Oliver's Super Sandwiches (太古城中心)

營業中

休息中

今日落雨行下太古城想同小朋友係附近公園玩順便喺度食野super 平時成日經過都冇位坐，又冇得攞飛排隊，第一次見有位入咗去食。佢可以用手機落單，老婆手快快自己用手機落咗自己要食嘅嘢，然後我問點餐職員幫我加單落返落張枱號，都話唔可以，直接叫佢比返張差吾價幾單我泊車又吾得，真係認真冇服務可言。😏咁樣安排就差左少少講完題外話 野食方面菠菜魚柳意粉 魚夠外脆內軟好食既，意粉麵質彈牙汁夠多，分量尚算大份蜜糖雞翼肉質嫩口咖啡正正常常ok

掛八號颱風前趕快陪媽咪去食個簡單晚餐，見不太肚餓點了份靚牛油果🥑、糖心蛋、水耕菜沙律，用了紐西蘭牛油果油伴有機生菜吃起來感覺健康又可以keep fit ～～當清清腸胃。加埋杯即磨熱咖啡（選用100%阿拉比卡豆）好滿足。三文魚意粉、中規中矩，杯咖啡拉花有心機

平時一家人都會喺呢度食早餐，每人一份50幾蚊左右，都算價格相宜啦！譬如呢一份早餐有多士 車厘茄 豬肉腸 薯餅 炒蛋 羅宋湯 通粉 檸檬水，其實都相當大份，味道可以話係不過不失！都唔錯，用料比一般茶餐廳優秀！炒蛋烹調方法唔算出色但係感覺食材新鮮優質，薯餅感覺是新鮮烤出來的，很香口。平時最鍾意食嘅係羅宋湯螺螄粉。早餐食有嫩滑又飽肚！

等睇戲，又未食得落晚餐，就黎左食下午茶，主要係想飲咖啡，於是叫咗最平嘅下午茶餐，點知都有驚喜～。南瓜卷即製～外表普通，但好脆～好味。薯條夠熱～又有皮～粗粗地好好咬！。泡沫咖啡跟餐加八蚊可以轉泡沫咖啡哦～可惜冇得轉脫脂奶～52蚊黎講算抵～而且有好多位可以揀，又有人捧餐黎。

己經有十年以上冇幫襯過，最近經開太古城見到，忽然記起之前在金鐘上班時候經常食，好喜歡焗薯，還有什菜湯。今日橫掂經過，久別重逢，睇吓質量有冇改變。肉醬意大利麵 + 什菜湯份量適中，不過肉醬再多些少就更完美。要求加多少少要追加十元，簡直搶$啊！以往係不用的。味道方面是ok ga ， 意粉軟硬度適中， 肉醬醬汁都非常濃厚， 保持到中規中矩嘅水準。什菜湯就相當濃厚，蔬菜材料足夠，好味。跟以前相比， 食物質素都仍然保持得到。

呢一間餐廳已經係由細細個觀塘APM店識到而家返工，公司附近嘅店。咁多年以來都係最鍾意食佢嘅焗薯🥔最愛嘅配料就係碎蛋沙律加煙三文魚！兩樣嘢加埋焗薯係冇得輸，焗薯每一次食嘅size都唔同有大有細😂

喺太古城行街 ，行到攰攰哋， 想搵啲嘢食， 見到呢度有焗薯食🥔， 正合心水。 同honey兩個每人揀一個焗薯餐， 有南瓜湯🎃同caesar salad 🍲，加埋只是百二蚊， 經濟實惠。 我叫咗碎蛋🥚 沙律焗薯， 一個好大嘅焗薯， 上面堆滿碎蛋沙律， 香滑美味， 焗薯新鮮熱辣， 配埋碎蛋沙律 ，非常和諧。南瓜湯又香又結又夠熱 ，係冬天嘅恩物 。仲有少少 caesar salad 補充維他命c同葉綠素， 仲有纖維， 非常健康嘅輕食餐。 如果有長者證👴👵， 仲可以送多杯飲品， 真係一個良心企業， 每人60蚊， 就可以有一個好特別嘅焗薯餐， 真係非常經濟實惠的選擇。 原來除咗焗薯🥔， 仲有好多其他食物， 有各款三文治，🥪 有意粉 🍝，各式沙律 🍲，仲有特色咖啡☕️。 下次嚟太古城真係要試真啲。💪💪

環境闊落，座位距離可以接受，冷氣夠，以cafe講價錢可以接受，早餐價40至70，會員有九折，亦都可以儲積分待下次消費使用，今次叫了兩個早餐，金額大概100，9折後90仲可使用15分積分，埋單75。食物方面，多士烘過面脆內軟，抹牛油後好夾，雞扒值得推介，但炒蛋煎得太老，番茄仔味道幾好，沒有青草味，至於鮮奶咖啡，味道都係偏苦，可能本身咖啡豆的關係，試過其他味道咖啡，都係有苦味，但不是難飲那種苦味，整體嚟講可以接受，亦會再次幫襯。

今日下午原定與朋友在灣仔區下午茶享受最後一天的中秋假期朋友突然想改下次自己一個決定落太古城行都肚餓想吃一點簡單的原型食物補充體能最後決定在這餐廳吃了碎蛋沙律薯餐

今日下午要到太古城工作，到達時大約2點，首先去揾地方醫肚，見到Super Sandwich有個植物魚柳南瓜長通粉都幾吸引，就決定試下。雖然係植物，但味道真係幾似魚柳，口感就有啲類似雞塊，其中個汁亦調校得好，幾惹味，配埋南瓜唔錯，如果南瓜可以有多2件就更加好。久不久品嘗下無肉/素食除咗健康，亦可以試下唔同的美食。凍咖啡好香咖啡味，加錢係絕對值得。

趁今日朝早起咗身，梗係落去食返個靚早餐！喺太古城經過super sandwiches， 見到價錢都幾抵食，就一於試吓先！畢竟住咗呢度附近咁耐一次都未幫襯過！ 一於就嗌個signature breakfast! 成個餐都幾豐富， 有車打芝士腸，炒蛋，茄汁焗豆，烤蕃茄同埋牛角包！ 埋位自動有人送係你面前！幾方便唔使自己拎！ 烤蕃茄幾juicy，一啲酸味都冇！ 炒蛋正常都滑既，茄汁焗豆都係例牌罐頭！車打芝士腸就有啲失色，腸衣好韌，無嗰種爽皮感覺，芝士味都唔太突出！麻麻地！反而牛角包做得幾好！上到嚟係暖笠笠！好食又唔油！不錯！43蚊呢個價錢算係不錯！夠飽肚！

今日同同事黎食咗個下午茶，大家都係食T4，因為想飲佢個酥皮湯，佢揀咗肉醬意粉，我就揀咗白汁三文魚意粉，都好抵食呀，$69，有個湯有碗粉，仲有一杯餐飲，雖然個意粉就唔係太大，但係加埋碗酥皮湯，食晒之後已經飽飽嚕，我真係好欣賞佢個酥皮湯，讚讚讚

😌 英式輕食。太古城舒適快餐 🍽🍴 Oliver's Super Sandwiches 📍 太古太古城道18號太古城中心1樓141號舖屈指一算，都好一段時間無食過Oliver's Super Sandwiches了。想當年讀大學，間中都會去食個意粉+酥皮湯，之後坐下又一day🤪🤪🤪就喺今日，居然俾我喺太古城見返佢❗️那一刻往事湧上心頭，當然要食下回味下😀😀太古城分店環境好寬敞舒適，12:30pm到達的話，基本上不用擔心無位坐，所以我就買左餐先入座。餐廳一向以半自助形式運作，當年買完餐會有個號碼座，放檯面就有店員送餐。今日一試，原來由號碼座進化到智能無線送餐機、又或者可掃檯上的QR code 下單😱 不禁慨嘆時光荏苒、明日黃花😖😖😖🔆 蘑菇湯🥣飲落好重洋蔥味 (不是蘑菇味🤣)，仲有好多好細好細的蘑菇碎🍄同洋蔥粒🧅質地係。。。。估你唔到咁稀🤪🤪🔆 黑松露烤大啡菇意粉 🍄🍝烤啡菇有3-4片，好多汁好肥厚，有鮮味😋偏幼身嘅意粉掛到個忌廉黑松露汁，好有黑松露香+好creamy，仲有大量大量的蘑菇😀👍🏻🐷🐷整體評價: Oliver's Super Sandwiches 食物質素屬一般連鎖餐廳的水平，

新豬肉扒牛油果莎莎漢堡 🍀🍀🍀新豬肉扒口感彈牙有嚼勁... 配合牛油果食落好fresh... 冇油膩感... 冇違和感... 非常perfect match!推介👍👍👍套餐仲有... 👉用咗 Gardein 素魚柳嘅 #植物魚柳長通粉配南瓜忌廉汁👉Alpha Foods #植物脆雞寶呢個大人、小朋友都會鍾意㗎!👏👏👏😋😋😋👉選用 Califia Farms 專業沖調用燕麥奶製成嘅 #烤杏仁燕麥奶咖啡

夜晚諗唔到食乜好，加上亦都唔想食得太飽太肥膩，所以就去咗食個牛油果焗薯同忌廉湯（其實都好肥）不過只係冇食肉類感覺比較健康啲啫！牛油果醬味道唔錯，但焗薯焗到燶咗，有一邊黑炆炆，好大燶味😌！