MOS Burger (東廣場)

上個禮拜五返工前約咗朋友喺觀塘東廣場嘅MOS Burger食早餐😄 差唔多行到過去時收到朋友電話話臨時有事嚟唔到，唔可以一齊食早餐😅 所以我就決定改為買外賣早餐返公司食😁東廣場嘅MOS Burger ，地方唔算大，但枱凳排列整齊，所以唔覺得狹窄😄而且可能因為係朝頭早，食客通常都係一個人邊睇手機，邊食早餐，環境一啲都唔嘈吵☺️ 大家都係喺度靜靜地咁食早餐☺️我喺度等緊外賣嘅時候，比牆上嘅一幅圖畫吸引咗😄簡單嘅設計，柔和嘅色調，完全配合日式嘅風格😄等咗唔係太耐，有一位年輕嘅店員好有禮貌咁將我嘅外賣遞咗俾我，我表示謝意之後就急急腳趕住返公司享受我呢個美味早餐😆🤣 下一次我一定會再約朋友嚟呢度堂食，好好感受一下日式快餐店嘅堂食氣氛😆😄 …查看更多

下午早咗放工見冇咩做經過MOS Burger就諗住入去食個包見到原來有下午茶選擇啱晒，我呢啲唔係太鍾意食薯條嘅人就咁一個包一個可樂只係$33 魚柳包嚟講，我都係覺得MOS Burger係最好食…查看更多

MOS BURGER愈做愈差，本人覺得mos burger 杯咖啡味道是我top picks, 飲過快餐店（麥記，KFC,一粥麵，大快活）之中最好飲，但依家觀塘呢間mos burger水準愈來愈差，原本應該提供2粒奶仔，依家只提供1粒奶仔而且有時店員還會忘記將奶仔放在外賣袋，杯咖啡份量仲要愈來愈少，個紙杯已經吾大杯，仲要份量不足7成滿，就算落埋2粒奶仔都係不足7成，太扯啦嘛！買完外賣早餐急急腳行返公司，即刻飲杯咖啡，但杯咖啡溫度只係微暖，吾涷吾熱仲要只係微暖嘅咖啡係最令人失望，一早嘅好心情都破壞了。如果管理層見到呢個post請留意一下，希望改善。…查看更多

🍔🥞🇯🇵Burger店玩埋班戟？！✅北海道牛油疏乎厘班戟-$38行過見到出咗新嘢，張相仲咁吸引，於是就去試吓。大約等咗10分鐘，終於見到真身，同張相嘅的確係差唔多，但係放喺面嘅牛油得好少同埋已經溶咗，整體牛油味唔夠香濃。雖然楓糖漿會另外上俾你自己倒落去，不過倒晒落去嘅話都會流晒去中間，之後好快索晒，變左得中間有味。其實比起pancake佢有啲似個海綿蛋糕，雖然軟熟，但吾會好滑，亦都吾流心，如果有太高嘅期望就會失望，但係平平哋都可以一試。✅海鮮珍珠堡 -$31平時食MOS Burger最鍾意就係食佢嘅飯堡，唔係間間漢堡包店都有，比較特別。呢度嘅飯堡皮煎香左，脆脆地又唔容易散開，珍珠米索咗入面嘅黑椒汁真係好好味😋而海鮮天婦羅炸過，而且好足料，有彈牙嘅小扇貝、爽口嘅紅蘿蔔絲、及洋蔥絲等配料，配埋秘製嘅醬汁真係好夾。…查看更多

Mos burger 一向主打即叫即整～試過喺大部分分店度由落單到攞得包都需要大約5至10分鐘咁啱有日要喺附近上training，而且早咗少少到🤏所以就諗住買個包食完就走人～點知又落單度攞個餐只係需要2分鐘🫣唔知係咪觀塘太多工商廈呢？所以店員都已經早有準備？不過要呢個效率去取餐係開心嘅！🤣因為好符合香港人做咩都要快嘅心態💨💨💨💨個包拎上手的而且確係熱辣辣嘅而且麵包好軟熟，魚柳都炸到脆卜卜👍最欣賞都係可以加錢飲野菜生活100～食完燥熱嘢都覺得有一絲嘅健康😆有得揀會選擇MOS Burger多過另一間都係M字頭嘅快餐店 😋🍔因為個醬好食啲 同埋個魚柳都炸得好味啲…查看更多