94
1
0
港鐵尖沙咀/尖東站 B1 出口, 步行約5分鐘 繼續閱讀
電話號碼
28879820
開飯介紹
餐廳環境寬敞,兩邊採用兩款截然不同的裝修,一邊是燈光昏暗的酒吧格局,一邊是純白優雅,更有「鳥籠」座位,適合打卡。主打高級西式料理,亦提供各式雞尾酒,適合相約朋友暢聚。 繼續閱讀
營業時間
今日營業
17:00 - 01:00
星期一至四
17:00 - 01:00
星期五至六
17:00 - 02:00
星期日
17:00 - 01:00
付款方式
Visa Master 現金
其他資料
網上訂座
Wi-Fi
深夜營業
酒精飲品
自帶酒水
切餅費
VIP房
電話訂座
賞訂座積分
加一服務費
有關獎賞計劃
食評 (96)
✏️ 墨西哥芝士雞肉烤餅配牛油果醬 酸忌廉 番茄莎莎 ($108)烤餅質感同想像中有啲唔同 佢係偏似印度薄餅嗰款酥餅嘅質感 內裏芝士雞肉份量都好足 調味惹味 即使單食唔點醬汁都唔會覺得寡😛另外配左嘅三款醬最鍾意係佢嘅牛油果醬🥑不過個烤餅皮有啲位燶左啲 識落有啲啲燶左嘅苦🥶〰️✏️芒果蟹肉牛油果塔 ($138)配搭好清新 最面嗰層蟹肉食落去一梳梳好分明 新鮮唔霉嘅感覺🦀中間層芒果肉大大粒而且都幾甜🥭底下嘅牛油果同烤餅嘅牛油果一樣 生熟度剛好 質感creamy🌝不過如果呢層厚翻啲 同上2層balance返就更完美🤪面頭少許三文魚籽增添左份鹹香同口感〰️✏️香煎石斑魚柳配粟米蓉 菠菜 法式檸檬牛油汁 ($318)石斑魚柳即使煎完都保留左應有嘅水份 唔會乾 好厚切啖肉而且肉質有微微彈牙 底下嘅菠菜吸左牛油汁 都勁好食🤪〰️✏️菠菜芝士意大利雲吞伴番茄芝士汁($148)呢款主菜比較特別 唔係周圍有得食 可惜外貌真係有啲扣分 睇落唔算特別討好🤣不過味道都唔錯🌝啲泡泡係菠菜鮮奶泡沫 意大利雲吞內裏嘅餡料係菠菜芝士 食落好鹹香 但唔算膩 外面嘅番茄汁 帶微酸 可以同芝士做返個平衡🍅🧀〰️✏️ 荷蘭鐵鍋班戟配焦糖香蕉 朱古力醬及雲哩拿雪糕 ($88)上個po介紹完主菜同小食 最後我哋仲試埋個甜品因為好似幾特別😚班戟好係要連埋鐵鍋一齊上 班戟新鮮熱辣出爐(食嘅時候小心啲 我唔小心揩到個鑊勁辣手🤣)上面係焦糖香蕉同埋雪呢拿雪糕🍦一凍一熱食有冰火交融嘅感覺 好過癮🤪另外仲灑左朱古力脆脆令整體口感更豐富 個班戟係帶微微煙韌嘅口感 好好食😋記得點埋旁邊嘅朱古力醬!超級欣賞 因為味道好濃郁之餘 係帶微微朱古力嘅苦 可以中和到焦糖香蕉同雪糕嘅甜 做到個好好嘅平衡😚 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-20
1003 瀏覽
諾士佛臺最 Chill 的談心聚腳地好耐無同閨蜜傾心事,就約左佢去諾士佛臺聚下。上左8樓間Oasis Bar & Grill 諗住試吓,原來係新開張。上到黎職員帶左我地入一間令人眼前一亮既房間。入面既佈置好靚呀~😍好似渡假既地方,我地選左個好似鳥籠既坐位,感覺自成一角好舒服。真係傾咩心事都唔驚俾人聽到啦。☺️未食之前緊係周圍影下相,打下卡啦。呢度真係好好影。🥰職員介紹我地試下個「芒果蟹肉牛油果塔」$138一打開個 Menu 見到已經睇中左😆有芒果、蟹肉、牛油果🥑,三樣我都勁鍾意食。😍三樣一齊食味道勁夾,好 fresh。好開胃。閨蜜鍾意食生蠔🦪,緊係要點返個「海鮮生蠔拼盤」$398 大大盤海鮮拼盤,有法國新鮮生蠔 x 4,阿根廷紅蝦 x 2,北海道帶子 x 2,青口 x 4。生蠔🦪好大隻呀~😍 蠔肉非常爽脆,入口鮮甜肥美,生蠔味道特別細膩,層次豐富,柔滑兼備。阿根廷紅蝦勁多膏,爽口鮮甜。北海道帶子好新鮮,入口那份鮮甜久久不散。青口本身唔多食,就留給閨蜜吃了。「炭烤澳洲M5和牛肩肉伴法式忌廉焗薯,野菌蓉,甘筍仔」$398 呢度也是超推介,入口即溶,牛肉的鮮甜脂香會在炭烤後變得更加濃郁迷人。入口即化的的油脂和綿軟如絲的紅肉都能讓味蕾充分享受。飲品我地點左 Refreshing Passion $88 & Lips of an angel $88 ,賣相同味道都唔錯可以一試。成餐飯我哋都好滿意,唯一敗筆就係去到10點幾左右,開始有客人食水煙,唔食煙嘅我哋喺間房度會覺得有啲焗。所以就急急腳走人了。原本仲諗住叫甜品,可惜我哋頂唔順陣煙味。但餐廳環境同埋食物質素都相當高。好滿意。我哋兩個女仔食咗$1200左右。環境 🌟🌟🌟🌟🌟食物 🌟🌟🌟🌟🌟服務 🌟🌟🌟🌟🌟抵食 🌟🌟🌟🌟🌟 繼續閱讀
(以上食評乃用戶個人意見 , 並不代表OpenRice之觀點。)
等級8 2020-06-19
4258 瀏覽
由於疫情開係,無同啲親友聚舊好耐喇,雖然,依家限聚方面放寬咗好多,但小心起見,仲未有啲家族大聚會。不過,較為老死嘅表哥,就約咗佢聚一聚,對上一次相聚已喺舊年11月嘅事,仲記得嗰次約佢喺晌尖沙咀嘅一家酒吧餐廳,今回再約,都喺揀咗一家酒吧餐廳「Oasis Bar & Grill」,喺友人試過嘅極力推介,原來,更喺一家新開無耐嘅餐廳。晌鋪面,已覺得好型格,入去前量體溫喺新常態嘅基本動作,但竟然仲提供埋擺口罩用嘅白信封俾客人,真細心。走到入內,一室以黑色為主調,配以聚焦燈,極度時尚感。室內嘅環境都頗大,地方感覺闊落,鎅開幾個用餐區之外,還有少少高腳枱櫈,適合純粹嚟歡樂時光。值得留意嘅喺,室內嘅裝修加咗唔少綠化,而天花燈更喺花咗心思,喺啲樹枝嘅造型,以及雀鳥狀燈飾,貫徹咗餐廳嘅名字「Oasis」!再走入餐廳另一邊,化身成休閒區,架設咗唔少吊椅,喺好多客人搶住嘅打卡位,從而令整個區域添咗幾分清新、閒逸嘅情調。點解影套餐具?無錯,喺別有用心,喺想講講佢哋嘅服務。餐枱墊摸上手,喺特製矽膠做,易於清潔,感覺更衛生;由於我哋點咗西冷,餐刀都隨即轉咁扒刀;除咗西冷,我哋仲點咗一客雞卷,估唔到都幫我哋換晒啲碟。其實,服務上仲有好多細節位佢哋都有留意到,超熨貼,稍後再分享。既然餐廳以「Bar & Grill」作定位,各式酒類自不然喺亮點,而燒烤菜式相信喺店家嘅自信出品。先介紹吓飲品一欄,雞尾酒當然喺一家酒吧嘅賣點,招牌款式又好,經典款式又好,選擇甚多,唔好酒嘅我,又可以揀無酒精嘅雞尾酒。此外,啤酒、烈酒、紅白餐酒都一應俱全。順帶一提,5:00pm-9:00pm喺歡樂時光,有買一送一優惠。飲得酒,最好就喺有啲小食嚟佐酒,夾晌飲品餐牌中,就附上小食餐單,如各類特色薯條、炸洋蔥圈、芝士條、雞翼、墨西哥脆片……等等。所以,三幾個朋友收工後嚟短聚,飲吓嘢,啤一啤都幾唔錯。我哋都貪口痕,揀咗當中嘅炸芝士條嚟試試。食物方面又有咩選擇呢?一紙主餐牌,分為湯品及沙律、前菜、海鮮拼盤、主菜、扒類、伴菜及甜點,選擇唔少,而且,睇落都屬精巧嘅菜式。Refreshing Passion $88以前飲Mocktail主要都喺啲果汁、糖漿、梳打溝成,絕無酒精成份,但今次就用咗無酒精嘅酒Seedlip Spice 94嚟做,非常特別。再混入柚子蜜、熱情果糖漿、蘋果汁,襯以薄荷葉及一片橙乾,賣相非常吸晴。細味一下,酸香而帶點柚子嘅甜,感覺非常清爽,配一陣上枱嘅炸芝士條,真喺夾到爆。Tropical Delight $88表哥則揀咗另一款以無酒精嘅Seedip Garden 108酒、玫瑰糖漿、西瓜汁、蘋果汁、梳打水打造嘅特飲,再以士多啤梨及菠蘿做裝飾,同樣賣相好睇。佢話味道頗清新,但感覺少女啲喎,哈哈!順帶一提,餐廳都好支持環保,「走塑」採用咗紙飲管,抵讚。炸水牛芝士條 $78薯條食得多,換口味試試炸芝士,況且,小弟都好鍾意食芝士。由於用上水牛芝士,所以,拉絲效果明顯,不過,水牛芝士嘅味就唔會好濃,對一般人而言,較易入口。最合心意喺咬落十分甘脆,卻喺半點油膩都無。哥頓布雞胸卷伴火箭菜、甜椒、黑松露忌廉汁 $188食完晒啲芝士條再隔咗段短時間,就上主菜,上菜速度剛好,可見服務上都訓練有數。好耐以前有一道菜式叫「哥頓豬」,喺將兩塊鎚鬆嘅豬扒中間夾有芝士及火腿再炸香而成嘅菜式,喺好老餅嘅菜式嚟喇,估唔到今晚晌度都見到呢道菜改以雞卷「重新」出發。雞胸卷炸得金黃,上枱時已傳出陣陣香氣,切一小件入口,外層香脆不膩,雞胸肉頗嫩滑,火腿更用上巴馬火腿,唔喺茶記嗰啲,故此夾雜芝士及火腿嘅鹹香,再沾一點黑松露忌廉汁,更能提升味道嘅層次,要挑剔嘅喺個汁可以再校淡口啲,取其黑松露嘅香氣已足夠,始終雞卷已夾有芝士及巴馬火腿。伴菜嘅火箭菜都有調過味,而甜椒喺西班牙貨色,可見製作都一絲不苟。炭烤美國頂級穀飼西冷伴香草燒新薯、時令蔬菜 $338食牛扒最緊要喺件牛嘅質素,質素好已喺成功嘅一半,再加上好嘅烹調手勢,就事半功倍。表哥就喜歡油脂多少少,所以揀咗西冷,單喺睇外觀,碳火嘅坑紋烙印晌西冷之上,已覺得好對辦,再落刀,幾敢肯定喺上佳之作。我哋都選上五分熟,睇睇橫切面,就見烤得恰到好處,呈粉紅,卻無半滴血水,喺手勢及經驗所煉歷而成。加上肉質本身真喺上乘,口感軟腍富彈性,又唔會有咩筋位,既有肉香,又帶油脂。佐以香濃嘅燒汁,更增加其肉香,兩人分享呢份扒就最好喇。伴菜都唔馬虎,有香草燒新薯、法邊豆、荷蘭串茄及迷你甘筍,擺得靚靚,製作又認真,真喺食得出大廚對做菜嘅熱誠。上文都講過,食第二道主菜時都專登幫我哋換過晒啲餐碟,嚟到甜品時段,更加換過枱臺及另一套餐具俾我哋,好好享用甜點呢!荷蘭鐵鍋鬆餅配新鮮雜莓、楓糖漿及楓糖核桃雪糕 $88荷蘭鬆餅都曾經晌一家日式西餐廳食過,以鑄鐵鍋登場喺荷蘭鬆餅嘅標記,其實佢跟美式鬆餅做法差唔多,但點解叫荷蘭鬆餅就不得而知。賣相非常吸引,原因有二,第一就喺採用多種新鮮雜莓,唔喺「求其」一款、兩款;其次,用上加拿大楓糖糖漿,唔喺普通貨色嘅糖膠喔,仲要無手軟附上一小兜任你落,啲糖漿多到食兩份鬆餅都夠呀!啲鬆餅焗起嚟薄身,邊位好脆口,鬆餅嘅熱,雪糕嘅凍,甚有冰火交織嘅感覺;而雜莓嘅酸香,楓糖嘅清甜,令味道更豐富,完全無違和感,滋味好食。雖然無刻意問佢哋雪糕喺咩品牌,猜佢喺Movenpick,因為以往不時去食自助餐,印象中就得呢款品牌有呢一隻口味。都話依家啲酒吧餐廳嘅水準越嚟越高,唔喺淨飲酒嘅地方咁簡單,食物一樣好出色,就好似今晚到訪嘅「Oasis Bar & Grill」,食物質素絕無欺場,而且,環境有氣氛,服務熨貼超細心,每個細節位都做留意到,小弟真喺極少晌服務一欄俾滿分。故此,無論三五知己嚟飲吓嘢,還是一班朋友嚟聚吓餐,呢個「綠洲」都值得推薦! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-17
471 瀏覽
諾士佛台又有新餐廳啦!今日係尖沙咀行完街,就黎試試!餐廳地方好寛敞,分左兩個唔同嘅區域,一邊就比較有情調另一邊就有小島渡假嘅感覺餐廳嘅菜式係以西式為主,由餐湯、小食、頭盤、主菜同甜品都應有盡有芒果蟹肉牛油果塔總共有三個層次,頂層係蟹肉加三文魚籽,中間嗰層係芒果,最底嗰層就係牛油果,蟹肉本身味道較濃,有牛油果中和返蟹肉嘅味道,中間嗰層芒果令到成個菜式好清新,口感好豐富炭燒西班牙栗飼豬鞍配時令蔬菜、焦糖蘋果蓉及芥末籽燒汁肉質唔會好韌,廚師事先已用鹽調過味,所以唔使沾醬汁都已經好夠味,原汁原味另外可以試下沾焦糖蘋果蓉一齊食,會多左一層甜甜酸酸既蘋果味,仲帶有肉桂香,解除油膩感最正都係圍邊果一層脂肪,夠哂香Diamond in the Sky係咁靚嘅環境又點少得一杯靚嘅嘢飲,呢杯係店員向我哋推介嘅cocktail,好神奇架!大家唔好以為黃黃地色嗰支係普通飲管,其實佢係香茅嚟㗎,呢杯cocktail嘅味道以桃味為主,仲有桃肉添!個頂有少少金箔,用香茅輕輕攪均,就營造到好靚嘅星空感覺,閃令令架最後又點少得甜品,食埋個心太軟就非常滿足整體來講餐廳嘅服務同食物質素都幾高,夜晚九點後仲有shisha供應架,去唔到旅行就係呢度感受下渡假嘅感覺啦 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-16
322 瀏覽
近來疫情稍為控制,看來係時候出來吃返餐好了,上網見到諾士佛台有新餐廳開,便第一時間過來試試。餐廳的面積很大,分了兩個唔同感覺的區域,我們坐了比較暗的角落來過浪漫的晚餐。這裏除了西餐廳也是酒吧,所以他們也有特色雞尾酒飲,我們點了兩杯這裏的招牌雞尾酒,這裏雞尾酒的造型十分有玩味。這個看似是一煲湯的Cocktail其實是威士忌再加綠茶去做的,隔離兩寸像團子的東西其實是棉花糖,吃一口甜甜的再配一啖酒精是晚餐最佳的開始。另外一杯就用香檳杯呈上,背面的花瓣碎令到成個感覺很浪漫,未到是酸甜的,女孩子最愛。我們點了兩個頭盤,蟹餅和青口。蟹餅炸得外皮香脆,入邊稍為軟稔,如果可以將蟹肉不要鉸得那麼碎,保留返一些質感,整個菜式的口感會比較出色。藍青口我就十分喜愛,最主要原因是煮靑口的汁仍然留有香濃的白酒味,平時吃的通常都是煮得已經揮發都沒有酒味,所以這個湯汁很讚,配上麵包條一流。很期待如果冬天來的時間用上法國藍青口就更加好了。主菜有大蝦意粉和油封鴨腿。先來意大利粉,大蝦煎得爽口有彈性,意粉不會煮得很琳,軟硬度適中,份量亦算適中,絕對是一個四平八穩的菜式。今晚的亮點就是油封鴨腿,很多時如果吃西餐有鴨腿這味菜式我通常都會叫,但在香港不是每一間都有水準,很高興今晚便吃到有水準的了。油封鴨腿最重要就是不要給人油膩的感覺,鴨通常都是要烤的乾身為上品,這個鴨腿連皮也烤得香脆,而且配菜是gratin potato這是我另一喜愛邪惡又美味的菜式之一,希望店家之後都不要改變這個組合了,一口香濃的鴨肉夾上薯仔一齊吃,這是天堂的味道。最後再叫甜品,這裏的Tiramisu亦很特別。Tiramisu來的時間是很冰冷的一塊,然之後要即刻加一杯熱的espresso,吃的時候有種冰火交融的感覺,很有趣的食法,而且不會很甜,吃後不會有罪惡感。這裏除了正餐之外,亦有其他酒吧小食供應,下次放工可能會過嚟chill下。 繼續閱讀
(以上食評乃用戶個人意見 , 並不代表OpenRice之觀點。)