影片
招牌菜
出乎意料，逼人要紀錄一下另類法國餐，lunch去食，叫左西冷medium rare，等左45分鐘🫠熱奶茶都凍哂催埋待應，終於到…點知！點知！佢俾左個差唔多全熟既西冷我！ 我要medium rare呀🫥🫥🫥最後換左俾我，問要等多幾耐，最後5分鐘就上到🤔🤔味道一般啦另外餐廳地方唔大但又放太多枱，做唔切，地方又嘈😓以我觀察唔係我特別慢，我周圍既枱都要等半個鐘以上🤦🏻♀️🤦🏻♀️以係元朗咁多’cafe’，競爭咁大既地方，佢真係好唔得😥😥 個lunch set 要$138 不過佢對唔住呢個價錢
繼續閱讀
1 個意粉收緊$88 你自己睇相 一挖就到底 我一啖都未食過呀 仲要遮唔到底 唔好話男人飽唔飽 直頭話係比小童食算啦 我問個侍應確定個份量 佢回覆係係呀一向都係咁 即係唔係個別例子 兩個字：慘烈三文魚波菜意粉 你自己睇相 三文魚同波菜本人咩情況 法官大人我無補充 一個字：伏 2 我同太太等左接近48分鐘先有食物 你要黎食野 你要當自己食緊法國餐 3 好明顯新經營(其實都已經幾個月 之前黎食做上一手個menu 已經幾大差別 當時侍應話 黎緊會轉返自己 到時再黎試 我都覺得係嘅 始終未係做自己主打 值得再比機會呢家我試左喇 我肯定自己唔會再黎試添呀4 講開餐單有部份食物類型同上一手差唔多 但價錢貴成10-20% 午餐扒以前做100以下 呢家要130左右 總結： 元朗食百幾蚊一個午餐大把選擇 一個咁大競爭嘅地方 你比啲咁嘅質同量人 真係好L可悲 老實講你係要黎辛苦自己我都無辦法 我就一定 一定 一定 重要野講三次 唔會再黎 辛苦左做侍應打工嘅實一定狂受氣 但我相信唔關佢地事 而係成個管理乃至食物烹調都出晒問題 祝福每位黎挑戰嘅勇者後記：我食完個意粉係要再煮多個公仔麵 我覺得自己好可悲
繼續閱讀
轉名前一直都有食開，係我最鍾意去嘅其中一間。轉名之後啲野食加左價，今次仲要發現細份左好多。以前送嘅餐湯同餅乾下午茶都冇左。咁我都算啦，叫左份烤雞沙律，點知同以前爭勁遠！以前有陣碳燒香味，香得黎又唔會煎到乾曬柴。今次呢份同茶餐廳煎雞扒差唔多。最嬲嘅係佢份雞扒！竟！然！切！一！半！上！你份雞扒又唔係巨型！切左一半之後真係少得可憐！再講咁做個成本可以平得幾多？要個客比錢黎又食唔飽？我見到個陣真係O曬嘴！已經諗緊一陣去邊到再食好！我朋友仲要笑我！點知佢個三文魚長通粉都唔好得去邊！煙三文魚原來係肉碎！啲三文魚碎連埋啲菠菜碎先同一個貓罐頭差唔多份量！堅係覺得比人呃左！以後唔會再去！
繼續閱讀
好坐又有情調的cafe.行完山食清啲黎麥沙律，唔多黎麥，多啲更好味對面是國貨公司 - 中都國貨原來仲有國貨公司。我想起以前上水大江國貨，有三層，好好行我買了腐乳和龍井茶葉，唔貴，試下。可惜無牛乳。裕華國貨賣牛乳好貴呀
繼續閱讀