89
4
3
港鐵天后站 B 出口, 步行約8分鐘 繼續閱讀
電話號碼
29970488
營業時間
今日營業
17:30 - 23:30
星期一
全日休息
星期二至日
17:30 - 23:30
公眾假期
17:30 - 23:30
公眾假期前夕
17:30 - 23:30
付款方式
Visa Master 現金 AE 銀聯
座位數目
20
其他資料
Wi-Fi
酒精飲品
泊車 詳細介紹
電話訂座 詳細介紹
外賣服務
加一服務費
食評 (100)
等級2 2020-11-30
175 瀏覽
而家疫情嚴重,約到好朋友出尼食飯當然想食一餐好,搵呢一間日本烤肉係因為一個電視宵夜節目嘅介紹,試左重點推介嘅牛湯麵,的確係好好食!但好可惜我地都唔會再尼,因為服務太差!我地兩個人第一次幫襯,唔想揀當然係叫二人前嘅套餐,滾水淥腳咁上哂嘅前菜沙律生牛肉同海膽牛肉卷,一次過要我地食,點解唔可以慢慢上?好啦...終於食完,等左陣無人理我地,又要叫先識上烤肉俾我地...上烤肉果陣,個服務員好好人咁問我地駛唔駛幫手燒,有服務當然接受啦,但佢竟然燒到一半走左第到去執檯,我地唔係介意佢有其他野做,而係佢行去執完檯都無返尼處理過我地舊牛肉,最終舊牛肉變左舊炭!或者我地唔係熟客啦,所以佢要去執檯俾左熟客先。不過我地都無機會會做到呢間餐廳嘅熟客啦,因為「無下次」 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-14
318 瀏覽
Niku Niku 位於港島大坑嘅小巷入面如果唔刻意搵真係未必留意到外牆嘅簡約日式裝修真係有啲似日本嘅居酒屋位置咁偏僻都晚晚full booking訂咗兩個星期終於都比我訂到枱第一次黎就試吓佢哋嘅Tasting menu🍽頭盤就好豐富有蕃茄沙律、日本柚子蘿蔔柚子大根同泡菜拼盤我自己就好鍾意海膽生牛肉同埋火炙生牛肉片其實海膽配牛肉真係第一次試大家唔好諗住生牛肉一定血淋淋食落去都有一種好Flash嘅感覺到咗重頭戲就係特選和牛5部位如果大家唔係好清楚和牛食邊個部位比較好又或者好似我咁有選擇困難症揀呢個套餐真係啱晒一次過試晒和牛五個最好食嘅部位包括西冷薄切、和牛小排、西冷扒、牛柳中部、牛臀肉職員仲好有心幫我哋燒埋每一舊都鎖住啲肉汁好正🤤另外仲有和牛尾湯面同埋甜品呢個套餐都算抵食 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-30
199 瀏覽
和牛toro蓋飯 $175佢個蓋飯既和牛份量比我想像中多好多👍🏻😂😂比你撈埋蛋汁紫菜同蔥花一齊食~但和牛牛味唔係好出好少少失望🙊-ㅤㅤㅤㅤㅤㅤㅤㅤㅤ 廚司推介和牛燒肉盛合7 $1,250雖然有幾塊燒肉有d筋, 但大致上都好食既, 牛味夠重👍🏻仲有staff幫你燒埋最啱我地呢d懶人🤣 繼續閱讀
(以上食評乃用戶個人意見 , 並不代表OpenRice之觀點。)
🇭🇰Niku Niku ·之前黎大坑其實都有經過過呢間餐廳 佢個外牆都幾型格 而且入邊都裝修得唔錯 職員會問你你想自己燒定係叫佢地幫你燒😎我哋就揀咗叫佢哋幫我哋燒 因為我地費事因為自己嘅手勢浪費咗舊和牛咁😈😈所以我哋全程就可以好嘆咁樣一路等食啦 題外話我本身以為呢啲小店會係日本師傅主理 但係原來入邊大部份都係香港人🤣🤣·和牛toro蓋飯$175我哋本身就係比呢一個吸引咗 佢嚟到係真係同我喺OpenRice見到嘅相一模一樣 所以我對佢勁高期望 但係佢有啲啲失望🙊🙊佢都幾大碗既 而且入面有至少10片牛 係真係每一啖都可以有牛送飯 呢個位係正既😈可惜既係佢個牛味唔係好重 而且都無咩油脂 所以成個飯整體都係比較淡味😢而且佢個蛋汁係真係就咁得蛋汁 冇豉油 所以我自己加咗啲燒肉嘅汁落去撈😂😂明明我上網睇好多人都話佢呢一個好出色 究竟係咪我哋果次去啲牛唔靚定係點呢🤭·特選和牛7部位燒肉拼盤$1250因為我哋有選擇困難症 所以我哋就決定直接嗌呢一個燒肉拼盤 咁就每樣都有得試下😏佢係每個部位有2件既 睇落好似比較少咁 但係其實食落都幾飽 可能因為佢全部都係和牛 所以其實都會膩🤣🤣我自己就最鍾意入邊嘅牛舌同埋牛柳中部 兩個肉質都好好 而且好淋 食落真係有一咬就化嘅感覺 佢個西冷薄切同埋牛臀肉都唔錯既 不過個和牛小排 西冷扒同埋和牛橫隔膜都有啲筋 所以咬落個口感就差少少🙊·#rbyeat#rby日本菜#rby大坑·📍大坑施弼街18-22號地舖 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-12
209 瀏覽
今日同朋友去咗大坑搵食 感覺上大坑呢個地方近幾年開咗唔少特色小店 今日食嘅日本niku niku就係其中一間啦一入到去舖頭入面 用咗好多木 燈光有格調成個氣氛好似日本嘅高級燒肉店 而且服務員都超級有禮貌同服侍周到特上和牛小排 份量唔大 不過由花好靚 靚嘅和牛燒30秒左右就食得 五成熟非常鬆化入口即溶 而且牛肉味都好足夠 雖然價錢比較貴 不過食過就知道物有所值白飯用上珍珠米 粒粒有咬口而且飽滿 用嚟送和牛 撈埋和牛嘅油脂回味無窮柚子蜜唔太甜 不過都好足料解渴一流 繼續閱讀
(以上食評乃用戶個人意見 , 並不代表OpenRice之觀點。)