221
39
5
港鐵觀塘站 A2 出口, 步行約8分鐘 繼續閱讀
所有分店 (2)
電話號碼
35807133
91608992 (Whatsapp)
開飯介紹
空間感不俗的美國菜餐廳,招牌菜包括美國肉眼扒、Nachos、蟹肉藏紅花忌廉汁意大利飯。 繼續閱讀
營業時間
今日營業
12:00 - 23:00
星期一至四
12:00 - 23:00
星期五
12:00 - 23:30
星期六至日
12:00 - 23:00
付款方式
Visa Master AlipayHK 支付寶 現金 AE 銀聯
座位數目
100
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
外賣服務
加一服務費
電視播放
球賽直播
當面支付
有關獎賞計劃
優惠
食評 (287)
等級4 2019-06-27
703 瀏覽
今日約左係觀塘返工既朋友happy hour。朋友飲勻觀塘既happy hour,話moreish & malt既happy hour時段好抵,我抱住半信半疑既心態跟佢入去moreish & malt。餐廳環境感覺舒適,令我忘卻自己身處工廠區既觀塘。入面設有大螢幕,睇波一流。一坐低發現係我嘅愛隊愛華頓嘅足球賽事,特別高興。望一望餐牌發現happy hour只係$40一杯,超抵。而happy hour包括左白酒、手工啤、cocktail。自己非常喜歡手工啤酒。呢支Brewdog Dead Pony Club既pale ale酒精濃度低,酒花香非常突出,另外完全唔覺苦澀。另外我地叫左小食。Nachos配自家製醬汁包括酸忌廉同牛油果醬,甚至有芝士,佐酒一流。同朋友傾吓計已經夜晚七點,索性係呢度食埋晚飯。我地總共叫左一份小食,意粉同主食。小食係自家製意大利餃子。餃子外皮非常酥脆,配蕃茄醬味道超夾。整體酸酸甜甜,係佐酒必叫小食。意粉叫左煙薫意大利風乾肉卡邦尼意粉。大家一聽卡邦尼意粉都可能覺得平平無奇,但moreish & malt既卡邦尼意粉有驚喜!醬汁非常香滑,而且蛋香味尤其突出,同時令醬汁更有層次。意粉既軟硬程度亦啱啱好。另外餐廳用pancetta,亦非一般煙肉,感覺更加高級。至於主食方面,我地叫左燒乳豬仔配自家製焦糖蘋果醬。賣相夠吸引,可以見到脆卜卜既外層。肉質非常嫩滑,醃料調味啱啱好,能夠突出肉味。食嫌牛扒羊扒可以試下燒乳豬仔。食得太開心既關係,我地叫埋甜品。清酒綠茶忌廉芝士蛋糕。綠茶味非常清新,可能係加咗清酒嘅關係,感覺完全唔膩。Moreish & Malt 有別一般西式餐廳,上至主菜下至甜品都驚喜連連,而且happy hour超抵,自己一定會再嚟happy hour或食晚飯。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-30
2766 瀏覽
今晚同朋友黎左工廈呢邊覓食Chill返晚呢度場地都幾大,氣氛唔錯!雖然呢晚有扒類既套餐,但我地都唔太想食肉,所以最後都係決定單點自己想試既一齊share我地揀左兩個小食同一個意大利飯,諗住留肚食甜品店員幫我地落左order之後就為我地呈上一籃小餐包係呢個時候,我地就食住餐包睇下飲咩好,要chill一chill都唔一定要飲酒既呢晚我就揀左杯叫Deep Freeze$73既moctail,係一杯用藍莓同荔枝打成既沙冰,好岩依家開始愈黎愈悶熱既天氣飲小食要左 墨西哥芝士雞肉洋蔥餡餅$68同 自家製意大利餃子$78餡餅入面藏有茄蓉雞肉同芝士,可配上cream cheese、牛油果蓉或者係帶有微辣既蕃茄醬汁而個意大利餃子都幾特别,同我地預期中既好有出入,不過味道都ok既呢碟就係我地揀既 海膽濃蟹汁燴意大利飯$158呢度既意大利飯係偏向軟身既,個source好rich好濃郁,加上海膽唔醒唔苦,仲有d脆卜卜既三文魚籽混合其中添加上有埋cheese係個risotto入面,所以即使分量唔算好多都好有飽肚感最後就到我地留肚要食既甜品環節啦我地要左件冧酒提子乾青蘋果芝士蛋糕$68同清酒綠茶忌廉芝士蛋糕$78兩款甜品都混合左酒,但平衡得好好,甜度適中,香濃而不膩 繼續閱讀
(以上食評乃用戶個人意見 , 並不代表OpenRice之觀點。)
今日朋友book 左觀塘既Moreish & Malt由地鐵站行左接近15分鐘 都幾偏僻Menu 👇🏻以環境裝修同地區位置黎講我認為價錢係略貴 意粉burger 都百三百四蚊❌黑松露薯條 $58薯條淋 燶燶地 個醬汁無誠意超市沙律醬加d松露既感覺 偏甜❌柚子蜜糖雞翼 $72Overcooked 好乾超級甜...完全唔match d 雞翼既味道超市沖水飲既柚子蜜淋上去既感覺✅Chicken Quesadillas $68薄餅焗得好靚 好脆口蕃茄 芝士 同雞肉既比例適中入口好順滑 雞肉保持濕潤有埋guacamole 值得一讚 好多餐廳都唔提供❌大蝦碎蝦乾白酒汁意粉 $128意粉煮到淋哂 好似俾BB仔食咁啲蝦雖然大大隻幾新鮮 但完全唔入味成碟意粉水汪汪 我仲以為係湯麵🍜中式意粉style 不了不了👋🏻🆗Tiramisu $78不過不失 冇咩特別總括而言試咗幾款菜式 都真心覺得麻麻兩個starters 醬汁方面需要進步醬汁無因應食物而作出調整 完全唔夾 意粉係負評 菜式唔夠成熟唔expect 呢個價錢係呢種質素服務員好忙 完全冇服務可言環境好嘈雜 又電視、音樂、人聲朋友以前都有食過 都覺得水準下降我就唔會再嚟食啦 ——————————食物質素:2/10環境衛生:3/10舒適度:3/10服務:2/10 性價比:2/10總評分:2.4/10——————————#foodblogger #foodlover #foodie #hkfoodie #相機食先 #觀塘 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-21
1973 瀏覽
復活節連續幾日假, 更係同朋友出去Shopping啦! 天公不造美, 落起大雨, APM食肆都人頭湧湧, 於是我地嘗試行出APM周圍搵食, 希望發掘到隱世美食。行到鴻圖道見到間粉藍色招牌, 係主打西餐既餐廳, 正好岩哂冇飯癮既我地, 就入去試試吧!剛好落左紅雨驚告, 餐廳人流唔多, 有一個Projector播著nowTV, 估計有足球盛事應該都會吸引到唔少人黎幫襯, 再入小小有個小酒吧, 原來呢度有唔少酒類飲品供應, 但餐廳格調未至於有酒吧氣氛, 正好冇咁嘈, 我地可以傾下計, 慢慢食~入座後先送上餐包, 食完可以再免費追加唔飲酒既, 呢度都有幾款Mocktail選擇【Arctic Manga】HK73沙冰打得好幼細, 芒果味、菠蘿味同埋桃味混合為一, 充滿清新果甜 (唔係溝糖水既死甜之作) , 但飲唔出菠蘿味, 只飲到芒果同桃味~【炸水牛芝士條配薄荷蛋黃醬】HK$68芝士條表面沒有半點油膩, 表面質地實實的, 一咬開可以拉出長長芝士, 芝士軟棉棉, 充滿芝士香, 伴上薄荷蛋黃醬, 但冇咩薄荷味~【墨西哥芝士雞肉洋蔥餡餅】HK$68墨西哥皮包住雞肉碎、三色椒碎、洋蔥碎, 芝士味唔太突出, 反而配上既三色醬(分別係牛油果醬、茄蓉、忌廉), 沾上一齊食, 味道更濃郁, 餡餅中既洋蔥滲出少許唱口, 微微地辣, 幾開胃~【"爆棚"手撕豬肉熱狗】HK$112大大隻熱狗上堆滿醃製洋蔥絲、豬肉絲, 兩者同時混入左餐廳自製既沙律醬, 醃製洋蔥絲酸味味, 豬肉絲撕得很幼, 令醬汁可以包到每條肉絲, 減少左鞋口口感機會, 加上脆皮腸一齊食, 增加了口感層次。 仲有熱辣辣薯條食, 份量岩同朋友share!【燒美國側牛腹扒+炸薯條】HK$198牛腹扒order左五成熟, 果然牛腹扒係會滲出鮮紅血水, 盡顯鮮嫩度。牛腹扒外表邊位帶少許焦香, 但同時keep到juicy肉汁, 比較喜歡食牛腹扒原汁原味, 點醬食似乎太重口味。牛腹扒林, 肉味重, 正! 同樣有薯條伴碟, 夠哂飽!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-08
1472 瀏覽
晚飯時間來到觀塘巧明街一帶, 四周人頭湧湧都係往地鐵站方向, 有一種逆流而上嘅感覺。鴻圖道同偉業街交界corner位 有一間酒吧餐廳, 氣氛唔錯而且仲有happy hour 啤酒,house wine 買一送一。麵包蘸醋同橄欖油, 美味餐前小吃除咗飲嘢,餐牌都有其他食物可供選擇。 坐低 就 有人畀咗個兒童餐餐牌畀阿囝, 真係照顧周到。 小朋友同周圍嘅環境雖然好格格不入, 不過佢 似乎好欣賞個兒童餐, 自己點咗蘑菇雞肉白汁意粉同薯粒, 仲加埋個是日甜品同 墨西哥片, 真係識嘆。 我哋樣樣都幫佢試過, 味道唔錯尤其個意粉好creamy, 冇薯仔粒以粗薯條代替熱辣辣上,$58 其實好抵食。大人叫咗 燒澳洲羊冧扒($198), medium rare, 表層燒得焦香, 羊扒一啲都唔羶, raw 嘅程度又唔會話完全切唔開, 肉質鮮嫩軟腍,勁juicy, 厚切令口感更豐富。蘸埋個 類似乳酪薄荷嘅醬汁,仲減低咗佢嘅油膩感。 跟餐仲送其中一款配菜。 揀咗炒蔬菜, 用蒜蓉洋蔥炒香非常惹味。 又有露筍,荷蘭豆,白蘑菇,青瓜。。蜜味醬汁雞翼 $72 (6隻)有焦糖香嘅蜜汁味,好入味, 雞鎚部份肉質較為乾。食到舐舐脷,送啤酒一流。Artic Peach $68桃味嘅沙冰, 沙冰好幼滑,唔會有大粒嘅冰塊。 果香味濃亦唔會太甜。Blueberries Squash $73超夠氣勁爽嘅梳打, 有藍莓嘅味道,好清新。銀魚番茄醬魷魚意粉 $108很喜歡這一種類香辣意粉, 如果加了 anchovy 就更加不得了。 番茄醬汁香濃惹味, 旁邊那些綠色嘅辣椒, 試咗一隻又酸又辣, 非常醒神夠過癮。 唔食得辣嘅朋友就唔好試。 意粉堆到成個山咁高內有好多材料,醬汁。 魷魚軟熟鮮味。 還有許多炸銀魚乾 鋪係面,好脆好惹味!週末仲有兒童工作坊整體食物質素唔錯, 而且價錢唔算貴。 氣氛好chill, 四周坐滿上班一族, 無拘束高談闊論, 附近放咗工順路來一個happy hour (好似係Sat to Wed 八點前 )真係good fit! 繼續閱讀
(以上食評乃用戶個人意見 , 並不代表OpenRice之觀點。)