更多
2023-06-02
561 瀏覽
咁熱冇咩胃口想食清啲,一於食素食啦!素食有熱有凍,有16種餸可以揀,可以揀3-4樣餸,包味噌湯、麥茶,黃薑飯/雜炊飯。樣樣都想食,好難揀呀~~蓮藕五目煮脆口,鮮甜。紫薯紅菜頭青蘋果沙律紫薯香濃,加蘋果粒有咬口。信田卷蔬菜卷,好脆口。南瓜薯餅外脆內軟,唔油膩。赤味噌田樂豆腐味噌同清香豆腐味相當夾。亞麻籽西蘭花薯蓉呢個係個人最愛,薯蓉好香濃,順滑。柚子醋漬番茄蕃茄滲出淡淡柚子香味,相當清新!另外值得一讚嘅係烏冬好彈牙,加埋芝麻醬同香料好好食;豆漿好香豆味,好順滑。兩個人可以叫7-8 種唔同嘅餸,交換食都可以試到半個menu😜餐廳環境有好多木系同綠化佈置,坐得好舒服。
張貼