影片
Happy Birthday ! 又會爆場得那麼利害，訂左位都得上半個鐘先坐得低，還要酒客們左掉檯右掉檯，安排都好混亂！任飲場都沒怎麼期望喇，大路啤酒、紅白酒、黑牌加 mixer 囉。人來人往、大量酒客而服務質素下降都正常不過，裝潢內籠比網上照片差亦都正常不過，尙可接受啦。
繼續閱讀
而家好多樓上bar晏晝都做埋lunch,最近喺尖沙咀行街街時經過金馬倫道,見到有人派傳單就接嚟睇睇有咩荀嘢,原來係一間喺太興廣場四樓嘅樓上bar嘅lunch傳單,上面印住食餐有老火靚湯同飲品送,仲要唔駛四十蚊,見咁鬼抵,又咁啱都有啲肚仔餓,就即管上去試吓~~~上到去幾乎一坐低就送上傳聞中嘅老火靚湯一碗,一試之下,果然唔係吹水,真係十足火候兼無味精,滿足晒我呢個平日冇住家湯飲嘅為食鬼嘆完靚湯就叫餐,午餐原來有三款揀,雖然都離不開係乜扒物扒,只不過原來都會有啲住家feel嘅餐食,但係我都係選擇食扒,叫咗份黑椒雞扒飯,一上枱未食就己經非常吸引,皆因塊扒煎到金黃色,香氣四溢,食落仲正,個黑椒汁香而不太辣,啱啱好,到最後order杯港人至愛涷柠茶都有驚喜,唔係一般茶包沖出嚟淡荗荗嘅敷衍嘢,真正有茶味,不錯不錯總結今餐真係食得滿足又抵食,四十蚊唔駛就有如此質素蕭有舒服靚靚梳化坐,喺尖沙咀嚟講確係好鬼抵,上面仲有房可以坐,下次call埋成班friend嚟食都冇問題
繼續閱讀