40
14
3
港鐵元朗站 B 出口, 步行約5分鐘 繼續閱讀
電話號碼
24427888
營業時間
今日營業
12:00 - 16:00
18:00 - 23:00
星期一至日
12:00 - 16:00
18:00 - 23:00
公眾假期
12:00 - 16:00
18:00 - 23:00
公眾假期前夕
12:00 - 16:00
18:00 - 23:00
付款方式
Visa Master AE 現金
座位數目
36
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
外賣服務
加一服務費
招牌菜
椰菜花意大利飯、卡邦尼意粉、燒肉眼扒
食評 (64)
抵食二人晚餐😋 焦點食評
等級4 2017-10-25
5049 瀏覽
唔算好熟悉元朗,但元朗美食多不勝數,站得住陣腳都唔多(集團除外啦),講到西餐,我都只係弱弱食過幾間,冇記錯喺富達廣場附近(?)上次喺西鐵站附近食完泰國菜,同朋友望過呢間西餐廳,仲話環境幾好,週六有機會黎試左喇。餐廳裝潢別緻,亮眼嘅黃色招牌寫住店面 Never Too Late Dining,角落有花草牆。餐廳樓底頗高,位置挺多,枱與枱間空間感足,雲石紋枱面很好拍,用黎做食物背景簡單美。本來睇呢種格調,會以為走高檔路線,不料價格貼地,當日亦有唔少情侶用餐,餐廳靜靜地,坐得舒適餐牌選擇唔算好多,晚市供應數款套餐,有扁意粉、煎三文魚、西冷牛扒、羊架等,定價$138-$228,包括餐湯或沙律、飲品。不過大多數人都係點呢款【二人套餐】,包括餐湯、前菜兩款、主菜兩款、飲品,定價$328,可加錢升級飲品及加配甜品,定價相宜二人套餐 $328餐湯、餐包:是日餐湯係椰菜花湯,湯嘅質地唔會太濃稠,菜花唔會打得太爛蓉蓉,保留口感。餐包幾好食,鬆軟微溫,配蒜蓉牛油一流前菜方面可以四選二,有炸冬菇/半骨雞翼/忌廉藍青口/黑松露薯條,我地揀左雞翼同青口。炸半骨雞翼配燒烤醬:一份有五隻雞翼,半骨方便食用,炸漿唔厚,但唔夠香脆,雞肉仲嫩,中規中矩忌廉法國藍青口:青口都有十數隻,新鮮肉質飽滿,忌廉汁稀身,入口唔膩主菜方面意粉、意大利飯二選一;然後春雞/西冷牛扒/比目魚扒/黑毛豬肋骨四選一。我地選擇左意粉同西冷牛扒,質素還可以。忌廉白酒蜆肉意粉:擺盤幾精美,碟邊用上食用花裝飾,即使價錢唔貴,都有種高格調感覺。意粉份量頗多,煮得乾身,忌廉汁唔係好多,白酒香氣淡薄。調味適中,唔會太膩口。蜆肉係沙白嗰種,約莫有八粒,比起沙蜆乾淨冇沙,可惜太細粒,幾乎冇口感可言,唔係時節,寧願換上其他食材。香烤美國頂級西冷牛扒 (10oz)配烤田園雜菜、薯條:本來就係見西冷牛扒配薯條,所以我地先冇選擇薯條作為前菜,不料西冷扒最終係配上薯蓉,anyway,我都喜歡的。牛扒size頗大,照片睇起來好似黑黑地色,實物冇咁濃的。因為我唔食太生嘅牛,點七成熟,切開冇血水我就接受到。雖然幾厚身,不過肉質頗嫩。牛扒連帶筋位同肥膏層,好在食落都唔太肥同唔會韌,面頭都烤到脆脆地,味道不錯凍檸茶:餐牌: 繼續閱讀
(以上食評乃用戶個人意見 , 並不代表OpenRice之觀點。)
元朗抵食二人餐 焦點食評
等級4 2017-10-12
5153 瀏覽
有睇開草根👧🏻👩🏻post會知我地去左元朗,特登睇下一田開幕有咩好食好買,去到咁遠緊係食埋晚飯先走。係元朗探索有咩好食時,經過大街有間裝修得幾好嘅餐廳,Never Too Late Dining就好似係到提醒我地2個唔好太晏食飯咁,冇諗咁多就入左去試。餐廳環境幾靚,有個勁chill嘅打卡位😎📷係而家好興嘅霓虹燈呀!!最近連草根妹妹都開始投入社會工作,2姐妹去搵間好d環境嘅餐廳正好可以好好傾下工作上嘅苦與樂。當然食飽都係另一個重點,睇完餐牌決定叫個二人餐。$328套餐包餐湯,2款前菜,2個主菜,同2杯飲品🥂價錢其實幾實惠,當然要睇埋食物味道如何啦~Dinner Set for 2 ($328)當晚餐湯係忌廉菜湯,味道唔錯,唔會太膩👍前菜4選一,草根揀左青口同炸菇忌廉法國藍青囗Blue Mussel with Cream Sauce由於藍青囗好新鮮🌊所以其實唔洗點調味經已好好食,帶鹹鮮嘅海鮮好出色😍法式炸冬菇 Fried Shitake一客大有8件炸菇🍄,🍄炸而不膩,完全冇油膉味👍冬菇外面炸到脆卜卜,仲要係金黄色,內面又唔會好乾💦原本炸菇冇落好重調味,所以記得要點埋個黑松露醬呀!😋黑松露温泉蛋雜菌意大利飯Wild Mushroom, Black Truffle Risotto with 64c Boilded Egg草根勁中意意大利飯🍛,一見到己經鎖定揀呢個。擺碟好吸引!飯中間有隻溫泉蛋,睇到己經知唔錯🤤!果然食落好creamy,應該落左大量忌廉😍之後劃破埋隻超級流心嘅温泉蛋🐣口感更加幼滑✌雖然黑松露味唔算特出🙊不過因爲個飯加左大量雜菌同煙肉,味道非常香❤❤❤!建意大家去到係必叫呀📣香烤美國頂級西冷牛扒(10oz) 配烤用園雜菜&薯條Grilled Prime Grade Sirloin Steak with Grilled Vegetables & French Fries可能個飯太驚艷,牛扒相對上肉失色咗👉🏻👈🏻牛扒份量就十足啦,可惜草根原本係點左5成熟,但係嚟到就發現有點過熟呢~所以牛肉唔夠juicy💦口感較硬,浪費左件扒😢。不過,草根妹妹中意佢地件扒帶有少少牛脂,食起上嚟帶起成個牛味。牛扒下係超滑口嘅薯蓉🥔,另外,旁邊雜菜食落幾清爽🥒,而且有經烤制過,味道更佳😎不過餐牌上寫說好的薯條冇出現呢?飲品方面我地加左$20叫 Mocktail。Babe Beillni Cranberry Juice, Peach, Soda Water由紅莓汁、蜜桃同梳打水整成嘅味道甜甜地唔錯呢~Never too lateApple juice, Soda water, Ginger, Elderflower, Honey另一杯叫左用餐廳命名嘅飲品,以為實冇死,材料有蘋果汁,梳打水,薑,接骨木花,蜜糖。點知個飲品好甜,好似有d飲糖水嘅感覺,建議大家可以試下其他飲品食左餐唔貴嘅2人餐,又傾左成晚心事。為成趟元朗之旅劃上完美句號。最終發現都係屋企人先唔會令你受委屈。2人餐除左俾情侶食,2姐妹食其實仲浪漫呢😘💞 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-10
2841 瀏覽
充滿歐陸風情的設計,綠油油的小花園,令我駐足窺探究竟。<Never Too Late Dining>正合我心意,提供舒適的用餐環境,讓我為澳洲回來的朋友洗塵。樓底高及落地大玻璃的透光度,格局明亮、寬敞,空間感十足。蘑菇湯+法包我們點了二人餐,有餐湯、2個小食及主菜,另+$19升級餐飲為白酒,我們摸著酒杯底聊天。蘑菇湯順滑、濃稠,湯中的蘑菇粒粒,口感豐富,把香脆的法包沾上濃湯,變得軟綿滋味。法式炸冬菇薄薄的脆漿,剛好包裹著冬菇。咬開卜卜脆的粉漿,冬菇濕潤如絲,沾上特製的蒜蓉醬,蒜香迫人,配搭起來,超級惹味。忌廉法國藍青口 忌廉藍青口絕對是必點小食,青口香甜淡雅,非常開胃。稠密的忌廉汁帶洋蔥粒粒,特別惹味窩心。肥美、厚實的青口,吸收了忌廉汁的甜美,口感更柔滑、細膩,連忌廉汁一同呻入口,簡直是滋味停不了! 香烤格陵蘭比目魚扒配薯蓉比目魚扒油光亮澤,外皮香煎至金黃酥脆,洋溢牛油香氣。魚扒十分新鮮,肉質輕輕按壓便散開。可口的外層,和綿滑的魚肉相輔相成,極居滋味! 薯蓉奶滑、黏身,吸收了魚油精華,更是滑不溜口。配菜的露荀、蕃茄,都有效減低油膩感。黑松露温泉蛋雜菌意大利飯温泉蛋煮至62度半生熟狀態,拌勻在意大利飯當中,更是蛋香誘人。每粒意大利飯都被黑松露醬包裹著,米飯中夾合雜菌粒粒、肉碎及芝士粉,啖啖邪惡、豐富! 總括而言,二人套餐配搭多元化,2個小食及主菜十分飽足,忌廉藍青口及比目魚扒叫人回味。漫活的用餐環境,適合聊天、談心。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-06
61 瀏覽
平時搭車經過見到佢想試好耐~因為無一個落車點.....即點都要行過去~所以成日都係得個想字搭西鐵返元朗~即興就話食呢間~建議由西鐵站經下面個巴士總站行過去會快啲~唔知係過咗食飯時間定係點~唔需要book位,舖位都唔係好大~但唔會夾硬放好多張枱,都坐得幾舒服😋當夜有個2人套餐~仲特價添~不過裏面啲嘢有啲唔啱我心水,所以決定散叫~我揀咗 黑松露什野菌意大利飯配大磨菇·鵝肝好好味~鵝肝好大,大磨菇好入味~Risotto啱啱好唔太硬~加48蚊可能轉餐~是日餐湯係南瓜湯~一心諗住甜嘅~但原來係咸嘅~比想像中好飲朋友揀咗燒肉眼扒~五成熟都幾靚仔~但"鞋"咗啲~可惜可惜我哋仲叫咗個炸洋蔥圈~都ok好食,但有小小油😆叫咗杯凍0茶~但佢無比糖漿我~但我都無問佢拎可能想我健康啲~所以最後飲咗杯凍0茶走甜除咗位置唔方便之外,其他都好好~我會再嚟食架~😄😄 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-04
59 瀏覽
生日飯近近地揀返元朗食,呢間野平時路過覺得裝修得唔錯,一直係must try list待命~入到去個環境同外在一樣靚,無失望~湯同飲品都唔錯,仲有叫一杯紅酒,直到細佬飲曬覺醒起無影到~水煮肉片米線ham配住沙律食感覺唔肥膩,唔錯唔錯,小食雞翼,雞翼好難煮得唔好食,所以pass~呢味都唔錯,係影落顯得份量較少~意粉同意大利飯都幾好食,但又未去到好驚艷個種。炸大蝦同薯條好香好脆,可以encore ~食到甜品,我地已經好飽,因為份量真係唔少! 繼續閱讀
(以上食評乃用戶個人意見 , 並不代表OpenRice之觀點。)