Olive Cafe (已結業)

早前在電腦安裝咗個新遊戲軟件，但最近玩嘅時候經常窒機，今日終於抽到時間去找高人幫忙檢查，朋友果然係高手，不消兩個鐘頭就搞掂，遊戲玩得流暢無比，當然要慰勞一下請食晚飯啦，朋友住在大埔中心，佢話附近有間西餐廳，食物和環境都唔錯，可以慢慢食慢慢傾。餐廳空間感頗足，座位之間距離寬闊，再加上微暗燈光嘅環境，令人有一種優閒放鬆嘅感覺，很舒適。 坐低見到餐牌有Set Dinner供應，價錢相宜合理，食物又啱口味，於是我地就點了兩個晚餐，分別係酥脆香草焗羊架同香煎豬鞍配蘋果蓉。 「青豆蓉忌廉湯」朋友和我都愛飲湯，故無點沙律，餐湯上枱時溫度微熱，好creamy，有濃郁嘅青豆味，配上又暖又軟嘅餐包，好好味，可以多一塊麵包就更好了。 「酥脆香草焗羊架」$188餐廳預設是七成熟，就係我平日食開嘅熟度，so match，羊架鋪滿香草和芥末醬，賣相非常吸引，有三大件，好抵食，肉質軟滑，加埋惹味的炸蒜粒，仲有炸得香脆嘅粗薯條，正呀！ 「香煎豬鞍配蘋果蓉」$162朋友嘅豬鞍原本預設也是七成熟，但朋友喜歡吃全熟，餐廳經理亦提醒全熟後可能會有點乾和嚡，但竟然出乎意料之外，全熟嘅豬鞍扒依然軟腍有肉汁，既不肥膩，亦唔嚡口，廚

婚後保持每星期至少一日同媽媽約會今個星期就黎個brunch dating 媽媽話有間西餐廳佢想試 我就做孝女陪佢啦 媽媽就單點主餐牌上嘅日式醬汁西冷牛肉飯 原來都包餐湯同餐飲 好抵食是日餐湯係羅宋湯 食到大大小小嘅牛肉 好足料 面層鋪滿全熟西冷牛肉 醬汁甜甜地 幾開胃 溫泉蛋置中 蛋漿流入牛肉與飯之間 混和後享用 日式fusion西式 非常特別我就試午餐嘅紅酒燴牛尾飯 目測五件牛尾肥瘦均勻而且肉質軟嫩 無出現過老或者過韌牛尾被紅酒燴過後變得香甜 咬落口感受到紅酒嘅醇香 將醬汁撈飯更為惹味飲品媽媽揀咗野莓之森 藍莓同薄荷葉作調配佢話味道上有啲似利賓納 但相對減甜而且飲嘅時候都會有陣陣莓香 我就想學人養生 揀咗熱飲Olive鮮果茶 原壺水果茶以蠟燭燒熱 保持茶飲溫度茶壺內載有火龍果 香橙 士多啤梨砌粒 果香以及天然果糖被熱茶逼出並滲透於其中 最後我地仲試埋蘋果金寶配雲呢嗱雪糕 上檯時熱辣辣 帶濃烈肉桂香 杏仁脆口 內層鬆軟 配合冰凍雪糕 口感更有層次媽媽話好鐘意呢間餐廳 性價比高 服務質素又好 下次要帶埋爸爸黎試晚餐

大埔超級城不嬲都好多唔同類型既餐廳，今晚同朋友去左olive café試下！DINNER SET 有首先呢個玉米濃湯真係聽落好簡單，但其實好難整得，佢非常濃郁，又唔會太咸，反而甜甜地，好開胃。我好鍾意。龍蝦意大利飯簡直100分，龍蝦大大隻，每個人都分到啖啖肉，食完好有滿足感，賣相都極之吸引！另一個主餐叫左香辣車厘茄蟹肉扁意粉，醬汁辣辣地，但可接受既辣。我就好鍾意啦，不過蟹肉就少左少少。野飲方面，今次我地乖乖豬，唔飲cocktail，飲凍雪泡變奏，本來以為會好甜，但點知甜度適中，飲完都唔會喉嚨痛，非常香口濃郁。熱Olive鮮果茶，好出奇地好有玫瑰花香味，好舒服，令成個人clam down左。整體來說都非常滿意，服務都好貼心，上菜都好快，環境都舒適。

今晚家庭聚餐，去左大埔既olive café食，貪佢夠方便，可以食飽順便行街。一嚟到必點左炸薯條配黑松露蛋黃醬，佢呢個醬汁真係好好食！好想問佢有無齋買呢個醬。食過番尋味。前菜係香煎芝麻吞拿魚配香芒沙沙，原本以為會好腥，唔敢食，但點知系好香濃，一咬落去，好香芝麻，同吞拿魚原來好夾，非常好吃！紐西蘭西冷牛扒（8安士）配青胡椒汁，叫左7成熟，岩岩好，厚切牛排好juicy，牛味香濃，入口即融。龍蝦意大利飯又係性價比超高之選，估唔到係原隻龍蝦咁上，好驚喜！同埋佢係用意大利米煮，有口感！堅！最後我地最叫左兩個蛋糕share嚟食，叫左培茶芝士蛋糕同日式柚子芝士蛋糕，解膩必揀。

今日嚟到大埔拜年，地膽話 OLIVE CAFE, 未試過都好喎！🍴甫坐下立即先來杯醒神熱咖啡聞一聞超夠濃郁，立刻醒神。3:30 正是下午茶開始，緊係簡簡單單食番個下午茶餐。🍴鮮蝦蕃茄意大利粉 $48酸甜開胃的茄醬配上爽口彈牙鮮蝦即時令我食慾大增添。😁🍴香煎紐西蘭肉眼 4oz $58呢個價錢連飲品一杯可以据到扒就認真超值，件肉眼扒仲非常鬆軟好味，除非唔食牛如果唔係你唔係唔食嘛！👍😋🍴卡邦尼意粉 $45意粉口感恰當軟硬度適中，卡邦尼醬汁份量也剛剛好。下午茶餐牌，据扒、粉、麵、薄餅、沙律同甜品 set 都有齊，款式真頗多選擇。👍午市套餐

Tea time嚟到大埔超級城，朋友帶我去到A區地下嘅olive cafe食返個下午茶😄High tea都要食扒🤤 我叫嘅係香煎美國安格斯肉眼扒 配薯條 $58，我仲要加$30將塊扒升級到8oz，影出嚟係咪超靚呢～可惜，食落口牛味不足，而且有筋😖飲品我揀咗雪泡變奏，朱古力味唔夠濃🙈不過賣相好吸引～加$38仲有得叫埋件日本柚子芝士蛋糕試吓，佢嘅味道都唔錯，好明顯食到粒粒柚子，為件cheese cake增加口感同層次👍🏻

同男朋友拍拖週年紀念，見呢間餐廳氣氛幾好，於是入去食番餐好的慶祝！🌹💕餐牌的選擇好吸引，好幾樣都想食，包埋沙律🥗/餐飲🥂，價錢唔算好貴。首先上的係個沙律，有啲呑拿魚同蔬菜，我覺得呑拿魚配啲麵包🥯幾好食👌羊架唔錯，總共有三隻，幾大隻，而且上而有炸蒜粒，好香口！薯條🍟係粗嗰隻！我鐘意之後上的係龍蝦龍意大利飯🦞，龍蝦肉唔算好多，如果個飯再乾身啲就perfect了要讚一讚個水果茶，好令！始終女仔都係鐘意睇令野最後上多個柚子蛋糕🍰，真是有柚子香，唔錯氣氛好，好舒服浪漫

Happy Friday 梗係要食餐好既😋 返左成個星期...想搵間坐得舒舒服服，最緊要無限時既餐廳，同老公鋸下扒嘆下水果茶～放鬆下呢間set dinner都幾多選擇，不過我呢個risotto控，基本上每次揀完一輪都會揀返risotto😆 老公就揀左照燒牛肉眼扒5成熟落完單好快上左2塊餐包同餐湯，都幾唔錯夠鬆軟。我地都係揀左是日餐湯 - 粟米忌廉湯， 好creamy，同埋粟米味好濃先黎既係肉眼扒，5成熟對我黎講真係有啲生，但老公話時間控制得唔錯，夠juicy，肉質嫩滑。值得贊既係個薯蓉，好有口感同埋牛油味好重，好好味我期待既龍蝦意大利飯到喇真係有半隻龍蝦！好大舊肉，淨係睇個樣都好吸引😋 食落彈牙夠新鮮。意大利飯唔會過鹹，軟硬適中，每啖都有淡淡既龍蝦味最後要提一提我既餐飲，set dinner 轉特飲可減$15，天氣凍凍地就想飲返啲熱飲。鮮果茶又係我飛佛，感覺健康啲😆。 好中意啲熱飲有呢個蠟燭座👍🏻 就算食完餐飯都唔會變凍。飲得出無溝糖水，飲到橙既酸甜味同有茶味，值得一試。

光鮮優雅嘅白色環境佈置，今人心情都好啲！星期五，總是要掃走一星期積聚的疲憊！有Set Dinner每款都好似好吸引呀！佢係餐湯或前菜二選一，加餐包、主菜及餐飲的！椰菜湯（跟餐）～味道好濃，飲得出係椰菜味而湯嘅質感唔會太杰身！香煎芝麻吞拿魚配香芒沙沙（跟餐）～有兩件吞拿魚，都好順喉，唔會有根！由於芒果帶酸，用來做前菜很合適，份量亦適中！紐西蘭西冷扒配胡椒汁（HKD165）～牛扒點了7成熟，肉質算是不錯！夠牛味！特別欣賞佢個胡椒汁！唔係度度都食到！香煎豬鞍配蘋果蓉（HKD162）～豬鞍可以選擇幾成熟！由於我個人較為保守，都係叫咗well done, 侍應提醒可能會"鞋" 少少, 但嚟到一切，我就知佢唔會令我失望！肉汁鎖在內，肉亦夠嫰，可以講係100分！配上預期中嘅蘋果蓉，而額外仲配上燒汁，多個口味可以選擇！*以上兩個餐嘅菜都有用蒜蓉炒過，唔係淡而無味㗎！Oliva 果茶（HKD48-跟餐可扣減HKD15）~果茶有橙、檸檬、火龍果、熱情果……等，口味帶酸適合解去肉類嘅油膩感焦糖朱古力芝士蛋糕（HKD38）~這甜品分為三層，每層都有唔同嘅口感味道都好夾，成為呢餐嘅完美句號凍咖啡（跟餐）～自行調

餐廳係地舖，都幾大幾闊落，裝修有用心，幾舒服，啱坐低飲杯嘢食件cake傾下計。今晚行完街就諗住食西餐，於是就揀左呢間。個人覺得甜品比主菜好味，所以擺甜品先。蘋果芝士蛋糕 $38（前面）呢個蛋糕都幾推薦比鍾意食apple crumble 嘅人，佢嘅肉桂蘋果味道突出而且有粒粒蘋果肉，估唔到芝士同肉桂蘋果味都幾夾，一齊食酸酸甜甜又濃郁芝士味，唔錯。柚子芝士蛋糕 $38（後面）柚子味突出，芝士味濃郁，食落幾滑幾香，唔錯。至於set 就有餐湯or 吞拿魚刺身、主菜。一開始有餐包，長條形餐包外面硬硬脆脆，塗抹上自家制薯仔沙律醬都幾夾。呢個醬好似薯泥幾好味。餐湯係牛腩羅宋湯 個湯辣辣地，有牛腩係入面，飲落係有牛肉香味。香煎芝麻吞拿魚配香芒沙沙吞拿魚刺身外面沾上黑白芝麻微微煎過，芝麻煎過會香d，醬汁由青紅蘿蔔洋蔥芒果打成，配合吞拿魚刺身食酸酸甜甜帶dd洋蔥辛辣，幾fresh。set A 紐西蘭西冷扒配青胡椒汁（3成熟）$165牛扒建議3成，因為質感相對硬d粗燥d，3成就會相對合適。呢個牛扒比較特別係舊香草牛油，用嚟點西蘭花真係好香～ 另外配菜仲有表面微微脆嘅焗薯同椰菜花。整體一般。酥脆香草焗羊架（7成

同爸媽想食西餐，就係大埔覓食、搵到呢間舒適又抵食的餐廳！！睇完menu之後覺得set dinner 性價比好高，所以我哋就係set dinner 揀！前菜係吞拿魚，見到個賣相都覺得好Grand好高級，食落去好鮮甜好Fresh，口感一流，令你胃口大開！煙三文魚意粉，好creamy，忌廉好夠！牛油焗帶子意粉，個帶子係焗得幾香嘅！set dinner 叫左龍蝦意大利飯，龍蝦係燒出黎，所以好濃香，配埋risotto，一流！ 個飯爸媽分鐘意，好入味不過龍蝦份量比想像中細羊架好傑出！仲要份量都大份，有三條它係有「show」味架！鐘意夠羊味另外叫左個荔枝特飲沙冰，好味！PS：見到隔離枱佢哋叫咗個德國豬手，份量好大份，賣相好吸引。我同父母都決定下次一定要再黎試一試個豬手呀。

Friday night同朋友去咗Olive cafe 食呢晚7:30嚟到已經差唔多full好彩仲有張卡位未睇晚餐已經比個dessert menu吸引咗，有好多芝士蛋糕的款式，款款都只係$38。晚餐有set有散叫我地今日散叫咗個照燒牛肉眼扒同海膽扁意粉配椰香濃見到海膽汁意粉覺得幾特別另外叫咗個香炸雞翼配蜜糖芥末汁嘅小食飲品menu都幾多款式，本身想叫jar水果茶點知無哂，跟住比Bubble Tiramisu 個樣吸引咗，正好想飲甜嘢，決定叫呢杯,朋友叫咗long island蜜糖芥末汁雞翼好快就到，好脆口，而且芥末汁好醒胃。海膽扁意粉嘅海膽都幾新鮮，配扁意粉嘅汁好好味，扁意粉嘅軟硬度啱啱好👍🏻肉眼扒叫咗七成熟，雖然切出嚟都紅紅地，但係完全沒有血水，都ok.最驚喜就係呢杯Bubble tiramisu同焙茶芝士餅。Tiramisu好少係出面飲到，唔太甜，仲有兩層嘅質感，頂層有可可粉有點朱古力的苦味，夾埋下層好滑的朱古力甜味，好正，如果朱古力可以再熱點就完美了。焙茶芝士餅同樣都係係其他餐廳好少見，雖然見佢賣相平平無奇，但芝士餅的質地硬硬地，焙茶的茶味好清新，好特別。誠意推介👍🏻

又到Happy Friday, 當然夜晚要同老公食好西。住係大埔咁耐, 都未試過olive cafe, 加上有朋友介紹,所以終於今晚決定食呢間。 大埔分店設在大埔中心地帶的地鋪，都好易搵到! 餐廳是歐陸式意大利的風格, 所以設計以優閒舒適格調為主, 座位都比較寬敞, 很難得在熱鬧大埔市中心找到一點寧靜地方。雖然單點菜式選擇多, 但最後都係揀左set dinner。是日餐湯是青豆蓉忌亷湯, 青豆味濃郁, 又清新, 味道特別! 又點少得餐湯的好拍檔- 牛油面包, 包包很軟熟! 香煎芝麻吞拿魚配香芒沙沙吞拿魚刺身食得多, 但半煎的吞拿魚就少食, 幾fresh, 做前菜好吾錯! 紐西蘭西冷扒配青胡汁，我叫8成，佢黎7成，其實都幾難拿捏, 味道好juicy! 好有牛味! Good! 龍蝦意大利飯大大隻龍蝦放係飯上面, 仲要已經起好肉, 賣相很吸引! 意大利飯夠煙韌, 龍蝦汁味夠濃, 但又不至膩! 水果茶, 酸酸地, 幾開胃! 水果仲酸, 吃不了! Set dinner 又點少得甜品, 是日甜品揀左北海道十勝紅豆芝士蛋糕, 本來想揀焙茶芝士蛋糕, 點知賣哂! 紅豆味被芝士甜味掩蓋, 不能太嚐到紅豆

今日同女朋友都ot到8點幾9點，攰到想搵間好野食慰勞下我地自己，返到大埔廣場係附近搵，就揀左佢食，好耐冇食過，好耐之前食好好味，唔知質素仲keep 唔keep 得住我地就入左去坐，成9點鐘過左晚飯時間人唔算多佢last order 大約9點半，所以ot多陣已經食唔切😂晚餐menu，選擇都幾多，而且價錢非常合宜，西餐黎講好扺食，最後同女朋友叫左餐F同G，佢好想食羊架haha，另外叫左個雞翼餐前餐包，暖暖的，少少鬆脆鬆軟，有濕紙巾提供添！蜜糖芥末同炸雞翼好夾，我係咁沾返d汁，雞翼炸得好香口，唔油膩，好味是日餐湯係南瓜湯，南瓜味濃，有南瓜蓉，味道不錯。而呑拿魚外皮煎一煎過，搭上黑芝麻，同入面魚生既味道估唔到幾夾羊架女朋友鐘意全熟，香草配上羊架，食落唔會好羶，雖然叫全熟，但煎得幾好，唔韌，而每條羊架size 都有返咁上下，食落啖啖肉！☺️呢個鹹豬手，一上桌個下，我‘哇’左聲，冇諗過係咁大碟😂隻碟差唔多裝唔哂，仲要只係$168 lol 一望到已經飽左一半😂 食落味道都幾好，外皮幾脆，又唔會太鹹到要係咁飲水，不過最後我太細食食唔哂要打包哈哈咁樣食完，一人都係200左右，其實都真係幾扺食

本應同屋企人去大中打食牛角，明明人唔多排都要等12張台，即刻頭也不會就走左，沿途周圍睇都睇唔岩食咩。最後，老豆提出食olive cafe ，話開左咁耐都未食過。坐定定4個人，分別叫左安格斯、龍蝦意大利飯、德國燒豬手x2。dinner set 可以簡前菜同湯，前菜係吞拿魚莎莎，味道幾野味，湯係南瓜忌廉湯，味道幾好。主菜上左既係安格斯同意大利飯先，安格斯味道正路，意大利飯就好香好濃味，岩晒我食，龍蝦肉重有燒過好味！豬手就比較遲上，但份量就好大碟，味道亦都好正，外脆內軟！總括，每人$200 都唔洗，味道亦唔錯，性價比屬幾高！