影片
營業時間
今日營業
07:30 - 21:00
星期一至日
07:30 - 21:00
以上資料只供參考, 請與餐廳確認詳情
過往在super sandwich, 時間上只配合到幫襯晚餐。近來搬來東涌，平日放假，人少就hea 个早餐。雞扒早餐$46，可以接受啦。原來炒蛋可以轉烚蛋，健康d，當然好。去除蛋殼，蛋白看落沒一般的雪白，蛋黃表面有一層綠色，網上一向說這層綠色是硫化xx咁，對身體有害(有另一派說法是沒害，誰對誰錯我不知道，但少食綠色表面的蛋黃肯定冇錯😅)，個人選擇，只吃蛋白。但是，蛋白怎麼有苦味😳 再剝另一只，蛋黃同樣有綠色表面，蛋白也不是雪白，雖然苦味沒有，但心理問題沒有再吃。其實烚蛋如此容易不過的工序，会導致蛋黃表面綠色，是因為烚得過久。家居烚蛋從來不會有綠色出現，首先我們不會煲完又煲同一隻蛋。其次，就算要蛋黃全熟，8分鐘就夠，再耐就會有化學反應導致蛋黃表面綠色。而蛋白不雪白，估計是不新鲜。而苦味，開始變壞喇。期望餐廳盡快有改善。
繼續閱讀
2025年5月落左外賣派對order, 到取order個日無得取，個order完全無準備，白走一躺！全部員工不知所謂！無禮貌，無態度，吾識點處理！ 完全反映全個集團做事方式及態度，等執笠啦！！"
繼續閱讀
最近super sandwiches 推出了新的餐牌，今天便來試吃一下，我選了燒雞脾+鮮茄濃湯日本青森米套餐，飲品則選了跟餐配送的即磨咖啡。燒雞脾的肉質十分嫩滑可口，而且充滿著濃濃的肉汁，不過鮮茄濃湯的味道便稍後酸了一些，幸好珍珠米的口感相當不錯，為這道菜式挽回一點分數。可惜的是，咖啡可能採用了100%阿拉比卡豆的關係，味道十分苦澀，苦澀程度和黑咖啡沒有任何分別，本人有時都會喝黑咖啡，這種苦澀味當然可以接受，但如果平時不喝黑咖啡的朋友，應該便不太喜歡了。這間餐廳的優勝之處在於環境，它的下午茶的價錢和茶餐廳/快餐店差不多，而且亦不用加一，但環境清靜很多，坐得又舒適。價錢方面，燒雞脾+鮮茄濃湯日本青森米套餐 $59，餐廳不用加一服務費。總結來說，今次的新餐牌味道只是一般，下次我都是吃它經典的炸魚薯條便算了。
繼續閱讀
今日嘅Lunch Hour，我同班同事去咗東涌既「Oliver's Super Sandwiches」食午餐 東涌呢間分店雖然唔大，但環境舒服，窗景同光線都唔錯，比人感覺輕鬆自在，非常適合上班一族放鬆食個Lunch!店內既裝潢亦簡單舒適，唔會話太過逼，正好可以同幾個同事一齊聚餐，亦可舒舒服服享受一個人靜謐既時光。而且店鋪位置方便交通便利，無論係搭地鐵定搭巴士，都係可以輕鬆到達架~門口位置有收銀員落單，而台面同時亦都有QR Code下單叫野食唔使擔心排隊等位，一次過睇哂有咩嗌，非常適合忙碌的午餐時光~ 今日我就叫咗個「焗芝士雞肉蘑菇扁意粉餐 $58」& 「凍飲 - 凍檸茶 $7」野食一上台，我就被焗到超完美嘅芝士吸引住，焗度剛剛好係完全金黃色個隻！！ 咬落去啖啖芝士滿瀉，作為芝士控真係好幸福呀～而且雞肉又嫩滑，配上微焦嘅蘑菇，味道非常出色，完全無諗過焗得咁出息丶食到咁正既西式焗意粉呀！總結：如果你喺東涌上班，想搵個好地方食午餐，「Oliver's Super Sandwiches」絕對係一個唔錯既好選擇。希望下次再黎又會多幾款新美食，期待更多驚喜比我地
繼續閱讀
東薈城啲餐廳食到悶悶地，今日嚟到Super sandwich見到有蕃茄烏冬，先至$48即刻入嚟試吓🥳蕃茄雞扒烏冬（$48）呢個正正常常，主要係個價錢比較合理，有一塊中等size嘅雞扒，蕃茄湯底都比較濃，烏冬嘅份量對於一個女仔嚟講算多，最後都整咗少少烏冬未食晒，奶茶好飲，茶底夠濃，又唔會太苦澀。另外仲有半塊多士同埋一個太陽蛋，不過唔明點解淨係比半塊，多士應該都唔係好貴呀🤣為咗呢個價錢，下次可以再嚟幫襯😙
繼續閱讀