MX (長發廣場) (已結業)

MX青衣担杆山路6號長發廣場2樓224-225號舖近排因為疫情關係，有時會home office多左時間可以係屋企樓下食早餐，之前成日食茶餐廳，不過近排就愛上左食美心MX, 餐廳係長發商場既2樓，位置就比較隱蔽喺最入面既，不過都幾大間幾舒服架每次黎我最鐘意叫既就係<龍蝦濃湯腸片螺絲粉>,個湯底好濃郁食完個螺絲粉，仲可以飲埋個湯tim呀，好正另外，呢到既炒蛋好嫩滑，好豐盛既早餐

美心MX青衣担杆山路6號長發廣場2樓224-225號舖美心快餐-雞批紅豆冰呢個係童年回憶，所以間唔中都會黎回味下plasma電視應該壞咗，而家暫時用住呢個meun 先啦 揀岩就去落單啦，今日都唔算太多人，買嘢食都唔使點排隊鋪頭算闊落啦，裝修都幾新淨我當然係食雞髀紅豆冰啦再加多個咖哩三寶(豬皮蘿蔔魚蛋)正常質素啦，岩岩好可以填飽個肚食飽記得自己囉返個餐盤去回收處呀養成好習慣

諗唔到食乜嘢好，去咗青衣長發村嘅美心，叫咗個叉油雞飯（走姜溶）外賣。賣相都幾好既叉油雞飯，唔知味道係點呢！味道都唔錯，叉燒口感幾淋。油雞顏色係幾靚，但味道就覺得唔係好夠鹹！整體上覺得都OK嘅，叉燒比較出色的。

龍蝦湯頭號粉絲最近知道美心MX出左龍蝦湯系列，唔係唔試呀🥳 意粉加埋酥皮龍蝦湯都只係$5x,算係幾抵食👉🏽藍青口扁意粉加拿大藍青口喎，9隻大大隻，比我想像中多，青口唔腥，但唔算鮮甜，都收貨既扁意粉Q 彈，上面灑左炸蒜片，啖啖都食到蒜香味👍🏾鐘意蒜香味既人會好鐘意個人嫌龍蝦汁偏稀同淡，如果濃啲就perfect👉🏽酥皮龍蝦湯呢個加$6 咋，一定要叫新鮮滾熱辣，濃濃既湯配脆脆既酥皮，停唔到口😝朋友既海南雞飯都唔錯小小插曲，我朋友換左一次雞，因為第一次比既雞得皮，只有兩三塊先有肉，朋友換既時侯美心員工都好抱歉，即刻換過，態度係令人滿意雞肉去晒骨，好嫩滑，唔會有雪藏味，快餐黎講好食過好多餐廳了

好耐冇食美心吃早餐，真系太先進啦，可以排隊買飛第肉，亦都可以自助。自己跟住部機器，就可以買到早餐，實在太犀利。而家出咗龍蝦系列，龍蝦早餐$29 ，有一個螺絲粉、有麵包同雞蛋，不過不失，唔系太出眾，亦都唔算差。不過如果食物差不多的話，大家樂嘅更加抵，只需要$22 ，就有一個通粉、麵包、同埋熱飲，個龍蝦湯唔算特別太濃郁，所以如果有得選擇，我相信都會食返大家樂。不過美心而家與時並進，有啲就位仲設有叉電位置，如果食食吓飯唔夠電，都可以即刻叉電

天氣開始轉涼，真係特別想打個邊爐放工第一時間來看有乜心水邊爐！叫咗個酒不醉人醉雞火鍋同埋藥膳湯底，湯底香噴噴酒香。真係好香藥材味有黨蔘、杞子、當歸等等感覺很補除咗醉雞外，有雞片、飛魚子滑、餃子、海蝦、魚片頭、烏冬每樣少少仲有新鮮生菜和超甜粟米 雞肉片都幾嫩滑...今天的一人火鍋價錢六十多元, 份量很多, 絕對夠吃, 價錢可說是超值。而且最方便是食完不要洗碗, 又能享受打邊爐的樂趣。食物種類也多。加些少錢可以加配火鍋料加$20有牛肉，加$8仲有大杯可樂全部都是我鐘意食

今晚想平平地鋸下扒，快餐有時都係一個唔錯嘅選擇嚟嘅～ 仲有跟酥皮湯同餐飲～～焗酥皮龍蝦湯係唔錯嘅。我諗係太多人叫呢個扒餐，酥皮湯係後上嘅，新鮮焗起嘅仲正呀！今晚嘅牛扒餐有啲令我失望，可能牛扒太薄身 overcook 咗，質地太靭進食都有困難。。。豬扒 & 吉列魚柳餐反而較優勝。稍為花少少心思，用支竹籤串起兩塊扒，同樣嘅扒餐望落又俾你另一感覺啦，足以證明咗 food presentation 嘅重要性。

啲麵燶晒！唔燶嘅又硬又難食🤢美心出品越來越差！份量少都唔在講，大集團出啲咁嘅嘢俾客人食！唔知佢地大厨同經理有冇試過食呢啲垃圾！如果佢地覺得OK嘅！咁樣就等「笨客」來食啦！

真的差到不能再差!!!!!!!! 呢間野真係十分之垃圾。。。男友叫左個燒鴨飯，燒鴨係凍冰冰既。。再睇細心d見到d肥膏位已經凍到瓊左變左白色。。真係唔知佢擺左幾耐。。。呢d野都拎到出黎比人食?!???! 個飯呢。。重衰。。係糊到一pat野咁。。點食呀。。內心真係忍唔住xyz。。。。心情已差到頂點。。至於我就叫左個叉燒麵，竟然同我講已經冇湯。。果時先未到9點。。唉。blacklist!!!!!!!!!!!

果日夜晚同媽媽兩人落街打邊爐無咩選擇下 就去左美心快餐叫左一個燒味飯 一份打邊爐加烏冬加雞燒味飯過得去啦但打邊爐完全唔掂 相比而家其他連鎖快餐店簡直見到都一肚氣 加烏冬要十幾蚊 得半個 而且口感極差 加左個雞唔係之前雞件 而係唔個雞胸嘅物體肉質鞋口 牛肉就係超市買最低級美國肥牛 生菜洗得唔太乾淨水準很差劣 在快餐店中算貴而且不好吃

兩年幾前食過美心快餐雞煲個陣都覺平靚正依嫁吾知係咪加左價呢叫左兩煲雞煲一煲就一半薯仔一煲就一半洋蔥雞煲最適合配白飯但佢餐牌冇得單點叫白飯佢既火太大 食幾分鐘已經痴底要識火夠辣 夠味 雞都好滑身跟一碗菜但係啲菜就怪怪的有啲髒 好似冇洗過肥牛 22蚊得4塊好似比人呃左咁加6蚊有一大杯可樂都會跟反一杯普洱茶 消濟一流跟一杯湯 吾知咩湯如果用黎打邊爐就吾多岩我但溝埋雞煲既味就冇左湯味 就適合

經過上次的麻婆石頭飯後。今次再一次感到這分店食物奇差!昨晚是什庅”荷葉雞“及湯是凍的，荷葉雞被豆粉包着，底部全是像果凍的物體！是否在屋邨的快餐店就不需要有水凖嗎?

懶洋洋的星期日, 就因為媽媽之前俾左張$3 coupon我, 就黎左呢度食個下午茶~一去到因為tea time o岩o岩開始, 所以比較多人. 不過好在都唔使點等位, 只係等野食一如以往係比較耐.今日order左南瓜雞肉通粉餐 ($26), 連蘑菇雞肉庵列, 牛油厚方包 + 飲品. 是日叫左熱奶茶.一拎左個餐返埋檯就O左咀.... 真正見識到咩叫百物騰貴. /____\南瓜雞肉通粉o個d南瓜蓉只得一茶匙分量, 雞肉得3-4片.真係唔影低留念都唔得. 味道方面普普通通, 咁少南瓜蓉預左冇乜南瓜味. 而雞肉就比較乾, 似乎是煎得太耐了. 通粉一樣係煮得太耐, 有d 爛....反而個牛油方包同庵到都ok. 方包夠新鮮, 仲食到係軟. (p.s. 個人建議食之前請自行將入面d牛油搽開, 因為本身d牛油係搽哂o係側邊~! )而庵列就係野食中最好味既一樣. 入面d雞肉同蘑菇都夠juicy. 為呢餐挽回一點點既分數.不得不讚一下那杯熱奶茶 黑白奶沖既奶茶超級滑. 奶同茶既味道又冇被搶走. very good! 總括而言, 呢一餐非常有改善空間. 既然個餐係用南瓜雞肉做主打, 就請先做好主打呢一味菜

太晚放工了，所以我同我男朋友一齊去長發食過晚餐先。點咗兩個餐— 燒春雞套餐—有燒春雞一隻, 炒飯, 粟米, 湯同紅豆冰, 好似係四十幾蚊度, 係好抵。原本應該係西湯, 不過剩番中湯都冇咩所謂, 而且個湯都幾好飲。隻燒春雞都幾有肉汁ge, 同埋都熱ge, 皮都脆脆地。不過個炒飯同粟米都乾咗少少, 我食到嘴都乾哂, 如果濕番少少會即刻唔同哂。湯同紅豆冰都ok。 雲吞雞配南乳豬肉套餐—呢個餐係我男朋友食ge, 佢點咗杯茶。配ge菜飯都應該ok。不過個雲吞雞真係麻麻地, 個煲比較細, 隻雞都蓋唔到, 湯度有菜同火腿, 啲菜本身質素麻麻地。啲火腿同個湯超鹹。個南乳豬肉都ok ge, 係太多花生, 同埋如果本身係配豬手會好得多, 而家個效果麻麻地。其實食飯都係睇同咩人最重要ge, 今日平平地食一餐都唔係好差姐。

多年未嚐美心的三寶飯（現在已是六寶或八寶，記不清了），是夜胃口麻麻，對著一疊忙不完的文件，然後吃起這碗$6.5的魚湯浸菜芯。中式魚湯是滾至奶白才叫合格，眼前的透明色湯怎樣說也不是魚湯，是帶肉甜的清湯而已，菜芯已過造小巧得很，浸得腍易入口，沒有師傅的味兒，清清腸胃也不錯。