天的$1優惠🔥真係好抵食!而我剛好去的呢一日係星期一,$1優惠係泰式明爐烏頭魚🔥🐟當然要立即點來試下呀!😍-泰式明爐烏頭魚今日用$1 就可以食到,真係好開心😘😘而且質素一樣以往的好‼️絕對唔會因為優惠而欺場! 💯魚身的肉感好滑,好嫩,而且是滿滿的魚肉❤️好鮮甜好好食,好新鮮!😋而且仲有好多配料,真係正中我紅心!佢D湯都係好惹味,配上魚肉食一樣好食!🥄真係一定要試呀!🥢-當然也要點一些主食的,這次也必點了泰式蝦球炒金邊粉🍝是每次必點,而且一樣好食! 喜歡不乾身😙有點水份,而且好香口! 又開胃!--另外要推薦馬拉盞炒通菜🥬🥒炒的程度剛剛好,唔會太熟,新鮮翠綠!💚而且配料滿滿,但唔會過份重味精,我覺得一定要食! 好有驚喜!💖❣️-飲品方面點了椰青同鹹檸雪碧🧋🥤椰青新鮮又甜,好好飲呀! -食頓晚飯價錢比平日更相宜,食得好味又開心!😍大家都一定要去呀! 同埋可以留意下不同的優惠呢!😚🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-25
2900 瀏覽
係人都知九龍城係泰國菜嘅集中地,但要搵一間優質嘅泰國菜其實都幾煩惱,因為太多選擇。但好彩喺openrice搵到依間評語唔錯,質素唔差,價錢平民嘅優質泰國餐廳。仲要每一日都有唔同嘅$1菜式優惠。冇取巧,真係$1就食到。七點入到去,竟然爆場。唔浪費時間第一時間睇下menu有咩好嘢食。menu入面菜色嘅價錢好平民而且好多選擇。泰式咖哩除咗有豬/牛/雞仲有雜菜,食肉食素嘅朋友都可以食。炒粉麵個價錢都好合理。冬蔭蝦炒飯:個份量好大,材料好足,粒粒飯都食到有冬陰功嘅味道,又炒得好乾身一啲都唔油膩。飛天通菜:今日嘅$1菜式,唔好以為$1就求求其其,個份量都好大,炒得好好食,可以送到幾碗白飯。焗大蝦粉絲煲:唔好睇佢個外表平平無奇,但內裏其實一啲都唔簡單,除咗有兩隻超級大嘅蝦,佢啲粉絲都花過心思去煮,入面有八角桂皮香葉,但估唔到出奇地夾,超級好食。佢哋嘅椰青,唔知係咪揀過,兩隻都咁好飲,超級清甜解渴一流。PS:總括嚟講呢間泰國菜係超值,好味得黎,個價錢又平民,下次要約多啲朋友一齊嚟試。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-10-02
0 瀏覽
今日去到見門口有幾個人排隊等位,我攞左飛仔等位,等左半個鐘,見到很多人食完走但都無叫飛仔,於是入去問有位未,結果有四,五張枱空的,妖,有位都唔叫飛,浪費時間,以為間野味道好,點知都係十分普通野,服務差味道無特別,下次唔去食 繼續閱讀
(以上食評乃用戶個人意見 , 並不代表OpenRice之觀點。)
等級1 2021-10-01
115 瀏覽
黎到九龍城當然要吃泰🇹🇭菜😋呢間成日有人黎排隊假日早啲黎就無咁多人如平日就可以唔洗排隊店舖比出面一般的泰國餐廳面積大,而且坐位舒適、冷氣充足。是一家大小經常來吃的原因!而且餐廳還有每天不同菜色的一蚊一碟!真係好抵!我地點了:超級冰凍椰青雞肉、豬肉沙嗲串燒 (半打)泰式炸蝦餅馬拉盞炒通菜肉碎生菜包鮮菠蘿雞肉炒飯菜色繼續不失水準☺️😋不枉我們一家大細經常捧場🤘🏻掛住泰國既都可以黎頂下癮啦😆 繼續閱讀
(以上食評乃用戶個人意見 , 並不代表OpenRice之觀點。)