New York Cafe & Bar (已結業)

只接代訂位,Walk in話冇位喎,明明有位都話冇位,對其他客人好唔公平囉,咁大個人都未試過係一間普通餐廳食飯要訂位walk in唔得架,又唔係咩大餐廳大酒店,去酒店食自助餐冇訂位,都可以等位Y~但呢間餐廳連等位都NO啊~離譜架

6.28 生日快樂最近時間總算抽出來了, 一連打了十多篇食評, 免得愈積愈多。生日當天人在元朗, 先吃一個豐富的午餐再出發生日遊。選擇來NEW YORK CAFE的原因是男友可以食牛排, 我又可以食西餐, 環境也舒適。室內滿座, 坐在室外, 2人佔領了4人的座位, 好不寬敞。最初還擔心會被要求搭枱, 幸好可以享受二人世界。 我要了烤雞凱撒沙律, 男友要了牛柳餐, 有麵包條, 餐湯, 餐飲, 甜品。麵包條沒有第一次吃的多, 只有4條而已, 有點「到喉唔到肺」。不過小食還是小食為妙, 留肚吃主菜也未嘗不可。 忌廉豆蓉湯: 個人對西湯是沒有特別濃厚的喜好, 所以喝了幾口, 已經「全數撥捐」男友了。 湯的質素不錯, 豆蓉沒有完全被攪爛, 喝起來還有豆粒在其中, 感覺較豐富。烤雞凱撒沙律, 可以選配意粉, 薯菜, 不過我還是鍾情沙律, 貪它清新不油膩。我不懂得分辨蔬菜是羅馬生菜還是普通生菜, 不過有一塊吃起來帶有一絲苦澀 配料還加了麵包多士粒, 煙肉碎, 芝士碎條, 松子粒, 最皇要是沙律醬。不過本人嫌沙律醬太少, 不太夠。烤雞, 肉質頗嫩, 雞皮脂肪少, 而且煎成脆面, 更顯香

突然好想食扒, 於是上網搵下屯門邊度有好既扒房, 點知除左扒王X王外, 都無咩選擇, 但係大家都知依間好唔掂, 於是搵到去元朗, 比我地搵到newyork cafe, 見D網友都幾好評價, 所以一試, 不過頭盆個所謂凱撒沙律就真係唔掂, 淨係生菜, 咁不如叫生菜沙律喇, 但係D扒又真係唔錯, 以咁既價錢, 食到咁好的質素都算係咁, 個個都推介既凍朱古力, 我就頂唔順, 因為實在太甜, 如果有人唔食得太甜, 就真係唔好叫

去完澳門返到HK 都是夜晚了, 就黎左呢間一直想試既店食晚餐。去到成10:00, 已經last order 了。佢地話得返最後一份T 骨, 所以男友二話不說就點了這一款。我就要煎龍脷柳。因為無曬湯, 就轉左係沙律了。首先係有麵包條的, 好似有好多條, 食黎食去都仲有咁。笑似叮噹的百寶袋。 配對的醬汁又幾好味。沙律幾清新, 我較喜歡沙律多過湯。仲問我地要唔要加黑胡椒。新鮮生菜, 配以酸甜千島汁, 醒胃。我的煎龍脷柳配以蜜糖汁, 甜甜地, 好好味。龍脷柳好淋身, 又啖啖魚肉。 最熙要係沒有腥味, 食得放心。還有一些薯菜在底, 食完成個set, 真的很飽。試了一些T 骨牛, 有筋, 好難咬。無筋的部分則充滿牛味, 又軟熟。飲埋凍朱古力, 成個人都滿足曬。朱古力上有滿滿又甜甜的忌廉, 正!凍朱古力就好有朱古力味, 不像某些店會似溝左水咁。呢餐食到好滿足, 食物好味道外, 是進餐時的氣氛同對面坐既係邊個。

今次第二次去食﹐ 係被同事捉去﹐ 但感覺一樣﹐ 一次就好好好好夠!!!話說我地一行8人﹐ 先致電訂檯。一個午餐都係$38-$4x, 職員話﹐ 你地8個人最低消費$48。請問點解越多人去仲貴呢? 我地8個人啫﹐ 唔係包場wor! 於是我地分開4+4訂檯﹐ 到步時想一齊坐。勁黑面嘅職員就話: 唔得wor! 你地張檯訂咗出面(露天地方﹐ 但唔係我地要求﹐ 係餐廳安排)就出面啦﹐ 無得調wor, 你就算見到幾多熟人我地都唔會有位比你。我地4個就坐出面﹐ 其他4個就坐入面。旁邊有一對中年夫婦﹐ 好明顯係熟客﹐ 頭先果位黑面職員(係餐廳內最大果位)即時笑晒﹐ 好好態度。一個90度轉身就面向住我地張檯﹐ 即時變臉!!!老實講﹐ 食物唔算好差﹐ 肯花心思﹐ 外觀好有水準﹐ 但唔質素能夠保持。上次食嘅雞扒係正常嘅﹐ 今次食係柴皮咁﹐ 個樣整到幾靚都無用!請我去都唔會再去!!!

‧去之前做晒功課，知道要訂檯。‧想訂星期三晚，撞左紅日，特登提前星期２就打去。‧打左我一日一夜，結果星期三晏晝先打得通，好彩仲有位。‧其實佢地係咪星期二放假 ??! ‧食物方面，揀左 SET DINNER，4oz 牛 / T 骨 / 龍利柳 / 雞胸肉‧點餐時，牛肉要 medium well，侍應有俾意見話太熟會韌‧但係自己唔食得太生，堅持。雖然真係有小小韌，但接受到！‧至於龍利柳：好大塊好香而且魚肉好滑，煎得岩岩好，好OK！‧雞胸肉：好淋，唔洗用力就已經切開左，好滑。‧配菜有薯蓉，茄子，翠肉瓜 (?)。薯蓉好好味 !!! 但係茄子就麻麻地‧SERVICE 方面，侍應好NICE，會主動問需唔需要ｄ咩咩咩咩咩。‧上菜時間岩岩好，岩岩飲完湯就有野食，差唔多食完就會幫你 order 餐飲。‧現場所見，walk in 既都係冇位架！仲唔會因為咁而要求客人提早交檯。

與舊朋友食飯~方便大家就選址元朗啦~友人之前已黎過~1945到達~記得要book枱喎~餐廳比較細~每枱都有一籃麵包籃..入面約有3-4條脆包條..但進餐時~留意到原來呢d包條都幾唔衛生..麵包籃於客人離座後拎去refill, 但唔會掉舊有既包條,只係不停咁加新既落去~友人將一條包條折斷左少少~侍應好節儉竟然留番比下一枱客人食~Oh~~如大家再黎時可以留意下~冇誇張~我地叫左兩個set dinner +酥炸生蠔($48)我要左T骨扒($78), 友人則要龍脷柳($68)先黎餐湯-冇得揀~只有忌廉豆蓉湯, 唔錯喎..飲得出有豆味~幾cremay. 湯唔會熱到出煙~黎到就岩飲~T骨扒要左5成熟~湯到未飲完就到~切去骨及肥膏後份量唔多…細食既女仔就夠食~今日我胃口好,好似唔多夠~其實好少我去食西餐可以清碟架~哈哈~食落有牛味~唔韌, 熟既程度有6-7成~伴碟既薯菜好食~薯蓉濃牛油味~份量唔係好多~墊o係塊扒下面~蘆筍同茄子都好食~建議比多少少啦~唔夠菜食呀~試左友人既龍脷柳..都唔錯喎~唔食牛既不妨一試~炸生蠔好juicy, 共有4隻~製法係日式居酒屋咁~蘸粉醬後炸~蠔上面有少少沙律醬~雖然好

切記預先訂位，多謝樓下朋友的提點。要了牛柳和羊架套餐。首先，來一客蕃茄濃湯，醒胃。濃度似汁，足料。輔以麵包條、醬汁，很配。主菜看似「的飾」，其實份量十足，而且美觀。羊架非常嫩滑，配以芥辣，一絕。五成熟牛柳，很有牛味，似乎理所當然。墊底的薯蓉、露荀，一個飽肚，一個開胃。點點汁，吃得乾乾淨淨。老闆、待應很有禮貌，又問感覺如何，又問添不添醬。寧願吉檯，也要讓訂檯客優先，有原則所以有格，我buy你。之所以一定要訂檯！惟見隔離檯杯凍朱古力好正，鋪滿雪糕。價錢一樣，下次一定一定要叫！總括來說，又平又正，非常滿意。一定會有下次。

呢間餐廳簡直令我同老闆(即米飯班主)都食到上了癮~以前成日都貪平,次次都會叫$38 雞意粉既lunch但試過幾次之後,我地次次都會叫其餘$48/$58 的款式!!超正!!因為次次都有驚喜!!等我大約介紹下有d咩食啦!!海鮮漢堡飽,牛肉三文治,穌皮海鮮,串燒豬頸肉,好味牛腩,穌皮海鮮卷,炸大魚柳..........................數唔完!!!我次次都會一次過見埋餐飲,因為驚之後飲唔哂,而且又唔想阻住d新客仔,所以我地次次一食完就會好快走的晚餐...仲正!!我每次都會叫巨人漢堡飽(加$20有餐),再叫多個餐,同老闆一齊食~好開心呀!!因為6月尾之前,我都book左幾餐黎食...正!!!

去完濕地公園, 一早book位~準時黎到,都冇咩人所以可以即刻坐低叫左2個set dinner~例湯係蘑菇湯~幾creamy~又唔太濃!幾好!一個係牛柳~6成熟, 味道ok但覺得煎得過火左少少一個雞扒~有d 芝士係面,煎得幾香口,呢個唔錯都幾多配菜~全部都幾好食~最後叫左1杯凍檸茶同凍朱古力~朱古力有d cream係面~十分吸引人呢!老實講,會唔會突登黎~一定唔會但1個set dinner $68唔收加一,扒王,花園都唔得啦!!!仲要好食過tim!所以下次經過黎都會再encore!!!(希望老板睇到我呢個msg,因為個度都幾多蚊滋仔,我都比佢地吸左幾野)

講野食前, 先講下book 位既有趣故事:前一晚八點左右打黎book 位, 一個唔算太有禮貌既waiter 接電話, 問左我咩事之後,講「麻煩你九點半後打黎好冇呀, 我地依家好忙呀」 ... 「好呀, 唔該你」 (有小小想打退堂鼓, 感覺唔係太有禮)九點半打去, 終於可以講想book 幾點啦waiter :「唔好意思, 我地full booking 啦, 你介唔介留聯絡waiting 呀」 (玩咩! ! ) 「咁好呀, waiting 呀, 大約八點左右到呀」對答一陣...我問佢:「咁有位既機會大唔大ga」waiter:「好難講架, 我建議你可以搵下其他餐廳以防萬一」(夠坦白!!! 但係好似有小小唔休做既感覺)打定輸數, 所以到左約定時間依然係天水圍hea緊特然接到電話話有位, 留位15分鐘....幸好遲左去到都有位叫左1. 海鮮大餐 ($198/set)沙律/餐湯 + 焗蠔 + 老虎蝦 + 羊架 / 4oz 牛柳 / (唔記得左係咩) + 甜品 + 餐飲要左沙律, 羊架2. T骨餐 ($78/set)餐湯 + T骨 + 餐飲沙律: 味道好普通, 份量唔多餐湯(粟米南瓜湯): 飲黎飲

和男友到元朗玩一天，主題當然離不開食啦。我們沒有訂位，所以即使餐廳有空座都不讓我們坐，而是要我們留下電話，有取消訂座的才讓給我們。大約十分鐘後就有座位了。在家已做足功課，點了一客4oz牛柳($68)和一客凱撒沙拉($38)。先來的湯喝了已沒多大印象了，麵包條也是普通而已。吃了一半麵包，主菜也就上桌了。牛柳︰點了五成熟，生熟程度是剛剛好。賣相是很不錯了，可惜切下去的時候卻覺得有點韌，吃進口中更覺得我們的推測沒錯，要花時間去咀嚼，並沒有入口融化的感覺，也許將貨就價吧。凱撒沙拉︰這個反而不錯，有大大片的新鮮生菜，而燒雞煎得蠻香的，而味道有點辣，很惹味，而且雞肉並不鞋。整體來說是很抵食的一道菜﹗餐後還有甜品和飲品，甜品是青檸味的雪糕，喜歡吃雪糕的我都吃剩了一半，可見味道不太行。飲品選了凍檸茶，保險之選。我們坐在bar台，舒適度一般。餐廳好似是cash only，要多帶點現金才行。

跟八九年沒見的小學朋友聚會，經兩位好友推介，選了這間New York Cafe & Bar事先訂了檯，在門外擾攘了一會還沒人Serve，決定自行進內...就在我們推門的一刻才突然有人叫住我們，超緊張地則問是否有訂檯... 進去後又有人問...Service普通，沒太大問題，唯一令人不滿的是叫了侍應生要等很久才肯過來還有一點很有趣：這裡的桌子很小，碟子卻很大... 因此就很煩地常要換碟 麵包條麵包條本身沒任何特別之處，那酸酸甜甜的醬卻挺好吃! 味道有點像某薯條店的酸忌廉醬。 是日餐湯 (粟米忌廉湯) 普通啦，挺Creamy，但真的沒什麼特別，如下次還是粟米忌廉就不會再叫，本身想試南瓜湯可惜這天沒有... 芝士煙肉焗薯皮還可以吧，淡了點，薯皮跟配料比例為9比1... 好友說挺好吃... 我就覺得一般。超想念Shooters的薯皮喔，超好吃啦，可惜已結業... 凱薩沙律配雞肉配雞肉要加錢!! 味道okay，但下次大概不會叫這個，總覺得不值 海鮮披薩這個挺不錯，可以一試，脆脆的我挺喜歡，而且味道真的不錯… 煙三文魚奶酩意粉也挺好吃啦... 對女生來說很大碟，可以share 紐約芝士蛋糕不錯

再之到訪選擇晚上到來，想一試其晚餐水準事出突然唯有在早上打電話留座碰碰連氣，媽媽還說不用訂座......老闆想了很久才答應8:15給我留座三位，可見小店的受歡迎程度準時到達的我會合媽媽，卻要等姍姍來遲的姐姐，還好店方也未能準時交檯~最後8時多9時才坐下來，一進去就看見我的同學一家大小在吃飯，原來她們是常客~這樣碰見她大家都超興奮!看了看menu，選擇比中午的確多很多，牛扒、海鮮、飯、意粉，漢堡和薄餅都有 +$20就可以轉set (有湯/沙律+甜品+餐飲)我們點了一個4安士牛柳set dinner(不包甜品的)、海鮮意粉和雞肉薄餅轉餐牛柳要了medium，不過沒有想像中的好，有點靱......海鮮意粉用上粗身扁意粉，是我平常不會吃的，但它做得不錯呀，煙煙靱靱的~唯獨是太多油...碟底是一個油海.....但海鮮方面真是十分足料，大大粒的帶子真的好美味雞肉薄餅是我點的，因為午餐可以別漢堡，晚上就試試這個~ Pizza是薄身的那種，所以不會太膩，面上舖滿火箭菜，媽媽是把它們全部撥走，我可以照單全收呢~而熱熱的pizza拉出來的芝士也十分長~加上雞肉這個好配角，很快就掉掉整個Pizza!!晚上的

睇左食評之後一直都想去試下,上次情人節因為無BOOK位,所以無緣一試,今次蕩下蕩下搵地方食晚餐又咁啱有位就有機會食啦。一坐低佢比左幾枝麵包條同個沙津醬,幾好味,跟住我同男友點左兩個SET,一個係T骨,一個係羊串拼牛柳,先講個餐湯--南瓜湯,味道啱啱好,又好creamy,正~~~跟住到主菜,我男友都算係咀叼既人,都話好味,而我自己個T-骨我都覺得好味,雖然自己叫錯ORDER叫得生左少少,但食落口都好味道。食到一半有個Waiter走黎問我地d野O唔OK,幾細心!埋單仲要係$176,真係好抵,下次得閒都會再去多幾次