影片
以上資料只供參考, 請與餐廳確認詳情
-
網上訂座服務暫停
相關文章
唔會推介呢間野比任何人 。其實我只係預早咗一日book枱，之後佢要我比deposit留枱，ok冇問題 。點知屋企人突然於當日過身，我即時通知餐廳我未能出席，其實我係相當明白餐廳唔會安排refund deposit比我，我解釋咗屋企人過咗身，只係要求佢extend比我一個月內再book返去食，但係餐廳都唔願意 。餐廳話我一定要一星期內去食 。最後我當然冇心情出席，好彩有朋友願意代我去，佢地食飯當日間餐廳都係得小貓三四隻，食物味道係可以，但係完全overpriced，唔值得呢個價錢 。另外，如果真係想試嘅，建議唔需要比deposit book枱，相信walk in都有好多位 。我諗一間餐廳嘅rating除咗食物之外，成個experience都好重要 ，所以我一定唔會再去 。
繼續閱讀
星期六嘅中環比平時實在少人太多今日去到ODD 都係得3枱客服務質素當然一流😆今次試左weekend set lunch 前菜有麵豉湯沙律同埋海帶味道正常 冇任何記憶點 $288 有好多款揀我就揀左sushi 🧡壽司有10件全部都食得出好新鮮 符合價錢但係亦都冇咩記憶點 🤣食完會覺得係符合期望 呢個價錢中環呢個質素 不過服務真係值得一讚 ☺️經理哥哥十分醒目Btw house red 就真係麻麻地😅最後有個甜品，不過唔記得影相 另外叫咗個抹茶布甸都幾出色 抹茶味好濃 😆
繼續閱讀
係中環開會，又可以係中環食lunch。呢度應該係主攻銀行界嘅員工，出示銀行員工證有額外九折優惠。Menu以套餐為主，價錢都算適中，選擇都算多，包括Sashimi🍣，熟食，同埋串燒類🍢。個人欣賞佢哋嘅有一個mini 丼飯套餐，可以選擇兩款不同嘅丼飯，再配上沙律、前菜、熱烏冬或蕎麥麵及甜品。刺身新鮮，海膽好味。Mini 丼飯其實都唔算好mini，啲魚生都夠多，兩碗飯其實根本都食唔晒，只係能夠食晒啲魚生。嗰日天氣比較凍，所以選擇K.O.咗個熱辣辣嘅蕎麥麵先，食完成身暖晒，之後再慢慢食魚生飯。服務都幾好，食完唔會即刻趕我哋走，仲不停添茶俾我哋慢慢傾吓偈。
繼續閱讀
位於中環商業區的日本餐廳，啱晒打工仔放工約朋友chill下🍻餐廳裝潢時尚又有氣派，以黑金色為主調，穿過酒吧區，就會進入用餐區，提供鐵板燒、廚師發板和日式料理。💫黑毛和牛壽喜燒黑毛和牛品質極佳，顏色接近粉紅色，白色的油花密密麻麻的密佈於肉上，口感極度嫩滑，令人忍不住一口接一口地吃下去！壽喜燒醬汁十分香甜，但卻不會搶了黑毛和牛的滋味，黑毛和牛吸收了結合湯汁和肉汁的精華，又濃又香，令人齒頰留香。在冬天食一塊沾上蛋汁的極品和牛就絕對暖心又暖胃啦！💫特上松葉蟹甲羅石鍋飯賣相好吸引既石鍋飯！有creamy入口即溶的海膽，加埋蟹膏、蟹肉和蟹籽，鮮味十足！將所有配料混合紫菜和三文魚籽一齊食，淡淡都食到幸福嘅滋味！💫藍鰭吞拿魚腩吞拿魚肥美之魚腩, 是全條藍鰭吞拿魚中最肥美的部份!! 拖羅佈滿精緻的魚油花紋, 口感入口即化, 油香四溢而又鮮甜無比, 完全不膩, 真係回味無窮！💫燒白鱔燒白鱔，外層燒得香脆，鱔肉亦燒得剛好，多汁又彈牙，真係可以encore 多幾串！💫燒北海道帆立貝帆立貝大大串好新鮮，有炙燒過所以帶點焦香味，食落口感彈牙，味道鮮甜！💫鹿兒島茶美黑豚荔枝卷豚肉肉質嫩滑，味道濃郁，加入荔枝肉爆汁好juicy，荔枝的甜更能突出豚肉的鮮味！💫燒鵝肝釀名古屋雞翼燒雞翼就食得多，釀左鵝肝嘅雞翼真係第一次食！雞皮燒到好香脆，雞肉肉質香嫩，咬開有滿滿鹹香惹味既鵝肝，好特別！💫炸多士香蔥辛辣吞拿魚蓉即剁的碎吞拿魚腩幼細香滑，軟綿綿的口感，香蔥辛辣更惹味，配埋一口一粒的炸多士，口感層次好豐富！💫宇治抹茶北海道牛乳布甸抹茶味好濃郁，呢個布甸可以食到好濃郁既3.6牛乳，加埋紅豆perfect match 💯
繼續閱讀
這間日式酒吧餐廳位於中環的渣打銀行大廈，主打多元化的日式料理，包括壽司Omakase、鐵板燒及燒鳥。店內大部份食材均日本直送的新鮮上乘食材，更融入創作元素。餐廳環境分多個區域，招牌橢圓型酒吧兩邊設有用餐區，主餐區設有壽司吧枱及鐵板燒，還會不定期安排駐場DJ在晚上打碟。坐在廚師吧枱能欣賞師傅們的製作過程，師傅在江戶前壽司的基礎上，加入新派元素及做法充滿個人特色。日式漬物自家製醃薑，原條醃製更有口感，酸酸甜甜，爽口清脆。壽司拼盤(8貫) - $428兵庫縣真蠔海中牛奶之稱，蠔身肥美肉厚嫩滑鮮甜。赤貝鮮艷紅潤的赤貝非常彈牙清爽，鮮甜帶有海潮香氣。秋刀魚秋季當造的魚之一，銀灰色的魚皮下紅潤的魚肉特別肥美，魚肉的油香和濃郁的魚味交錯。鰤魚即野生油甘魚，秋季特別當造，魚肉更加爽身，風味更佳。牡丹蝦蝦肉肥碩極具彈性，濃厚的甘甜味餘韻悠長。超拖羅蔥醬油漬令魚肉變得緊緻，細密的纖維更有口感。拖羅如雪花般的脂肪，有好重的魚油甘香，入口即溶，魚子醬提鮮。穴子星鰻比起河鰻更加香糯，汁燒後金黃色的魚皮，包著雪白的魚肉，更加甜身及順滑。玉子蛋糕由雞蛋及魚蓉等製成，類似海綿蛋糕，有濃厚的鹹鮮甜味。燒鵝肝壽司 - $108外脆內軟的鵝肝豐腴得入口即化，滿嘴油脂的甘香，柚子蘿蔔平衡膩感。火炙牡丹蝦 - $88鮮甜彈牙的牡丹蝦加上燒香的蝦頭膏，爽口之餘，又有濃郁的蝦味。火炙帆立貝蟹膏 - $88/2件超大粒日本北海道帶子，厚厚的肉身超有口感，入口有著甜美柔軟的質感，極具彈性；自家製蟹膏採用時令的松葉蟹製作，吃昆布長大的蟹膏略帶綠色，精緻細膩，有豐富獨特的蟹味。
繼續閱讀