Ms Cakerina Tea Bar & Scones (已結業)

買了數款味道的scone 和Jam 回家～ 店員細心指導如何翻熱！ 全部都好好味！ 好有驚喜！連平時唔食甜品的老公都話好食， 唔太甜！阿囡梗係食到lam lam 脷啦！ 下次要係果度食， 試埋佢d 茶先～ …查看更多

第一次黎呢間Cafe，係朋友食完之後推介所以黎試下。今次試左佢地嘅Cheesecake，記得快快影完靚相之後趁熱食！！cheese嘅味道好香濃，同平時坊間食嘅cheesecake唔同，呢個cheese嘅味道更加多元更加有層次！令人一試難忘，而家諗番起都流口水。除左味道之外，口感都非常好，餅底好鬆脆。而且仲配左果醬，試完原味之後就可以配住果醬食。果醬嘅清新配上濃厚嘅cheesecake都好好食😋😋另外我揀左人蔘烏龍茶，好好飲，有回甘。Cafe嘅氛圍都幾舒適，適合約朋友黎chill下，又可以share d cake黎食。推介推介😋👍🏻👍🏻…查看更多

這小店的老闆娘是賣手藝、心思、細緻的，店內裝修簡潔舒適，擺設很有特色，地點是在上環很有文化氣息的文青小區，附近的店舖很有氣氛，也是我兒時長大的地方，這一區近日也多了不少國內的朋友在這裏打卡，是一個了解香港文化和歷史的好地方。而每一件食物都花上不少心思和時間製作，相信是老闆娘親手做的，花上的時間相信不少，手藝也的確十分出色，食物和飲品的種類很多，質素也抵讚，是一間近年絕對值得支持的香港小店 👍👍👍…查看更多

貴！冇service,個貌似老闆嘅女士，笑容勁假，皮笑肉不笑果種，答問勁唔禮貌，問多句都feel到佢好唔老皮！燶口燶面！唔係要你當d食客係皇帝咁款，但做得飲食都叫服務性行業，基本禮貌都應該要有！咁嘅服務態度，俾龍肉我食都冇味！明明就我一台客，話就話隨便坐，我地兩個人一開始想坐近門口果陣張沙發，佢話唔方便，有人訂左，到我地食完埋單都冇見有人黎坐過！食物除左貴，就係份量細！出餐勁慢！最差的一次消費體驗，沒有之一！…查看更多

我從沒有投訴過任何餐廳食店，不過一定要公開今日在這裏的體驗，希望不要再有其他walk-in客光顧。店內牆上寫著"A beautiful day starts with scones"，連主打食物都沒做好，價錢比連鎖店還貴。1）看似很多茶選擇，其實原來是茶包；食物選擇奇少，照理應該做得很好。我們點了一份tea set$118 (2件scones+茶），另單點一壺茶$62，那男店員竟然計錯數收二百幾，擾攘一大輪才被識破收多錢。2）我們見店內只有一枱客，很多空座，禮貌地問可否坐近門口較舒適有椅背的座位，那店員說有人預訂了，其實枱上並沒有Reserve 牌，不久2名外籍顧客入內，環顧一會便坐在那張枱，沒有店員帶位。我問那個看似是老板的女士，她很不屑地答：“啱啱打來取消咗！”她的嘴臉告訴我她在胡扯。3）那2件（其實是2粒）scones比五元硬幣大少少，jam和 clotted cream少得可憐，Earl Grey 味的scone 毫無百爵茶味；那壺玫瑰花普洱茶，不過是茶包，並非茶葉和乾花，無花香，無茶味。4）茶壺細，杯卻不合比例地大，一壺茶倒進杯裏已經無剩，卻無人來添水。5）店小，3個職員，要顧客自行到櫃枱點餐、付款，但要收10% service charge，但全無服務可言。我一直支持小店，可惜這店根本不值得支持，店主不但無盡力做好食物，還態度惡劣。…查看更多