103
13
28
港鐵元朗站 K 出口, 步行約1分鐘 繼續閱讀
所有分店 (4)
電話號碼
35831932
營業時間
今日營業
12:00 - 22:00
星期一至四
12:00 - 22:00
星期五至六
12:00 - 22:30
星期日
12:00 - 22:00
付款方式
Visa Master 現金 銀聯 支付寶
其他資料
網上訂座
自帶酒水
賞訂座積分
加一服務費
當面支付
有關獎賞計劃
食評 (159)
等級4 2018-07-05
1809 瀏覽
天氣熱到一個點, 胃口都麻麻, 粥粉麵飯真的有點吃不消, 還是選些香口惹味的食物更適合. 在Yoho行完街, 找吃時行過Nene Chicken, 突然很想吃炸雞, 二話不說入座.​這是第二次來這間分店了, 之前冬天時吃炸雞+火鍋, 飽到捧住肚走; 但夏天真的吃不到太多, 剛好看見有夏日限定套餐 ($348), 有層層叠併盤伴芝士龍蝦意粉, 黑松露磨菇雞蛋卷和兩杯特飲, 都幾吸引, 反正胃口不大, 芝士又岩晒老公和囡囡兩個芝士怪魔, 一於試試.​兩杯特飲分別是: 石榴檸檬沙冰 & 草莓荔枝沙冰 石榴檸檬沙冰清新而酸甜, 有很搶的石榴味, 冰粒並沒有打得幼細, 喝下有粒粒碎冰的口感, 冰凍消暑, 十分解喝.​草莓荔枝沙冰相對地香甜, 味道稍濃一點, 同樣清新.​黑松露磨菇雞蛋卷厚厚的千層煎蛋卷, 分成六份, 每份也點綴黑松露提味, 伴以新鮮沙律菜, 杏仁片, 原粒草莓, 整體清新健怡, 很適合夏天.​雞蛋卷可見內層的紋理和摺叠位, 蛋煎得剛熟, 仍保持濕潤和Q彈, 有清香蛋味, 內層夾着芝士, 令味道更有層次感. 伴以同樣香氣迫人的黑松露, 更是香濃細滑, 卻搶不去蛋味, 相當出色.​層層叠併盤伴芝士龍蝦意粉套餐中的主角, 份量足夠2-3人吃, 如火山盤的拼盤有三款炸物: 炸龍蝦箝, 炸蝦和炸雞. 底層是芝士龍蝦通粉, 成盤都芝味十足, 芝士迷必然嘩然.​另附上一小盤芝士醬, 用來點炸物吃的, 芝士控應該無法抗拒.​三款炸物中以炸龍蝦箝最矜貴, 炸粉不屬太厚, 剛剛包裹龍蝦箝, 可吃到絲絲龍蝦肉, 並帶juicy, 鮮味中又帶香脆惹味, 沒有點芝士醬, 以免蓋過龍蝦鮮味.​原隻炸蝦也鮮嫩彈牙. 長型的炸雞柳佔最多份量, 入味而juicy, 肉質不鞋, 也算滿足了本來一心吃炸雞的心願.​底層的芝士通粉份量一點也不少, 而且每條通粉都沾滿芝士醬, 味道香濃也很飽肚. 夾集着絲絲龍蝦肉, 真材實料, 配料還有火腿, 是矜貴版的Carbonara, 芝士怪囡囡吃了很多, 還懂得挑龍蝦肉來吃, 果然是天生吃貨. ​另外追加烤牛肉Pizza, 手拉厚芝心批, 配料有火腿, 牛肉片, 車厘茄, 西蘭花, 蛋黃醬等, 頗有home made味道, 手拉薄餅的餅底較挺身, 有點似蔥油餅, 口感十足.​Pizza本身已很濃味, 加上餅底的麥香, 相得益彰, 吃得滿足又不會太飽膩. 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-25
2984 瀏覽
今日去咗元朗形點行街,原來商場裏面都好多嘢食喎,見到Ne Ne Chicken午餐牌都好多選擇,就入去開餐啦!裏面裝修簡潔,播住k-pop 感覺輕快。原來出面仲連著商場的露天範圍,開揚園景,令人輕鬆。午餐餐牌由$58至$88,好多都好抵食,例如參雞湯都係$78, 送餐飲,可以加錢轉特飲,不過我想食韓國炒粉絲,所以揀午餐蘑菇炒粉絲$58, 想試下特色飲品,加15蚊,轉NeNe梳打西柚味。另外,因為係慕炸雞名而來,所以都點左半份招牌炸雞$79。一坐低店員立克奉上泡菜,有三款:白蘿蔔,粟米沙律,大白菜泡菜, 泡菜食完仲可以再添,正!平時成日食泡菜就,知道大白菜泡菜,最初醃製的味道是辣多酸少,如果醃得太耐就會變酸,而呢度嘅大白菜泡菜冇乜酸味,証明好新鮮。梳打飲品先到,係用個燈泡狀裝住的西柚汁,賣相好得意,亮著綠色小燈在飲管上。 透過燈泡看到裏面的氣泡,被綠燈照著,很有玩味!西柚汁甜甜的,裏面還有果肉,並不是所想像的酸味,覺得甜味多啲。蘑菇炒粉絲,真係有好多雜菌在裏面炒,仲有雲耳、蘿蔔絲、洋蔥,炒好後再灑上雞蛋絲和黑白芝麻。 味道好香,因為落咗麻油仲有黑白芝麻,每啖都充滿著麻油香味,別以為咁深色會好咸,其實純粹是炒出來的效果, 當一碟炒粉咁食就是了, 加上好多雜菌和蔬菜,食落爽口,粉絲煙韌有彈性,口感豐富,呢個就係我鍾意食韓國炒粉絲嘅原因。招牌炸雞半份$79,冇骨的,全部是雞件,仲有兩種醬汁畀你調味,一隻係沙律醬,一隻係蜜糖芥末醬。咬咗一啖,不得了,真係炸得好正!外面炸粉好爽脆, 裏面雞肉非常嫩滑,有肉汁,最怕食雞肉鞋口,但係呢度嘅炸雞之所以成為招牌菜,係因為佢炸得外脆內滑,雞肉仲好新鮮有彈性,點埋蜜糖芥末醬惹味啲,唔點醬食原味都覺得好味。埋單加一$167, 只食一個午餐的話其實唔洗咁貴,今次特登加多半份炸雞試下,果然名不虛傳呢!下次應該叫埋朋友一齊,再食炸雞,飲啤酒吹水。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-15
1979 瀏覽
間中都會黎下yoho mall行街街,晚晚食市都好多人等,如果唔想等位,一係就5點幾黎食,一係就9點先食,中間黃金時段有排等㗎。今晚又係搵食嘅時間,朋友話想食nene chicken,作為韓粉嘅佢,真係好次次都係揀食韓國菜,yoho mall好似得nene同另一間韓燒店?店內夠光猛,但地板很線,點解咁多油嘅?好彩枱面同個位又無事,坐左窗口位,望到個mall嘅平台,都幾靚景㗎。先送上小菜,韓式涼菜。炸雞,新炸起好熱呀,醬汁係炸起後先加上去,所以D雞個炸皮仲好脆,加有芝麻同杏仁片又幾香喎,朋友揀左酸辣口味,個汁就係酸酸辣辣咁味囉,都幾正,唔係好新啱我。雞湯,好大煲,有成隻雞,加左大蔥,紅棗,雜菇,感覺有啲藥膳咁?養生系列~湯淡淡地幾好飲,雞入面有飯,飽肚之選黎喎,不過始終係雞湯,都幾油下,冬天飲應該正D。主菜揀左牛肉粉絲,因為朋友好鍾意食韓式粉絲,咁佢吸左牛肉汁又真係幾正嘅,而且韓國粉絲浸得耐都唔會爛,好彈吓,牛肉係薄切牛,有D似打邊爐牛肉咁樣,調味甜甜地,都ok,但我鍾意食辣多啲。又有泡菜送,辣辣地正。仲有白飯添,超多澱粉質嘅一餐。新餐牌 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-03
73 瀏覽
一個芝士火鍋拼盤有齊韓牛、炸雞、炸薯條、菇類、脆法包,就已足夠四人份量,我哋仲加咗d小食,因為真係幾抵食。我自己其實未食過芝士火鍋㗎,估唔到第一次食就食咗一個韓式嘅芝士火鍋,都好有滿足感!其實本身各種食物都已可入口,加埋呢個芝士火鍋,真係生色不少。味道香濃,熱熱既芝士醬未食已聞到果種令你流口水既香味起筷清清既香菇絕不可少,因為好juicy㗎!炸雞件大可以食完皮再浸入芝士到,你會感受到兩個唔同既口味薯條點咗芝士後更食唔停口,脆脆既外皮粘上濃滑既芝士,超yummy! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-02
75 瀏覽
三個餐前小吃,一份牛肉,一個沙律,一碟韓國街邊小吃就顯出這家餐廳的誠意。韓國嘅美味泡菜真係冇人做得佢咁好 辣度勁,材料新鮮, 而且有爽口既酸蘿蔔中和番個辣味,再食埋甜甜嘅牛油粟米,打開了我哋既胃口!這個鐵板牛肉大大碟,牛肉粒煎得香香,外皮仲有小小脆,口感非常好; 內涵也一樣吧,牛肉味香濃而且很林,入口能輕鬆品嚐,真係唔錯! 配菜亦都多,洋蔥走不了,還有西蘭花,黃椒同熟透既牛油果,真係與別不同呢個沙律集蔬果生菜同果仁片於一身,仲要大大碟,四個人都夠分,味到亦混合得好好,新鮮既蔬菜和生果再配上果汁,沒有沙律醬既肥膩,太好了!朋友介紹呢個係地道韓式街邊小食:年糕,春卷同餃子,味道是加了蜜糖既醬汁,好韓式風格。 繼續閱讀
(以上食評乃用戶個人意見 , 並不代表OpenRice之觀點。)