Nun Desserts Cafe

營業中

休息中

天氣咁熱，同Fd 子出去一定要揀啲靚甜品食，降下溫。啲女人對甜品真係另一個胃，食得勁開心大滿足 😚雙重開心果小山園焙茶雪奶 ($78 ),雪奶口感勁豐富，有冰，有cream,有雪糕。呢款係開心果拼焙茶，個配搭真係幾perfect! 仲有埋啲果仁開心果碎碎。開心果奶蓋焙茶麻薯窩夫 ($82), 都係開心果味拼焙茶味😂😂不過呢個係窩夫做底。個焙茶雪糕好濃香茶味真係好好食，又唔太甜，最鍾意呢種雪糕！窩夫都幾夠脆。兩款甜品都勁靚，我地真係食得好滿足🤓

同朋友食完dinner但唔夠飽，哈哈，過黎食個飯後甜品，好開心d甜品好靚好岩我地口味，一路食住吹水時間過得好快😬👭韓式荔枝芒果雪奶我中意芒果，咁岩有個係有埋荔枝，個配搭幾特別咁。好大碗呀，我試左落埋d煉奶食，痴線架勁好食囉，之後愈落愈多🤣d芒果好甜，真係有好多粒！最頂頂有幾粒大荔枝又係好香甜！韓式綠寶石香甜蜜瓜雪奶我朋友嗌嘅，佢話d蜜瓜又係好甜，幫佢數過，個碗面齊整舖左成十幾舊蜜瓜，上面球雪糕又係蜜瓜味，底下冰又係濃香蜜瓜味,真係超岩蜜瓜lover去食！呢兩碗都係$79，以份量同味道黎講，真心唔貴❤️❤️❤️

食飽飯行完街，嚟個飯後甜飲韓式魔鬼香蕉朱古力奶🍌🍫🥛大大杯都只係$48如果可以多啲香蕉仲好朋友叫咗韓式蜜瓜雪奶啲蜜瓜唔會太甜，非常清新蜜瓜雪糕濃而不膩夏天見到已經夠解渴食完更加透心涼

呢間餐廳主打各款韓式甜品冰品，大大話話成幾十款，真係選擇困難🙈今日下午茶嚟揀選咗以下三款，老實講三款式真係同樣出色。💯韓式草莓奶油雪糕吐司[$68]迷人草莓韓式牛奶軟雪糕[$58] 開心果奶蓋焙茶麻薯窩夫[$82]吐司同窩夫驚喜地都係好厚，咬落微脆同微暖, 真係即叫即整。由其鍾情開心果+焙茶搭配嘅口味，兩隻味都好濃好出到，加埋啲開心果碎同杏仁碎，口感豐富。雪糕奶味好香濃，草莓醬酸度調得恰好，好味道！順帶一提，其實除左甜品，Cafe仲有售鹹食（主食小食均有售），都值得下次再嚟食吓。

無意之中發掘到一間真係好靚好靚嘅甜品呀，位於旺角核心區，仲要唔係啲過江龍，真正香港小店，好值得幫襯！今日食果幾款都幾推介🤩🤩韓式蜜瓜鮮奶 ($48 ): 比隻色吸引左🤩唔好睇少杯野，入面真係飲到蜜瓜蓉，絕對冇加假糖水🙅🏻‍♀️蜜瓜真係好鮮好甜。牛奶幾濃郁，韓國牛奶真係唔錯👍👍韓式荔枝芒果雪奶 ($79 ): 佈滿左鮮芒同荔枝喺面，真係粒粒生果都好甜，唔會夾雜d唔靚嘅料，夠誠意！！雪奶入口即溶，凍冰冰真係超正！韓式魔鬼OREO碎碎雪奶 ($75): Oreo真係兒時最愛黎，加埋煉奶真係一流呀～！Oreo對比芒果果款會偏甜d, 迎合到唔同人嘅口味😆真係食得好開心，唔推介唔得😂

行旺角見到呢間店多多地人，睇落menu唔貴，發現除左甜品，見仲有啲韓式小食，環境又幾骨子，於是入黎食少少野同打打卡。第一次聽"雪奶"呢個term, 好奇之下極速order左個雙重開心果小山園焙茶雪奶（$78)。原來雪奶口感真係似雪咁一入口即溶，又全用100%韓國牛奶。真係冇改錯名呀！而且個樣真係好靚！打卡打左一陣先食，好彩好夠凍唔會溶得好快😆另一份係開心果奶蓋焙茶麻薯窩夫 ($82), 又係好靚囉😲個窩夫面仲要脆脆地㗎。有4大舊窩夫，而且又厚，都幾飽肚😚我地當埋lunch咁食㗎la😆😆其實都有啲想試埋啲小食，但真係飽，唯有下次再黎啦

旺角嘅Nun Desserts Cafe係人氣韓式冰品店嚟，咁出名點可以唔嚟試㗎😚襯住終於落晒d雨，就同男朋友搭過嚟食。唔係d樓上舖，所以都幾易搵，仲要真係mtr行一分鐘😀係一間好乾淨同新嘅小店嚟。揀左三款：韓式荔枝芒果雪奶迷人草莓韓式牛奶軟雪糕 海洋荒島每人大約$100左右，價錢親民。第一碗芒果雪奶啲芒果好甜同好多，上面白色係荔枝嚟㗎，初初以為係啲麻糬小丸子🤣草莓雪糕好大份，有新鮮士多啤梨同藍莓,啲士多啤梨醬都係自家製㗎，會見到有d士多啤梨籽。雪糕奶味濃😚海洋荒島杯野上面有條軟糖魚仔，又幾得意🤣個雪糕係荔枝味黎。

喺旺中行過少少有間Cafe叫Nun Desserts Cafe,入面啲甜品幾抵食同埋好靚的，我之前食過一次，今日帶另一個朋友黎，順便當預祝佢生日～～～韓式芒果芝士蛋糕雪糕窩夫 - 賣相真心靚，底下一塊一開四嘅厚waffle,舖上鮮芒，當中夾雜左Cream,然後四四方方果幾粒係芝士蛋糕黎㗎，最頂加上一球芒果雪糕，非常有層次同好食。迷人草莓韓式牛奶軟雪糕 - 睇落迷人食落都迷人，好鍾意士多啤梨甜品果種酸甜交融嘅味道，牛奶雪糕夠濃味👍韓式蜜瓜鮮奶 - 蜜瓜勁甜！飲得出係真材實料用新鮮果肉攪溶，而唔係加糖水果種死甜。請埋朋友食都唔洗$200, 抵呀～～

最近喺堆朋友中聽過Nun Dessert哩間小店，位於旺角中心地帶，之前餐廳有做下啲韓星應援野，我個朋友之前成日黎😂雖然我冇追開韓星，但就專程黎試下啲甜品！weekend黎坐滿晒人。甜品睇menu款款都好靚，揀唔落手呀，最後決定要韓式芒果芝士蛋糕雪糕窩夫，同韓式草莓奶油雪糕吐司。個窩夫好香蛋香味兼且係特厚！咬落軟綿綿外面微脆，整得好好食！芒果肉都新鮮同甜！至於草莓吐司，同樣係特厚麵包，cream同士多啤梨舖面，量多好食！個雪糕都有啲士多啤梨肉喺入面架。覺得小店整甜品整得好有誠意，抵佢咁多人幫襯👍👍

旺中有間叫Nun Desserts Cafe, 除左主打甜品。例如啲大大份嘅雪糕吐司、窩夫、刨冰等等🧇🍧🍨。佢都有提供啲鹹食嘅，所以都幾岩黎食個中午飯。例如我嗌咗呢個嘅韓式炸醬麵 ($65 ), 又幾正宗喎，真係同我喺當地韓國食嘅嗰種味一模一樣㗎。呢種炸醬麵嘅麵質稍淋，但係我就好鍾意！！加隻蛋又靚又好食～杯嘢飲勁吸睛，叫做海洋荒島(荔枝味) ($54)。啲藍色野飲真係好鬼死靚，有嚿雪糕喺面，而家熱辣辣飲完真係透心涼🤩

八月真係好熱呀…行街行到出晒汗入左間甜品小店抖下涼下冷氣。小店名叫做Nun Desserts Cafe，店員們都好後生同親切。我地嗌左個雙重開心果小山園焙茶雪奶 ($78 ),嘩！！！ 好靚呀，仲要開心果配抺茶係我最鍾意嘅兩款味黎，真係一次過滿足晒兩個願望咁😚😚我哋有加埋個煉奶食，三種味道嘅交融，超級超級正！！😍仲有杯又係好靚嘅嘢飲，叫海洋荒島（$54)，飲落去係唔算太甜，又靚又岩曬打卡。整體黎講，呢間鋪頭真係做得好出色，食物高質，有樣有內涵，超讚！

係朗豪坊啱掃完貨惗住搵個同Friend分享戰利品又開得夜嘅地方坐坐，第一時間惗到嚟呢度，之前就記得佢開到淩晨兩點🤩絕對唔用心急～超滿意呢期嘅新品開心果系列，雪冰味道濃鬱，唔用加煉奶都超正🤩窩夫雖然曡起身，但系每層都有開心果醬巨滿足😝雙重開心果小山園焙茶雪奶開心果奶蓋焙茶麻糬窩夫海洋荒島（荔枝味）真係有條🐟係度🤣韓式草莓乳酪沙冰雖然店仔細細，但係每次離都好爆棚🤣睇離真係唔少夜貓過離離度hea下～

呢間係位於旺角市中心嘅甜品舖，位置非常顯眼好易搵！👍🏻👍🏻店內幾乎全部嘅甜品望落去都好好食，其實望住真係會有啲選擇困難症😂😂，最後我就揀咗韓式芝士蛋糕士多啤梨窩夫🍓🍓！！當佢上枱嘅時候，我有啲俾佢嘅份量嚇親，估唔到係咁大個，而且佢係陪埋煉奶一齊食真係諗吓都覺得好邪惡🤤🤤🤤！！基本上食完呢個甜品一定會飽曬肚✨✨✨佢嘅窩夫煎得好香脆！食落去又有啲軟綿綿嘅感覺，幾得意！個蛋糕都好好食？？其實點解唔係雪糕係蛋糕，餐牌寫住係蛋糕，但係食落去明明係雪糕，呢個我都幾疑惑？😂幾樣配搭埋一齊完全冇違和感！如果唔識點揀嘅話就食呢個啦😉😉！真係會俾到你一個好好嘅甜品體驗，不過價錢方面就可能會有啲貴，但係如果你係諗住要好好食，又係士多啤梨控嘅話就唔好諗啦，揀佢就啱！🌟🌟🙆🏻‍♂️

🐷📌 #豬西食九龍#豬西食旺角🐷韓式紅豆麻糬年糕雪糕吐司🫙吐司外脆內軟，入面夾住香甜嘅紅豆蓉同埋可以拉絲既年糕麻糬，多士上面沈咗好多好香口嘅黃豆粉，味道層次豐富，🍦配埋雪糕一齊食超級正。🐷韓式白雪幻彩馬卡龍雪奶馬卡龍有四款唔同嘅口味，雪奶刨得非常之細，入口即溶，小編鍾意到勁多煉奶落去同埋士多啤梨雪糕一齊食，味道真係幸福感爆棚。🐷芝士韓式炸雞炸雞外皮炸得非常酥脆，上面寫咗滿滿金黃色嘅芝士粉，芝士粉味道鹹鹹甜甜。🐥炸雞用咗雞鎚，食落去啖啖肉。Nun Desserts Cafe📍旺角通菜街119號地舖#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #旺角 #旺角好去處 #旺角美食

餐廳做緊柴犬🐕主題，餐廳門口內外都有柴犬🐕既裝飾。柴犬主題做到4月尾。7點半入去食，門口係唔洗排隊直入就可以。到8點望一望餐廳外面已經要排隊了。呢間餐廳都食過好多次，本人好鐘意食蜜瓜雪奶，草莓雪奶同埋草莓窩夫🤤雪奶好香，甜度岩岩好(依家仲有得揀甜度，以前去係無得揀既)雪奶d冰好滑好有味，啖啖都有香味(尤其係蜜瓜雪奶，極推介)。天氣熱既時候食一定會立即解暑降温。不過，如果去餐廳食就要帶件外套，食雪奶會越食越凍🥶