14
1
1
港鐵尖沙咀/尖東站 P3 出口, 步行約6分鐘; 中國銀行側樓梯上 繼續閱讀
電話號碼
27962286
營業時間
今日營業
07:30 - 19:00
星期一至六
07:30 - 19:00
星期日
全日休息
付款方式
現金 八達通
食評 (21)
等級4 2020-03-09
1263 瀏覽
約了好友在尖沙咀聚一聚,揀了呢間咖啡店,去到唔使等位,店面不大,喜歡呢度簡約裝修,客人不多,靜靜的很舒服,食物款式不多,要先去收銀處落單,店員會講清楚食物嘅小變更(可能闊麵轉咗意粉之類)主動提醒埋肉丸是牛肉,幾窩心(因為同行友人真的是戒牛肉嘅)比錢後攞號碼牌在座位等!手工意式肉丸配香草蕃茄汁意粉($102)賣相靚,份量對女仔剛好,蕃茄醬好濃,醬汁炒得好滑,味道不會太鹹,掛滿了意粉上,意粉比我喜歡嘅略淋了一點(幸好不是茶餐廳淋晒嗰啲)肉丸賣相有手工做嘅感覺,表面較凹凸,咬落有肉汁唔乾,牛味濃,調味略重,整體好味!Piccolo(跟餐)小玻璃杯都做到拉花🥰咖啡同奶嘅平衡幾好,飲到咖啡香,奶泡滑,不會太熱,上菜就剛好啱飲!好味!朋友食墨西哥雞卷配牛油果醬($88)Flat White(跟餐)店員有禮斯文,會主動講菜式注意或更改嘅地方,上菜之後不會騷擾,我哋離開前店員會好nice講bye bye(唔係機械式嗰啲)好友相聚好地方 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-24
40 瀏覽
尖沙咀咖啡好多選擇,但我通常都會去尖東number nine,一嚟我覺得環境好,二來飲品食品都好出色。如果有時間,想休息吓食個tea ,最好坐喺窗邊,望住個街景,睇落真係好舒服。佢嘅食物唔係普通Cafe嘅質素,之前食過佢嘅午餐同三文治,都好好食。如果飲咖啡鍾意飲手沖咖啡,佢都好多豆類選擇。最近飲咗杯cold brew 168,唔係個個地方都有得飲 咖啡控一定要試下。最好去之前打去問吓仲有冇,因為一定好快俾人買晒。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-08
76 瀏覽
平日想靜靜喝杯咖啡吃個早餐,找了這家Number 9裝潢小清新,店員有禮坐得舒適。滑蛋意式三文治 $40滑蛋做得不錯,有點厚度也煮得剛好,三文治也烘得恰好。雞肉番茄意式三文治 $45雞肉番茄放了在生菜上面,調味不會太多,有種家的感覺。早餐包black coffee,跟餐加$10就可以有杯white coffee。Flat white再加了大杯($4),酸度適中,好喝。Mocha要加$14,再加$4大杯,朱古力味平均,口感甜度適中。整體感覺咖啡比較出色,而食品則比較健康清淡,下次有機會再試試午餐,好像選擇更多! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-20
243 瀏覽
女生要保養,其實餐廳都一樣,呢間Cafe 開咗幾年,裝修同整潔度都keep得好好,好難得,Cafe 雖然細,但都算坐得舒服而且好乾淨,staff亦好有禮貌,有bar位,其實幾chill ,不過so far 都無坐過bar 位。食過幾次,其實我次次都係食白蝦蒜香意粉,不過今日見倒today special 係三文魚雜菌意粉有啲興趣,所以試下,單價好似87蚊,可配茶,不過我想飲咖啡,加20蚊轉cappuccino, 如要轉我最愛嘅mocha 要加26蚊。三文魚好大塊,雜菌係切粒,有少少洋蔥,白汁有啲heavy , 都係平時食開嘅蝦意粉好味啲。同事叫咗個burger ,賣相非常好,旁邊嘅羽衣甘藍好新鮮。其實野食同環境都幾好,不過價錢就唔太親民,over 100食個lunch ,如果轉咖啡可象徵式加幾蚊就好了 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-17
419 瀏覽
上次有事約佐朋友食飯,本身無諗住去呢間嘅,因為我地想去果間無開,見到附近有間cafe shop裝修又幾靚下,所以就入去了🤪裝修簡潔又有空間感,感覺好舒服,店員都好有禮貌,我地叫佐一個all day,一杯朱古力同埋杯flat white🥗☕️All day新鮮熱辣😏上檯時睇得出d煙肉,雞蛋,蕃茄,都係啱啱出爐,既叫既做,特別個炒蛋好嫩滑,煙肉炒到又香口,雖然都係平時all ady應該有嘅基本野,但勝在食物夠新鮮,d沙律菜都係好嫩又新鮮,食落去索索聲😝Flat white-咖啡味香濃又有回甘,奶同咖啡嘅比例都啱啱好,奶泡仲好順滑🤓值得一試😝朱古力就無咩特別😂不過沖著飲杯咖啡一切都值了🥰 繼續閱讀
(以上食評乃用戶個人意見 , 並不代表OpenRice之觀點。)