影片
港鐵尖沙咀/尖東站 P3 出口, 步行約1分鐘
繼續閱讀
電話號碼
23122353
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
招牌菜
食評 (8)
有點跟之前食評有出入, 可能是自己選擇食物問題, 我只在SET DINNER內選擇TODAY MONDAY, JENNY & VIRGINIA, JENNY要求尖咀,我又因食了太多JAPAN FOOD, 於是便CHOSE了此間說在麼地道, 根本便不是, 實際在赫德道, 真是搵死人來到一間較為少人而靜既餐廳野食好似POKA咁, 但是味道是一般價錢跟POKA好相似地方也是一般, 不是太新淨, 保養真是麻麻伙計唔太識落單, 拎杯水都好似拎唔穩BUT SERVICES是殷勤的D牛叫七成熟, 便好似十成熟咁, 5成變八成熟, 無咩牛味, 食CHIP算數我個意粉好乾, 叫他飢俾D汁我, 來到時, D汁好”KIT”, 唔知似咩, 有等於沒有個魚同雞扒是唯一可以叫OKAY既再來甜品, 格餅併ICE-CREAM都相信幾難整唔好啦卦飲COFFEE, 用UCC果隻蒸溜, 好睇唔好飲, D FRIEND也是說一般相信我們下次不會再來的了
繼續閱讀
好耐無見的朋友們，所以約左佢地去一個可以靜靜傾計的地方係open rice到search下尖咀有乜好,黎到呢間新野試下!到去,環境很好, 有個露天茶座依家係香港好少有地方有個露天茶座架喇勁愛!!!!!個晚無乜風,所揀左入入面坐，d位都好舒服3人行要左3個main course白汁波菜三文魚意粉---意粉煮得岩岩好呀! 漢堡扒意粉---塊漢堡扒好入味! 超愛!鰻魚炒飯---同時間又有得食日本野! 我鐘意! 岩哂三心兩意的朋友!同時間又叫左小食: 串燒 包括""燒牛舌""" & """雞皮燒蒜頭"""" """螢光魷魚"""<--咸得黎好香呀!!!!!最好既係可以叫埋隔離開日本野<秋燒>既野送過黎服務態度也不錯送菜速度都不慢定必約埋三五知已再來!!!!!!!!!!!!!!
繼續閱讀
3-7-2010星期六如常約朋友食 lunch, 睇了呢度食評好似 ok, 供應的食物又似乎 light 一點, 又過嚟試試.約 2:00pm 嚟到, 2 人叫了 2 份 tea set, 再散叫一碟 pasta 填填肚, 但食物原來認真麻麻:-散叫的 pasta 係 "Spanish (!?) and salmon spaghetti", 又名「菠菜忌廉汁煙三文魚意粉」... 菠菜份量勁多, 食落帶點爽口 , 不過無味道的; 煙三文魚幾嚡口, 不過既然係來貨, 唔會太鹹又尚算有煙燻味, 好過無; 忌廉汁味道就完全係茶記「白汁」, 賣相灰灰黑黑, 質地稀卻有點鹹, 幾唔好食; spaghetti 就可幸無煮到腍 bad bad, 不過就當然唔會係 al dente 啦. 填肚可以的一碟意粉, 不過味道認真麻麻, 可以不試.Tea set #1 好似叫 "Hawaiian pizza toast": 包邊烘到燶晒黑 mung mung 的, 賣相樣衰, 食落卻燶而不鬆脆; 餡料亦唔 "Hawaiian", 芝士味道淡淡的, 菠蘿及 ham 極少, 洋蔥及紅 / 青椒粒卻勁多, 真係 百分百唔好睇又唔好食的一客 toast, 極力反推介! Tea set #2 要了 French toast with vanilla ice cream: 包邊 "framework" 唔夠鬆脆, 不過中間的粒粒「西多士」就軟熟又蛋味十足, 幾好食; vanilla 雪糕較 light (果然係日式雪糕...), 不過唔夠滑, 食食吓仲竟然有碎冰粒, 有點惱人; 面頭的 strawberry 反而仲好食, 又甜又多汁, 有點意想不到; 而底下的 chocolate sauce, 就當然如賣相一樣, 又稀又無朱古力味啦. 見門口大大隻字話自己供應 UCC 咖啡, tea set 飲品當然要了熱咖啡: serve 時聞唔到咖啡香的!? 齋飲唔會好苦又無澀味, 不過幾薄身, 落 cream 及少量糖後, 就直程變得「疑似咖啡」一樣 搞成咁, UCC 牌又點? 食物唔係好掂, 環境其實亦唔好得好多, 出面 30 幾度仲開晒 d 門, 搞到室內位冷氣開極都唔夠, 又經常有小昆蟲飛來飛去; 店員們禮貌一般, 而且發夢一樣又經常彼此間大大聲吹水, 工作態度真係「認真」到無人有. 每人約 $100 埋單, 唔算十分貴, 但作為一間日式西餐廳, 佢各方面都一鑊泡的, 後會無期!
繼續閱讀
兩個人.....食左:羅宋湯 - 夠辣唔夠酸...送的蒜容飽新鮮熱辣...好味道煙三文魚沙律 - 唔錯.....黑椒牛柳配意粉 - 個牛煎得剛好....意粉好味....香草煎龍脷柳配意粉 - 個魚煎得好香好香....伴碟的薯仔和蕃茄都花過心思去做.....意粉炒過.....好味...個汁唔漏....配魚柳十分讚....甜品係芒果布甸 - 多芒果肉....自家製布甸都好好食.....而家做緊特價....第二份晚餐有半價.....埋單 $280...有咁既質素....算係好唔錯架啦......我地八點半左右來到....坐足成晚...都只係第我地一檯客...真係好擔心佢會做唔住.....認同樓下食家所言呢間係一間有 heart 的餐廳....因為佢地連伴碟的菜都肯花心思去煮.....雖然份量多....我都盡量食哂碟上所有食物.....以示支持.....加油!切勿執笠!!
繼續閱讀
初初以為 “紅山”就是這條巷里, 想不到是由三間食店組成. 而今次就試了中間的CAFÉ , 食我的至愛 “意大利粉”環境 : 好舒服, 有一種好悠閒的感覺, ,把你一日工作的煩惱都能忘掉的地方.服務 : 招呼有禮, 耐心講解, 比人一種好投入和享受自己的工作食品 : 全部的食材都好新鮮, 不論生果/蔬菜/肉類南瓜湯 : 就好像自己在家烹煮一樣, 把南瓜煲淋後再打蓉放回入湯內, 入口有好強的南瓜味.白汁雞肉燴長通粉 : 友人愛吃長通粉, 而自己就一般. 因為好多時食到的長通粉仍然是硬的. 但這裡控制時間好好, 軟硬度適中. 值得一提是加入的芝士味度都好濃而不是用一片片的卡夫芝士, 但絕不會過膩免治牛肉意大利粉 : 意大利粉入口彈牙, 塊免治牛肉一口咬下非常多汁又鬆軟雪糕格仔餅 : 即叫即做, 格仔焗出來又香又脆, 而生果又是下單後才切, 當時整間店都充滿士多啤梨味, 鮮忌廉不會太甜最合我這種怕吃甜的人咖啡 : 一杯好的咖啡不單是用上等的咖啡粉就可以, 最重要的是沖泡的人是否專注用心, 用火蒸餾的方法就好容易泡得過火而有焦味.但這裡沖得好好把咖啡粉的香味都能散發出來, 再加上一杯溫熱過的鮮奶. 保持著咖啡的溫度, 這是好重要的, 不熱不凍的咖啡是最差的.嘆到一杯美味的咖啡, 是一生一大樂事.
繼續閱讀