影片
以上資料只供參考, 請與餐廳確認詳情
天后一向都好少有靜靜傾偈嘅餐廳開到咁夜，又行過見到佢，所以就去試吓，好似題目咁講其實我已經唔止去過一次！夜晚條街佢間舖頭都幾光，所以係幾容易搵，有東岸公園經過，好快就行到。一般都會由天后地鐵站行過嚟。唔好以為佢淨係得飲嘢，其實佢都有嘢食，呢個係固定餐牌，如果你好彩嘅話嗰日可能都會有廚師限定要留意佢都有截單時間太夜過嚟有機會冇得食，而且啲嘢食水準一啲都唔差，個廚師仲好年輕，一睇就知佢係少年廚神餐廳擺滿不同嘅紅白酒，有來自世界各地，聽到老闆同其他客人傾偈所有都由佢親自挑選，同埋真係試過先會放喺度，每支都明碼實價，仲偷聽到佢其實每隻款都唔係入好多，有啲真係飲完就冇！牆上面嘅都係同酒相關嘅設計佢有我最鍾意食嘅芝士拼盤，係我每次嚟到嘅必點之選由於我每隻芝士都鍾意食，所以我就唔評論啦，拼盤入邊會有一啲冇鹽果仁同埋有味嘅梳打餅配搭。每次嚟到一啲芝士碎都唔會放過～呢個雖然份量唔係好多，但係非常適合送酒，同啲朋友談吓心吹吓水，不知不覺就會食晒。係餐牌上面少有唔太西式嘅嘢。我嘅嘢食可作大家參考！呢個意粉是辣的，全店嘅意粉類型都係扁意粉類，對於唔係好識辣嘅我只係食到少少，味道ok，亦有茄汁味，但係唔會蓋過咗整個意粉，適合配酒。當然相比之下卡邦尼意粉，對於我就好吸引，芝士味香濃，佢入邊嘅肉屬於較鹹性質，有少少肥肉，但係撈埋一齊食唔過分。記住最好趁熱食，都適合一大班朋友分享好快就清碟。本人其實唔係好食炸物，但係呢個菜式係朋友每次嚟到都必點嘅炸薯條，我哋試過肉醬同埋呢隻有蛋黃嘅配合都好好食！鍾意食炸嘢嘅朋友一定要叫，佢嘅幼薯條係有味薯條，亦都可以係重口味選擇嘅嘢食配酒由於小編同有啲朋友都已經嚟過好多次，以下介紹一下一啲隱藏餐牌啦唔記得係美國定係澳洲嘅牛，但係廚師弟弟整得好好食，煮出嚟啱啱好唔會Over cook,當時係一台人share，牛上面有少少鹽帶起成個牛嘅味道，上面仲有醬俾你配搭。仲有一次食咗鵝肝多士，由於我哋係訂咗位去，我哋都係去到先知有得食！雖然佢個鵝肝唔係好大件，但係佢個烤過加牛油嘅多士超級好食，鵝肝應該都有稍稍煎過，所以封住肉汁，蒜蓉包是很脆和很香的。由於喺度飲嘅紅白酒已經好多，所以不能盡錄。冇心水想飲咩嘅話可以搵店員幫手介紹吓，佢哋會根據你嘅口味去挑選，一般都係一支叫。唔想揀嘅話，佢都會有一款紅同白俾你用杯計。老闆係個好年輕嘅後生仔，雖然個樣可能唔係好似～ 的確係天后少有嘅餐廳品種，有時平日經過都會見到有客人。加油
繼續閱讀
環境：店面比較細，但整體好安靜，店內嘅人都係談心居多，好適合同三五知己或者情侶係到飲下酒傾下計。酒類及食品：酒品主要係紅酒同白酒，見到都有Gin Tonic係以一杯計，冰櫃都有少量手工啤酒。冇試到店內嘅小食，選擇都好多主要係用來餸酒。服務：應該係老闆同老闆娘，會推薦適合你嘅酒，由於店面唔算大，基本上都可以照顧到客人需要，推薦嘅酒都好好飲總結：天后/炮台山附近比較安靜可以飲酒談心嘅地方地理位置靠近東岸公園，如果有機會再經過會再去嘅一個鋪頭
繼續閱讀
朋友想聚會，咁啱比我發現天后有間wine bar地方唔係旺區所以比較難發現，仲要新開都仲未好多人，想安靜傾計chill飲紅酒🍷紅酒種類都算多，老闆個人都幾健談，仲坐低傾計飲左兩杯，原來大部分既酒佢都試過好飲先入貨，質素有信，唔知飲邊款可以請教佢幫你選擇.最有驚喜食物，因為wine bar 所以對食物期望不高，選擇唔算多！我就一開始叫個cheese platter見$180仲有六款芝士都算平，最鐘意係個炸豬大腸🤣老闆話改名為‘蕩氣迴腸’個sauce係自家調製好夾個大腸，好夾飲紅酒.Sharing Platter有全份或者半份，我地四個人就叫全份入面有6款炸物，新鮮炸起好香口其實我見仲有幾款都想試，但真係好飽，唯有留待下次啦🥲以後有多個飲酒聚既選擇🥰
繼續閱讀
您可能會有興趣的...