MOS Burger (Citylink)

營業中

休息中

我係mos burger fans，每次都去食同一個餐。今次就第一次去一間mos burger環境衛生好差，地下滿佈垃圾，可惜買咗嘢食先搵位唯有嗱嗱臨食完快走......我集慣咗食完薯條，先食個牛蒡珍珠堡，雖然唔係到咗即食，但從來都未試過會咁快凍，係凍！我自知唔係一放低即食，所以都無同返店員講，但我幾肯定我食嘢速度無比平時慢，而從來都未試過咁。快。凍!!!本來唔想浪費，但細細但珍珠堡，有1/3個太凍，我真係唔想博肚痛....

今天我在沙田見工後，自然來到沙田新城市廣場四周覓食，由於今天想吃一點不一樣的東西，因此就進了「MOS Burger」點餐。MOS Burger的選餐方式十分自由，食客可以單點一個漢堡包，也可以選擇不同的套餐。而我就選擇了吉列三文魚珍珠米堡，另加細薯條和熱檸茶的套餐，合共47元。點餐後，店員就會給你一個牌，之後就可以就座，等一下店員就會送餐過來。等了15分鐘，熱辣辣的米堡送來了，薯條即叫即炸，十分脆口。米堡中的三文魚排十分足料，咬下去是啖啖肉，不會整塊魚排都是粉。熱檸茶跟米堡一樣也是熱辣辣，吃完整個人都暖暖的

今日ot,諗住買啲嘢食翻公司繼續做，就同同事去左新城市mos burger 買晚餐。之前食過蝦煲覺得好好食，所以再叫。可惜今次嘅蝦堡好凍，入面醬又唔多喎，真係令人好失望。但係佢嘅龍蝦濃湯就幾好飲，真係有海鮮味，同埋南瓜餅都唔錯。

試試期間限定嘅新burger🍔和牛漢堡扒夠哂厚 食落juicy不過最驚喜反而係上面啲菇同南瓜🍄🎃健康嘅節奏鹹鹹甜甜 有疑似爆谷香味不過貪心的我希望塊芝士可以半溶啲☝🏻同埋可唔可以平啲

早排見到mos burger有特價包食，就買返屋企試試$13八爪魚漢堡，價錢就好抵，但味道就麻麻，好乾，而且冇乜味，八爪魚肉都只得幾粒，薯條就林咗啲，唔知係咪同外賣有關下次唔會再試呢個包

適逢星期日到到朝早都勁多人想簡簡單單食個早餐都要大排長龍由其系沙田周圍都系人收早肚餓搵野食都難好彩尋尋覓覓底下終於系連城廣場～搵到間Mos Burger 啦！可能時間尚早或者無咩人知都仲有少少空位剩事不而遲即刻點餐嘩嘩嘩 ！唔好講笑份多士真系大大份而且仲有烘底熱辣辣正呀喂廿幾三十蚊系連續店仲求咩！不過真系真心推薦食因為真系好抵食朋友食左一半仲打包另一半就走雖然我就飲奶茶但朋友揀左個粟米湯🌽我又覺得幾正喎！配埋個多士食勁夾系沙田近近地食個早餐又唔想同人迫未嘗唔係一個好推介😏

近期 McDonald's 密密加價，改走高檔路線賣貴漢堡。但這個新價格，我也不需去McDonald's，例如到 mos burger也是一個不錯的選擇。$25 的人氣摩斯漢堡很有日式風味。蕃茄醬濃郁，加上生洋葱碎吃很有口感。另加$19 有薯條和汽水。我很欣賞它們的厚切粗身薯條，炸得外脆內軟，比老麥的美味得多。叧外，我們加了熱狗。麵包烘得鬆脆，而腸仔脆身，配上惹味的茄醬和芥茉醬超好吃。吃完漢堡後二人share 熱狗剛剛好。

有時係新城市廣場行完街，都會黎mos burger食下tea 本身覺得mos burger係一間連鎖快餐店，都唔打算寫食評，但諗諗下覺得食評係用黎同一眾愛吃既朋友分享既途徑，所以都係決定出一篇啦！每次黎mos burger我都只係會點“黑醋雞扒漢堡”，原諒我唔記得佢確實既名稱，但有“黑醋”既包應該只係得一個，唔好意思呢個包好食既地方在於個醬汁！酸酸甜甜咁，真係非常開胃，食左一啖，就會想繼續食多啖，直到清哂成個包為止我諗如果冇呢個酸甜既醬汁，呢個都只係一個非常普通既包，但配埋呢個醬，我覺得就成為左一個令人食指大動既漢堡喇 而且我係一個非常鍾意食雞肉既人，每次食呢個包，塊炸雞都可以keep住係外脆內juicy同滑，真係不得不讚我習慣係加餐，要雞塊，另外再加9蚊要一杯忌廉綠茶飲品，佢同Starbucks既抹茶忌廉相似，但質素當然會爭少少，但口痕又唔想突登去買一杯抹茶忌廉，加配絕對係個好選擇！總括黎講，如果想平平地食個好食既漢堡包，mos burger絕對係個唔錯既選擇黎架

我同太太又來食《MOS Burger》了! 原因就是，《MOS Burger》的其中一款珍珠米堡，是全素的。是日，我陪太太在沙田行街，太太提議先吃好再行，所以，我們來到了沙田火車站樓上的《MOS Burger》。這一個位置，本來是一間日式烏東店，不太知為何，該連鎖品牌的食店，也是好好生意的，都要讓出舖位，不過，不開心中有更開心的就是，開了《MOS Burger》，而且《MOS Burger》把店子變成了半開放式的食店，感覺開揚、舒服。晚上，要吃多一點，我們就一人一份極豐厚的套餐，太太比較輕食，點了一份沙律，是一個很健康的，充滿蔬菜，粟米，車厘茄。健康、開胃。我就邪惡一點，我要了一份炸雞。炸雞肉又嫩又夠滑，用最簡單的詞語來形容，就是好食。牛蒡珍珠米漢堡，可以說是一貫的味道，牛蒡腍腍的，同米漢堡一樣腍腍。此外，這一種包勝在內外都是熱的，而且凍了就絕不好吃。有足夠的熱力，有足夠的美味，米有香味，而米就是包，所以包也有香味。照燒牛肉漢堡，我喜歡的原因就是這漢堡有一片厚厚的牛肉扒，而且我個人覺得，《MOS Burger》咁多種漢堡包當中，這一個肉感豐富的包才可以飽肚。這包味道雖好，有菜也有蕃茄，

本身諗住飲珍珠奶茶，但眼見條隊非常長又咁岩見到新開左mosbuger(我對上一次黎仲係烏冬店😂)人少少，就入左黎食呢度啲漢堡賣相算好，比起另一間大型連鎖店嘅漢堡靚我自己就食左個普通漢堡，最鍾意係呢度啲包烘到脆脆地 加上有足夠嘅醬汁同塊肉有水份成個漢堡簡直係美味

周末晚上嘅沙田間間餐廳都要排長龍，呢間mos burger係新開嘅，加上位置比較隱蔽所以未至於要排隊。我地散叫左個摩斯漢堡加個和牛漢堡配大薯條，加埋78蚊。唔知係咪新開嘅關係，質素好似比其他分店唔穩定。摩斯漢堡嘅肉醬好似比其他分店嘅淡味，芝士都好似冇咩味，薯條又唔夠熱同脆，連薑味可樂都好淡。不過個和牛漢堡以30蚊呢個價錢又有啲驚喜。希望做熟左會有所改進啦。