66
8
1
港鐵香港站 C 出口, 步行約6分鐘
繼續閱讀
電話號碼
24151333
開飯介紹
室內設計以時尚和風設計為概念，佔地2,100平方呎，更有戶外花園。資深日籍廚藝團隊每日製作人氣雞白湯拉麵，並提供近60款的居酒屋美食，包括關東煮、爐端燒等。
繼續閱讀
營業時間
今日營業
12:00 - 15:30
18:00 - 03:00
星期一至五
12:00 - 15:30
18:00 - 03:00
星期六
12:00 - 16:30
18:00 - 03:00
星期日
12:00 - 16:30
18:00 - 22:00
*最後落單時間: 15:00; 02:00 (一至五); 16:00; 02:00 (六); 16:00; 21:00 (日)
有關獎賞計劃
食家推介
相關文章
日式拉麵食唔少，美國式的就真係未試過！知道中環新廈 The Steps . H Code 開咗間 Nojo，來自美國舊金山，主打美式風格的拉麵，好奇心驅使下，這個星期六的中午就來到了。唔怪得叫 The Steps ，就位於石板街，行上斜路先做些運動再吃亦好。門面西化如酒吧，中環地段，少有這麼大的戶外位置，秋涼天氣，應該會非常受歡迎。炎炎夏日，我們還是裏面坐，時尚裝潢，以木為主配上銅色，比一般日本拉麵店多了一分型格的味道。英語餐牌的日本食物真是考起我，需細心閱讀及 google 翻譯方才知道是甚麼。主打關東煮及拉麵這兩點就錯不了，醬油拉麵是招牌，不過我今日的選擇是其他。Prosciutto and Maitake Mushroom Tempura $78見到鄰桌有人點照跟，層層疊疊的炸物，是天婦羅火腿及舞茸菇，招牌菜之一。炸得實在唔錯，金黃亮麗，酥脆味香，估計餡料預先調味後再炸，吃起來味道非常好。Paitan Style Chicken Ramen 特色拉麵點了兩款，蝦湯麵及撈麵各一，分別追加雞肉丸及慢煮雞髀。 Shrimp Miso + Chicken Tsukune Meatballs $128+$18喜出望外的蝦拉麵，蝦湯濃郁、膠質豐富，相信因為以雞湯作湯底，我非常喜歡這個味道，最後整碗湯也喝清。拉麵亦出奇的好，用上非傳統的粗麵，疑似中式的北京拉麵，極強掛汁能力，因此口感有點黏稠，同時有新鮮麵質的韌力，粗粗大大吃得更滿足。配料單一只蝦，新鮮肉彈，另外有炸蒜、粟米芯及青菜，最特別是加了一支香脆多士條，用以蘸湯吃，非常西式的吃法，建議多士早吃或先拿開，否則浸得太久會失分。另加的雞肉丸，鬆軟綿綿，正是我喜歡的質感，吸了湯汁味道昇華。Spicy Minced Chicken Tossed Noodle $123 Slow-Braised Whole Chicken Leg $38辣雞肉撈麵亦有驚喜，非常油潤的口感，辣汁調得好，感覺有力但不霸氣，越食越滋味，另配的麻油，不妨加一點，頗香。配上慢煮雞髀，沒有想像中驚為天人，肉質極腍，非常易拆肉，但不會如煲湯肉般過火，吃起來都幾好味的。Fried Japanese Bread with Assorted Ice-cream $48各款甜品皆特別未見過，選了女服務員介紹的招牌麵包雪糕。起初擔心麵包配雪糕怎會好吃，原來日式炸麵包其實如沙翁，全身炸香且沾滿砂糖，香口味甜，再配上紅茶、抹茶及雲呢拿雪糕各一球，冰火交融的口感，心水推薦。服務友善，環境舒適氣氛好，現在依然懷念那碗蝦麵，短期會再來，看看招牌醬油拉麵及關東煮如何。
繼續閱讀
假日前夕，一班好友去到石板街"Nojo" 晚飯聚會。地點係大館對落，要行一小段石板頭先可以到達，山下上去就更有點辛苦😥去到門口，室外有位氣氛幾好，係小樹上面搵咗燈飾💡 入秋既涼風下舉杯邀明月都幾chill💕今日人多就坐室內🤣 室內一個小麵吧加一個小酒吧，中間一張大長枱同小枱，燈光略暗，似番酒吧格調🍸早到之下要咗輪cocktail🍹, 揀既cloudy forest 茶碗裝酒，慢慢注入有草枝既茶杯🌿 視覺上就滿分✔️不過用咗gin溝sake 有少許藥水味❌其他cocktail 都一般下😥 轉戰清酒，朋友指路話有高顏值清酒待酒師介紹試飲，小小杯咁試左幾輪，可以分得出甜，甘，厚既尺度✔️今晚食物眾多，就揀幾個深刻黎講：炸雞🐥 正常水平👌一共六件，比KFC 既好，送酒唔錯兩個sushi roll, 合格水平👌，一碟八件，again送酒佳物火腿金菇天婦羅最深刻🤩 帶鹹味既火腿包住金菇莖部，咬落去香脆✔️又係送酒用雜錦撈麵，有生蛋，肉碎，洋葱，紫菜等撈埋一齊，簡單菜式但又風味十足✔️甜品都impressive:抹菜甜薯配綠菜雪糕，綠菜控可以一試👌 擺到靚靚，味道主要來自個雪糕🍦日式烤包配雪糕，下面載咗糖粒既麵包載住三球雪糕🍨，賣相滿分✔️ 味道可以✔️Nojo 都幾適合晚上gather 飲酒加食飯一齊做，甚至要埋dessert time, 單品價格都係中環價。現場氣氛啱晒慢慢傾計，過一個chill evening
繼續閱讀
日本拉麵一向都係港人最愛，星期六就特登嚟到pottinger street 嘅NOJO一嚐美國風格嘅拉麵！呢度嘅環境都好西化好chill，裝修得好似酒吧咁。好，同日本嘅好唔同，而且更設有室外座位。不過依家正值夏天，所以我同朋友都係坐返室內涼下冷氣。呢度食物種類繁多，有串燒，刺身，壽司，天婦羅，丼飯等等。但嚟到當然要食招牌拉麵。我哋分別叫招牌 Soy Sauce Ramen佢原隻慢燉雞脾，肉質好嫩好腍，一啲都唔老。拉麵掛湯力強，而且好彈牙煙韌，十分好食好有口感。湯底則以雞肉雞骨煮成，飲落好稠好厚，感覺飲咗好多膠原咁，味道亦清甜，飲完都絕對無太濃味要飲好多是嘅感覺。另外試咗個Spicy Minced chicken tossed noodles呢個好特別佢係撈麵嚟。店員另外會比支辣油我哋自己加，要幾辣就自己控制。呢個辣汁調得好好，同個麵好夾，食落更惹味，值得一試。而且個麵有好多材料，有洋蔥粒蔥粒雞粒紫菜芫茜等，食落更有口感。最後叫咗個matcha sweet potato bake with assorted ice cream作結。抹茶同紫薯都係真材實料。個紫薯食落好香，個甜味一啲都唔假，食得出係新鮮，而且意想不到地同抹茶好夾，可以中和返紫薯個甜味，兩樣嘢個味都好出，唔會蓋過對方。個甜品有驚喜！呢度環境舒服，食物性價比都好高，絕對會再返嚟試下其他食物！
繼續閱讀
沿住中環石板街一路行上去呢一條凹凸不平既石板小路，就會見到呢間型格風格既餐廳 Nojo店內用輕工業風既設計加上木同黑色元素，份外有型格味道，有露天坐位咁樣出面既街景就可以一覽無遺，感覺幾正嫁都！Nojo來自美國舊金山，主打美式風格既日本拉麵！聽到友人介紹既時間已經好想去試啦！🔆Soy sauce x chicken ramen湯底以雞肉同骨膠原等材料熬煮8小時再加配秘製醬油而成，湯底充滿膠質，入口濃郁香甜，拉麵掛湯力都不錯。原隻雞髀，雞肉入口鬆化，有啲甜味同鹹香 幾過癮！Stewed potato in blue cheese sauce好淋既薯仔加埋芝士醬，配搭既得意唔錯唔錯！Market fish with Sea Urchin soy sauce好好食！食完到寫食評都回味緊，海膽加豉油呢個好特別 將一舊海膽放係帶子同魚生上面！無得輸又鮮又甜！ 估你唔到真係Corn Tempora見枱枱都嗌，梗係咪嗌埋一埋啦炸得好脆，但唔會好有油脂感 放凍咗都仲係好食Sukiyaki Skewer望吓個蛋黃幾大😂一串有2舊 一個係和牛包金茹，另一個係包菠菜！入口即溶，中間有個京葱中和一下！掂呀總結，食咁多野都係600內 環境食物服務都中上！真心推薦俾大家
繼續閱讀