Mr.明洞 (已結業)

曾經被你舖頭侮辱及大喝的街妨感到非常開心，講真疫情下最開心是這一刻，如果選擇屯門最差食店，你們舖頭是連續五年No 1，最後街妨希望你們未來不要再用明洞這個招牌，因為你們侮辱了這個地方。

經過見到有間韓式小店食物款式唔算多但基本嘅韓國嘢食都有嘅我點左份韓式壽司卷 $30同魚片串 $16韓式壽司卷嘅味道一般，唔夠麻油香味食韓式壽司卷最緊要就係要有麻油味嘛😑飯太黏身，個人唔鍾意呢啲口感魚片串好入味（因為浸左喺湯度🤣🤣）魚片太淋，唔知食緊乜🙈食物質素一般啦可以用嚟維持生命🤣🤣——————————————店員四眼哥哥嘅態度仲一般🙄真心‼️我唔會要求去小店有5星酒店嘅服務但都唔洗黑口黑面，粗聲粗氣好似欠左佢咁講完

呢間位於盈豐商場地下墜入面位置嘅韓式小食店出晒名老闆態度極差 之前請返黎嘅女職員淨係玩手機態度都唔好每一次忍唔住要想食韓國嘢 都要抱着忍受店主態度差嘅服務態度去買嘢食（講到自己好似好委屈咁🤣）因為本人真係好鍾意食正宗嘅韓國小食但附近冇其他韓國餐廳加上而家疫情冇得飛韓國為咗止一止思鄉之情想食炸雞嘅同時 又想食薄餅同飯卷講句中肯說話 雖然職員態度係差 但野食係正宗韓國人製作因為我問過老闆佢係正宗韓國人因為我之前成日去韓國旅行、食嘢而喺香港好少搵到一間咁近似韓國正宗嘢食嘅小店而價錢又相宜買嘢食果下要忍受佢語氣 果下係難受咗少少嘅唯有希望附近爭取下開返間韓國餐廳啦

事源今日收工，打算去買炸雞食，本人之前亦有食過幾次，覺得味道唔錯，得閒會落樓幫襯下，而之前次次都係有位女士收銀落單，都好來好去。直到琴日收工，打算去呢度買個lunch食下，當時喺舖頭入面近廚房玻璃窗留意緊餐牌，睇完再行去落單，而我自認本係係一個好禮貌嘅人，而當時招呼我嘅係戴眼鏡男人，我好聲好氣同佢講「唔該，想要⋯⋯」突然呢個男人一下好大聲兇狠喝住我「探熱啊！」我個下呆一呆，然後同佢講「得啦，我下次先買。」就走左（我個下入去純粹唔記得探熱）。唔知大家會唔會覺得係小事，但我自己覺得，做人基本尊重都無，點比機會你呢間鋪頭？

幾好食都係假，已通知家人朋友。係咁先，買野食好似得罪左你咁，反省下點解無生意。之前買嘢食個女人服務都冇乜特別，今日見識到呢個四眼佬，真係不知所謂四個字形容。祝你生意越嚟越好

不得不浪費人生一分鍾寫衰呢間野，費事有下一位受害，呢間野成日鬧D客人，以為自己好勁好出色，根本全部味精、垃圾食物，如果全香港得你一間餐廳，我寧願餓死都唔要受你氣。

喺呢度幫襯咗好多年了，每次路過附近都一定會嚟呢度食。今次除咗嗌兩款炸雞拼盤之外，由於好耐冇去韓國，忍唔住叫咗一串魚糕，同埋韓式壽司。讚下佢個炸雞拼盤先，一個人食啱啱好，可以試晒兩個味嘅炸雞。甜辣炸雞，入邊包含咗有肥有瘦嘅雞肉，我覺得佢個醬汁真係好正啊，甜甜的。而原味炸雞係香脆炸雞，呢個炸雞真係好好食，可能喺香港唔多地方炸雞係會新鮮炸，即叫即整係唔同啲。我覺得必須要提吓佢附送的蘿蔔，好好味㗎。服務態度方面，我每次嚟呢度都唔會有乜期望，個韓國大叔可能係語言溝通不到嘅關係，對人唔會好禮貌。但係我曾經用WhatsApp 叫到會，佢又好好禮貌架，嗯，應該係語言溝通嘅問題姐。

成日睇韓劇見到D人食野就會好想食全部都好似好好食咁今次唻到屯門呢間小店叫左個招牌炸雞拼盤, 有原味炸雞+甜酸雞球份量好多. 兩個人SHARE岩岩好甜酸雞球酸酸甜甜好開胃, 好似咕嚕肉咁, 但系佢系雞球冇骨而且吾似排骨, 佢冇肥肉淡淡肉, 好好味 食韓國野緊系要食紫菜包飯.不過呢個就普普通通紫菜有D油另外仲嗌左魚片湯同年糕串年糕串外面系甜酸汁, 加埋煙UN的年糕,食到停吾到口魚片湯就普通, 好似食魚腐咁

經過店舖多次，因裝修比較簡陋，未被吸引。住屯門朋友好評而一嚐，原來是韓國人開的，即叫即整，價錢平民而又好吃。泡菜煎餅很香，皮薄邊脆。壽司卷餡料足夠，及味道適當。因為肚子餓，聞到濃濃煎餅香味而覺特別好味，並有衝動想推介而寫評論😂。

突然想食韓國菜 但屋企附近只有呢一間好耐之前食過 今次再試下叫左個甜辣炸雞球 魚串 同拌飯等大約15分鐘 有啲失望 個炸雞啲皮好厚同好肥 冇乜肉魚串同拌飯都係不過不失冇乜特別應該唔會再食呢一間

上次叫外賣已經態度好差，今次好難得見佢有開門，就入去想買番去食，點知真係谷鬼氣！個男人態度係極度差，明明冇人入嚟鋪頭，餐牌又貼起門口，睇緊餐牌嘅時候居然喝我地唔好塞住個門口。 冇錯，係喝。等我仲以為後面有十個人要入嚟，老實講，後面有人要入，或者你有少少禮貌，我都一定會行入少少比人入嚟，但點都唔應該係喝。咁我地快快手買啦，一嗌，仲衰！上次試過嗌豬牛雞便當各一，又鬧我地唔好每樣嗌一份。今次咪嗌3個牛肉便當啦，又話冇便當買，又唔預先起門口寫出嚟。乜都冇就唔好學人打開門做生意啦。又唔係非常好食，仲要比人喝，個男人連基本禮貌都冇，簡直貼錢谷氣買難受。永不幫襯！

其實呢一間係我樓下唯一嘅韓國餐廳我間中都會幫襯，每一次都係食泡菜煎餅同埋韓式拌飯果一類，都OK啦不過不失，不過今次真係忍唔住寫食評⋯⋯ 今次叫咗個泡菜豬肉湯， 我想問豬肉喺邊？會唔會少得咁離譜？本來已經覺得味道一般，食兩啖之後發現豬肉得兩粒仔即刻火都黎呢個極其量都係叫泡菜湯囉！味道好淡，要自己加韓式辣醬增添味道⋯其他泡菜煎餅同埋佢嘅泡菜煎蛋拌飯都正常嘅，所以又未至於差評，但係個泡菜湯見到得兩粒豬肉真係真心灰左。

呢間嘢服務態度極差！！完全係唔休做咁樣！！講野勁串！！勁冇禮貌！！問佢餐牌嘢會叫你自己出門口睇啦！！話你自己唔識睇架！！我問佢有冇牛肉卷就答我要3日前訂架！指住門口話有寫架！！我望餐牌係芝士牛肉卷嚟！！就再問冇芝士個款而家係咪冇咗！！佢居然答我係一樣架！！9唔搭8咁樣！！我再問佢係冇芝士個款喎！！佢就同我講！！點同你溝通呀！！最後溝通唔到走咗！！唔怪得間嘢開咗咁耐都冇人食！！每次經過都冇人拍烏蠅！！原來咁樣做生意邊個會再入去🤷🏻‍♂️

不知不覺又到星期五，忙裡偷閒的心態已悄悄冒出，然後自己一個去了建生盈豐掃街，最後一站去了已有數年沒光顧的韓式小食外賣店Mr.明洞。其實Mr.明洞的炸雞很好吃的，不過憑我一人之胃口是吃不到六件炸雞，所以留待有朋友相伴才吃吧。這次我選擇嚐韓式輕食，韓式壽司卷和韓式魚片串，簡簡單單不花巧。韓式魚片串份量滿多的，目測應該有六至八片，我沒認真點選，吃比較重要嘛。魚片串湯底以大蔥清湯為主調，喝來不鹹不膩，魚片也不會過於軟腍，仍有彈性。韓式壽司卷一盒十二小件，一口可吃，壽司卷餡料均使用韓國道地口味的黃蘿蔔，青瓜，蘿蔔，雞蛋，午餐肉，再撒上黑白芝麻，飯粒充斥麻油香氣，清爽味美。

小妹昨晚心思思，好想食炸雞，諗緊食KFC炸雞定韓式炸雞好，最後都決定選擇韓式炸雞，就黎左呢度啦！小妹早年都曾經來過呢度買炸雞，那時有原味炸雞鎚、甜酸雞球，而家多左好多選擇！這裡的食物是即叫即整，要等15分鐘。呢個時候可以係商場行個圈，返來剛好就可以拿野食了！這店有一排小長桌，通常較少人堂食，坐係度等都得架！主角出場了 - 韓式蒜香炸雞鎚！好香呀！裡面有6隻小雞鎚。小妹好鍾意蒜既香味，配上炸雞鎚剛好不算太熱氣。如果只是原味炸雞鎚就會太DRY了。小店還會配上醋蘿蔔，中和一下，小妹覺得幾貼心呢！無可吾認呢度既炸雞鎚係好好食，可是百物騰貴，現在加價加到$50，平均每個小雞鎚差不多要$8-9，實在有點太貴了！很懷念它只是$43的時候呢！