36
7
3
港鐵銅鑼灣站 A 出口, 步行約4分鐘
繼續閱讀
電話號碼
23872878
附加資料
最後落單時間：
22:30
營業時間
今日營業
12:00 - 14:30
18:30 - 23:30
星期一至日
12:00 - 14:30
18:30 - 23:30
*截單時間: 23:00
以上資料只供參考, 請與餐廳確認詳情
食家推介
主打使用日本牛的Nikushou，除了牛的質素有保證，服務細仔位都算做得不錯。.當晚準時6點就到，坐到窗口位望到馬場景用餐，感覺很不錯。而且這晚將要趕去看演唱會，心情都特別興奮🤪朋友發板點菜，最後前菜點了份山椒鰻魚，半份飛驒牛柳三文治。兩道菜都很不錯。前者更加是有驚喜，淡淡山椒香配合燒得十分香脆的鰻魚皮，脆口的程度實在令人難忘。至於後者，牛柳肉質亦很滑嫩，麵包的外型不知道是否因為經過一些評論，之後已經改良過，切得十分整齊賣相有改善。整個三文治的口感就是外脆內嫩，個人覺得很好食。可惜這是第一次品嚐牛柳三文治，所以未能與其他比較。另外點選了份特選和牛五品盛合，五款牛肉都好唔同感覺口感。五款分別係：澳洲厚切和牛牛舌神戶牛A5上筋飛驒牛A5鞍下飛驒牛A5肋間肉招牌醬燒西冷 👅 超好食西冷欣賞店員介紹詳盡，仲會介紹配邊款醬汁食最好。因為我們後加了一份牛舌，店員都有再推介另一款醬汁配搭，感覺都好細心。整個用餐體驗都好咁不錯。
繼續閱讀
和牛三文治🐮🥪|銅鑼灣高層靚景🌆🌃|專人代燒高質靚和牛🤩|肉匠 Nikushou 「打打卡拍低這境界，打打卡百種新生態與趣怪」嚟到銅鑼灣旺區，同友人相約夜晚睇show前想搵間舒服唔迫嘅餐廳食下嘢享受一下週末時光，所以就預約咗依間肉匠Nikushou燒肉，餐廳提供多種唔同產地和牛嘅燒肉，而燒肉更係由專人代燒，餐廳格局似日式居酒屋，枱與枱之間嘅間隔好足夠，唔會令人覺得焗促。-吉列飛驒牛柳三文治(半客) 4.2/5⭐️餐廳嘅招牌之一就係吉列飛驒牛柳三文治，餐廳仲提供半份嚟叫，為左唔想太飽食唔落其他嘢，同友人一人一件試試，三文治有做到烘邊微脆，而飛驒牛柳嘅炸粉上得好薄，入口外脆內軟啖啖肉，牛柳油脂感唔重，肉味濃郁，作為前菜享用好滿足。-鰻魚山椒燒 4.2/5⭐️餐廳另一招牌前菜就係鰻魚山椒燒，上枱細細碟兩件，鰻魚入口外脆內嫩，魚皮燒得非常焦脆，點上少少伴碟嘅山椒醬汁更加惹味，鐘意食鰻魚嘅朋友依道前菜不容錯過。特選和牛五品盛合 4.3/5⭐️厚切澳洲和牛牛 4.3/5⭐️招牌醬燒西冷 4.4/5⭐️一次試哂五種部位嘅和牛，全程都由專人代燒，侍應亦會建議食法及介紹醬料，首先由和牛赤身開始，赤身雪花油脂唔算太多偏瘦，侍應會燒至三至五成熟，入口都食到油花感，而且牛味濃郁。之後慢慢由淡食到濃。其中我地係牛舌控嘅關係再追加單點一次厚切牛舌，雖然依度牛舌由澳洲入口，但係厚切size亦都非常有口感，令人回味。而最後嘅重頭戲就和牛西冷，兩片比手掌更大嘅A5和牛西冷，油花分佈得非常豐滿，侍應燒完之後建議將和牛西冷配上蛋汁伴飯一齊食，和牛西冷入口即溶，油脂感係口腔度爆發，好滿足，食完更令人意猶未盡，非常推薦。–總結: 餐廳提供多種唔同產地和牛，滿足想試勻哂唔同靚和牛燒肉嘅朋友，而且餐廳景觀背山面海，鐘意睇景嘅朋友亦推薦於黃昏同夜晚時間坐窗口位置，但美中不足嘅係餐廳雖然由專人代燒，但為我地燒肉果位侍應態度比較機械式及冷淡，令我同友人係佢燒肉途中略顯尷尬，未能暢所欲言，稍稍扣分。====肉匠 Nikushou (銅鑼灣)📍銅鑼灣耀華街38號Zing! 22樓====
繼續閱讀
呢間日式燒肉已經食過幾次😳每次去都係一如既往咁多人 要book位但係每次都冇令我失望☺️嗌左個小食 鱈魚干評分：⭐️⭐️⭐️⭐️⭐️脆卜卜作為小食真係好正 好鍾意食我地都係嗌左一個五品 一個七品評分：⭐️⭐️⭐️⭐️⭐️雪花分布平均 一睇已經覺得好好食有staff 幫手燒 一路燒仲一路講解塊肉係咩部位燒完會話你聽點樣食先會食得肉嘅原味真係好juicy 一擺入口啲肉汁豐富咬落去係入口即化 但啲油脂仲留係口到個個感覺係仲有肉汁嘅鮮味係到回味可以睇到肉嘅雪花分布好平均 好靚嘅牛入口即溶 真係用文字都形容唔到咁好食🤣飛驒牛溫泉蛋飯評分：⭐️⭐️⭐️⭐️⭐️呢個又係無敵嘅飯👍🏻飛驒牛配埋啲汁 入口好嫩滑總結呢間燒肉店係服務 環境 食物質素都超級高係會不斷回頭嘅一間店👏🏻👏🏻👏🏻👏🏻👏🏻
繼續閱讀
6月時試左Yakiniku Great今次試埋另一間都好評如潮既燒肉omakase Nikushou @nikushou我地叫左特選和牛五品盛合師傅會逐片肉介紹同燒比客人大致都係由赤身啲食到比較油份重既除左牛舌係澳洲和牛其他都係日本唔同產地既A5和牛(ˊo̶̶̷ᴗo̶̶̷`)肉既質素絕對有保證 油花靚到畫咁師傅手勢亦好好 三人份既熟度都平均無太生/太熟既問題壓軸既西冷 油多到一路燒一路放火咁( ᵒ̴̶̷᷄꒳ᵒ̴̶̷᷅ )一路拎住電話拍片都驚驚地配埋北海道夢美人米同蛋汁食十分完滿~(˘▾˘~)另外加左一份招牌既脆皮鰻魚山椒燒佢唔係傳統蒲燒既方法而改用山椒醬汁燒燒到魚皮乾身 超級脆魚肉肥美又彈牙⸜ ෆ ⸝原本都有怕五品會唔會唔夠不過始終和牛咁油膩對於我地三個女仔就好夠啦個人而言會prefer Yakiniku Great多小小既因為佢揀唔同部分既特質比較鮮明處理方式都多元化啲會印象深刻啲 亦都相對無咁膩（我地仲有蛋糕要食 另外一提 想讚一讚nikushou唔收切餅費(´∇｀)）✿✿✿✿✿✿✿✿✿✿✿Follow @lastbitematters for more
繼續閱讀
之前有個朋友推介我黎呢間燒肉店試下，可惜疫情關係，一直冇食，最近終於的起心肝黎試下餐廳安排左我地坐窗口，望住馬場景食，如果唔係落雨，應該幾靚見到和牛7品盛合有2款（和牛7品盛合$488同埋特選和牛7品盛合$688），咁就2款都叫黎試下，原來2款盛合既食材基本上一樣，只係最尾嗰款肉唔同左首先上既係牛舌、上筋同辣椒肉牛舌配檸檬汁食，冇咁油而且仲開胃，一流上筋（前腿肌肉上筋）同辣椒肉就配wasabi＋鹽，口感比較豐富，別有一番風味之後就到鞍下、三筋、座布團同肋眼心鞍下即係牛既肩頸位，比較有咬口，配醬汁食👍🏼三筋就最嫩同冧座布團就冇乜脂肪，最有口感就係呢款普通既7品盛合，最後一款肉係肋眼心，入口即溶而特選7品，最後一款肉係招牌醬燒西冷燒完之後淋上蛋汁，連埋一口飯食落肚，大滿足食左成晚牛，當然要嗌下其他野食，否則真係會好膩，但呢間餐廳喺其他食物上面既選擇唔算多，最後揀左一款比較多人推介既脆皮鰻魚山椒燒（$148），味道同平時食開既鰻魚唔同，比較食到魚本身既味道，幾特別，果然值得推介基本上呢間餐廳從環境到食材都非常好，而且員工一邊幫我地燒肉，一邊細心講解d肉係咩部位同配咩醬汁食，冇得彈，岩曬d愛吃牛既朋友黎食
繼續閱讀