NEXT Shikaku

營業中

休息中

NEXT Shikaku🎌拉麵店，位於中上環之間，裝修清新舒服，店員同廚師會用日文交流，幾有氣氛👍🏻亦好有畫面感，拉麵店主要係Bar枱形式坐，望住師傅整拉麵👩🏼‍🍳每個步驟都好有心機，手法精細，熱辣辣一整好下1秒就送到你枱面🍜特製牡蠣白湯拉麵「koeru」🦪特製即係白湯加咗盛合嘅配料，賣相非常豐富，擺盤好精緻、好有心機🫶🏻未食就已經感覺良好，當然要試咗咁出名嘅湯先，濃厚湯底由蠔、豚肉同雞熬製而成，望落去濃郁厚身，一飲落去，蠔味爆發🤯配埋肉嘅濃厚，非常滋味🤤唔怪得知要配洋蔥同埋青檸一片，會為好濃嘅湯帶嚟一啲層次同清新👍🏻好出色嘅蠔湯底💟食麵時間，面身彎彎地幾有咬口，掛湯掛得好犀利😎因為湯都好濃，食落去啲面啖啖都好蠔鮮，好正😆驚人size嘅牡蠣，大大粒，食落好肥美，好重蠔味👍🏻櫻木煙燻糖芯蛋，真係有啲煙熏味，流心配埋蠔湯食好好味😋慢煮叉燒，火炙過兩面，真正係燶邊叉燒，食落有焦香肥瘦適中，相當唔錯😌專做蠔湯拉麵嘅地方真係唔多，仲要質素咁好🙌🏻專心做好一件事就係吸引！非常值得支持❤️‍🔥好想試埋清湯同沾麵！😉

今晚約咗朋友喺上環搵食，由上環站行到過嚟大概6分鐘。呢度有好多拉麵店，今次揀咗呢一間係用蠔嚟煮湯底嘅拉麵店。餐廳分為兩層，地下嗰層係坐吧枱，上面係一個包廂，我哋今次揀咗坐Bar枱，可以望住廚師煮嘢食。我哋兩個人，一個叫咗牡蠣白湯，另外一個係特製牡蠣白湯，特製嘅係比較濃味，同埋多啲叉燒，同埋多咗一隻蛋。個湯底飲落去好濃郁，好有蠔味，佢實際上都有放咗一隻蠔喺面嘅入邊，不過得一隻就比較少。佢嘅麵係唔同出面嘅拉麵，比較扁身，有少少似魚蛋粉嘅粗麵，咬落去比較腍身。最欣賞嘅係佢哋嘅叉燒，可以見到佢哋用火槍即場隻燒，好大塊，肥瘦各一半，仲有少少焦香，幾正。餐廳嘅冷氣好足夠，侍應嘅態度都好好，我哋一邊食拉麵一邊傾偈，都坐得好舒服。

今年年頭去大阪旅行，上網搵好嘢食嘅時候，搵到一間叫Next Shikaku 專門食蠔湯拉麵的餐廳，都有唔少YouTuber 介紹。 當時第一次食蠔清湯拉麵，我覺得簡直驚為天人，所以5月再去大阪的時候，都有2刷依間拉麵店，試埋蠔白湯拉麵。難怪每次經過見到都排曬長龍。（以上是日本本店的照片比大家參考）返到香港意外發現原來座銀集團引入左Next Shikaku 拉麵店，同日本本店一樣係主打用蠔熬製湯底。我今次叫左蠔白湯拉麵，朋友就叫左蠔沾麵，再加溏心蛋share 食。……………………………………………………蠔白湯拉麵 ⭐️⭐️⭐️⭐️⭐️湯底有好濃郁嘅蠔味，加咗豬肉同雞肉熬製，鮮甜美味，配料有一塊叉燒、一隻蠔、荀、洋蔥粒。湯底味道十分接近大阪本店，麵質都正常發揮，但係配料分量同質素確實比本店遜色，而且香港版本嘅拉麵$148 並唔包溏心蛋嘅。不過，以香港食到嘅蠔湯拉麵嚟講，確實算高品質。牡蠣沾麵⭐️⭐️⭐️⭐️⭐️試食左朋友一啖蠔沾麵，我覺得個蠔味比蠔白湯拉麵更加濃郁鮮甜，麵質都好滑好掛湯，同沾麵汁好夾！

個個都北上揾食，我就選擇喺香港搵食，因為總有種「搵到寶」嘅快感。話說我最近中環歌賦街撞到呢間大阪過江龍，試佢哋嘅牡蠣白湯拉麵，仲忍唔住加咗份清酒牡蠣同粒燻蛋。作為一個34歲嘅搵食狂熱份子，鍾意四圍搵好嘢食，食完真係有種難以形容嘅感動，忍唔住同大家分享呢場味覺盛宴。牡蠣白湯：濃到令人心跳加速一擺上枱，牡蠣嘅鮮香同湯頭嘅熱氣已經喺度勾引你嘅靈魂。湯底用日本蠔、豬骨同雞骨熬成，濃郁到好似俾大海深情擁抱緊咁，入口絲滑，帶點鹹鮮嘅蠔味，層次豐富得令人唏噓。麵條彈牙，中等粗度，掛湯能力一流，每啖都吸滿蠔香，食落好似同海洋嚟咗場浪漫對話。慢煮叉燒係另一個亮點，邊緣微微焦香，入口軟糯到化開，簡直係拉麵界嘅暖心存在。我仲加咗份清酒牡蠣 。哇，呢個決定真係要畀自己一個大拇指！嗰啲蠔肥美多汁，帶點清酒嘅甘甜同蠔嘅鮮味完美融合，咬落去係滿口嘅海味精華，食完真想再加一份。仲有嗰粒淡淡嘅煙燻味配上流心蛋黃，creamy到好似喺湯頭入面跳舞，好似喺同我講：「食我啦，人生無憾！」。湯、麵、叉燒、清酒蠔同蛋，呢個組合真係一場味覺嘅高潮，食完只想唏噓：「點解唔係日日有咁嘅拉麵食？」店內氛圍：簡約又chillNEXT Sh

突然間口癢想食下拉麵，上網睇話呢間性價比都幾高，主打拉麵。當晚落雨，去到見到都有人排曬隊，好受歡迎喔。好彩等左一陣就有位。去到原本6月份重開無加一，餐廳好光猛好有高級感，格局好似omakase甘坐，幾有feel。🍜牡蠣白湯$148呢個好特別，最特別係 D麵，同平時拉麵不同，黃色麵條，好彈好有咬口，而湯底超濃。配有一隻生蠔、一塊叉燒，青檸等。好食👍🥚櫻花木烟熏溏心蛋$18真係食到好濃的烟熏味喔，好得意。厨師同waiter都好有禮貌👍會encore！🥢NEXT Shikaku 🌏中環歌賦街11號地舖

喜歡食牡蠣的人士有福了🥰 這家中環新開日本拉麵餐廳，主打牡蠣🦪湯底。其秘製湯底採用日本牡蠣和牡蠣油熬製而成，味道鮮甜甘香。我超愛任何海鮮湯底拉麵，看過這家店餐牌後，想像湯底以牡蠣熬製應該十分鮮甜，決定一試。確實沒有令我失望👍🏻👍🏻 上麵時，店員給了我一份蠔粉，說是使湯底更為香甜，錦上添花，雖然不知是否蠔粉提鮮，吃完拉麵，我還想把湯喝完呢。😋拉麵麵質爽彈，有咬勁，蛋香麵香撲鼻，形狀扁身口感較為特別，我個人喜歡嘗試新事物，挺愛吃的。份量挺足的，吃得飽飽的！

位於中環歌賦街的Next Shikaku，以牡蠣主題料理為亮點，早前休息了一陣子，現在終於重開！新張期間更免加一！這次嘗試的「牡蠣沾麵」湯汁濃郁鮮甜，牡蠣風味突出，麵條彈牙，沾附湯汁後層次豐富，$168略嫌偏貴，但值得。「牡蠣白湯」$148，同樣出色，湯頭醇厚帶奶香，牡蠣的鮮味完美融入，暖胃滿足。小食「櫻木煙燻糖芯蛋」$18，煙燻香氣獨特，蛋黃流心，為餐點增添驚喜。 服務方面，店員態度友善，上菜速度快，環境簡潔舒適。新張期間免加一優惠更是加分，人均約$160，性價比高。整體而言，Next Shikaku適合喜愛海鮮與日式拉麵的食客，十分推薦給想嘗試創新牡蠣料理的朋友！

✨ 特製牡蠣白湯「koeru」（$198）呢一款係齊晒所有配料嘅組合（有齊溏心蛋、日式煙燻叉燒、紫菜），白湯湯底用咗蠔、 豚同雞熬製而成，比較傑身，味道濃郁，主角蠔嘅味道突出。三片慢煮叉燒肥瘦相間，食落口感偏爽；採用日本廣島蠔並以用清酒去煮，保留蠔本身嘅鮮味口感亦比較滑嫩；溏心蛋則經櫻木煙燻。面底方面比較爽口，配搭筍絲及洋蔥粒，口感更為豐富 💕。另外仲附上蠔碎，可以食嘅時候按個人喜好加入～✨ 金沢湯桶柚子梳打（$48）酸酸哋嘅柚子梳打相當清新，配埋拉麵一齊都幾清新解膩 🫶🏼。·經歷數月裝修重整，最近重開嘅日本過江龍座銀拉麵旗下以蠔為主題嘅拉麵店，作為蠔控當然要嚟食 🤭，之後會想再嚟試吓相對清淡嘅清湯同埋再濃啲嘅沾麵 😜。·🧾 免加一服務費（6/30前新張期內免加一）💰 $246❤️ Follow @852foodietraveller ✨

早前食過呢間蠔湯拉麵😛同附近嘅魚湯同埋雞白湯拉麵屬於同一集團🥹 價格定位同樣一樣偏高😅 座位一樣係吧檯偏窄🙁 味道方面蠔味濃郁幾有特色 但係整體嚟講同拉麵嘅配合都係雞白湯稍成一籌😀CP值來講不高⭐️ 牡蠣白湯 🤍湯底感覺比較濃厚😅除咗蠔湯之外混合咗豚骨同埋雞湯🐔入口比較厚實油脂感較重🥓 蠔肉份量偏少叉燒無亮點🐷⭐️ 牡蠣清湯 🌊清湯比較能帶出蠔嘅鮮甜🧐 可以選擇加上青檸汁提升鮮味既特色🍋‍🟩

The oyster soup, whether clear or thick, was just one that everyone can make easily. It lacked the umami usually found in Japanese soup.The small oysters coming with the soup, fresh or frozen, did not taste particularly good. Quite bland actually.Noodles were white, machine-made and probably not made in-house.The soup was not hot enough to my taste.The blow-torch toasted chashu was done only on one side lightly. It’s not even warm, let alone melt in the mouth. One piece in every bowl of soup

蠔一直係其中一種我最鍾意食嘅食材，知道做座銀團隊開咗一間專賣牡蠣湯底嘅姊妹拉麵店，一經過中環就把握機會入嚟試吓。第一次光臨當然要試佢嘅招牌牡蠣白湯拉麵，而且之前食過坐銀嘅雞白湯拉麵就相當滿意，所以對呢度嘅牡蠣白湯拉麵亦相當有期望拉麵入面既餸就有一隻蠔，一塊叉燒同埋洋蔥粒，配菜有青檸半個。湯底都尚算濃，有少量蠔嘅鮮味，不過整體嚟講就偏鹹，蠔味達不到我心目中嘅期望，而且配料沒有做座銀招牌嘅炸牛蒡，略為失色咗少少，所以下次都係食返雞白湯拉麵會滿足啲

呢間店一直都好想試，不過之前都做足 research，食評都係普遍話如果呢個價格定位唔係好值。但係，一間咁標誌性嘅店，點都試一試啦。牡蠣🦪清湯拉麵🍜香味 (4/5) - 一聞落去，香味係足。主要係聞到蠔味，煙燻味，同少少鰹魚味。湯頭 (3/5) - 本身係清湯，飲落有蠔味同貝類嘅鮮甜味，鮮度夠，不過鹹度稍為高左D。個拉麵入面有一堆鰹魚粉，本身個粉我有試過，係不帶鹹味嘅，所以我覺得佢過鹹左D，係因為個調料，相信係鹽湯加多左。而且，撈勻左個鰹魚粉之後，個湯就變得混濁了，以下張圖係撈埋堆鰹魚粉之後影嘅。麵條 (3/5) - 以粗度來講，目測係中細麵或中太麵之間，而明顯係平打麵，比較扁身。麵條口感味道都算唔錯嘅。配料 (3.5/5) - 因為係牡蠣拉麵，當然著眼點係個蠔本身。試落，基本上係急凍廣島蠔，係夠鮮嘅，不過冇驚喜。此外，蔥係有心機嘅，我估係用九條蔥，切成條狀，刀功值得一讚。另外有加左食用花，增加香味同味道層次。豬叉燒係最好嘅部份，有用火槍燒過，好香之餘，就算用嘅係五花肉部份，都唔會太油膩。咁多配料當中，只有呢塊（得一塊😅）我係珍而重之咁食。蝦雲吞方面，皮薄餡靚，係幾好食，蝦頗鮮又爽口。

牡蠣鮮香嘅濃厚湯沾上冷凍爽滑粉皮，真是絕配！絕對做到齒頰留香嘅較果；但無論沾麵和拉麵，牡蠣都是只得3隻，如果有5隻就更好了；餐廳裝修簡潔，服務員態度良好，唯獨冷氣不足，食湯拉麵會越食越熱，但即使是這樣，都定必會再食和介紹朋友去食。

一直都想試呢間Next Shikaku牡蠣白湯麵，餐單只提供三款麵食，除咗牡蠣白湯麵，仲有牡蠣清湯麵同沾麵。由於喜歡雞白湯，我毫不猶豫選擇咗牡蠣白湯麵。頭兩啖飲個湯底係幾有蠔味，見到將啲蠔打成碎粒，麵質亦算彈牙，但個湯底就愈食愈咸，我最後都食剩咗啲麵，亦飲唔曬啲湯。塊叉燒係幾厚下，但唔算甘香，如果將塊叉燒炙燒，我諗會好味好多。仲有兩隻好細好瘦弱嘅蠔，亦唔係好食。性價比好低，一碗麵連加一都要$170有多，試過就算。

Next Shikuka環境舒適，服務態度亦不錯，客人可選坐Bar枱位置全程欣賞廚師烹調拉麵，真係賞心樂事。它以牡蠣🦪做主打拉麵，分別有清湯(ikasu)、白湯(koeru)和沾麵(asobu)。 我選了牡蠣清湯拉麵🍜， 清香嘅高湯以百分百日本牡蠣熬製，配上牡蠣🦪油和秘製湯汁，而且湯面灑上蠔碎，蠔味更突出，更鮮味回甘。 麵條彈牙煙韌，十分掛湯， 而麵上鋪了洋蔥粒、肥瘦均勻嘅低溫慢煮叉燒、 鮮甜飽滿嘅蠔、檸檬草、紫蘇花、 兩隻雲吞、 竹筍絲，味道更添豐富，視覺上都大滿足。 整體而言，價錢不太便宜，但每一啖湯麵🍜都非常衝擊味蕾，有特色， 值得一試。