影片
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
相關文章
一直都想試呢間來自東京嘅人氣茶室《nana’s green tea》，自問係抹茶控芭菲控，今晚終於可以一試餐廳環境清新雅緻，提供多款日式料理如沙律、烏冬、丼飯、茶飲和甜點等，當中抹茶/焙茶飲品和芭菲更是招牌，不能不試✨抹茶蕨餅芭菲賣相非常吸引，好多層layer，有抹茶雪糕、紅豆蓉、蕨餅、穀物片和抹茶啫喱等，份量豐富，抹茶控不要錯過！✨焙茶生朱古力芭菲賣相同樣吸引，分成多層配搭不同配料，焙茶雪糕夠軟滑，配搭生朱古力，味道醇厚，抹茶以外另一好選擇🍴海老蕃茄豆乳烏冬蕃茄豆乳醬汁，酸酸甜甜香濃惹味，烏冬夠掛汁，配上大蝦和本菇，整體配搭非常好🍴鮭魚昆布絲柚子胡椒茶漬飯三文魚碎配搭昆布絲和柚子胡椒，加入鰹魚湯，米飯吸收了湯汁嘅精華，味道清新帶微辣，滋味十足✨抹茶牛奶雲呢拿軟雪糕朱古力脆脆抹茶牛奶茶味香濃，配搭雲呢拿軟雪糕和朱古力脆脆，味道和口感豐富，非常好飲，推介👍✨焙茶牛奶白玉焙茶雪糕焙茶牛奶口感順滑，茶味香濃，配搭白玉和焙茶雪糕，猶如一份甜品，幸福滿滿❤️
繼續閱讀
早幾日黎AIRSIDE 行街, 順便DINNER~ 朋友揀左nana's gree tea.先點主食, 再點甜品.✨明太子大葉豆乳芝士意大利飯✨ 味道唔錯, 豆乳芝士味濃, risotto 好有口感. 配搭埋鹹香嘅明太子同清香嘅紫蘇葉，味道又幾match. ✨嫩雞肉明太子茶漬飯✨雞肉嫩滑, 仲有明太子同鰹魚湯, 鰹魚湯可以中和明太子嘅鹹味, 湯飯都有味, 比較輕食健康, 岩哂留肚食甜品.✨抹茶蕨餅芭菲✨ 芭菲好多層layer, 賣相絕對好OK👍🏻 抹茶雪糕唔算濃, 但好滑, 加埋cream食真係一流!蕨餅煙靭, 中間粟米片好脆口, 下層仲有牛奶雪糕同埋抹茶凍, overall 層次豐富, 而且甜度都ok! ✨焙茶生朱古力芭菲✨ 呢個芭菲又係好靚, 好多layer~ 頂層係焙茶雪糕、紅豆蓉、生朱古力同埋Cream~ 生朱古力口感順滑, 柔軟, 入口即溶. 中間又係有脆口粟米片, 下層仲有牛奶雪糕同埋焙茶凍! 呢杯都好正.最近仲叫左熱咖啡同紅豆鮮奶~ 不過不失, 唔算有特別驚喜.中意食甜品既一定要黎!!
繼續閱讀
近日成日去啟德覓食，今日揀咗呢間日式餐廳，簡潔嘅木系裝修令人感覺好舒服，望吓Menu有我最愛嘅烏冬，甜品有超靚嘅芭菲，必點！主食🥢柚子胡椒豚肉烏冬（日本豚肉) $98呢個烏冬貫徹日式風格，柚子湯底好清澈，散發淡淡嘅柚子香，仲有淡淡嘅胡椒香味，唔會太酸或者太鹹！烏冬好粗身煙靭，配合埋肥美日式豚肉、蘿蔔碎，味道都唔錯，值得一試！🩷🐟鮭魚昆布絲柚子胡椒茶漬飯 $88茶漬飯包含大量昆布同埋三文魚碎，真係有原個茶壺比大家加茶，呢款飯可以加茶或者湯，建議加高湯食味道會更加濃郁，仲貼心送上醃菜，混合一齊食可以加添些少鹹味！🍦🍧呢度甜品非常之出色，建議一定點芭菲:🍵抹茶生朱古力芭菲 $98🤎焙茶白玉芭菲$88兩款顏值都100分，入面材料都非常之豐富，💚抹茶芭菲將濃郁嘅抹茶同軟雪糕互相配合，微苦抹茶配上香甜嘅雪糕，甜度啱啱好。除咗粟米片、紅豆蓉之外，入面仲加咗原粒抹茶生朱古力，呢個山朱古力入口即溶，令到呢個芭菲更加美味。底層仲加咗抹茶啫喱，所以每一啖都有事食到不同食材，口感好豐富！🤎焙茶芭菲配搭🍦焙茶雪糕，香滑嘅軟忌廉混合雪糕一齊食，口感香軟，同白玉丸子一齊食，口感煙煙韌韌，配搭埋一齊食勁滿足！飲品方面，建議試吓💚宇治煎茶（$42），外觀呈翡翠嘅青綠色，口感甘甜，不太苦澀！✨呢度都有自家嘅茶葉售賣，抹茶控好值得一去！🍵
繼續閱讀
日本🇯🇵過江龍人氣茶室NANA'S GREEN TEA 裝修以現代美學元素環境簡潔明亮。 供應多款抹茶、焙茶、洋日主食、輕食、飲品、精緻芭菲等…一次滿足少女心🥗嫩雞胸肉野菜沙律輕食又可滿足女士胃，健康減肥一流～油醋汁分開自己加進，份量都唔少嘢🦐海老蕃茄豆乳烏冬有蝦、有菌，烏冬彈牙掛汁力強超濃烈，淡淡鮮味 🌿焙茶蕨餅芭菲｜🌿焙茶生朱古力芭菲深愛既焙茶控，芭菲既吸引，層次豐富配搭蕨餅、朱古力粒、牛乳、茶菓等⋯口感Q糯、脆脆、絲滑、冰凍，滋味與幸福打卡一流🍵抹茶牛奶白玉紅豆🫘🍵焙茶牛奶雲呢拿軟雪糕朱古力🍫🌿抹茶與🌿焙茶口味各突顯歐蕾前者奶沫芳香；後者甘醇濃厚甜度走0，因為配料中和後態平衡更佳
繼續閱讀
Cafe主打小山園抹茶產品，另設有不同口味嘅日式蕨餅、糕點、雪糕、飲品、輕食等供應。啟德分店由KAMITOPEN嘅吉田昌弘設計，以現代茶室為概念，希望將日本茶文化融入日常生活中。甜品控必叫芭菲，三款口味（抹茶/焙茶/黑芝麻）搭配一款配料，匯聚多款焙茶元素，有雪糕、果凍、豆蓉、雜物脆脆、生朱古力，層次口感豐富，散發著獨特茶香氣，令人一試難忘。主食方面私心推介明太子大葉豆乳芝士意大利飯，味道濃郁，鹹鹹香香，口感黏稠，飯粒軟糯同時有點咬口、另有海老蕃茄豆乳烏冬，麵條掛汁Q彈，搭配新鮮蝦、菇等都幾豐富。最後以飲品作結，想品嚐京都宇治抹茶嘅濃郁度不妨試試宇治京都抹茶生朱古力，基本上係Espresso嘅抹茶版，超濃超正。抹茶牛奶沙冰白玉黑芝麻雪糕配料豐富，沙沙口感，解暑一流。
繼續閱讀