59
11
1
港鐵上環站 A2 出口 繼續閱讀
電話號碼
28511288
營業時間
今日營業
06:30 - 23:00
星期一至日
06:30 - 23:00
付款方式
Visa Master 現金 AE
其他資料
Wi-Fi
酒精飲品
自帶酒水 詳細介紹
電話訂座
外賣服務
加一服務費
室外座位
電視播放
食評 (84)
隱世米芝蓮皇室泰菜,總廚曾任泰皇御廚皇冠 成team都係泰廚團隊,更連續 5 年獲得「米芝蓮推介」,泰國菜fans要試下!環境位於酒店內,酒店附近唔算旺,位置有少許靜,但店內環境不俗,仲有户外環境,坐得舒適。鮮蝦西柚沙律 $168好少地方見到有呢款菜式,大蝦有好幾件,配西柚沙律酸酸甜甜好清新開胃!冬蔭公湯 $128(小)足料冬蔭公湯,酸辣比例適中,一嚐正宗冬蔭公湯味道。泰式香草炒老虎蝦 $428(4隻)店內招牌菜式,老虎蝦,夠哂大隻,一上枱已經聞到好香香料味,蝦肉彈牙,好似食緊龍蝦肉咁,加上香氣及青胡椒,必點!青咖喱牛肉 $128食泰式點少得咖喱?可選豬/牛/雞,牛肉為薄片,咖哩唔太甜,但味道可更濃郁。甜品拼盤 $128有南瓜布甸、千層糕、椰汁西米糕、黑白糯米飯及芒果。我就試咗前三款,南瓜布甸幾特別,南瓜味濃郁,千層糕口感軟糯,椰汁西米糕正常。總括而言,一間正宗嘅泰國菜餐廳,難怪獲得好幾年米芝蓮,縱使係酒店,但價錢都唔太貴,會再來食。附:餐牌參考 繼續閱讀
(以上食評乃用戶個人意見 , 並不代表OpenRice之觀點。)
又有好一段時間沒有挑戰Moon Thai既假日Brunch,今個星期日起身突然有個衝動去食,於是乎快手快腳梳洗打個電話去訂位。價錢沒有太大調整,同樣2百左右有交易,Last order時間為2點半。門口多了熊大大,領位掛有米芝蓮飲食推介小襟章上環區開餐既好處確實係比起Soho區人少得多,呢度用餐空間寬敞,你可以選坐室內又或是喜愛享受日光既朋友可以坐戶外座均有提供進餐廳坐低後,第一時間緊係要舀兩碗蔬菜冬蔭公湯飲下熱身先。別以為素菜為主的冬蔭公味道比起混合海蝦的遜色,呢度既湯頭色澤依然係好標準既泰或風味,酸酸辣辣既味道令人醒神開胃。呢度既Brunch主打泰國風味,小食款式一定離不開常見既泰國地道美食,好似係泰式生菜肉碎包,個人比較推介,豬肉粒剁碎無渣粒無太多脂肪,肉汁香濃。一片大生菜裡包入數匙肉碎送進口腔咀嚼,爆汁力強。若嫌辣度不夠的話,可以轉用辣肉碎茄子取代同樣惹味魚露鳳爪浸泡濃郁既泰式酸甜魚露,加上內層既腳骨已被去清,大大提高食用感之餘,更感皮脆爽彈炒雜菜泰式炒雜菜特色較為多汁,尤其吃起白西蘭花、紅蘿蔔片、草蘑及粟米芯時份外美味油潤酸木瓜沙律木瓜切成幼條狀伴大蕃茄,同樣酸酸地又好fresh烤蒜蓉包配搭上咖哩主菜既汁更加係勁夾,加上鋪滿包面上的金黃色碎蒜,簡直係令人食指大動今期Brunch推廣為原煲足兩両魚翅,連一個主菜及沙律吧任食包餐飲揭開煲蓋睇下底蘊先,翅針層次分明賣相都很吸引,絕對唔似坊間既散翅或混雜粉絲之類既貨式,重點係芡汁又唔會呈漿粉般有膠喉既感覺老婆最喜歡既咖哩軟殼蟹,咖哩味道濃而不辣帶點椰奶香,炸至皮脆既軟殼蟹入口風味依然,不論係撈幾口飯粒又或是沾點蒜蓉包吃都咁好味另外的一份主食我地點左粉絲大蝦煲,沙煲內的粉絲吸收左蝦汁及少許醬汁,質感幼細晶瑩,一撮又一撮差不多吃光冇得凈。蝦肉新鮮爽彈,開邊焗味道更佳食完整餐香辣野之後,點都係要飲返杯涼快既泰式凍奶茶爽返一下,其他飲品不在此特別描述 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-28
40 瀏覽
夜晚行過上環,突然諗起有間想去好耐嘅餐廳,就係Moon Thai, 一間喺酒店入面嘅泰國菜。記得之前喺網上睇過價錢合理評價又幾好, 於是就入去試下。Moon Thai位於蘇杭街,夜晚條街比較靜, 上到去餐廳冇乜人, 佢有室外同室內位,分別一兩成滿左右。我叫咗鮮蝦炒金邊粉 (我勁鍾意泰式炒金邊粉)。 送到上嚟 ,熱辣辣, 啲麵唔會黐埋一嚿又炒到少少乾身,正! 啲蝦係爽口嘅,成碟加埋青檸汁同花生撈埋一齊食,真係超級好食! 酸酸地非常醒胃 !  (出面有時啲唔好食嘅泰式炒金邊粉,啲麵會“槳“埋一舊又淋,同埋好多時啲蝦肉都有啲霉)  呢間嘅鮮蝦炒金邊粉令我非常滿意 ! 始終係酒店餐廳,所以會貴啲,一碟要128蚊再加一。 不過呢度坐得舒服,服務又幾好, 所以收費都合理嘅。 坐咗成晚,呢度嘅人客都唔多,我要介紹呢度比多啲朋友識喇,遲啲可以一齊嚟呢度聚餐,多啲人share仲可以試多啲菜式添呀。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-01-10
112 瀏覽
Moon Thai既Semi Lunch Buffet都幾抵食.環境舒服, 因為係酒店內, 所以人流唔會太雜, 多數食客都係附近返工既上班族.主菜我通常會揀curry軟殼蟹, 係自助bar拎D 印度薄餅點D curry黎食, 好夾.軟殼蟹即叫即炸, 不過食得多就會有D油膩既感覺.我中意自助bar既冬陰公湯, 夠哂多料.另外都有salad, 炒菜, 小食, 水果, 糖水等. 繼續閱讀
(以上食評乃用戶個人意見 , 並不代表OpenRice之觀點。)
臨近年尾又是食好西的時候,每年聖誕前後好多地方都人頭湧湧,想搵一個寧靜又好味的地方的確有點難度。今年估不到在上環區一所酒店內的「泰菜」有所驚喜。MOON THAI—原來已經連續五年成為米芝蓮推介,它的實力的確不容忽視。店內有室內或室外之分,我選擇室外可以給我寧靜一點。餐牌上的種類繁多,各式各樣,應有盡有;無論一家大細或情侶前來也非常合適。泰式酸辣開胃柚子沙律泰菜最美味的食物離不開幾款,沙律前菜莫過於柚子的味道。柚子的份量何其多,而且配上多隻大蝦彈牙有嚼勁。香辣惹味冬蔭功湯對於不吃辣既我,反而泰式冬蔭功我卻喜歡。冬蔭功的辣度恰到好處,估不到有大蝦真心抵食又濃郁。泰式青咖喱(可選其1-豬/牛/雞/雜菜)對於咖喱我不是太有喜好,主菜配料有四款選擇·我選擇牛肉份量.何其多,而且青咖喱製作得相當入味,連同白飯一起同吃,相當滋味。得獎招牌菜-蘇梅火辣海龍Koong 能夠在米芝蓮餐廳吃招牌菜式,真的非常期待。兩隻大蝦完全寓意今年哈哈大笑,有點像新加坡麥皮蝦的感覺,亦是鹹蛋黃製作蛋黃味出眾,蝦肉彈牙又美味,值得一試。自家製泰式甜品最後四款泰式甜品包括有椰汁糕、泰式南瓜布甸、椰汁西米糕 等,各有特色甜度不高恰到好處。現凡打卡及讚好專頁都會有一份蝦片送出。 繼續閱讀
(以上食評乃用戶個人意見 , 並不代表OpenRice之觀點。)