1146
107
53
| 餐廳: | Odelice! (The ONE) |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
開飯介紹
菜式多元化、走巴黎小酒館風格的法式連鎖店，以傳統法國菜食譜為基礎，創作一系列融入亞洲風味的家庭式法國料理。
繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
有關餐廳
有關獎賞計劃
優惠
| 餐廳: | Odelice! |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
今日經過THE ONE，睇到哩間餐廳裝修好靚，咁試試。餐廳裝修以藍色為主，晚市基本全滿，侍應同客人好多外國人，好似去到歐洲咁。套餐包埋湯同麵包，質素唔錯。Frozen Tropicolada，菠蘿加香蕉同椰奶打成沙冰，椰奶香滑好smooth。成杯嘢濃鬱得嚟又唔會太甜，很熱帶風情啲一杯嘢飲。Macha Apple Zest，用咗宇治抹茶粉，飲落甘香唔澀口。再落入蘋果汁，檸檬汁同蜜糖，酸甜得嚟又帶抹茶回甘，味道好複合。黑松露水牛芝士，水牛芝士好似個番茄咁大，切開仲要流心。咬落去creamy到漏，再搭配埋番茄片同甘蔥雪莉醋汁，balance得啱啱好。最正係面頭落埋大量黑松露，口味更加豐富。香橙油封鴨腿，好考驗功夫啲一道菜，需要把鴨皮焗到香脆，鴨肉仲要軟嫩。食落鴨皮真係好脆，鴨肉仲要唔UN。搭配嘅香橙醬好特別，酸甜鹹香，同鴨腿好夾。伴碟嘅薯粒金黃焦香，西蘭花苗新鮮鮮甜，全部都好好味。澳洲和牛牛脊肉，牛脊肉煎到七成熟，表面焦香，切開仲見到粉紅色。牛肉質素好高，食落軟嫩唔鞋好重牛味。薯蓉溝咗大量牛油，入口綿密好幼滑。雜莓芝士蛋糕，芝士超細滑，甜度啱啱好平衡到雜莓嘅酸。仲要加咗自家製雜莓醬，每啖都食到唔同層次，好滿足。最後都想贊下哩間餐廳服務，唔單止主動換碟，仲要問下菜品口味如何，服務真係好好。侍應Louis仲要好風趣，不停過來同我地傾偈，成晚氣氛都好好！
繼續閱讀
邊個話食法國野就一定要貴，性價比高既【Odelice!】都係一個選擇。之前都去過幾次，但裝修後就係第一次去，最近夜晚有套餐、2人甚至多人套餐都有。我地當然選擇左雙人餐啦，CP值超高。套餐包括餐湯、2個小食（甜品都可選）、2個主食。南瓜湯配餐包：南瓜湯好creamy，甜度啱啱好，仲有淡淡嘅南瓜香，飲落好暖胃。餐包外脆內軟，點湯一齊食簡直絕配！The Burrata流心水牛芝士：Burrata芝士超正！切開即刻流心，口感好滑溜。配埋西班牙火腿嘅鹹香、水蜜桃嘅清甜同火箭菜嘅微苦，再加埋樹莓油醋汁嘅酸甜，味道層次好豐富。法式點心拼盤：拼盤好精緻，每樣都好好味！蟹肉他他鮮甜，三文魚醬香滑，迷你蛋批外皮酥脆，炸黑松露球香口到爆，西班牙火腿鹹香十足，一次過滿足晒所有願望！香橙油封鴨腿：佢地既招牌，鴨腿煮得好淋，皮脆肉嫩，香橙醬帶少少甜酸，好惹味。西蘭花苗同燒薯粒簡單調味，襯托得鴨腿更加出色。阿根延安格斯牛脊肉：牛脊肉煎得啱啱好，肉質juicy又嫩滑。鴨肝白蘭地醬香濃得嚟唔會搶咗牛肉味，法邊豆同燒薯粒就中和咗油膩感。Honey Ginger Punch：蜜糖同生薑嘅組合好特別，幾乎無薑味，仲有芒果嘅香甜，加埋蘇打水嘅氣泡感，清新又解膩。Japanese Mule：呢杯cocktail好有驚喜！蚝酒同巨峰提子香甜酒嘅味道好夾，水蜜桃糖漿帶出甜味，紅茶底令成杯酒更加順口。
繼續閱讀
The One呢間法式餐廳已然食過好多次，至今仍然係我最愛嘅法系餐廳之一👍🏻，今次又同朋友嚟咗食2人dinner set（$538），店員會先送上麵包🥖同餐湯🥣，加上2小碟+2主菜，都幾豐富。·Starter♡ 火腿芝士拼盤拼盤有法式凍火腿🥓、西班牙火腿🐖、康堤芝士🧀、Reblochon芝士🧀，配埋麵包一齊食啱啱好。·♡ 法國Charolais生牛肉他他生牛肉🐂以香料調配，無腥味，牛肉口感幾爽滑😚，搽喺麵包上食係好好食😻，感覺好奢侈～·Main♡ 阿根廷安格斯肉眼牛扒（+$50）叫咗5成熟，切開見到肉色粉嫩🤩，生熟程度恰到好處，咬落唔會韌，厚切啖啖肉🤤；搭配嘅粗薯條係即叫即炸，外脆內軟，好高質😋!!·♡ 黑豚帶骨豬鞍（+$45）豬鞍肉質整得香軟嫩口😚，幾有驚喜；特別一讚係個忌廉肉汁同豬苛鞍好夾👍🏻，香甜甘口味道有啲似甘荀汁🥕。·♡ Mango Tango HKD$85·♡ Frozen Strawberry Daiquiri HKD$65·📍Odelice! 彌敦道100號The One 4樓L407號舖
繼續閱讀
好耐之前已經喺灣仔同將軍澳分店食過晚飯，感覺唔錯，知道佢有做下午茶 picnic set，即刻要同閨蜜嚟試下😍野餐在巴黎 Picnic in Paris $258/2侍應首先喺檯面post上紅色餐巾，然後 用巴黎鐵塔裝住兩層嘅 picnic set，真係好有儀式感🤩鹹點：蟹肉他他迷你撻：材料好豐富，好鮮味三文魚醬多士：好清新康堤芝士：好香，分開逐少配鹹點食，一流菠菜芝士迷你蛋批：焗完有好香嘅蛋味炸黑松露蘑菇球：好香黑松露味，熱辣辣好好食甜點：蘋果肉桂迷你撻：肉桂味同蘋果好夾馬卡龍：唔會太甜，剛剛好巴黎式芝士蛋糕：份量好大件，好香朱古力合桃布朗尼：成粒擺落口充滿幸福感😍Picnic set包兩杯飲品: Latte+$18; Sparkling wine +$40呢個set真係好抵食，傾下講下就坐咗兩個幾鐘，過咗一個開心嘅下午🥰評分：最高為5分治癒度：👩⚕️👩⚕️👩⚕️👩⚕️抵食度：💉💉💉💉💉翻兜指數：🩺🩺🩺🩺@o.deliceOdelice! (The ONE)彌敦道100號The ONE 4樓L407號舖📍尖沙咀B1/尖東港鐵站N2出口3分鐘路程#healingbobo #foodie #hkfoodie #foodiehk #香港 #美食 #法國餐廳 #西餐 #將軍澳美食 #荃灣西 #海之戀 #灣仔好去處 #灣仔美食 #尖沙咀好去處 #沙田美食 #香港美食 #TsimShaTsui #TST #尖沙咀 #留港消費 #frenchfood #法國菜 #Picnic #HighTea #下午茶 #Odelice
繼續閱讀
位於The ONE四樓嘅Odelice….以復古藍白瓷磚同藤編燈飾營造出浪漫氛圍….每次經過都會被吸引….🐾 忌廉西蘭花餐湯好Creamy….配埋煙肉碎嘅鹹香….好有口感….🐾 法式點心拼盤炸辣蟹肉球：金黃脆殼包裹絲狀蟹肉….配埋微辣檸檬蛋黃醬…好食🥰煙三文魚：挪威冷燻三文魚迷你蛋批：好有蛋香香草芝士撻：鹹香芝士撻唔會太漏雅枝竹蘸醬：蘸醬帶有淡淡堅果香…配埋苦苣…層次豐富🐾 阿根廷安格斯肉眼牛扒牛扒煎至微脆…..鎖住粉紅肉心….好juicy….🐾 海鮮燴飯黑青口飽滿無沙….蜆肉鮮甜…..飯粒吸收晒以龍蝦頭熬煮嘅bisque醬汁…..🐾 法式蘋果撻將焦糖蘋果片鋪底烘烤…..搭配雲呢拿雪糕…好吸引🤩🐾Lavender Long Island(gin, white rum, vodka, sparkling wine, lemon, lavender syrup)：薰衣草糖漿替代可樂….接骨木花與氣泡酒…好易入口🐾Green Apple Mojito(white rum, green apple purée, fresh mint, soda water)：現搗薄荷葉激發香氣….夠曬fresh
繼續閱讀