My Little Coffee

營業中

休息中

因為屋企冇晒咖啡豆，咁啱行開旺角就上網睇有邊間出名嘅炒豆店。去到老闆娘其實個樣有啲惡😀，不過傾開就知道佢好友善同埋介紹好專業！自問espresso嘅功夫唔係好了得，仲要用新磨豆機同埋新豆，因為啲豆好新鮮，你睇吓幾多crema! 再調整多一兩次粗幼應該會更加多crema! 見到樓下有負評話啲豆豆唔靚唔新鮮，唔該識飲咖啡應該都知道新鮮炒好嘅豆豆要等起碼一兩星期先至可以開始使用，咁先至可以發揮咖啡豆嘅風味至到極點。強烈建議樓主收返佢嘅評論，咁樣對本地有誠意嘅咖啡小店極度唔公平！香港已經經濟差到一個極點，真係唔想有質素嘅小店冇得做生意！

價錢合理，店員友善，意見專業。店內備有多種沖咖啡用具選擇，店員亦細心解釋各種工具用法，及冲調出來的各種不同風味。我自己家中磨豆嘅，可見咖啡豆新鮮色澤，香氣一流😋🥰

返工要每日一杯咖啡但返成七點半 周圍都未開鋪 有時只可買七仔咖啡但又甜又凍自己本身有幫襯開買blend 豆 深深深吾做返工係屋企慢慢沖當然係享受啦但返工始終難以慢慢沖所以好開心佢地終於出左掛耳式既深深深$125/10包係會上癮的～

  這店將永不用考慮光顧。到這店買豆﹐店員從鐵罐裏把已炒好的豆取出﹐沒嗅出應有的香味，問了一問︰這豆是何時炒好的？ 答︰昨天。今早把豆磨碎，香味極淡。用三種方法沖咖啡﹐結果都是失去香味的產物﹐新鮮炒的豆是這樣的嗎？是豆的問題還是一星期以前炒好的咖啡豆？誠意小店？ 對不起，不是你。