OPEN OYSTER

每年嚟到爸爸節👨🏻老豆都會落order要食生蠔🫶🏻今次兩姊妹又帶老豆發掘抵食又高質嘅蠔啦！呢間蠔吧就以世界各地嘅優質生蠔聞名🦪菜式主打海鮮同西式料理，推介搭配白酒一同享用～餐廳室内外都係木系小酒館設計，格局比較細但食物服務方面絕對唔會令你失望，絕對可以encore🩵⭐️生蠔拼盤（職員推介5款）生蠔迷必試環節！老豆一口氣叫咗五款生蠔🤣店員超細心💯先問我哋鍾意嘅口味，再按口味由淡到濃安排食序～每隻蠔都好大隻，而且味道一隻比一隻有驚喜！（爸爸仲偷偷地encore咗…）⭐️鮮芒果蟹肉海蝦沙律✩Mango, Crab Meat & Shrimp Salad (Orange Vinaigrett)一上枱就聞到芒果香！以芒果搭配蟹肉絲同海蝦等海鮮，味道意外地夾！加上橙汁油醋汁，整體味道酸酸甜甜～特別開胃⭐️頂級法國藍青口（香草忌廉汁)✩French Prime Baby Blue Mussels (with Pesto Cream Sauce) 細妹特別落order要食嘅🩷青口份量唔少，但略嫌細隻咗啲～唔好睇好似好大碟咁🤣因為最後一定會清晒啲汁～不得不提香草忌廉汁相當出色，每隻青口都吸飽忌廉汁，充滿奶香又唔會太膩另外會附上一碟法包，點法包超級好食！！⭐️美國頂級安格斯肉眼扒（14安士✩US Prime Grade Angus Rib Eye Steak (14oz) 牛魔王必點！除咗海鮮，佢哋嘅牛扒都相當出色！ 外層炭燒焦香，切開粉嫩唔見血～簡單配黑椒鹽已經夠晒好味⭐️特選海鮮意大利飯（珍寶帶子／海膽／澳洲大蝦／魚子醬）✩Risotto “Deluxe” (Jumbo Scallop / Sea Urchin / Australian King Prawn / Caviar)餐廳大推嘅邪惡海鮮意大利飯！芝士意大利飯上面鋪滿大大粒帶子、大蝦同埋海膽，另外再搭配魚子醬！海膽同帶子都相當新鮮，而且份量都唔少，加上本身嘅芝士Risotto，食完已經好飽🤣建議同朋友分嚟食啦～（細妹🩷覺得賣相一般，但鍾意海鮮嘅人一定都會流晒口水，嘿嘿😚）⭐️澳洲大蝦辣茄汁意大利麵 $168✩Spicy Spaghetti with Australian King Prawns 辣茄汁味道酸酸辣辣🌶️對唔食得辣嘅人嚟講可能會太辣但大蝦煎得好香口，意粉掛汁力MAX，最後一道菜都食得落～家姐評分💜：7.8/10細妹評分🩷：8.5/10綜合評分：8.1/10評語：整體嚟講，生蠔同海鮮品質都幾出色～環境方面畸嫌窄咗啲，適合小家庭聚會不過店員服務同介紹都相當專業，服務方面係滿分嘅！…查看更多

餐廳環境唔錯。晚市價錢尚可。食左唔同既蠔，蠔都好好食。熱食都唔差。但呢個價錢，出黎既服務好差侍應去傾偈都唔拎野出黎，成日叫完拎野都唔記得同無影，一係直頭見晒人。…查看更多

本身好鍾意食生蠔，全香港嘅西餐蠔吧基本上都試過晒，但係每次都係覺得尖東呢間open oyster最好超級新鮮，每次去到都係叫佢哋勁Nice嘅職員介紹每次都係有驚喜😋🥹❤️👍今次同個朋友去食咁啱撞正兩個都生日，仲要好有心咁送咗個甜品，然後寫埋happy birthday成件事好圓滿好正…查看更多

我哋嗌咗個ribeye/ m6澳洲和牛/ 墨汁意粉個汁非常好食！然後 三款湯都嗌晒，蘑菇湯蜆肉湯同埋龍蝦湯！我哋全部人一致認為蜆肉湯非常正！另外生蠔有20幾款揀，d staff 好認真咁推介我哋想食咩口味然後介紹返我哋食邊款！ 最後我哋嗌咗一款美國蠔愛爾蘭蠔同埋法國蠔，飲紅白酒仲會可以食蠔有八折優惠！非常抵！…查看更多

我的生蠔🦪食堂最愛法國蠔🇫🇷 但今次呢隻限定日本「風雅」跑出左實在太太太creamy la🤭Sammi演唱會前補充體力💃💃💃 It a high high high!!!!!!!相比澳洲青口細隻d 好味好多 但法國藍青口夠肥美 配法包一流！白酒必點 今次係朋友選既 配生蠔完美呢間餐廳既哥哥仔staff可以攞最佳服務獎幫我呢d港女影左100張相 多角度📸多謝佢啦！今次今日香港重有咁既服務真係要讚下👍👍👍…查看更多

男朋友話想試既尖沙咀蠔吧✨因為我地唔係成日食都唔太識所以叫staff每款都揀少少比我地試👏🏽同埋叫埋酒飲，蠔就會有discount上盤既時候有張紙仔mark低埋每款蠔既名Encore個陣就知想要邊款👍🏽👍🏽🦪個人最中意有：Namibian Gigas、Gillardeau😋😋係清甜既蠔，礦物味無咁重(˶‾᷄ ⁻̫ ‾᷅˵)個日重有個靚女好細心同我地講解😍重介紹埋邊條河出產有咩特別，超級pro!!!令我依d咩都唔識有更加好既體驗🥰🥰揀到最岩食既🦪Chicken Cartilage $68唔係落炸粉既雞軟骨，每一粒都幾大因為飲酒所以想食香口野，都不錯👌🏽🦪Carbonara Spaghetti $148好creamy 既carbonara,放左一陣都唔太漿住濃味太唔咸，都好值得推介😋🦪Sileni Sauvignon Blanc $429想飲白酒但唔好太甜，店員推介左依款有番石榴香，係偏酸少少，不錯👍🏽…查看更多

每當想食蠔，一定會番嚟Open Oyster。 各式各樣嘅蠔，一定有啱心水。如果揀wine lover，開一枝酒，蠔仲會有discount，大約$4x 一隻。鍾意飲酒食蠔嘅朋友，呢度真係不二之選。我唔係打手啊！真係每次嚟都feel到餐廳職員好有heart，好詳細咁解釋每種蠔嘅特色，今次仲介紹咗一枝好好飲嘅酒俾我哋，好啱女仔飲，夠甜！我哋每人menu上每種蠔都要咗一隻，有十幾廿隻，埋單都係2千幾，好抵，下次再番嚟！！…查看更多

👦🏻👧🏻係生蠔big fans，不過食嚟食去都係法國生蠔。咁岩見到@openoyster_hk有一場event係介紹5款top grade 生蠔，仲有5款酒做返個wine pairing，岩晒咁鐘意食生蠔又對food and wine有要求嘅我地呀！Open oyster 不嬲都係尖沙咀區數一數二嘅出名生蠔🦪吧，除左今次攪嘅event，店主每月都會有唔同主題，喜歡食蠔嘅蠔迷可以留意一下！錯過今次活動嘅朋友仔唔使擔心👍🏻今次full set oyster dinner 可以一次過試5種酒配唔同食物。仲有專業品酒師教授酒嘅知識，同oyster farmer 講解點養殖生蠔，令今餐唔止好食咁簡單，仲學到好多知識！Amuse BoucheBrie Bruschetta with Tomato, Herbs & 5J Cinco Jotas Jamon Iberico呢個開胃小食入口先食到蕃茄嘅酸味，加上軟綿綿唧香滑芝士，配上超級酥脆嘅多士，口感非常有層次！為呢次美食美酒盛宴打開序幕！Piper Heidsieck Brut NV (Match Amuse Bouche)呢支係氣泡酒，泡泡非常強勁，直到飲到最後一啖都仲好有氣。呢支酒仲係由十八世紀開始賣俾路易十六皇后，非常有名！支酒聞落好香甜，仲有陣陣啤梨同檸檬味，飲落好清新，同開胃前菜一齊食非常夾！跟住到今日嘅重頭戲oyster! 5 Top grade OystersVirginia USE (Crassostrea virginica)呢款係美國東岸原生本土生蠔人，係美國5大蠔種之一。呢款蠔蠔身好厚肉，入口好清甜順滑，有蠔味，但唔heavy。Kumamoto USA (Crassostrea sikamea)呢隻蠔有個幾特別嘅故事，雖然佢個名叫熊本蠔，但其實係熊本係搵唔到的，因為係第二次世界大戰事，日本戰敗後就交出左呢款蠔俾美國。同呢隻蠔係比較少出口，所以今次係幾難得嘅機會試到！雖然蠔身比較細，但鮮味十足！Olympia USA (Ostrea Lurida)都係嚟自美國西岸嘅生蠔，蠔身比較細隻，咸味較重，同會有金屬味，好有風味！Castle Black Ireland / France (Crassostrea gigas)蠔身非常飽滿，口感creamy同十分鮮甜，仲有淡淡海水味，唔會好鹹，非常balance. Belon France (Ostrea edulis)嚟自法國嘅蠔王Belon, 蠔味極濃，入口有金屬味同海水鹹味，裙邊爽脆帶勁，之後嘅餘韻持久不散！Chablis Domaine Billaud Simon 2021 (Match Oyster)以上嘅生蠔都係配上Chablis 嘅白酒，呢隻白酒由1815年開始已經開始釀製，係一支歷史攸久嘅白酒。呢款酒係一支好balance嘅白酒，會有啤梨同青蘋果🍏香味之餘帶點檸檬味1st AppetizerSeared Tuna with Mango Salsa吞拿魚輕輕煎香四邊，令四邊香脆，內部半生熟，保持嫩滑的口感，加上清爽的芒果莎莎，呈現出豐富的口感和美味的風味。2nd AppetizerFrench Prime Baby Blue Mussels with Pesto Cream SauceBB藍青口超級嫩滑，鮮味十足！而青醬忌廉汁非常惹味，香氣十足，用嚟點法包🥖的話，可以一個人食晒一條都無難度！Pouilly-Fume En Travertin, Henri Bourgeois 2022 (Match Appetizer)而頭盤就配左由Henri Bourgeois 酒莊釀造嘅白酒，呢款酒有清新的果香氣息，淡淡青檸、柑橘味道，伴隨著微妙的礦物感。口感豐富而平衡，酸度清爽。Main CourseSpanish Iberico Pork Rack (Acorn-fed)橡果飼養嘅西班牙伊比利亞豬，唔使多講都知道係肉質細嫩，帶有豐富的油脂，烹煮之後都一樣保持到肉質鮮嫩多汁，每一啖都係油脂香味同緊致嘅肉質。Pan Seared Cod Fillet with Prawn & Crab Meat in Cream Cheese Sauce鱈魚柳煎烤得恰到好處，保持了魚肉的嫩滑和鮮美，滑到唔使用咬就直入喉嚨。而蝦肉和蟹肉的組合為整體帶來了海鮮的鮮味和甜美！Sancerre les Baronnes, Henri Bourgeois 2022 (Match Main Course)呢款酒擁有明亮的淡黃色，散發出清新的柑橘和青蘋果的香氣，礦物味道比較重。口感清爽而平衡，尾韻悠長而清新，用嚟配合重口味嘅Main Course 非常合適DessertFrench Crème BruleeCrème Brulee焦糖面非常香脆，甜度適中，同蛋味配合得好好📍Open Oyster (尖沙咀)尖沙咀麼地道75號南洋中心地下56號舖…查看更多

西餐廳大家就食得多啦，唔知大家鍾唔鍾意食蠔呢？最近就去咗尖沙咀最出名嘅一間食蠔既餐廳，今次佢哋係一樓嘅PARKVIEW private room搞event,環境都幾唔錯㗎，大家都可以去同朋友包場食飯。今次就食咗一個full set oyster dinner menu，五個餸一個配上五杯唔同嘅酒。~Amuse Bouche~Brie Bruschetta with Tomato,Herbs & 5J Cinco Jotas Jamon Iberico成個多士嘅口感好特別，蕃茄酸酸甜甜配上芝士，好開胃作為前菜一流。Piper Heidsieck Brut NV呢款酒嘅果味好重，有檸檬同啤梨嘅味道，飲落好易入口，係女士必選。💖~Oyster @l 5 Top Grade Oysters 涵蓋了所有蠔種+✨Virginica USA (Crassostrea virginica)佢嘅大小適中，入口鮮甜，佢係美國東岸原產品種本土蠔，所以產量都比較多。✨Kumamoto USA (Crassostrea sikamea)呢一款喺香港好少食到，佢係比較細隻，但都係鮮甜嘅味道較為多。✨Olvmpia USA (Ostrea lurida)美國西岸本土蠔，佢係比較細隻，而且佢嘅金屬同海水味道都好重。✨Castle Black Ireland / France (Crassostrea gigas)望落好大隻而且非常鮮甜，佢嘅肉質係比較厚，我會比較鍾意呢一款。✨Belon France (Ostrea edulis) 有世界蠔王之稱，佢嘅金屬味係比較重，會一直喺口腔徘徊。A Chablis Domaine Billaud Simon 2021酸度比較高，用嚟配上海鮮一流。~1st Appetizer~ • Seared Tuna with Mango Salsa吞拿魚肉質非常嫩，食落好新鮮，配上芒果，令到肉質嘅鮮甜味更加突顯出嚟。Muscadet Sevre et MaineAccostage Domaine Menard Gaborit 2021有青蘋果嘅酸感，帶有果香~2nd Appetizer🔱French Prime Baby Blue Musselswith Pesto Cream Sauce佢嘅青口係選用左BB嘅青口，所以肉質都係好嫩口，加上每一隻都掛滿左忌廉汁，一啖一隻，正。第四款酒I Pouilly-Fume En Travertin, Henri Bourgeois 2022微酸，佢可以中和返忌廉”漏”嘅感覺Main Course~🔱Spanish Iberico Pork Rack (Acorn-fed)佢嘅西班牙豬鞍煮得非常出色，油脂分布非常好，入口肉軟硬適中，豬油慢慢滲透入口腔，好香口，令人回味。🔱Pan Seared Cod Fillet with Prawn & Crab Meat inCream Cheese Sauce我俾佢嘅忌廉芝士嘅汁吸引咗，鱈魚非常嫩滑，加埋蝦同蟹肉都好新鮮，成個感覺好豐富，而且個薯蓉配上芝士汁超好味。第五杯酒Sancerre Les Baronnes, Henri Bourgeois 2022 佢嘅酸度係最高嘅，停留喺口腔嘅味道好耐🔱French Crème Brulee甜品方面當然係食返法國最出名嘅甜品Crème Brulee,成個蛋味超足，面頭燒香左啲焦糖，加上入口即溶嘅燉蛋，真係圓滿。…查看更多

最近好鐘意邊食邊學習，今次又比我去到🦪Oyster & Wine Pairing Masterclass event🥂餐廳本身做開生蠔吧~ 今次Event場地係佢哋一樓PARKVIEW private room，今次配搭了5款酒比我地享受下full set oyster dinner menu🌟—Amuse Bouche—🍅Brie Bruschetta with Tomato, Herbs & 5J Cinco Jotas Jamon Iberico蕃茄的酸度令整體更加清爽，芝士軟綿，和香脆的多士形成強烈對比，口感上呈現多種層次🫶🏻🥂Piper Heidsieck Brut NV歷史悠久的Piper~由18世紀已經開始賣比路易16皇后，泡泡好強，聞落有好香嘅啤梨🍐檸檬🍋青檸味，同Amuse Bouche個芝士好夾—Oyster—🦪5 Top Grade Oysters 涵蓋了所有蠔種✨Virginica USA (Crassostrea virginica) 呢款Virginica係美國東岸原產品種本土蠔，美國五大蠔種之一，入口鮮甜，而且大細適中👍🏻Kumamoto USA (Crassostrea sikamea) 帶有少少嘅鮮甜味，由於佢比較細隻，所以平時香港好少食到㗎😼 呢種蠔本身嚟自熊本市，但在熊本是沒有的❔源於第二次世界大戰美國要求日本交出蠔種，日本就交出這款給美國，所以現在主要是在美國西岸出產的🦪Olympia USA (Ostrea lurida)美國西岸本土蠔，體型好細隻，帶有金屬味，海水都相當濃郁🌊🌟Castle Black Ireland / France (Crassostrea gigas) 入口非常鮮甜，厚身飽滿，海水味啱啱好，食落去唔會好鹹，一試難忘🥰Belon France (Ostrea edulis) 被譽為世界蠔王，整體望落比較扁身，有濃烈銅金屬味，所以味道相對較重，生蠔控必試✨🥂Chablis Domaine Billaud Simon 2021 呢款酒酸度較高，有點堅果香，適合配搭各種海鮮🦪—1st Appetizer—🐟Seared Tuna with Mango Salsa吞拿魚他他表面煎香，肉質鮮嫩，配上芒果香甜味，整體形成出獨特的口感🫶🏻🥂Muscadet Sevre et Maine Accostage Domaine Menard Gaborit 2021 近海區域 冇農藥或化學成份 唔會好酸 smooth 青蘋果—2nd Appetizer—✨French Prime Baby Blue Mussels with Pesto Cream Sauce忌廉汁青口選用了BB青口，比平時市面上買到的細隻，不過正因為細細隻，每一隻都充滿忌廉汁的味道，值得推介🫶🏻🥂Pouilly-Fume En Travertin, Henri Bourgeois 2022 夠酸 熱情果 Burberry 黃梅 青檸—Main Course—🐖Spanish Iberico Pork Rack (Acorn-fed) 用橡果餵飼的西班牙伊比利亞豬鞍扒，油脂均勻而且帶有獨特的榛果香氣，口感鮮嫩可口✨🦀Pan Seared Cod Fillet with Prawn & Crab Meat in Cream Cheese Sauce香煎鱈魚加埋蝦同蟹肉，口感豐富有鮮味，以綿滑嘅Cream Cheese薯蓉做底，每一啖都勁滿足🥂Sancerre Les Baronnes, Henri Bourgeois 2022 淡味 酸度高 青檸味 after taste 好長—Dessert—🍮French Crème Brulee品嘗完豐富的美酒美食，配埋法式焦糖燉蛋就圓滿~焦糖糖衣令色澤更深，味道帶少少甜味之餘，又唔會搶走燉蛋嘅香味，整體質感仲好creamy添今次event除了品嚐不同的生蠔和美食，他們一邊提供專業的服務，讓我這個晚宴感到很舒適🥰還有他們專業的介紹，讓我更加了解了很多專業的知識☺️而且有關蠔的資訊都可以向他們查詢👍🏻店主每月都會有不同主題，喜歡食蠔的蠔粉可以留意一下呢🫶🏻…查看更多

第二次嚟食喇，無論食物同職員態度都依舊好滿意，原本book咗室外位置，有火爐影相好睇啲，不過剩返好少位，又有少少撇雨，見室內唔算多客人，最後揀室內:)。我哋一行三人每人order兩杯酒或者一支酒加一杯，蠔都會有discounts，最後我哋飲咗兩支Giant Steps Yarra Valley 2021，好易入口，價錢又唔貴。第一round每人五隻，我哋都唔係咁識，好似有一款係creamy啲，由職員推介，蠔好新鮮，佢哋都話第二隻最好味。旗仔起由右至左：Namibian Gigas(WLD)Arousa(WLD)Gillardeau(WLD)Gold OstraRegal(WLD)L'Etoile(WLD)第二ground我同老公每人三隻，朋友仔話有啲飽，由上面旗仔起由右至左：Kumamoto(WLD)Taylor Pacific(WLD)Irish Premium(WLD)意式小食拼盤 (煙三文魚，莎樂美腸，巴馬火腿，水牛芝士蕃茄，橄欖)頂級法國藍青口(香草忌廉汁)，好味呀，青口熟嘅程度啱啱好，仲好軟身。法國長棍麵包(牛油，田園香草醬，意大利黑醋橄欖油)，職員介紹點青口忌廉汁食。蒜香橄欖油意大利麵。美國頂級安格斯肉眼扒(5成)，唔乾又有肉味，有少少油脂感。法式芝士焗薯餅，share一個後覺得好好味，外脆內軟，裏面唔係碎或者蓉，係一條條片狀嘅薯仔，所以每人再食多份，即係食咗4份。其實係預早同agent小姐慶祝生日，訂座嗰陣無講過係慶祝，只係隨口講你生日你話事啦，職員就話送件蛋糕。預祝你生日快樂:)。…查看更多

男朋友生日🥰 想慶祝佢食好啲又聽過佢話鍾意食生蠔 所以就決定揀呢間試試佢！🤩個日預先book咗位 準時到達！😋我哋揀咗坐indoor地方雖然細 但入到去都覺得有種高級嘅感覺🍽️🍷所以如果大家去 不妨可以著靚啲 幾好feel的～☺️👍🏻好！入正題😏🪄每款生蠔🦪 職員都有好詳盡咁介紹～平時我哋係比較少食生蠔嘅所以就想清啲濃啲都試下～🤨💪🏻最後聽完咁多款 我哋叫咗 6款生蠔 每款2隻⭐️ 生蠔 Oyster 🇫🇷🇮🇪🇺🇸🇦🇺職員叫我哋由⬆️食到⬇️ = 又清澈到最濃厚😋（由上至下排 左右一樣）1. Poget Papin2. White Pearl3. Krystale4. Ostra Regal5. Prestige6. L'Etoile食晒咁多款咁 每一隻生蠔嘅味道 口感 汁感真係好似職員咁樣介紹 完全一模一樣😂～🦪✨（如果唔識揀嘅 真係可以完全信晒佢哋🤣）咁因為食生蠔好主觀感受所以呢到係我哋嘅評分 比大家作個參考～☺️☺️👧🏻 女朋友pick🦪✨: 1 4 6👦🏻 男朋友pick🦪✨: 1 3 4第一隻係超好食 海水味勁鮮甜勁清😫口感係厚得嚟滑身 強推！食完浸清澈味 係可以留起個口好耐 🦪🥹👅✨⭐️ 海鮮墨汁意大利粉Squid Ink Spaghetti with Seasonal Seafood in Cream Sauce 💥呢個！超級無敵勁爆好食🥲💗一食已經即刻上晒癮！個汁勁濃郁 又唔膩！越食越滋味 我覺得自己食一份都唔過分😻👍🏻👍🏻因為太有驚喜 所以我同男朋友都決定下次再嚟 要試埋佢哋其他意粉我估有信心保證！🤨🍝👍🏻✨⭐️ 紐西蘭BB羊肉 New Zealand Baby Lamb RackBB羊👶🏻真係好BB🤣🤣 3件嚟講算偏貴～我哋叫咗三成熟🍖 見到紅紅定都好似唔錯😋✨不過我自己食羊肉嘅話 係比較鍾意羊騷味濃啲但呢個就真係冇乜羊味之餘 個口感好似牛🤔🤔所以呢個紐西蘭羊肉 普普通通冇乜特別🧐～⭐️ 意大利芝士蛋糕 Tiramisu為男朋友生日而點🥰🎂✨好好食🤤🫦✨ 口感軟得嚟 又夠實～平時最怕Tiramisu中間嗰層好濕呢個就完全冇呢個問題！☺️👍🏻👍🏻💥👧🏻👦🏻💬最後嚟個總結：會再嚟食多次✨我哋都覺得呢間Open Oyster 性價比好高🥰👍🏻絕對係Fine Dining 嘅好介紹🦪 佢主打生蠔🦪但佢連其他嘅嘢食都好好食（意粉！！）🥹👅所以會想下次路過都入去食～☺️同埋我哋食咗咁多嘢 先$1000都唔洗😻😻推介推介啊💰👍🏻✨…查看更多

尖東性價比極高生蠔吧好想介紹下位於尖東巷內既一間神秘蠔吧。位置好少人行過，要專程搵，但相信我，唔難搵而且好值得試！過左夜晚10點後入座有10款生蠔6折，款款都好新鮮好好味。叫左4款由海水味淡至濃分別係Namibian Gigas、Arousa、Le Fleur、Krystale。推薦Gigas，因為呢款係最特別，入口極奇creamy甘甜⭐️😍兩個人埋單$640左右，食到每人4隻蠔，仲有個好好食熱辣辣既肉丸、香腸、蘑菇湯同兩杯白酒。價錢黎講算公道呢！…查看更多

已經嚟過呢間餐廳幾次，每次都食得好開心，店員耐心介紹各款蠔的味道口感大少。記得問店員有冇off menu的蠔，因為佢哋會因為啲蠔靚唔靚而入貨。呢兩次去都有驚喜！以前試過一些食蠔嘅地方，蠔得廚房就麻麻地，但呢間廚房都幾好味！選擇都幾多，小食、扒類、意粉及意大利飯都有。我自己則喜歡佢嘅西班牙的iberico pork chop! 味道都處理得好好，保持食物的肉汁，同時有碳火的香味。美中不足就有時人多，要等耐少少。坐室內室外都咁舒服！…查看更多

落咗兩轉蠔同埋兩轉熱食蠔嚟得好快熱食 第一次一碟等超過半個鐘原來係送錯去第二張枱第二碟熱食 又再一次等超過半個鐘忍唔住問到底幾時到女職員話（又）漏單等多五分鐘其實都唔係好多客四張單 錯/漏兩張都似乎無咩覺得唔妥兩個人張單都千幾啲蠔幾好食…都唔太想再嚟…查看更多