影片
港鐵油麻地站 A1 出口, 步行約3分鐘
繼續閱讀
電話號碼
65570724
附加資料
星星主題cafe
營業時間
今日營業
12:30 - 23:30
星期一至日
12:30 - 23:30
公眾假期
12:30 - 23:30
公眾假期前夕
12:30 - 23:30
以上資料只供參考, 請與餐廳確認詳情
-
網上訂座服務暫停
真係好好食！我叫咗炸蝦咖喱烏冬，蝦炸得外脆內嫩，咖喱醬又香又濃。搭配的蜜桃梳打又清新又好飲，啱啱好可以中和咖喱的味道。而且佢哋午餐仲送飲品，性價比高到爆！餐廳的環境都幾有趣，星星主題嘅裝飾好有feel，整體又乾淨又衛生，令人感覺好舒服。店主都好親切。佢哋仲有星星主題的甜品Menu，聽講好特別，下次一定要試下！總之，Moonlight Destiny真係值得再去，食物新鮮又唔貴，環境又靚，仲有創意甜品，絕對唔會失望！
繼續閱讀
上年周深生日應援嚟過，先知有呢間cafe的存在，入口喺條小巷入面都幾難搵！但嚟過一次就識路！夜晚約咗屋企人食飯，下午約朋友吹下水hea下，分享追星資訊。午餐有5-6款選擇，60幾70幾蚊，沙律意粉飯都有。唔想食太飽，叫了1個沙律1個意粉。牛油果沙律的牛油果份量好多！整到朵花咁好靚！個人勁鍾意黑椒，個黑椒豬柳意粉叫老闆娘落重手啲，黑椒味超重！食得好過癮！豬柳略嫌硬咗少少，但唔影響我哋清碟。跟餐嘢飲加錢轉咖啡，叫了泡沫咖啡同玫瑰咖啡，老闆娘記得我係周深fans，專登寫個“深”字俾我，仲畫咗心心，好sweet！朋友的玫瑰咖啡都好靚！話唔食咁飽，但坐坐下口痕又叫咗甜品：窩夫同蛋糕，我麻麻地士多啤梨，又唔太鍾意Oreo、抹茶，就揀咗焦糖香蕉窩夫，窩天即刻夾的，等的時候就聞到勁香！窩夫嚟到好靚，外脆內軟，唔太甜又有蛋香，香蕉切到一片片，我哋容易分嚟食，上面有一層脆脆焦糖，好盞鬼！蛋糕叫咗最“plain”的特濃芝士蛋糕，芝士味好濃，食完有啲滯⋯⋯靜靜地環境好舒服，好怕啲餐廳Cafe好嘈，連對面朋友講嘢都聽唔到，但呢度完全冇呢個問題，我哋坐咗成4個鐘大傾特傾，好爽！埋單300蚊都唔洗，好抵！
繼續閱讀
剪片剪到天昏地暗9點幾不想煮飯於是又跑上來這時段客人已經走晒，意外地包場更意外的是老闆娘竟然認得我還問我想吃什麼，是否照舊(我才上過去4,5次！計都未傾過太多)自問不算是太偏食的人但老闆娘竟然記得我喜歡的食物和小習慣所以說小店比較人情味是沒錯的突然好想食炸豬扒最後就沒點上次的蛋包飯店新加了好多裝飾碟都換了新的加上桌上的燈職業病又發作左調右影的影到碟飯暖咗先食味道不過不失店做緊周年活動食完飯食不到6折窩夫加9蚊要了件曲奇芝士蛋糕餐後甜點唔太甜為今天的疲累劃上完美句號
繼續閱讀
有台灣同上海朋友嚟香港參加我嘅婚禮，佢哋搭飛機過嚟，婚禮後隔日就走，所以我搞完三朝回門同埋還衫，就同佢哋聚餐一下。因為搞婚禮太忙，完全冇時間去搵地方食飯，上次嚟過坐得舒服，冇限時又唔貴，就直接再嚟呢度。本來book 6點，但我太多野搞，搞到遲晒到，坐低都6:45了！今次得4個人，人太少，冇得用上次兄弟姊妹嗰個餐牌(上次個餐牌好抵食)，不過都有多人餐，又有沙律又有小食幾豐富。老闆娘見我哋講國語就搭嘴問邊度嚟、去咗邊度玩咁，講講下先知我上海朋友原來係今晚9點幾飛機，旺角入機場都應該要一個鐘左右，嚇到即刻同我哋加急整野食！但因為今次係即叫即整，上菜速度比上次慢，結果出到第一個主食，大概7:20，我朋友食兩啖就要趕去搭車入機場！沙律揀番上次好好味嘅凱撒沙律，婚禮完咗我唔使戒口，可以狂食煎炸野！粗薯條即炸熱辣辣，外脆內軟，好正！原來台灣人唔知乜野係咖喱角，就叫咗咖喱角俾佢試吓，佢話細細隻三角形咁，好得意！個餐冇瑞士雞翼，就叫咗蜜糖雞翼，甜甜地幾好味。主食叫咗粟米蜆肉飯同雞肉茄汁意粉，一紅一白，一飯一意，今次冇汁怪，但個飯都好多汁，同埋份量真係好多，我哋食完個飯(加上得返3個人)，個意粉食咗少少已經食唔落，結果又係打包拎走！最後大家都好好奇朋友趕唔趕到飛機，可能因為冇行李，所以係趕到嘅！多謝你哋專登過嚟參加我嘅婚禮！
繼續閱讀
呢間cafe個大廈入口係條巷入面，都幾難搵！搵左好耐結果要打去cafe問先搵到！平日夜晚去到發現我地係包場！有選擇困難症既我地揀左好耐先決定到要食乜！叫左豆腐沙律🥗 好fresh，豆腐滑嘟嘟，同芝麻醬好夾~ 👍仲有柚子雞翼! 呢個係期間限定既，d柚子蜜唔係就咁擦喺雞翼上面，而係d柚子醬包住晒成隻雞翼，鹹鹹地但又唔會死甜！😋另外叫左煙三文魚忌廉意粉🍝 意粉有d硬，不過就唔係茶記意粉！碟意粉有好多菇，煙三文魚份量都算多，砌成玫瑰花咁 睇起黎好靚！🌹蛋包飯配咖哩雞肉🍛 半熟滑蛋好吸引！d飯量好多，多到塊滑蛋都包唔晒d飯，咖哩就係唔辣既、甜甜地！雞肉都好多，但就切得比較細粒，如果原塊雞扒切件上觀感上似乎會好d！跟餐加左2個湯，係周打蜆湯，有蜆肉又有薯仔，都好鮮味！我地特別鍾意湯上面個d脆卜卜既包粒！煙三文魚pizza🍕 以為d煙三文魚會好似意粉咁放喺面既，點知原來係焗熟左，同想像中有d出入，不過熟左既煙三文魚又幾香！pizza底好脆，仲有大量既拉絲芝士！好好味！飲品就叫左玫瑰朱古力同特濃朱古力配朱古力雪糕！玫瑰朱古力有淡淡既玫瑰味，而特濃朱古力再加朱古力雪糕真係好邪惡，岩晒朱古力控！😍因為食得太飽叫唔到甜品，但見到menu有蛋糕有燉蛋有窩夫仲有芭菲，有機會要再黎試下！全晚冇限時仼坐，由6點幾坐到11點幾，岩晒我地傾計傾唔斷氣既人😁
繼續閱讀
您可能會有興趣的...