361
5
0
港鐵尖沙咀/尖東站 B1 出口, 步行約5分鐘 繼續閱讀
電話號碼
28879820
56635003
開飯介紹
餐廳環境寬敞,兩邊採用兩款截然不同的裝修,一邊是燈光昏暗的酒吧格局,一邊是純白優雅,更有「鳥籠」座位,適合打卡。主打高級西式料理,亦提供各式雞尾酒,適合相約朋友暢聚。 繼續閱讀
營業時間
今日營業
14:00 - 22:00
星期一至五
14:00 - 22:00
星期六至日
12:00 - 22:00
公眾假期
12:00 - 22:00
公眾假期前夕
14:00 - 22:00
付款方式
Visa Master AlipayHK 支付寶 現金 OpenRice Pay
其他資料
網上訂座
Wi-Fi
深夜營業
酒精飲品
自帶酒水
切餅費
VIP房
電話訂座
賞訂座積分
加一服務費
當面支付
有關獎賞計劃
食評 (372)
疫情以嚟,外出用餐嘅次數唔多,而且大部分都係早午餐時間去咖啡店為主,甚少食下午茶或者晚飯。最近呢間喺諾士佛臺嘅餐廳幾hit,枕住都見到有人介紹,襯週年紀念日前後同另一半過嚟食個tea餐廳裝潢有兩種唔同風格,近門口位置嘅枱凳、佈局係比較暗黑型格嘅bar。而裡面係用完全相風嘅顏色,以白色為主調,加上植物佈置,玻璃窗透入陽光,簡潔明亮,比較適合打卡影相。呢度位置唔少,其實幾張係梳化椅設計,三五知己食tea就啱哂;另外兩張係好受歡迎嘅打卡枱,以鳥籠設計。如果想坐指定位置,我諗訂位係基本,仲要試吓查詢店員添啊;因為呢個區域都真係幾多客人,尤其是週末。餐牌選擇非常多,沙律、頭盤、湯到主食、甜品有齊。主食有例如燒豬腩、意粉、意大利飯、扒類、烤雞等,單點價錢同一般西餐廳差唔多。而我哋今次為tea set而來,餐廳都供應兩款下午茶,一款係有鹹甜點,另一款係全鹹點,客人因應喜好挑選,做法有彈性,畢竟有啲朋友唔係太喜好甜點。下午茶定價$398/2位 (星期一至五),配咖啡/茶,可以加錢升級特飲,另收加一,人均大約230至250蚊啦,好合理(未到下午茶時間,估唔到都幾旺場,所以真係記得記得要訂位!值得一讚店員好有禮。)All Savoury Afternoon Tea $398/2Birdy Passion +$38Hot Fruit Tea +$38下午茶好快上枱,全鹹點下午茶以層架上,擺盤都靚嘅,所以見到咁嘅陣容,都要相機食先啦 (枱枱都係咁㗎喇,哈)呢個下午茶有8款鹹點同埋下午茶必備嘅英式鬆餅,鹹點分別有:素牛肉漢堡、青瓜蛋沙律三文治、巴馬火腿蘆筍卷、無花果鵝肝醬多士 (當日轉咗做薄燒牛肉麵包卷)、迷你蟹餅配三文魚籽、黑松露大啡菇法包、煙三文魚慕絲餅乾同車厘茄大蝦配牛油果醬。至於英式鬆餅就會跟埋果醬同忌廉芝士,基本上都好豐富。呢度始終係西餐廳、bar,本身都有供應鹹食,所以呢個tea都有番咁上下質素,唔會差得去邊,可以放心。各款鹹點味道都唔錯,幾鐘意青瓜蛋沙律三文治咁樣刨薄片,就算好怕青瓜陣味嘅朋友都唔會抗拒另外用巴馬火腿夾住蘆筍卷都幾有新鮮感,健康好味。所以我都幾滿意呢set下午茶,唔會千篇一律。店員好細心,提醒我哋鬆餅啱啱焗起,可以襯熱食。呢個鬆餅個頭不小,外層微脆,裡頭亦都唔乾冇粉感,夾埋cream cheese同jam,呢個質素我都收貨喇!我哋升級咗特飲,水果茶唔會太甜,ok啦。呢杯熱情果特飲好可愛,個杯係雀仔造型,我都係見個個都點,所以點嚟影吓相,嘻嘻。希望疫情盡快完結,大家可以快啲約吓朋友出吓街食飯啦 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-07
2288 瀏覽
🇭🇰Oasis Bar & Grill ·依家無得夜晚堂食真係好難約朋友見面🥺🥺我平時食tea都係鍾意食鹹點多啲 難得見到呢間既teaset有得全部要鹹點我就約左朋友黎食 估唔到都幾有驚喜🤩而且佢呢度既環境坐得好舒服 好適合坐低慢慢吹水😌·all savoury afternoon tea $428 for two·scones因為個staff話佢地個scones係啱啱焗好 所以我地就決定食左佢地先😈佢個scone真係熱辣辣 一擺入口已經加分 佢個質感同味道都唔錯 幾有驚喜 不過唔知係咪因為佢太大舊 食到最尾有啲好似蛋糕咁🤣🤣·bottom layer因為佢所有都係鹹點 所以我地都無話特別分食邊啲先啦 就咁由底層開始😂😂佢個青瓜蛋沙律三文治幾有驚喜 佢本身個蛋沙律整得幾好食 而且個青瓜好夠薄得黎清清地 唔錯🥒之後佢個蟹餅都好真材實料 出面好脆 而且入面真係食到一疏疏蟹肉 我自己幾鍾意🦀️😍個煙三文魚餅乾又係好唔錯 佢個煙三文魚鹹度好適中 最後個beyond meat burger我自己就麻麻啲 因為我始終覺得呢啲素肉有一陣草味 我自己鍾意真既beef patty多啲🤭🤭·top layer因為bottom layer全部都好好食 所以我地對呢層期望好高 但係我自己就覺得呢層啲嘢食調味重手左少少咁 無下層個啲咁出色🤣佢個parma ham實在太鹹啦 所以好似覆蓋曬蘆筍個味咁🤔🤔之後個車厘茄大蝦我個朋友話唔錯既 個蝦幾好味 不過都係偏濃味少少🦐🙊之後個鵝肝醬多士反而唔錯 口感唔錯 而且唔會話太腥😌最後個黑松露大啡菇都唔錯 甜甜得咁幾好食 不過我自己覺得可以再juicy啲😈😈·peach iced tea $28佢呢個都幾好飲 唔會話太甜 好夾個teaset 不過唔知係咪佢個果乾漬過既原因 佢有一個好特別既回甘 同平時飲開既有啲唔同🤣·#rbyeat#rby西餐#rby尖沙咀·📍尖沙咀諾士佛臺1號8樓 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-04
1425 瀏覽
有酒吧街之稱的諾士佛臺一向是蒲精熱點,以特色酒吧及餐廳聞名。見今日天氣唔錯,應友人邀約來到諾士佛臺 1 號呢間樓上酒吧餐廳「Oasis Bar & Grill」食晏。餐廳嘅裝潢很有心思,分為日與夜,以黑白色調分開兩個格調截然不同的用餐區域。一邊是燈光昏暗的型格酒吧,而另一端則以城市綠洲為主題,雪白的牆身拼配人造草皮天花,加上四周擺放了不少綠色植物和盆栽,風格清新簡約,充滿大自然氣息,讓人流連忘返。餐廳午市以套餐為主,主菜共有 6 款可供選擇,另外亦有 Brunch Menu、小食、前菜、扒類等供應。我哋點左兩個 3-Course Set Lunch ($138@)。是日餐湯為雜菜湯,湯身熱辣辣,內有薯仔、蕃茄、青瓜、紅蘿蔔、西芹、洋蔥等,蔬菜沒被煮爛,喝得出蔬菜的鮮味,清甜又足料。科布沙律用料亦非常豐富,有雞蛋、粟米、車厘茄、青瓜及沙律菜等,色彩明亮繽粉,以橄欖油撈拌著吃,清爽又健康。小食選了柚子蜜糖雞翼 同 白酒煮青口,雞翼煎香後以韓式柚子蜜調成的醬汁煮至入味,食落酸咪開胃。青口肉質 Creamy,甘香又嫩滑,入口有海鮮味兼白酒香。主菜點了蕃茄大蝦扁意粉 同 炭燒肉眼扒,意粉賣相好吸引,離遠已經聞到陣陣酸香,紅紅嘅顏色,非常鮮艷!面頭的蝦隻肉質挺鮮美,紮實彈牙,入口啖啖肉。意粉煮至軟硬適中,口感非常爽滑,吸盡大蝦的鮮香。炭燒肉眼扒 (+$48)  比預期大塊,上桌時香味動人,肉質嫩滑又有牛味,加上脂肪比例均勻,不會吃到滿嘴都是油花,配上特調嘅醬汁吃,味道一流。甜品點左提拉米蘇配濃咖啡 (+$30),個 Tiramisu 同平時食開嘅有點不同,做得比較挺身,軟芝士忌廉入口輕飄飄,絲滑輕盈,不甜不膩。把小杯內的濃咖啡淋上面,蛋糕嘅濕潤度剛好,能吃到咖啡嘅甘澀和酒香。跟餐飲品可以揀咖啡或茶,如果想轉柚子蜜、新鮮菠蘿冰茶或橙汁,就要另 +$18。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-28
1241 瀏覽
當同一間餐廳我可以去超過2次就代表我真係好鍾意果間餐廳。【Oasis Bar & Grill】已經去第三次,因爲晚市無得堂食,所以今次係食lunch。同平時晚餐D野食好唔同,除左lunch set外,仲有brunch。今次就叫左4-course Lunch Set加甜品同All Day Breakfast 。4-course Lunch Set$168 (L): Lunch Set可以自由搭配1/3/4 course,我地兩個人share 就叫左4-course,包括沙律、餐湯、小食同主菜。另外加左特飲同甜品。 科布沙律:主要以瓜類同其他蔬菜作搭配,裏面仲有少少粟米同石榴籽點綴。無用沙律醬、用橄欖油有種清新清爽既感覺。同平時食開既沙律好唔同。菠菜薯仔湯:每日餐湯都唔同,而我果日去就係呢一款。菠菜味濃、加左薯仔好creamy,而且菠菜湯好特別,又唔會好鹹好heavy。小食mozzarella stick:黎呢到幾次都未食過佢地好出名既mozzarella stick,今次跟餐有就選擇左。有4條超級多,而且新鮮熱辣,裏面仲要係拉絲既!芝士控一定超愛!主食 炭燒肉眼扒 + $48:肉眼扒肉厚又大份,而且炭燒味超級香。雖然叫5成熟、都好似熟左少少,不過肉都好軟。配菜既薯仔都好香!All Day Breakfast: 呢一set有炒蛋、紐約堡腸、煙肉、番茄扒、茄汁豆、薯餅、炭燒菠蘿、sourdough。炒蛋超級creamy,而且難得薯餅有兩塊。其他食物都中規中矩、最特別係有炭燒菠蘿同sourdough!其他地方既All Day Breakfast 未食過!菠蘿冰茶 + $18:超特別新鮮x風乾菠蘿凍茶,茶有菠蘿味、又唔係好甜,非常清新解渴!Tiramisu + Espresso + $30: FrozenTiramisu 芝士味重,而且搭配新鮮冲起既Espresso,非常香濃、口感特別,超完美既埋尾! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-27
933 瀏覽
位於尖沙咀的Oasis Bar & Grill,是一間以城市綠洲 Day & Night 為主題的西餐廳。店內有兩種不同的裝修風格,一邊是型格的酒吧格局,一邊則形造出大自然的舒適清爽感覺。綠洲設有數張搖籃椅,感覺有趣又浪漫,而且深受年輕人仕喜愛,在社交媒體上,常常看到客人的打卡照呢。 這天是星期六,最適合舒舒服服、優優閑閑吃份中午餐。而餐廳最近推出全新設計的假日菜單,正好可以試一試呀。餐單以包類為主,價格由$98至$138不等,不過不含飲料,需要另外單點呀。 全日早餐 $138 大大份全日早餐足夠兩人分享,包括: 炒滑蛋、紐倫堡腸、煙肉、扒蕃茄、茄汁焗豆、黄金薯餅、炭燒菠蘿 和 酸種麵包。紐倫堡腸鹹香惹味,扒蕃茄汁水豐富,薯餅炸得金黄甘脆,非常好吃呢。滑蛋質感滑嫩,但略為過水,稠一點更好啦! 荷蘭鐵鍋班戟 $98 向來愛吃班戟,荷蘭班戟也不例外呀! 用鐵鍋製成的菜式,傳來濃郁蛋香,把蛋黄刺破,流出濃稠蛋液。再淋上酸甜黑醋,令味道層次更豐富呀。 柚子牛油蜜糖雞翼 $78/4隻 被大量柚子醬包裹的雞翼閃閃發亮,雞翼炸漿厚薄均勻,即使淋下醬汁,也不減自身的香脆感,質素不錯。不過柚子醬有點過甜,減一點糖就更好啦! 繼續閱讀
(以上食評乃用戶個人意見 , 並不代表OpenRice之觀點。)