影片
港鐵觀塘站 A2 出口, 步行約4分鐘
繼續閱讀
電話號碼
62933953
開飯介紹
餐廳設計時尚，水泥牆和木餐桌的配搭，予人輕鬆舒適的用餐環境。主打的牛扒更以保溫裝置呈上，和西式酒及雞尾酒一起享用會更加滋味。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
同朋友約咗觀塘NATA食晚餐，餐廳weekday竟然都爆滿。點咗幾樣，每樣都咁出色，無論前菜、主菜定甜品都好有水準！環境又chill，好啱情侶約會或者同朋友gathering，推介。*炸芝士（$58）外層金黃酥脆，咬落去裡面超爆濃郁芝士，熱辣辣好邪惡，送酒一流！*黑松露薯條（$68）黑松露味好濃，薯條炸得啱啱好，唔會油膩，又係食到停唔到口嗰隻！*美國1855 安格斯肉眼（$298）肉眼牛扒火候掌握完美，五成熟剛剛好非常嫩滑，肉汁豐盈。肥瘦相間的油脂在口腔中慢慢化開，肉味濃郁但不膩，絕對是主菜中的王者。*黑松露忌廉雜菌意粉（$125）黑松露忌廉醬好濃郁得黎唔會太膩，加埋大量雜菌，啖啖都好有層次。*榛子朱古力焦糖香蕉梳乎厘班戟（$98）甜品時間必食！梳乎厘夠鬆軟，加埋榛子醬甜而不膩，仲有焦糖香蕉加持～打卡又好食！*士多啤梨乳酪碎冰（$48）清爽解膩嘅選擇，酸酸甜甜好開胃，啱晒夏天食完大餐嚟一杯！*Quezaco Moelleux, IGP Costes De Gascogne Glass（$118）（買一送一）白酒有啲微甜，好易入口，配前菜或者甜品都啱晒～買一送一真係幾抵飲！
繼續閱讀
📍這家朋友極力推薦，位於觀塘巧明街商廈樓上西餐廳， 主供牛扒、 意粉、梳乎厘班戟 、咖啡、cocktail等等。。。🎆美國1855安格斯肉眼扒(五成熟)來到這裏必吃牛扒， 肉眼扒五成熟剛剛好， 盤下還有兩個小蠟燭加熱， 令牛扒更加散發肉香。 牛扒表面焦香，內裡還充滿肉汁，肉質彈牙， 牛扒本身不需調味， 加少許鹽同食已足夠帶出肉味， 這才是正宗烹調方法， 這家牛扒的確不錯!🎆西班牙鬆脆包配香蒜希臘芝士醬鬆脆包名不虛傳， 表面脆卜卜， 內裏軟綿綿， 配上濃濃的希臘芝士醬， 可作前菜，開開胃口!🎆明太子忌廉大蝦意粉大大隻爽脆大蝦， 大蝦數量亦非常充足， 意粉軟硬度剛剛好， 明太子忌廉汁味道濃淡適中， 非常清新，都是夏日之選。🎆榛子朱古力焦糖香蕉梳乎厘班戟梳乎厘班戟都是這家餐廳的重點， 有很多口味，豐厚軟綿綿班戟， 伴著冰涼特製忌廉， 榛子朱古力醬及楓糖漿，一口送到咀裡，超級滿足! 還配有脆脆焦糖焗香蕉， 甜而不膩， 口感非常享受! 而且份量非常充足， 絕對足夠二人分享。🎆Tiramisu Latte (Hot)朋友情有獨鍾， 面層厚厚的棉密奶泡她非常喜愛!🎆Cheapest Flight今次午餐，點了非酒精飲品， 此mocktail配搭很清新， 菠蘿+橙+青檸酸甜適中， 加上迷迭香、梳打水， 夏日炎炎消暑一流。這裡酒精及非酒精類飲品都有很多很好的選擇， 還有其他小食及甜品， 下次一定會約朋友來happy hour試試。🎆這裡環境很有氣氛， 餐廳空間比想像中大， 裝修佈置很有心思， 座位亦很寬闊。 無論三兩知己進餐， 消閒下午茶， 放工老友happy hour， 或是節日大伙兒慶祝， 都絕對適合。
繼續閱讀
最近我去咗「NATA - Steak, Wine & Cocktail」食飯，真係好開心！呢間餐廳距離地鐵站非常近，交通超方便。一進入餐廳，裝修真係好精緻，色調柔和，氣氛舒適，適合同朋友聚餐或者情侶約會。我哋首先試咗「慢煮牛肩胛肉」，肉質非常嫩滑，味道濃郁，配上特製醬汁，簡直好味到唔得了！之後係「明太子忌廉大蝦意粉」，意粉嘅口感剛好，明太子嘅味道同大蝦搭得好好👍🏻👍🏻「蒜香蟹肉意粉」更加令人驚喜，蟹肉新鮮，蒜香味十足，食完之後滿口香氣，實在無法抵抗！仲有我叫咗一杯「mojito cocktail」，清新又解渴，完美配搭呢啲美食。甜品方面，我哋選咗「芒果拿破崙」，層層酥皮配上新鮮芒果，甜而不膩。最後，我哋仲試咗「榴槤忌廉配椰子泡泡疏乎厘」，D24榴槤果肉真係好香滑，榴槤味好濃👍🏻對於榴槤迷來講，真係流晒口水！整體嚟講，「NATA」嘅食物質素高，值得推薦！如果你想享受一頓高質素嘅美食，呢間餐廳真係唔可以錯過！
繼續閱讀
今晚同老婆去咗觀塘區一間上樓食西餐的地方，我唔係觀塘區返工，所以覺得有啲難搵到間餐廳，但原來係apm後門轉右再上樓就到😓。更加意想不到就咁早就爆場🤣。我是好彩有張吉枱☺️。天氣熱，來杯芒果冰紅茶涼一涼先，再有凱撒沙律，菜很新鮮👍🏻，再來個招牌cobber大蝦辣蕃茄意粉，嘩！份量都幾正，少少甜一點點辣，好開胃，好食😋，pasta質感做得好，大蝦又真係好大隻👍🏻好實肉👍🏻。另一個主角出場，澳洲150日黑毛安格斯西冷，3成熟☺️，睇個樣都知好食，仲要有個熱盤熱住食🫰🏻，肉質顏色好靚，又咬口但唔韌，正🫶🏻必食🤟🏻。甜品時間到，因為份量都幾大，所以只叫一份甜品：士多啤梨拿破崙，賣相很吸眼球，切落外皮好鬆脆，真係好好食🤤，我老婆明明話飽，但心郁郁想再叫多個甜品🤣，巴斯克芝士蛋糕，間餐廳d甜品真係唔錯，這個又滑又香，氹到我老婆好開心🥰🥰，應該好快又encore🤣🤣🤣。
繼續閱讀
🐮慢煮牛肩胛肉 $208雖然有點蠟燭助熱幾有feel但我覺得塊扒有啲Hea黎到時有啲乾我去Steakhaus食$88/98都靚過佢-_-唔太記得醬汁味道🦀蒜香蟹肉意粉$148好多蟹肉而且蒜香令成個意粉好惹味印象中意粉煙韌的意粉份量夠兩人食🌰榛子朱古力焦糖香蕉梳乎厘班戟 $98落單時見到可寫happy birthday 梳乎厘pancake就係食空氣感XD隔離枱有家人叫左兩個甜品打卡慶生推薦食甜品同意粉
繼續閱讀