Oliver's Super Sandwiches (新鴻基中心)

營業中

休息中

越嚟越差，啲嘢食 (最主要係意粉) 冇味道，唔夠汁，乾淨淨，又唔平，啲套餐又貴，以前包湯包飲品，宜家只包飲品，份量細咗。 至於薯仔，都算 ok 嘅，但份量都係細 😓😓反而小食唔錯，佢嘅春卷、肉醬薯條都好食 👍🏻👍🏻👍🏻

上次来到super sandwich 試过午餐后，今天來试一试早餐。点了一份烟肉，火腿，炒蛋，薯饼早餐，配熱咖啡。烟肉炸得比较脆，火腿也不会太咸，炒蛋是半生熟的，蛋味浓，不会做到很老，薯饼也做得很脆。其实各方面都很好，唯独是份量确实少，基本上一口就能吃完了。上一次午餐吃意粉的时候，份量也是十分少，基本上吃完跟没吃一样，完全没有饱肚的感觉，价钱也偏贵。比较适合饭量较少的女士们选择，饭量较大的男士们，基本要吃两个餐才会饱肚。

这间餐厅在香港有不少分店，但是我从来都没有机会去试，今天刚好有这个机会，我点了一份烟三文鱼扁意粉，另外点了一份芝士肉酱薯条及一杯热咖啡。味道也是可以的，但是跟餐牌上的圖片样子不一样。图片上的烟三文鱼是一大片的，但是实物却是三文鱼碎，份量也比较少，芝士肉酱薯条份量也很少。以90元这个价位的午餐來說，性价比确实低了点。下次希望试一试三文治，可能三文治才是这家店的招牌，咖啡也比较一般，没有感觉有什么特别。

今晚晚餐食灣仔新鴻基中心Oliver’s Super Sandwiches，舖頭幾大吓，座位多，唔使等位，不過我叫外賣。客人唔多，等咗十幾分鐘先有餐攞。我點咗鱈魚柳杏鮑菇忌廉汁意粉$68+餐湯及迷你牛角包（$15）+檸檬水+外賣，盛惠$84鱈魚柳杏鮑菇忌廉汁意粉：鱈魚柳大大舊有3塊，非常嫩滑，意粉索滿忌廉汁，充滿奶香味，熱辣辣好好食，好飽肚。餐湯及迷你牛角包及餐飲：餐湯係雜菜羅宋湯，酸酸哋又有少少辣，幾重口味。迷你角包都好食，如果再焗熱會更好食。再飲檸檬水，解膩解辣。整體來講，味道好食，價錢亦可以，下次可能再叫呢個餐。Oliver's Super Sandwiches (新鴻基中心) (灣仔)灣仔港灣道30號新鴻基中心1樓118-119及123-125號舖

超勁無奈😀想食焗薯（碎蛋加個煙肉碎既醬），個收銀員話無得咁揀，但可以額外加個煙肉醬，後嚟就變左一碗醬俾我……都唔知有無搞錯…我點會係只要忌廉醬呀？明明話我想要埋煙肉….點知…加左$14 , 諗住可以有埋個煙肉加醬，淨係得醬…有咩人會$14加一碗醬呀？張receipt都寫明左係加埋煙肉碎（有晒單據），我問個店員，佢話部機係錯既，但我明明就係想要個煙肉碎加醬，搞錯🙄！真係好癲！ $14俾一碗醬我…..好唔忿氣！香港既飲食業真係…..不佳🙂這篇文修改到第五次先出到，OpenRice 真係好正

每次都諗唔到食咩嘅時候就會去Oliver’s Supersandwich度食焗薯😂今次去食下午茶，有機械人送餐，好得意。挪威煙三文魚•蜆肉扁意粉配刁草忌廉汁 單點冇嘢飲，加埋芝士粉味道啱啱好芝士肉醬薯皮・新奧爾良雞翼+凍檸檬茶 +$7兩塊薯皮，加兩隻雞翼，份量唔算太多，真係一個下午茶餐脆煙肉碎・酸忌廉配水耕菜沙律焗薯+水耕菜沙律加埋我最喜愛嘅焗薯，最鍾意食脆煙肉碎加酸忌廉，如果有埋鹹牛肉更加好😅埋單$166 飽啊!!

流心蛋卡邦尼意粉（套餐）💲74份量唔少，吉穿流心蛋，蛋汁混合埋卡邦尼醬兩者十分夾，每一條意粉都可以包住所有醬汁，十分好味，食到停唔到南瓜湯+牛角包💲15南瓜湯十分正，有粒粒南瓜，一啖牛角包一啖湯👍👍

去港灣做完嘢經過想食個sandwich, 就俾我見到super sandwich。講真食物質素幾好，同其他分店一樣，個包烘到啱啱好，芝士好rich好厚，大集團嚟講一啲都唔求其。餐飲就一般，咖啡唔特別值得提。但真係如其他網友話齋，70 幾蚊個三文治，冇諗過坐咗20-30分鐘就俾人趕，咖啡未飲完俾人收走，叫我食完就讓返個位出嚟，仲要唔係好態度。俾我再揀寧願落樓下老x食兩個餐坐多陣，staff仲好笑容。少少嬲，應該唔會回頭了。

Super Sandwich 係間想搵個地方食少少野輕鬆chill吓嘅好選擇。可以輕量咁揀份三文治、配杯咖啡就坐一個下午，灣仔呢間分店都算旺場，不過因為都算多檯所以都唔難搵位。黎到當然要叫份主食三文治，最後揀咗芝士三文治、另一出色主食就係焗薯！最後叫埋個芝士薯條share食，同加左個湯暖一暖胃就好滿足啦芝士三文治嘅芝士量十足，未食都見到爆滿晒出嚟，仲係拉絲芝士！麵包烘到脆卜卜咁，咬落去就有外脆內軟嘅口感。煙肉焗薯配酸忌廉好開胃，連埋沙律一齊好清新，不失為一個健康午餐嘅選擇！芝士肉醬薯條正常發揮，加配價嘅份量滿足下口癮都不錯

星期日咁啱離開灣仔呢頭，好多餐廳，冇開唔知食咩好，見到Super sandwich，記得先前喺機場食過都OK，所以就揀咗呢間。我個女叫咗個雞胸螺絲粉，呢個螺絲粉配有茄汁，味道都OK啦。但係啲雞胸就太乾太嚡，我個女唔肯食，我自己都唔肯食，基本上啲雞胸嘥咗。我自己就叫咗個三文魚焗薯，個焗薯好好味，而且焗薯係平時會比較少食嘅嘢，所以就特登叫咗呢個，好彩個焗薯都幾好味，唔係就會有啲失望，因為個螺絲粉真係唔係幾好味。我同我老婆都係咗咖啡飲，而呢個價錢嚟講有呢杯咖啡飲，性價比都算OK。佢啲枱燈感覺上就比較污糟，可能因為唔夠人手，佢哋求其mark兩下就算啦。

Super sandwiches@wanchai🌟叫咗個牛油果沙律包，味道嘅配搭上都幾唔錯，而且牛油果配埋沙律呢一個配搭真係好好食，飾物嘅口感都幾有層次，價錢嚟講40幾蚊，正常，反而嘢飲就冇乜特別，覺得比普通茶餐廳質素低，下次會試吓其他唔同嘅sandwich!好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟衞生程度 （5粒🌟）🌟🌟🌟🌟

一段時間沒吃這分店，由於星期日，又記得這裡會比平日，所以來這裡吃個快lunch。。食物而家閒閒地食個焗薯餐都要六十幾蚊，轉飲cappuccino就加多八蚊，加埋七十幾蚊，係唔係好抵架喇。食物非常普通，都係求求其其食落肚就算。杯咖啡有咖啡味就過關，唔好期望有咩拉花。。環境最主要係有位！仲有勁多位！自己一個食想自閉一下都可以坐這檯。。服務有個阿姨服務態度好好，我食晒野佢幫我收左隻碟，話咁就唔駛阻住我飲杯咖啡，又叫我小心唔好倒瀉水。總結嚟講，如果想食過快西餐又想坐得舒服嘅話，呢間都係唔錯嘅選擇，而且出咗門口搭扶手電梯就有商場廁所。

因為平時送完阿仔去補習後總有空檔時間所以我就會去下啲無咁多人既餐廳可以坐耐啲，等佢放學今日試下super sandwich 「超Club公司三文治」三層面包再夾有火腿、有蛋、有蕃茄、再配上沙律醬，入口唔會太多野，清新飽肚「煙三文魚。蜆肉扁意粉配刁草忌廉汁」煙三文魚份量唔多但蜆肉就多小小，配上岩岩好既醬汁，唔會食到一口醬，成碟份量都好多，以一個下午茶計真係食唔曬啲間分店唔多人、可以坐幾耐都得真係非常之咁好

今日去完書展已經天黑，諗住係附近搵d簡單晚餐食完就返屋企行行下見到呢間super sandwiches 室外位無人，終於唔洗再同人迫即刻決定食呢間🤣睇完餐牌主要都係食焗薯，意粉同三文治，岩哂我😋坐出面雖然無人，但無咩風，所以都幾熱，如果可以加返一兩部風扇比戶外位就好喇👍🏻食物方面份量係少左d，但因為我本身唔係太肚餓所以覺得👌🏻👌🏻🍝肉醬偏意粉意粉軟硬度適中，肉醬比較稀偏酸，但整體味道👌🏻🥔煙三文魚碎蛋焗薯焗薯焗到好軟滑，配埋煙三文魚咸咸地幾好味👍🏻🌮燒雞甜椒餡餅一片餡餅大約有兩片燒雞，配蕃茄味ge 醬同少少香草，好清新👍🏻🎃南瓜湯南瓜湯我覺得一般，我估應該係加左忌廉，所以味道唔太岩我口味🫣🥭芒果特飲芒果特飲應該係用芒果汁加乳酪打成，本身一來到飲係幾好味，但加得太多冰，後尾d冰溶左d就變左好淡🫠整體食物都唔錯，係會展附近用呢個價錢食到個晚餐都算好抵👍🏻

平時都有食super sandwich ，貪佢快上餐得黎又坐得舒服。不過呢間分店真係冇下次。意粉同其他分店一樣，飲品叫咗小冰都勁多冰，所以有啲淡。最差係我哋只係食咗20分鐘，大人食完小朋友仲有少少，店員已經嚟收兩次野，仲出聲叫下次早啲黎趕客走。明白係繁忙時間，但由坐低到走前後都係約35分鐘。我哋又唔係坐度傾偈，小朋友野又未食完，等佢食埋先走係基本吧。好彩我本身都趕時間，食完嗱嗱臨走，但對super sandwich 印象大打折扣，冇啦啦受氣，仲慘過食澳牛。