MYLKLAB.CO

這間香港豆乳飲品專門店位於中環街市2樓，主打精品濃豆乳的各種食物及飲品，採用百分百有機黃豆製作，純素低糖無奶配方，天然又健康又美味～店內採用開放式廚房，能欣賞到即叫即製的過程。中環街市內設有多張餐桌及立食位置，亦有不少人選擇外賣，邊逛街邊喝。豆乳奶蓋抹茶紅豆拿鐵 - $52豆乳奶蓋比普通奶蓋多了份豆香，質地綿密細膩；優質抹茶的甘苦平衡良好，有沉穩的茶香，還有軟糯香甜的紅豆蓉，層次多樣。海鹽奶蓋開心果豆乳 - $52鹹香輕盈的海鹽奶蓋不膩，開心果獨特的醇厚香氣好濃郁，幼滑細膩而沒有顆粒感，絲滑的豆乳帶天然豆香，還有一粒粒清脆的開心果增添口感，層次好豐富。有機開心果豆乳 - $45有機開心果散發著獨特的香甜和淡淡的奶香味，充滿純正的堅果香氣，加入豆乳有奶油般的風味。有機抹茶豆乳 - $40高品質的抹茶粉相當細緻，有馥郁的抹茶香氣，鮮味醇厚又甘甜，濃郁滑順的豆乳沒有粗糙感，豆香味更為突出，更溫潤易入口。…查看更多

🍵 抺茶味意式雪糕（綿密茶香） 🌟🌟🌟🌟🌟（5🌟為最高）返工經常經過中環街市，二樓真係飲品小食天堂！今次試咗MYLKLAB.CO，主打豆乳飲品同意式雪糕gelato😍抺茶味雪糕好濃郁，茶香突出，食晒都唔覺膩，gelato奶油比例少、牛奶比例高，脂肪量低、空氣含量少，口感綿密滑順，真係正👍🏻🥤 豆乳奶蓋系列（輕盈濃香） 🧋 黑糖仙草豆乳 🧋 海鹽奶蓋開心果豆乳 兩杯都要咗少甜，豆乳飲落唔heavy，奶蓋綿密有豆乳香，黑糖同開心果味都好濃郁，同豆乳好夾，飲落感覺輕盈無咁肥，真心鐘意🫶🏻🥤 黑芝麻有機豆奶（香濃低糖） 樽裝設計方便保存，仲有低糖無糖選擇，黑芝麻味香濃唔膩，健康又好飲，欣賞～🖤 gelato仲有黑芝麻、🍇冧酒提子、豆腐味（可惜收工嚟到無晒😭），下次一定要試！📍MYLKLAB.CO（中環皇后大道中93號中環街市2樓241號舖）#中環美食 #中環街市 #MYLKLABCO #豆乳控 #意式雪糕 #gelato #抺茶雪糕 #黑糖仙草 #開心果豆乳 #黑芝麻豆奶 #打卡飲品 #食咗未 #拍拖好去 #香港飲品 #健康之選…查看更多

weekend黎到中環街市行街，發現新開左呢間豆乳專門店，身為豆乳迷當然要試下啦。海鹽奶蓋開心果豆乳 估唔到豆乳都有出奶蓋系列，當然要試吓近期大熱嘅開心果口味，配埋海鹽奶蓋，用豆乳作base整體都唔會太甜，同樣地開心果味都好突出，特別欣賞佢嘅海鹽奶蓋，好棉滑。有機玄米茶豆乳茶味豆乳方面，市面上一般都係推出抹茶或者焙茶口味，今次見到有玄米茶特別想試下，飲落去都有滲透玄米茶獨特嘅香味。黑芝麻有機豆奶另外我亦購入一支黑芝麻有機豆奶，仲有得揀無糖或者版本，夠晒貼心。椰汁紅豆西米露豆乳布甸呢間豆乳專門店仲有特別推出甜品系列，今次揀咗椰汁紅豆西米露豆乳布甸，打卡一流，而且每一層都有唔同的餡料，每一啖都食到豐富口感。下次嚟中環街市可以試吓唔同口味款式的豆乳產品。…查看更多

放假去中環街市閒逛，又多休閒活動又多餐廳，真係幾好行。同仔仔經過呢間MYLKLAB.CO，佢見到雪糕就即刻被俘虜😂 我見menu主打100%有機豆乳、每日新鮮製造，一於買杯嘢飲拎住行街。🖤豆乳奶蓋黑糖仙草豆乳 $48💚有機開心果豆乳 $45🤎奶蓋Oreo 朱古力豆乳 $50有機豆乳取材高品質嘅黃豆，豆味非常濃郁，口感滑溜。🖤黑糖仙草唔會太甜，有仙草甘香。💚我就最中意開心果味，果仁香味碰撞豆味，兩隻味都咁出，但又平衡得好好。🤎Oreo 加朱古力🍫 呢個組合有新意，簡直係小孩嘅最愛😍加$8可以加唔同配料，紅豆🫘、燒仙草、宇治抹茶凍、紫米、桃膠等。阿仔杯黑芝麻雪糕 $38更係愛不惜手，黑芝麻有烘過嘅香味，每啖都咁重芝麻味！大半杯雪糕俾佢一個人食曬😝純素、無奶、天然🌱 素食人士或有乳糖不耐症人士都啱食。經過開中環街市可以去試下🙌🏻…查看更多

我想同你一齊分享…甜蜜時刻放工行過中環街市，終於有機會試到呢間以豆乳為主題嘅甜品店抹茶豆乳雪糕呢杯雪糕真心推介！抹茶味濃得嚟帶微微甘香，完全無苦澀味，同豆乳嘅清香出奇地夾。口感軟滑到似絲綢咁，一入口就融化，甜度恰到好處，食完成個口腔都留得住茶香同豆香，絕對係夏日消暑首選！有機焙茶豆乳焙茶控必試！焙茶烘焙過嘅香氣特別濃郁，飲一啖已經聞到堅果同茶葉交融嘅香味。豆乳口感順滑冇豆腥味，甜度輕盈，飲落好舒服。熱飲或者凍飲都一樣出色，飲完成個人暖笠笠又唔會膩，健康之選！雪燕桃膠豆奶養生朋友一定要試！雪燕同桃膠煮得啱啱好，口感Q彈又滋潤，每啖都食到膠質滿滿嘅口感。豆奶底香濃唔會太甜，完美襯托出食材本身嘅清甜。飲完成個喉嚨好潤，感覺成個人即刻補足水分，靚湯水級享受！黑芝麻豆奶一打開蓋就聞到超濃郁嘅炒黑芝麻香，飲落順滑冇渣，豆奶同黑芝麻比例平衡得好好。味道香甜自然，唔會假甜，飲完成杯都唔膩。感覺連頭髮都即刻有力量咁，真係滋補又美味！MYLKLAB.CO (中環)中環皇后大道中93號中環街市2樓241號舖#中環甜品 #中環咖啡 #中環美食…查看更多