OL Café (已結業)

無驚無險又到一點...又到放飯時間喇中午同事一起来聚餐，這裡環境很棒。坐着很舒服。上菜速度很快。但最重要的是味道也很好點咗個海南雞飯同焗豬扒飯。等咗幾分鐘就有得食。個飯加湯再加杯熱奶茶好抵食。個飯金黃色。雞肉鮮嫩。附有泰式醬汁。個甜酸汁點雞肉送飯就好正。個飯帶點雞油，飯粒乾爽...個湯是中湯好清無乜料。但都算好飲。同事食鮮茄焗豬扒飯 我之前食過幾次，都值得堆介之前外賣也有寫過食評上次外賣係寫雞扒飯來咁多次豬扒當然也試過。呢度厚切豬扒充滿肉汁，唔鞋口。個汁充滿芝士香味。仲有配埋個炒飯底真完美。總結呢度坐得舒服，野食好味！係傾計既好地方

餐廳位於官塘的甲級商廈！宏利金融中心內！地標接近碼頭，交通四通八達！而且樓上也是一個人流稱得上幾旺的商場！這裡樓底也夠高，感覺好清雅！坐在這有一種不一樣的舒適感！而這舒適感並不來自金光華麗的裝潢！而是一個簡單實而不華的設計！這裡沒有甚麼廣告及招牌！就得兩個易拉架！數張玻璃貼紙！因為幫襯的都係這個商廈既人！早餐時間樓上不少宏利保險職員借這裡啇談工務！始終餐廳環境優靜及舒適！又可以久留！唔會有任何人騷擾！而午膳時間人流都算多！但班職員總會安排到位俾你坐！早上坐低唔洗諗咁多！即刻叫個芝士火腿多士及咖啡！同事叫餐蛋麵及咖啡！芝士火腿多士！是一份普通的三文治！就是一片簡單的片裝芝士加上火腿組合而成！芝士汁係半熔型，幾香口麵包烘得香脆。即使連麵包皮的位置也是鬆化的！而且吃起來有麵粉香！令整件三文治增添了美味感！伴碟一片蕃茄加一片青瓜！為這個早餐帶來一點新鮮的蔬菜！吃來也很清新！咖啡的甘味不明顯。但都算滑的！這裡給人一種家庭式的感覺！簡單的小店，努力地經營著！而我們的這一個輕輕的早餐！雖不是好食到要上天！但當中感受到固中的人情味！也是令你開心舒暢的！值得一提係呢度既阿姐阿哥快手！好好態度不拘小節那種

坐得舒服！食品ok! 招呼親戚！於官塘甲級寫字樓，值得推介餐廳！早餐選擇多，出品有水準！有擺盤不馬虎！👍🏽👍🏽👍🏽👍🏽👍🏽👍🏽👍🏽👍🏽👍🏽👍🏽👍🏽👍🏽👍🏽👍🏽👍🏽

有段日子沒有來這大厦！工作關係又來到見完客。路過見到這餐廳入去試試。午市太多人所以叫外賣回公司先吃！試了個焗飯餐, 很抵食~ $42已經有野飲！咖哩焗雞扒飯。雞扒是由一整塊切碎由芝士製成的脆脆外層是起首的吸引點。而不會太辣的咖喱更是美味的來源。雖然飯在焗了之後有點軟但美味的芝士及咖喱真的十分驚喜....已經將這一點決點彌補了。飯底乾身粒粒分明....因為等待食物時留意裝潢!很有清新的感覺見到店面的員工都很年青, 很有活力啊!所以我會再黎, 支持你地呀年青人！

行開觀塘見到新開左間Cafe☺️外賣睇落幾新淨企理。由於係Lunch Time時間，外邊都有人排隊。大約等左15分鐘就可以入座啦😽坐低睇落價錢吾算平我叫左個香茅豬扒凍檬配米紙卷🇻🇳 $69跟餐配餐湯🍲及咖啡/茶☕️上枱大大碗，份量都幾多下香茅豬扒熱辣辣，幾香口同入味。凍檬的靈魂就在它的魚露甜酸汁➡️「碌冧」以越南🇻🇳特產魚露加入青檸汁、辣椒、蒜蓉、砂糖等調味料⋯貪個調味汁「碌冧」酸酸哋夠開胃唯獨米紙卷只有一條🥢-不得不提，待應好有效率同有禮貌，真係好抵讚

先前係呢度食過早餐都唔差, 咁近近地LUNCH 都黎食下啦貪佢唔洗排隊..點知呢.... LUNCH 都幾HEA 同埋要加一多數LUNCH 都好少要加一.. 好似有D 唔MAKE SENSE..湯好頹~~~ PASS~朋友叫左海南雞飯 $68 凍飲+2再加一  $77~ 就咁睇份量... $77 蚊食呢個就好似少左D~~~~~~我揀左雜扒薯菜~ $68 凍飲+2再加一  $77~食肉獸睇完個MENU 都唔係好揀得落手時, 好似揀呢個最冇死, 覺得呢個肉肉肉組合先對得住個價 T.T味道係會覺得自己屋企整都會好食過佢~~ 第一次咁有自信呀下~ XDDD另一日個MENU 冇左雜扒, 就迫住揀雞扒日式便當 $78 凍飲+2(再加一)  $88~呢個真係... 好頹呀! D 日式八抓魚食左粒係無味家.. 之後都唔敢食埋另一粒去..個堆螺肉仔都係淡口..個橙同旦唔敢食...都真係只食個飯個一格~其實佢係唔好搞咁多野好D... 正正常常食西野咪算~(定其實呢句係同我自己講唔好亂揀野?! XDD)先前食過早餐明明係OK GA~ 但原來LUNCH 可以咁大上落~

今日過開黎呢邊開會，Lunch自己一個食，就諗住搵啲又方便自己又近嘅地方，喺呢個小商場入邊，我見成幢一樓都係餐廳，其實間間都好多人，亦望過下門口啲餐牌，就揀咗呢一間，入邊冇滿座，但環境好似幾舒服， 而且仲有多國菜嘅試吓。坐低俾個Menu，大概10款野食揀左右，我就諗住點個海南雞飯，因為都好小整得唔好食，價錢唔係特別平，但係我見侍應好少佢哋個個都好似好忙，叫咗嘢食好快上枱，但係一咬落去我發覺雞同埋個飯係凍既其實係咁凍嘅天氣，明白應該係一早整定，雞唔會太熱，但個飯真係完全係放涼左嘅感覺。連餐具都係比隻叉同埋刀，我自己望住都忍唔住笑咗出嚟，味道又唔係話真係好差嘅，不過我諗我都冇下次啦

 第一次黎呢棟野, 黎緊重有3星期係度過...當然又有把野試啦~~~~約左朋友係度食返個早餐醒醒先~平時係屋企都係食湯粉類早餐, 所以出街揀D 係屋企少食既款.都幾多款揀既, 除左呢張外重有另一張都係早餐黎, 不過無影到.最後叫左炸魚柳, 薯餅, 炒蛋多士, 呢4款野相對如果係屋企整既話, 薯餅同魚柳都要買一定份量,咁即係個期有機會要成日食佢地以清雪櫃位, 咁就會食到厭喇.XDDD 對我黎講, 重點係: 炒蛋同薯餅! XDDD諗住都唔會有咩驚喜GA LA. 咁平淡既野... 點知個蛋衰左,. 我叫炒蛋WOR, 咁頹既? 頹到好似煎蛋咁... ><整體都OK 唔差, 呢D普通野冇要求咯~下次可試下LUNCH~

相比起其他觀塘特色美食餐廳，這店OL cafe，就較為遜色一點，適逢兩點鐘有下午茶餐，就入去試一試。下午茶餐都有唔少選擇，有公仔麵，有豬仔包。點了最簡單的豬扒公仔麵，食落唔似係公仔麵，應該係福麵，🐖豬扒本身都幾大塊，有點油，麵就真係啱啱做好拿來俾你食，仲有點硬。食落都幾大碗。最後飲杯薴水繼續開工。$35蚊一個下午茶餐，觀塘來說這價錢都算平。較為可取的，就是到兩點鐘就有下午茶餐，其他鋪都仲買緊午餐。餐廳名字同食物本身就想不到有很大聯繫，都係一間裝修好一點的茶餐廳。

唔知點解日日返親工啲時間都好似好唔夠用咁.但係就算面對遲到比老細鬧爆,我都會買份早餐返去嘆今日要講吓"OL Cafe"好多時大家食腿蛋治都會發現雞蛋成可貴，俾成三十幾蚊買份三文治早餐塊蛋真係薄到呢見到火都嚟埋而點解會介紹呢間嘢(請睇下圖)20蚊個三文治餐平到都冇期望！竟然塊煎蛋可以咁厚身仲要係熱辣辣唔係啲晨早五點就放入盒等賣嘅貨當然我呢啲日日都趕到暈低嘅人，係冇可能等佢慢慢煎隻蛋啦！所以我建議大家可以打電話去叫定！

今日好熱，咁就去附近的商場開反……這間cafe 好耐無黎過……他們推出了一些夏日Special promotion凡下午茶時段食lunch set 即減hk20依！幾抵播，點知侍應話不能配餐牌的咸檸七，太失望了……只好叫我的例牌……熱0水……夠健康叫了越式紅咖哩抄反(蝦，雞絲)……48 元同事叫咖哩焗雞扒反配咖啡……45元其實餐牌都有好多選擇……下午茶有漢堡包，沙律，三文治及反類……我的越式抄反……只是咖哩抄反……沒有任何配菜，二片青瓜都無，點解叫越式呢？蝦……只是兩三只蝦仔味道還可以的。同事話他咖哩焗雞扒……合格。總括價錢ok, 坐得舒服……有機會再來……試下其它

陰陰天凍凍哋又係唔想行咁遠嘅時候😷…於是就跟大隊去左宏利買野食啦~👽今日試左第二間，之前試過佢既焗豬扒飯好一般🐷 (還不如大家樂的好)，今日就食佢既特餐lunch Special (因為平過普通$6X-9X的午餐，睇落又吸引過$4X的外賣午餐)🐽🐽------------------------鮮茄蟹肉湯天使面🍜拼 黑松露炒蛋多士🍞 ($58)一開始無睇清楚字以為係黑松露嘅多士…但原來想太多眼太大🙈…打開個飯盒見到有件炒蛋其實有D驚訝~先知佢係兩樣野黎” 🐥先講個多士，其實係蒜蓉包黎，烘得幾脆幾好食，而且蒜蓉醬都算多，呢個唔錯既👍~然後黑松露炒蛋，睇到就知出事☠️，因為遠睇黑色一點點既已經係黑松露…可想而知個味道如何…只可以當炒蛋食啦” 😿不過係無味而且榎口既炒蛋最後到個鮮茄蟹肉湯天使面，其實一拎番黎D湯已經唔多，再食埋頭先果兩樣就無晒甘滯＂😭😭又係自己想多了，以為個湯係有蟹肉味，但只係一般鮮茄湯🤐…不過都可以理解既，呢個價錢唔通比龍肉你食咩…🤒雖然3樣野味道係好soso, 但係呢個價錢有埋野飲，🤔份量對一般女仔黎講真係超級飽肚…就勉強算係咁啦好味指數😋：5/10 翻啅指數🙆🏻：5/10

行過幾次，今日係第一次食，下午茶黎講個价錢都叫賣， 我地叫左個焗朱排飯同焗肉醬意粉。。。等左唔係好奈就有得食， 一睇就知係下午茶分糧， 個肉醬意粉好似焗得太奈，d 意粉好乾，個肉醬無咩味，個味係來自自己加的辣椒仔， 可以唔洗叫， 焗朱排飯就好d, 可能多d 汁，個汁唔會好酸，而 d 朱排已經切好左左， 大約係平時出面的三分二， 食落都ok 唔係好乾，味道都係軟淡， 整體黎講都ok

今日係觀塘發現左間新cafe，於是就去左試試 坐落睇下價錢唔算平，不過坐低左就試下，叫左個焗豬扒飯，黎到好似幾得咁，但就份量唔算多，食落豬扒都幾入味，蕃茄就好鮮甜，飯底就焗過頭，有少少硬，蛋花充未能充份包著付一粒飯粒，食落口感有少少老同"鞋"口，味道就唔算太過咸，亦未算煮得十分出色，整體屬合格水平，有待進步空間 希望下次再幫襯時會更好味道

星期一與友去入境處，見到呢間裝修都唔錯就決定入去食個breakfast首先坐低，諗住食雞扒公仔麵点知之後仕應極力推介奄例配厚多士餐話奄例好creamy，嗰D芝士真係湧出黎架聽落有啲搞笑，於是就試下5分鐘左右 野食好快送到一放低，超厚多士份量足，仲好爽脆搽少少牛油食落口感好奄例炒蛋有好清香牛乳味仲有好濃芝士味，好滑不過沒有蛋香味份量都幾大，基本上就算當午餐都夠飽Coffee 好香又濃郁在落枱時店員話好正仕應也很nice很有效率，感受到他們的熱情都坐得舒服，環境覺得衛生，應該會再黎