89
9
25
港鐵元朗站 K 出口, 步行約1分鐘 繼續閱讀
所有分店 (4)
電話號碼
35831932
營業時間
今日營業
12:00 - 22:30
星期一至四
12:00 - 22:00
星期五至六
12:00 - 22:30
星期日
12:00 - 22:00
付款方式
Visa Master 現金 銀聯 支付寶
其他資料
自帶酒水
加一服務費
當面支付
食評 (135)
招牌炸雞好正! 焦點食評
等級4 2018-04-25
1392 瀏覽
今日去咗元朗形點行街,原來商場裏面都好多嘢食喎,見到Ne Ne Chicken午餐牌都好多選擇,就入去開餐啦!裏面裝修簡潔,播住k-pop 感覺輕快。原來出面仲連著商場的露天範圍,開揚園景,令人輕鬆。午餐餐牌由$58至$88,好多都好抵食,例如參雞湯都係$78, 送餐飲,可以加錢轉特飲,不過我想食韓國炒粉絲,所以揀午餐蘑菇炒粉絲$58, 想試下特色飲品,加15蚊,轉NeNe梳打西柚味。另外,因為係慕炸雞名而來,所以都點左半份招牌炸雞$79。一坐低店員立克奉上泡菜,有三款:白蘿蔔,粟米沙律,大白菜泡菜, 泡菜食完仲可以再添,正!平時成日食泡菜就,知道大白菜泡菜,最初醃製的味道是辣多酸少,如果醃得太耐就會變酸,而呢度嘅大白菜泡菜冇乜酸味,証明好新鮮。梳打飲品先到,係用個燈泡狀裝住的西柚汁,賣相好得意,亮著綠色小燈在飲管上。 透過燈泡看到裏面的氣泡,被綠燈照著,很有玩味!西柚汁甜甜的,裏面還有果肉,並不是所想像的酸味,覺得甜味多啲。蘑菇炒粉絲,真係有好多雜菌在裏面炒,仲有雲耳、蘿蔔絲、洋蔥,炒好後再灑上雞蛋絲和黑白芝麻。 味道好香,因為落咗麻油仲有黑白芝麻,每啖都充滿著麻油香味,別以為咁深色會好咸,其實純粹是炒出來的效果, 當一碟炒粉咁食就是了, 加上好多雜菌和蔬菜,食落爽口,粉絲煙韌有彈性,口感豐富,呢個就係我鍾意食韓國炒粉絲嘅原因。招牌炸雞半份$79,冇骨的,全部是雞件,仲有兩種醬汁畀你調味,一隻係沙律醬,一隻係蜜糖芥末醬。咬咗一啖,不得了,真係炸得好正!外面炸粉好爽脆, 裏面雞肉非常嫩滑,有肉汁,最怕食雞肉鞋口,但係呢度嘅炸雞之所以成為招牌菜,係因為佢炸得外脆內滑,雞肉仲好新鮮有彈性,點埋蜜糖芥末醬惹味啲,唔點醬食原味都覺得好味。埋單加一$167, 只食一個午餐的話其實唔洗咁貴,今次特登加多半份炸雞試下,果然名不虛傳呢!下次應該叫埋朋友一齊,再食炸雞,飲啤酒吹水。 繼續閱讀
(以上食評乃用戶個人意見 , 並不代表OpenRice之觀點。)
想食雞就來了 焦點食評
等級4 2018-04-15
999 瀏覽
間中都會黎下yoho mall行街街,晚晚食市都好多人等,如果唔想等位,一係就5點幾黎食,一係就9點先食,中間黃金時段有排等㗎。今晚又係搵食嘅時間,朋友話想食nene chicken,作為韓粉嘅佢,真係好次次都係揀食韓國菜,yoho mall好似得nene同另一間韓燒店?店內夠光猛,但地板很線,點解咁多油嘅?好彩枱面同個位又無事,坐左窗口位,望到個mall嘅平台,都幾靚景㗎。先送上小菜,韓式涼菜。炸雞,新炸起好熱呀,醬汁係炸起後先加上去,所以D雞個炸皮仲好脆,加有芝麻同杏仁片又幾香喎,朋友揀左酸辣口味,個汁就係酸酸辣辣咁味囉,都幾正,唔係好新啱我。雞湯,好大煲,有成隻雞,加左大蔥,紅棗,雜菇,感覺有啲藥膳咁?養生系列~湯淡淡地幾好飲,雞入面有飯,飽肚之選黎喎,不過始終係雞湯,都幾油下,冬天飲應該正D。主菜揀左牛肉粉絲,因為朋友好鍾意食韓式粉絲,咁佢吸左牛肉汁又真係幾正嘅,而且韓國粉絲浸得耐都唔會爛,好彈吓,牛肉係薄切牛,有D似打邊爐牛肉咁樣,調味甜甜地,都ok,但我鍾意食辣多啲。又有泡菜送,辣辣地正。仲有白飯添,超多澱粉質嘅一餐。新餐牌 繼續閱讀
(以上食評乃用戶個人意見 , 並不代表OpenRice之觀點。)
nene雞,好ne正! 焦點食評
等級4 2018-03-07
983 瀏覽
貓貓又食韓國野啦。話說呢間餐廳係劉在石開既。貓貓梗係要食啦,一定要check in。貓貓愛上呢個好舒服既韓國餐廳,影相勁靚。貓貓要食燉辣雞粉絲鍋。呢個鍋原來真係好大。好多雞。貓貓見到啲雞已經流曬口水。食左一啖,雞肉好軟滑,而且入味。夠濃,仲有少少辣。下邊既粉絲吸曬啲汁,口感彈牙同濃味,貓貓越食越多,勁好食喎。貓貓既參雞湯熱辣辣好滾咁出場。好香人參味!雞肉真係煮得好軟,入曬味。雞骨都煮到好軟。糯米又吸曬雞湯,真係好正。貓貓覺得自己去左韓國咁,參雞湯真係好味。落左紅棗,蔥,仲有好多材料。味道好夠。仲有炸雞,係無骨架!貓貓唔洗起骨。全部都係雞肉最滑既部份,雞上腿!炸雞啱啱炸出黎,一咬落口,雞汁爆出黎,勁有水份。呢度既炸雞真係唔係講笑,好好味。貓貓食埋個飯同泡菜。各位觀眾,珍珠米。好香呀,貓貓濕左個嘴。泡菜越食越開胃,辣辣地鬼死咁刺激。貓貓既青提子蘇打好靚呀。燈膽既杯加埋個燈飾。唔單止好睇,果汁都好好飲。飲完感覺好滋潤,好fresh。貓貓開心到醉啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-20
1711 瀏覽
上星期天氣寒冷, 喺形點睇完戲之後,就四處搵食。 呢間 韓國人氣炸雞店《NeNe Chicken》 喺韓國有超多分店, 而且更有冬日限定嘅【暖笠笠韓牛芝士火鍋套餐】, 簡直為寒冷的冬天加上一份暖意。呢個韓牛芝士火鍋套餐係二人份量, 當中包括芝士火鍋及配料, 以及一份NeNe招牌炸雞,仲有兩杯特色飲品, 份量可謂超級滿足。一坐低,店員就會奉上一份韓國前菜, 有韓國泡菜、酸蘿蔔、 同忌廉粟米粒, 款式雖然唔多, 但酸酸味味嘅味道總算令人更加開胃。呢個芝士火鍋採用咗多款芝士, 有拉絲嘅Mozzarella cheese, 以及充滿鹹香嘅車打芝士。 比起瑞士嘅cheese fondue, 少咗一份酒味,所以味道就較為溫和, 比較適合一家大細嚟食。 而且芝士仲可以免費Refill一次, 務求令每一口食物都可以被芝士重重包圍。先講下第一個芝士火鍋拼盤, 有頂級嘅韓牛粒, 珍寶腸, 同各式各樣色彩繽紛嘅蔬菜。 韓牛粒牛味濃郁,而且油花平均。 送上檯的時候大概有五成熟, 放入熱辣辣嘅芝士火鍋裏面, 都唔會變得過熟, 還能保持著裏面嘅肉汁。 而且仲有各色嘅蔬菜, 西蘭花、蕃茄、黃椒、紫洋蔥同牛油果, 味道美之餘, 營養價值亦相當高。第二個芝士火鍋拼盤, 有麵包粒、炸蘑菇同鮮炸薯片, 麵包粒可以話係芝士火鍋must have嘅配搭, 脆卜卜嘅麵包粒配上熱辣辣嘅芝士, 係小朋友嘅至愛。 鮮炸嘅薯片夠厚身, 口感酥脆。最後就有招牌炸雞, 呢度嘅炸雞謝絕用萬年油, 堅持用新 鮮滾油去炸, 務求令炸雞更加香脆, 又能保持肉汁, 食起嚟比較健康。最後每個芝士火鍋套餐都有兩杯特飲, 我叫咗杯買相夠曬bling bling嘅西柚梳打,西柚香氣清新,夠曬refreshing。呢間《NeNe Chicken》定時都會推出季節限定, 務求令食客食出驚喜。 難免會成為年青人同一家大細嘅選擇。 繼續閱讀
(以上食評乃用戶個人意見 , 並不代表OpenRice之觀點。)
炸雞火鍋大放送 焦點食評
等級4 2017-12-30
2156 瀏覽
之前已經想去NeNe Chicken食, 但嫌地點有點遠, 不論旺角或葵芳車程也絕對不短, 拖字訣下等到在Yoho開了分店, 喜出望外, 立即相約朋友去試. Yoho Mall擴充對元朗人來說當然是一大喜訊, 這邊新開的食店要輪着試也得花上一點時間, 今次先來吃炸雞加年糕鍋. ​對韓國文化沒有追得太貼, 即使炸雞店早幾年遍地開花, 我也只試過2間頗具名氣的, NeNe Chicken算是第三間吧. Yoho分店勝在樓底高, 木系傢俱加上田園風佈置, 滲出一股小清新氣息, 感覺就是很年青.​​晚市有60或90分鐘放題, 價錢相差只是$40元, 隨了可任食年糕鍋外, 還每位包一款炸雞, 同時間滿足兩個願望, 60分鐘太趕了, 最後選了90分鐘套餐.炸雞可選有骨和無骨, 懶人一定選無骨, 啖啖肉吃起來才夠爽. 而且有8款選擇, 當中包括芝士潘朵拉炸雞 (另加$8) ​一行5大1小, 點了當中5款炸雞. 一碟五塊, 全部大大塊, 其實每款吃一件也相當飽肚了. 雞炸得好香脆, 鬆化而不厚粉, 雞內仍保持嫩滑多汁. 雞件入味. 基本上全部炸雞是同一煮法, 不同的是淋面的醬料而已.韓式甜辣炸雞 - 面層是甜甜微辣的醬汁, 剛掛滿在雞面, 沒有令表面變稔, 味道都甜甜地, 辣味不太明顯, 是頗大眾化口味.​大韓廚師炸雞 - 跟甜辣炸雞有幾份相似, 只是醬汁相對辣的程度高一點點, 都幾惹味.​大蔥炸雞 - 這個只供應無骨炸雞, 但對我們來說沒有太多影響. 這款炸雞較能吃出雞的原味, 面層是鋪上切幼絲的韓國大蔥, 灑上調味枌, 味道相對清淡, 相對地又沒太膩的感覺, 不錯.​白群主炸雞 - 炸雞鋪上沙律醬和洋蔥, 雖不甚驚喜, 卻也是最好的配搭.​芝士潘朵拉炸雞 - 相對特別的一款口味, 炸雞面鋪滿芝士粉, 配上倒滿芝士的農夫包, 絕對是芝士迷的至愛, 芝士都是易入口一類, 不帶羶味, 只是天氣較寒冷, 芝士亦冷卻快, 蘸上炸雞也難做到很完美的拉絲效果, 入口也有點結成塊, 影響整體口感.​難得倒是農夫包即使放久了仍保持香脆, 只是考慮到還有年糕鍋, 最後沒法完全吃掉.​孤陋寡聞還一直以為年糕鍋是全鍋都滿是年糕, 但原來只是名稱而已, 而配料有年糕可選. 跟一般火鍋沒太多分別. 湯底則有辣醬, 韓式炸醬, 咖喱醬和宫廷醬油可揀, 最後我們揀了宫廷醬油味.​火鍋配料有各式年糕, 蔬菜, 菇菌, 餃子, 拉麵等, 因為之前已吃了很多炸雞, 所以大家都以取蔬菜和年糕為主.​另外, 也有數款熟食供應, 一邊放有如關東煮的韓式魚蛋, 亦有一些醃蘿蔔可解解膩.​年糕鍋少不了年糕, 紫色的是蕃薯年糕, 真的吃出淡淡紫薯味, 頗特別. 白色則是芝士年糕, 但略嫌煮熟了不夠煙韌, 口感較粉. ​​這款最傳統沒有饀的年糕反而最得我歡心, 吸收醬汁精華後, 煙韌有嚼勁, 淡淡米香倒是最吸引我.​薯仔皮餃子, 一顆顆猶如魚蛋的原來是用薯仔搓成, 煮熟後會變成透明晶瑩剔透, 口感彈滑; 內裡是菜肉饀, 相當特別.​​單吃炸雞已經相當飽肚, 再加上不斷吃年糕, 其他食物只能淺嚐. 菜和午餐肉是主打, 韓式午餐肉加上公仔麵始終是鍋物不敗之選, 明明已吃了很多肉, 還來回取了好幾次呢.​熟食方面的玉子燒做得頗有水準, 厚身, 香滑, 入口鬆軟濕潤. ​韓式炒粉絲亦很煙韌Q彈, 配料多和夠入味, 不錯. ​吃濃味的炸雞和火鍋, 無法不要飲品, 加$20可任飲, 選擇以韓式果汁和汽水為主, 亦有些罐裝茶供應, 各取所需最稱心. ​以往試過的炸雞店, 一碟炸雞動輒二百多元, 份量超巨型, 人少時點一, 兩款已經沒有額外空間再吃, 若非一大班朋友一起, 實在很少機會去吃. NeNe合併炸雞+火鍋, 食物多元化了, 份量也恰到好處, 最適合胃容量不多, 但又想試多D款式的人, 只是90分鐘, 還是有點不夠喉. 繼續閱讀
(以上食評乃用戶個人意見 , 並不代表OpenRice之觀點。)
你可能會有興趣的...