MX (寶漢大廈) (已結業)

美心平時都還可以 但今次外賣叫咗海南雞 好失望 🙈🐥 去骨海南雞 浸菜 配 油飯 是日靚湯 泰式青瓜 HKD$60去骨海南雞 🐥 雞肉還算嫩滑 但比較似白切雞 唔重雞油味浸菜 🥬 上湯娃娃菜清甜 入面仲有雲耳同杞子油飯太硬太乾 🍚 無雞油香 不是油飯是日靚湯 🥣 粉葛鯪魚湯鮮甜泰式青瓜 🥒 清爽帶點酸辣🐖 叉燒 追加 + HKD$20 (正價 HKD$26)叫咗半肥瘦 質素還可以 份量算多 追加幾低食 下次會再叫📍 銅鑼灣波斯富街24-30號寶漢大廈1樓 🇭🇰…查看更多

睇到poster同埋網上嘅評語錯滿心歡喜想試試酸菜魚米線結果中左大伏令我不免感嘆宜家呢個大集團嘅質素已點解差左好咁多$55蚊同譚仔差唔多但味道差好多所謂嘅酸菜魚湯同普通清湯無咩分別無咩酸菜、牙菜等配料唔酸唔辣仲好淡口啲牛肉un到完全咬唔開魚塊好啲都叫滑嘅可惜味道帶微腥風琴豆腐都有啲油益+$5嘅麻辣炸醬其實得幾粒好硬豬味又好重…唔太滿意我未去到會俾劣評咁差因為就算唔好食都勉強食曬成碗但絕對唔會再有下一次啦…查看更多

午餐時間同屋企人去快餐廳覓食，比我發現一款新菜式：植物豬肉，有時都鍾意扮肉既素菜，估下用咩材料製作，得意得黎又健康！植物豬肉豉椒煎蛋飯 $43由Impossible Foods乘聯美心MX既新菜式，利用豉椒汁炒香植物豬肉碎，植物豬肉既成份主要都係植物原料(大豆、薯仔等)，再加入唔同調味扮到好似豬肉，口感都勁似豬肉肉碎，因為有豉椒既遮蓋食落真係同豬肉肉碎冇分別，而且蛋漿增加口感層次，好味之餘又健康，最主要有豐富蛋白質同冇激素等等。另外又可以減碳，食素肉對環保對社會出一份綿力！同埋想介紹一下EcoMatcher，一間鑊B-Corp認證關注氣候危機既企業，佢地最主要會不斷植樹，只要快餐店每售出2kg植物素肉，EcoMatcher就會種一棵樹，促進碳截存，回饋社會！…查看更多

自從政府話派錢之后, 發現好多餐廳都加價! 出差銅鑼灣區D食巿更加高昂! 人工又唔見加!同事都有同感, 佢話想去銅鑼灣廣場果邊望吓D連鎖快餐店咩環境, 於是第一站上駱克道1樓哩間美心MX 睇睇!而樓下嘅老麥已經被本人列入黑名單, 進入老麥嘅行為將被腦袋禁止!大家樂係 Lunch 時段有D平價餐, 三十零蚊而且質素唔差, 相反美心就無咁平嘅餐, 名叫美心實際唔美心!點咗個咖哩牛腩飯, 牛腩份量不足, 咖哩味道唔算太辣, 但咖哩質感唔夠大家樂咁濃郁, 牛腩外表好似好硬好韌, 其實係錯覺, 口感仍算鬆軟, 外表同口感落差好大.問題係D牛腩食落之后已經無離味道, 好明顯牛腩無醃制過, 或者醃得唔夠耐!冷氣不足亦都扣分.…查看更多

屋企附近美心執咗都好耐冇去過美心快餐食嘢！今日同事提議去美心食午餐！ 物價高漲中午飯行行哋而家都要五六十蚊亦都冇乜好嘢食!！！要食好嘢同食平嘢真係好難！！同事教我download佢哋app 登記做會員有好多著數！！中午每個套餐用電子coupons減$5四張有coupons 送上湯菜一碟！亦有coupons送奶茶一杯！我同事叫咗叉雞飯同送的上湯菜！我叫了叉燒飯及免費奶茶！我哋兩個燒味飯賣相好靚而且勁多料！菜同肉鋪滿整個飯面！我果碗搜一搜佢叉燒有十二片！叉燒食得出是梅頭,入口好滋味！要求囉咗D薑蓉混入飯就更加好食！同事話佢嘅切雞雖然雞胸部位但夠滑,最緊要生熟程度剛剛好！我哋睇下啲菜,兩個份量都唔少喎！咬落去好香蒜蓉味,估唔到燒味飯嘅伴菜有蒜蓉炒菜心！我估我哋兩碗飯合共超過十二兩菜！我哋孖份食上湯菜！清清地,味道不過不失！始終覺得燒味飯嘅炒菜心好味D！我杯茶幾香同幾滑！兩個人有咁多嘢係免費！今個中午平均每人三十六元落哂樓！啱哂我哋D窮人....話時話：排隊購票見十個人有三至四個都show app 囉著數！…查看更多

到左三點三又有些肚餓決定去食個快餐兜過去美心睇睇又有乜好食,望兩望見到有呢個餐單幾吸引油雞脾米粉配紅荳冰,但是日天氣凍唔想食紅荳冰,轉熱奶茶買票後到出品部等取食物,豉油雞髀都算大隻，的確美味的，那層滑嘟嘟又惹味的雞皮，加上熟度剛剛好的嫩滑雞肉，用刀叉享用，十分滋味米粉還帶少少爽口,湯底還不錯呢,奶茶香滑之餘且夠濃呢間美心都經常來,環境乾淨企理，有唔少座位，食物質素保持一貫水準提外話年輕的時候，下午茶最愛吃生炸大雞髀，脆卜卜的雞皮、爆汁油潤的雞肉，那時候甚麼叫熱氣？都完全沒有唸過。現在人大了，會怕肥、怕喉嚨痛、怕膽固醇，幸好世間上還有豉油滷水雞髀。同樣係啖啖肉、嫩滑多汁，滿足度依舊不減美心都算係香港其中一間大型連鎖式餐廳，但依家閒閒地食個下午茶都要$三十多 凍飲仲要加錢真係揾食艱難，雖然佢個雞脾加奶茶係絕配，但愈黎愈貴，一個下午茶價錢已經接近晚飯價錢。都係少食多滋味…查看更多

朋友行完街4點，見距離返屋企食飯8點仲有段時間！有咩好做,不如就去整番個下午茶食~~~呢度附近有好幾間連鎖快餐店！麥當勞,吉野家,肯德基等等最後入咗呢間美心！內裡餐廳整齊乾淨！來這除了炸雞脾外，最喜歡食公司三文治！今日都幾多人排隊！！！三文治即叫即整，出到黎仲熱辣辣~~好鬆軟三明治餡料超豐富，內夾有雞肉但我覺得份量有點少~ 當然有生菜絲及火腿片 ~番茄和那嫩嫩的炒蛋~望落去很平凡 吃在嘴裡卻有不平凡的美味多士嘆得金黃色且很柔軟~而將雞肉夾在生菜和火腿之間 ~而炒蛋夾在起多士和番茄之間！如此不會讓麵包一直吸收食材的水分而變得濕綿綿的感覺！重點就在這有點半生熟的炒蛋！蛋汁令麵包在嘴巴裡一點也不乾！食完三文治，再飲埋奶茶，以下午茶嚟計已經好夠…查看更多

嚟開訂盆菜，順便食個下午茶，簡單叫咗個鐵板豉椒排骨炒麵+紅豆冰，三十幾蚊超抵，炒麵脆卜卜，超辣辣，好夠味👍🏻MX係眾多快餐，我覺得最有質數同比較好食嘅一間😋…查看更多

剛剛miss架車，有排等求其搵個地方食個晚餐，好耐冇食過mx所以一試。叫了甜酸雞球，中湯。快餐來說賣相係咁嫁啦，不求好味只求正正常常。先吃白飯，明明水落得應該差不多，口感很差，味道很淡，好像是洗了100次米果種淡，而隻米應該平到喊，普普通通的米也比它好。雞球只有甜味，很硬身也很乾身，差點吃不完想放棄，仲加了飯結果浪費了。中湯比水稍為多啲味道，快餐來說也不會期望什麼老火湯當然。試了這次後，真的要吃快餐的話還是去大字頭的了。…查看更多

今晚趕住去睇戲，貪方便就黎美心MX 黎個快食晚餐，見到「很大唷! 焗豬扒飯」週圍賣廣告出左芝士白汁新口味，所以就用$35 coupon 買齊紅白兩色，呢個價錢係幾抵。芝士白汁其實係類似茶餐廳果種白汁，比較稠身，食落覺得油膩，但豬扒算幾大塊，肉質鬆軟唔難咬，不過就肥膏比較多，而炒飯底都有蛋香，始終都係蕃茄汁最襯焗豬，酸酸甜甜夠開胃，加$5就有杯紅豆冰，紅豆都落得足料，唔會煮到爛哂或太硬，而且唔會太甜，我覺得幾好飲。…查看更多

作為一個銅鑼灣區嘅OL，每日都要諗食咩，真係好煩....事關好食嘅又唔平，平嘅又唔好食，餐餐食咁貴，有交通津貼都補唔返.....咁啱美心呢排有新野，見到fb promote 緊龍蝦汁系列🦞，價錢又唔貴，咁就去試吓啦😋 始終要為荷包著想🦞龍蝦汁藍青口扁意粉 ($43)Unexpected 嘅青口😱平時銅鑼灣食一個lunch $50-$60叫正常價，而且份量唔會多得去邊，估唔到佢啲青口多到差啲見唔到意粉🤩青口仲大大隻，而且味道唔錯，雖然係急凍，但係保持到青口嘅鮮味，好juice扁意粉煮得彈牙，再加上濃味嘅龍蝦汁，唔講都好難估到係快餐店嘅出品！今次真係估你唔到~不過要d時間等嘅，由落單到食得差唔多用左10分鐘，好彩有Bar枱，所以都唔洗點等位~…查看更多

又要去銅鑼灣做嘢，月尾窮窮地，又再嚟呢一間呢MX食個lunch先，即使係lunch嘅時段，呢間餐廳都唔會好多人，買完嘢食實搵到位坐，可能因為個入口比較隱蔽嘅緣故因為窮，所以搵最平嘅嘢食， 原來都有優惠午餐了生薑豚肉飯$36以快餐店的水平來講，呢個飯嘅賣相絕對唔錯，擺碟擺得好均勻，有飯有蓮藕有豚肉，仲有兩個番茄仔伴碟蓮藕煮得非常爽脆，咬入口好有卜卜趣嘅口感，初時以為只係普通嘅伴碟，估唔到原來煮得算有誠意主角嘅豚肉，伴上燒汁夠入味，入口雖然唔算嫩滑，但亦唔會「鞋口」。呢碟飯連白飯都軟硬適中，顆粒分明阿華田熱華田唔需要加錢，呢間分店近有自助水機，有杯有水比你自己斟30幾蚊食到呢個質素，仲配埋野飲，確實超值…查看更多

見到美心最近推出咗金沙手作小菜列， 即係鹹蛋做主題！ 熱愛鹹蛋嘅我，梗係要試一試啦！ 🍳 金沙四季豆 ($44)有d surprise嘅係， 就咁睇菜名，本來以為淨係得四季豆， 但原來係有肉嘅🤣成個餸超多鹹蛋黃， 精華完全滲透四季豆裏面， 每一啖都充滿著鹹蛋黃嘅油份，加上肉片嘅點綴，令平時唔好飯嘅我，都要撈曬成碗飯嚟食😊而且份量唔算大，一個lunch啱啱好，唔會太有罪惡感😛…查看更多

行過銅鑼灣搵食，見到呢間匿埋喺2樓一角嘅M X快餐，幾經辛苦搵到個門口上去，食個午餐先。睇咗一陣嘅餐牌，決定食呢一個無骨海南雞飯， $53嘅價錢包一個雞油飯，連埋一個中式例湯，不過唔包嘢飲。呢個海南雞飯堅係冇骨嘅，早兩個星期食過有一個真係好滑，今次返嚟諗住再食，點知啲雞係煮得比較靱咗，係鞋口咗少少。雞隔離仲配咗一堆生嘅椰菜，上邊撈左少少麻醬，應該有洗過嘅，因為次次菜下邊都有一攤水流咗出嚟。三個醬分別係姜蓉，甜豉油，同埋酸辣醬。最好食最惹味嘅當然係個酸辣醬啦。…查看更多

又到草根食午餐時間🍽今次係美心新出嘅自由扒餐 ($46)Mix & Match steak set🥩有睇開會知草根妹對扒係零抵抗力去襯餐廳都要叫令草根姐姐成日焗住陪佢中伏🤦🏻‍♀️去到美心MX，佢仍然都係揀食扒水牌話有36款組合😂岩晒多心❤️嘅人仕——————————————————————🔺和牛漢堡扒 / 豬扒 / 雞扒（選一）🔺午餐肉 / 火腿 / 腸仔 （選一）🔺紅酒牛肉汁 / 黑椒汁 （選一）🔺飯 / 意粉 （選一）——————————————————————草根揀左和牛漢堡扒午餐肉紅酒牛肉汁意粉呢個價錢又點會係和牛🐃🤣不過其實又唔太差只係意粉太腍，下次都係叫飯穩陣d🍚價錢唔貴，番工食餐晏算係咁勾起草根大學時食頹飯嘅回憶呀😆…查看更多