影片
港鐵香港站 C 出口, 步行約8分鐘
繼續閱讀
電話號碼
24151333
開飯介紹
室內設計以時尚和風設計為概念，佔地2,100平方呎，更有戶外花園。資深日籍廚藝團隊每日製作人氣雞湯拉麵，並提供近60款的居酒屋美食及爐端燒料理。
繼續閱讀
營業時間
今日營業
12:00 - 16:00
17:30 - 23:00
星期一至二
12:00 - 16:00
17:30 - 23:00
星期三至五
12:00 - 16:00
17:30 - 00:00
星期六
12:00 - 00:00
星期日
12:00 - 22:00
*最後落單時間: 16:00; 22:15 (一至二); 16:00; 23:15(三至五); 17:00 ; 23:15(六); 17:00 ; 21:15 (日)
以上資料只供參考, 請與餐廳確認詳情
有關獎賞計劃
相關文章
-𝐍𝐎𝐉𝐎 🍜位於中環砵典乍街既拉麵居酒屋 — NOJO一直都係我香港十大最愛拉麵店之一 近排先知原來佢係黎自九州宮崎縣「塚田農場」既副線 餐廳有室內外座位室外可以一邊飲酒邊傾偈 比較Chill 室內就落雨都唔怕🍜 Chicken Thigh Soy Sauce Ramen ($148)雞白湯醬油拉麵 — 每次黎食都係我既必食之選🤍係其他地方都唔會搵到有咁大舊又好味既雞脾拉麵🌟雞髀先用日本醬油、胡椒等調味以60度慢煮2個鐘再用醬油搽係表面炙燒至皮脆肉嫩 入口即化 香氣撲鼻所以雞皮微微焦香 醬油滲透每一絲纖維 肉嫩多汁同埋最中意係有炸得金黃香脆既炸牛蒡 好好味🌟湯底係以日本直送雞白湯為基底 再加入雞腳、豬背脂等熬製而成 飲落啖啖骨膠原精華 帶濃厚肉香細嚐有日本醬油既鹹香同黑蒜油既甘潤 鹹香中帶有甘甜拉麵亦係自家製 — 用日本小麥粉及加拿大麵粉製成麵條掛湯 口感煙韌帶麥香 每次食都覺得好幸福🥳🍜 Wagyu Ramen($198)和牛西冷拉麵 — 和牛片切得薄身 但油花分布平均 入口即溶 油脂滲出時香氣四溢 肉味濃郁 同樣以雞白湯為基底 加入洋蔥同蔥粒 令牛肉油香更突出同時帶清甜 亦都有炸牛蒡 咬落有層次感🦀 Crab Paste Toast ($68)蟹肉醬麵包 —中意呢個蟹肉蟹膏極度濃郁 配上香脆既麵包多士 甘香鮮美 好味呢🌟🌟🌟🐟Fatty Tuna Sushi Roll with Original Smoky Soy Sauce ($128)吞拿魚壽司卷 — 壽司卷用上油脂豐富既吞拿魚腩魚香脂滑 配搭煙燻醬油微微帶出魚肉油脂的甘香🐙Oyster and Octopus Okonomiyaki ($78)牡蠣同八爪魚大阪燒餅 — 外層金黃香脆 餡料份量十足 一次過可以食到八爪魚既爽口彈牙 又有牡蠣既鮮味 燒醬同美乃滋平衝海鮮既鮮味🐣Overnight Sake Lees, Soy and Ginger Marinated Fried Chicken ($88)清酒糟醃炸雞 — 有驚喜🌟🌟🌟🌟炸雞皮脆肉嫩 鮮嫩多汁 中意食落仍然有淡淡清酒香氣帶點微甜同發酵香 有少少似啲腐乳炸雞咁就算唔點醬都已經好入味 口感層次豐富🥳🍤Sakura Shrimp & Corn Tempura第一次食櫻花蝦粟米天婦羅 🌟🌟🌟🌟🌟櫻花蝦鮮味十足 帶微微鹹香 粟米粒粒甜美多汁炸得香脆不油膩 可以選擇伴芝士粉食 但個人覺得唔點都已經好鹹鮮又清甜 必食！🍢Japanese Wagyu SUKIYAKI Skewer($98)🍢Japanese Pork Skewer ($68)🍢Japanese Chicken Skewer ($68)三款炭燒串燒外層炭香撲鼻 燒得好香脆 大大串又肉厚每串都配上黃椒、青瓜、冬菇同番茄仔 蔬菜鮮甜多汁 令整體口感更豐富又解膩 雞肉同豚肉帶少少燒汁加上油脂豐富 將甜味完全平衡 牛肉則焦香油潤 每一啖都食到食材本身既精華🍸 NOJO Mojito ($138)大杯裝Mojito沙冰 好清新清涼 岩晒而家天氣熱黎飲🌟🍸 Pistachio Martini ($128)冇諗過開心果碎都可以整成 Martini 酒精濃度唔高 易入口口感偏濃稠 帶好香甜既開心果 有食開心果雪糕既即視感
繼續閱讀
再次去中環嘅Nojo，真係好開心重新發現呢個好地方，尤其係喺Liberty同Sevva關門之後，搵到新嘅聚腳點。呢度嘅環境好舒服，好chill，係下班後放鬆嘅perfect選擇！我哋由兩杯清新mocktail開始：Tsukada Fruit Tea（橙汁、菠蘿汁、荔枝、紅茶）同Yuzu Mango Mule（柚子蜜、芒果蓉、薑汁啤酒、青檸、青瓜），兩杯都好好飲，為晚餐定下好氣氛。前菜有暖胃嘅芝麻醬水餃子、濃郁蟹膏醬麵包（我最鍾意嘅之一）、雜錦豆炒豚腩肉菠菜，仲有味道豐富嘅牡蠣同八爪魚大阪燒餅。意外驚喜係炸煮大根同鶉蛋，第一次試鵪鶉蛋配蘿蔔炸到脆脆，超正！重頭戲係招牌醬油拉麵：麵條彈牙，雞腿肉嫩滑，炸牛蒡香口，湯底濃郁鮮味十足，完全搶晒鏡。最後壓軸係和牛鹽釜焼，火候剛好，粉紅色澤靚，帶有淡淡鹽香，提升咗呢款優質和牛嘅層次。仲有佢哋嘅NORDAQ優質任飲有汽礦泉水，只係$15，健康又抵飲。Nojo真係食物同氣氛嘅完美結合，成為我喺中環下班後嘅新寵！
繼續閱讀
位於中環砵典乍街「NOJO」原來是來自九州宮崎縣「塚田農場」的副線，主打日式拉麵和多款居酒屋美食，餐廳有室內室外的座位，非常喜歡Outdoor 位置裝潢設計，以高身木糸枱凳為主，環境好Chill ，可以一邊飲傾偈，一邊招牌品嚐美食👍▪️Boiled Dumplings $ 68水餃子｜雞肉餃子加上花生醬忌廉醬汁，呢個配搭超好味，食完之後好開胃▪️Stir-fried Pork Belly & Spinach with Nuts $ 48雜錦豆炒豚腩肉同菠菜｜好有鑊氣嘅炒物，肥美肉嫩嘅豬腩肉配合蔬菜和雜錦豆，味道鹹香鹹香夠晒惹味▪️Deep-fried Quail Egg & Daikon Oden炸煮大根同鶉蛋｜就是好像串揚一樣，外層皮薄香脆，大根超級鮮甜，而鵪鶉蛋外脆內軟，好香口▪️Oyster & Octopus Okonomiyaki $ 78牡蠣同八爪魚大阪燒餅｜最鍾意食嘅這款燒餅，煙靭嘅薄餅中藏有滿滿餡料，八爪魚爽口又彈牙，而牡蠣非常鮮味，好味道▪️Crab Paste Toast $ 68蟹肉醬麵包｜充滿蟹肉蟹膏嘅濃郁味道，配上香脆嘅多士，味道甘香美味▪️Soy Sauce Ramen $ 148雞白湯醬油拉麵｜雞髀先以日本醬油、胡椒等材料以60度慢煮2小時，再塗上日本醬油炙燒，皮脆肉嫩入口即化，湯底以日本直送的雞白湯作靈魂，再加雞腳、豬背脂等材料熬製，啖啖骨膠原精華，拉麵更加用上日本小麥粉及加拿大麵粉製成，再加日本醬油、黑蒜油調味，麵條超掛湯，口感煙韌帶陣陣麥香，配合濃濃的雞白湯底，非常滋味▪️Salt Baked Wagyu $ 298和牛鹽崟燒｜和牛先煎香外層，再用用厚厚嘅海鹽包住和牛和雜菜焗，上枱時店員會整走晒面層嘅海鹽，一打開時香味濃郁，主角和牛一切開肉質部份仍呈粉嫩狀態，口感外焦內軟，肉質Juicy味道充滿鹽香牛味香濃👍▪️Pistachio Martini $ 128大熱嘅開心果碎和醬配合馬天尼，口感帶Creamy有開心果嘅甜香和Martini濃郁嘅酒味，兩者混合一齊原來非常之夾▪️Yuzu & Umeshu Tody $ 118原來這個係熱飲，熱嘅梅酒再自行加上柚子果醬，梅香中帶柚子味道嘅梅酒，夠晒甜蜜，冬天飲就最適合飲完非常暖胃
繼續閱讀
平時好少喺石板街食嘢，喺ig見到個雞髀拉麵好吸引🤩假期lunch hour去竟然冇乜人！Open kitchen見到廚師整拉麵，挨近bar檯見到好多酒！Lunch set combo for 2 $288 (+10% service charge)Appetizer: Overnight Sake Lees Marinated Fried Chicken上菜嘅時候熱辣辣，有5塊都幾大塊，啱啱炸起，要攤一陣先擺到入口🤣 入口好香sake味，炸衣同賣醃製嘅時候應該都落咗sake，味道鹹中帶甜，咬多幾啖覺得有啲偏鹹。Soy sauce +$20濃郁嘅醬油湯底，加埋有燒烤香味嘅雞髀，份量好足，好掛湯，但雞髀唔算嫩。面頭嘅炸牛蒡稍嫌好重油味。🫢Yuzu Salt比較清新嘅拉麵之選！雞白湯湯底，飲落好順滑，帶淡淡嘅柚子香味，面頭有啲豌豆苗、大蔥、粟米芯、兩粒雞肉丸，整體冇Soy sauce咁鹹，個人鍾意呢款多啲～🤤Drink: Green tea估唔到係成壺咁上🤣幾得意～拉麵係粗麥粉整嘅拉麵，質感唔錯，唔會好冧，湯底都好多款式揀，中環地段嚟講性價比都算高！
繼續閱讀
上次同朋友約去中環嘅Nojo食拉麵,真係好enjoy呢次經歷!我點了鴨胸肉鹽拉麵,朋友就揀咗雞髀醬油拉麵。第一眼見到,兩碗面都擺得好靚,賣相真係好吸引,都忍唔住要影落黎check吓。我嘅鴨胸肉鹽拉麵,面底質感好順滑,唔會太硬身,反而帶點兒蛋麵嘅手感。不過一個驚喜就係面上仲有好濃郁嘅香味,做得好啱,令人口水直流。鴨胸肉好嫩滑,又唔會乾身,配襯住鹽味剛剛好,好飽肚。朋友點嘅雞髀醬油拉麵,個醬汁濃郁咁加埋肉嫩嘅雞髀,真係好襯。佢話份量好足夠,味道都好好,唔會太鹹。我哋仲叫咗幾杯啤酒,食飽飲足之後,慢慢聊天吹水,真係好放鬆。總括嚟講,呢間Nojo真係一個好去處,不論係食定係飲都好到屈,絕對值得推介俾其他朋友!我哋以後會再嚟!
繼續閱讀