影片
港鐵海怡半島站B出口, 步行約2分鐘
繼續閱讀
營業時間
星期一至日
07:00 - 21:00
公眾假期
07:00 - 21:00
以上資料只供參考, 請與餐廳確認詳情
港鐵南港島線開通左咁耐都未坐過.今日老公放假,就一齊去鴨脷洲睇下有什麼變化.一落車.行咗去岸邊,就見到個無敵大海.到咗中午,又係醫肚嘅時候.行到海怡西廣場,見到美心快餐店.我哋叫咗兩個套餐.(1)無骨海南雞飯套餐,配上黃油飯和中式湯.伴碟還有青瓜.無骨海南雞又嫩又滑,咬落啖啖肉.好食.最怕係出曬血水.這家是沒有的.黃油飯有D乾,唔係咁好食.中式湯係南瓜蟲草花瘦肉湯,材料豐富.(2)义燒、菜脯炒蛋飯套餐.配上熱飲.叉燒太瘦,有點韌,菜脯炒蛋非常惹味.美心熱奶茶,茶味濃郁.好飲.
繼續閱讀
今日同媽咪呀妹去美心打邊邊，較啱時間享用佢個火鍋早鳥優惠，仲會送多一大杯汽水，早啲食又平啲又少人啲，識食梗係揀啱時段黎食啦！一個醉雞呀豬媽火鍋都有好多野食，以我記憶就包括有一碟醉雞啦，有豬肉有午餐肉有兩支滑(墨魚滑同好似係飛魚子雞滑)，有啲豬皮呀魚腐呀蘿蔔南瓜呀，仲有生菜同烏冬。我自問大食，但食完成個set都覺得飽飽，承惠$58，抵過晒其他連鎖店嘅火鍋，10分推介！
繼續閱讀
返工嘅時候電話响，原來嗰夜班同事忘記咗攞嘢走，要我同佢擺埋去，我話冇問题，不過我而家行緊去美心食早餐，等我食埋先啦，佢話OK，其實我係美心門口睇緊歺牌，最後要咗嗰牛扒煎双旦，加杯可樂，嗰餐都有麵包，牛扒味道麻麻，煎双旦都好差，係杯可樂同麵包好啲，因為可以加牛奶和花生醬，快啲食埋嗰早餐，同嗰同事做番啲嘢，费時佢冇咗1啲嘢入我數。
繼續閱讀
今日超級節目豐富，早上接肥髀見學校，見之前去快食個早餐，快餐店外落單，我試用自助落單機，用咗好多時間理解！成功落單，肥髀用人手落，快過我好多！落單出菜在外圍，攞食物入去型格座位區搵位，在大枱坐低，桌椅唔迫！脆嫩魚柳烚蛋（$31）幾開心有烚蛋呢個選擇，蛋係啡雞蛋，蛋白彈牙正常，蛋黃全熟無食，魚柳香脆，魚肉唔乾唔腥正常，麥包烘過但放咗一陣，淋咗少少！整體正常中國茶：呢排食滯下飲熱茶最好（頻撲中不宜飲含奶嘅飲品）水夠熱，茶只係茶包，味道正常肥髀食：火腿炒蛋多士：熱檸水：自助式所以無乜接觸！爽手極速出菜！有效率健康少少嘅嘅選擇
繼續閱讀
好少食美心，因為一來屋企同公司附近都會冇，二來覺得連鎖快餐店品質應該差不多到，所以對美心並沒有特別喜好。但今日黎到海怡，發現商場冇乜嘢食，所以就揀咗美心，下午茶時段叫咗一個迷你叉燒飯同咖喱三寶，出奇地滿意，野食份量剛剛好，叉燒係肥瘦叉，咬落好軟熟，中間夾雜着小小脂肪，口感一流，再有配上少少汁送飯，好快就食晒。另外咖喱三寶都不過不失，有魚蛋，豬皮同白蘿蔔，咖喱汁幾好味。整體來講覺得有誠意，有用心調配過醬汁和配搭。
繼續閱讀