影片
哈囉各位饕客！準備好迎接一場火鍋盛宴了嗎？🔥 今天要強力推薦NabeGo的美國牛五花套餐！🥩🥢 我選了250g，份量恰到好处！看看那油花均勻分布的粉嫩牛肉片，視覺享受滿分，口水都要流下來了！🤤迫不及待地開動啦！涮個幾秒鐘，牛肉片就從粉紅色變成了誘人的淺褐色，入口即化，鮮甜的肉汁在舌尖綻放，簡直是人間美味！😋 肉質鮮嫩，油脂香氣在口中迴盪，太滿足了！💯 搭配清爽的蔬菜🥬、滑嫩的豆腐🍥，營養均衡又美味！別忘了沾上特製的芝麻醬🧂，濃郁的芝麻香和牛肉的鮮甜完美交融，簡直是天作之合！💖 最後再來一碗熱騰騰的白飯🍚，完美收官！NabeGo的先付後食和手機點餐📱 也超級便捷！不用招呼服務員，也不用擔心算錯帳💰，輕鬆掃碼，線上支付，就能輕鬆享用美味的火鍋！👏 他們位於新界沙田置富第一城，交通方便！下次想吃火鍋，NabeGo絕對是我的首選！😋 #火鍋 #NabeGo #美食推薦 #手機點餐 #便捷 #新鮮食材 #美國牛五花 #必吃 #吃貨推薦
繼續閱讀
荃灣美食多，最近小妹發現了一間位於荃新天地嘅日式火鍋餐廳，主打1人1鍋日式火鍋體驗，提供多種火鍋湯底選擇，各款日式小食和配菜，無論1個人、三五知己或家庭聚餐都可以滿足到😜。今次小妹選擇了最愛嘅壽喜燒湯底，肉類就選擇了美國牛五花、牛豚盛合套餐，牛肉鮮嫩，壽喜燒湯汁鹹甜，配上生雞蛋倍加滑順口感，套餐跟一碗時令新鮮蔬菜，1碗珍珠米飯，醃蘿蔔或沙律菜1碟，如果想更豐富，更可以自行追加肉食和小食添。餐廳用膳座位寛敞，價錢親民，大大大滿足😚。
繼續閱讀
公道講句嘢食都正常，但係態度就實在太差。用餐時間75分鐘，首先由入座開始計等嘢食已經等超過10分鐘基本上食嘅時間得返唔夠一個鐘。未夠鐘已經埋嚟話我哋過咗鐘好耐，仲要補一句如果個個都好似你哋咁佢唔使做生意。本身都嗱嗱臨起身走，冇乜為意，弊在咁啱睇到張紙仔寫住離座時間，一睇原來係未夠鐘，離晒大譜！真係貼錢買難受！
繼續閱讀
尋日行開街突然好肚餓就沖左入去食一共叫咗兩個餐再追加咗兩種牛結果喺全部牛肉我都只係食到好淡嘅牛肉味就連個湯底都淡到好似水咁打邊爐之前飲咗湯底兩啖真係有啲覺得自己喺度飲水。。。我叫嘅係鰹魚湯底，我男朋友叫嘅係豬骨湯底，佢個豬骨湯底就好濃味不過如果用嚟烚牛肉嘅話會完全遮蓋晒所有嘅牛肉味。。。款式唔算多，可以揀嘅都好少而且無論係啲牛肉定係啲蔬菜我都覺得有啲碎砌得又好似唔係幾好，我扯其中一條出嚟成抽油麥菜就跌晒出嚟😑😑食過一次之後未必會想有第二次。。。
繼續閱讀
入到去環境唔錯，坐得舒服。但係啲侍應姐姐全部都係用啲唔咸唔淡嘅廣東話，都唔緊要。呢度係要落單俾埋錢先會送餐，比信用卡個system係要入卡number，成件事又好麻煩。啲嘢食中規中矩，不過啲菜係完全冇味道，又剪到好碎，隔籬枱啲菜竟然有小強😰即刻望清楚我個盤啲菜有冇事先至放落去個煲度烚。問吓有冇得加湯，啲侍應姐姐淨係講咗句自己加啦，指咗佢擺湯refill嘅位置，同埋諗住斟水飲，斟完見到啲杯面浮咗層油，仲要斟咗幾杯都係一樣嘅情況，如果真係要食嘅話，就焗住嗌嘢飲。總括而言，唔會有下次。
繼續閱讀