MOO MOO

營業中

休息中

我幾鍾意食漢堡包, 去過好幾間網上吹話好食, 但都係都覺得一般般, 今日晏晝要去一去觀塘區, 就睇下有咩好食, 喺網上講呢間唔錯, 就做完嘢走過去食.去到舗頭原來似啲美食廣場咁, 間鋪有露天座位, 但環境一般, 就叫咗最大路嘅經典之堡試試, 再加29蚊跟咗個餐, 見有個芝士肉醬薯條, 又試一試, 又再睇加24蚊可以汽水轉奶昔, 肥就肥去盡啲.等咗幾分鐘就有得拎, 我先試個漢堡, 個size係我最like, 唔會太大, 兩隻手揸住咬可以咬哂成層包嘅料, 好過有啲漢堡太高好難食到哂個啲涵仲要分開食, 講返個經典之堡, 個包幾軟熟, 又唔會有俾啲汁整到濕淋淋, 生菜比例好又生鮮, 塊牛肉煎得好好, 外層唔會煎到焦哂, 裡面亦保持到好多肉汁, 亦食到好香牛肉味, 個moo moo汁亦好夾漢堡, 食完好滿足.之後就試埋個薯條, 芝士肉醬就好似我哋平時食果啲肉醬意粉咁, 只係將加咗落去個薯條度, 冇咩特別, 反而整淋咗啲薯條, 反而影響哂, 本色薯條炸得幾好, 薯條亦好有薯仔味, 如果再揀我會揀剩薯條, 就咁點茄汁好食好多.最後飲杯奶昔, 反而有少少失望, 朱古力唔夠濃, 亦唔係我心目中果隻朱古力

.突然好想食burgers，之前bookmark過呢間見評價幾好，今次終於有機會試下🤤我叫左二人套餐外送，有2個burgers、2份薯條、2杯飲品，送到黎仲熱辣辣👍🏼我叫左 #滋味雞堡 同 #魚Full之堡。#滋味雞堡有煎雞扒、芝士、蕃茄、生菜、香辣美玉。望落好大個，好滿足，麵包有烘過幾軟熟，塊雞扒都幾厚同肉嫩，煎得好香亦脆👍🏼食落都ok juicy既😋#魚Full之堡有炸魚柳、芝士、生菜、蕃茄、蜜糖芥末醬。炸魚柳外脆內軟，配上蜜糖芥末醬，甜中帶辣幾好食😋薯條份量好多，面頭灑上七味粉，薯條係幼身個款，比較淋身，味道一般。整體黎講佢既burgers都ok既，單叫雞堡/魚堡都唔算好好好貴，性價比都ok高👍🏼

小編係觀塘附近發現好多工廈美食🤫有間自家製手工burger好多人介紹趁Tea time就去叫個burger share🍴餐廳有室內、室外位置 個日太熱所以坐左室內出去落order再自己出去拎野食😌📍 熱帶之堡 ($67）個Burger拎上手好重好足料🍔有牛肉、菠蘿、芝士、生菜、蕃茄、煙肉個牛肉係手打美國牛🇺🇸🐄好厚好juicy 一咬就爆哂汁🤤 再加埋 菠蘿🍍 呢個靈魂配料真係好重味😋每啖都好滿足～個包又微微烘過 小燶邊脆口🔥最正係個sauce係千島醬 真係無得輸❗️📍 咸蛋雞翼 ($32）雞翼只係用紙兜裝 賣相差少少🥺入面有4隻左右 見到外皮係金黃色咸蛋🤟🏻食落去都唔會好乾 有咸蛋味～但唔算濃味 唔算好特別🤣📍朱古力奶昔 ($35）必飲✨呢個Milkshare好正😍😍😍係好濃朱古力味🍫又唔會好甜好膩份量又多 兩個人share剛好👌🏻口感都幾creamy 夏天必飲🧉—————————————————————味道😋：8/10抵食🥳：7/10環境🥂：7/10

聽朋友講呢間唔錯，所以膽粗粗走咗去試吓，星期六下午2點幾去到都已經爆滿，果然真係好受歡迎～叫左個白菌之堡 $65裡面有好多配料，優質安格斯牛肉、芝士、白菌、松露、蕃茄同生菜。味道都唔錯！份量都好足夠，忍唔住一大啖咬咗落去。我就好鍾意食佢地既松露沙律醬，每啖都食到松露香味，超濃郁我就叫埋個炸雞塊試試～～炸雞塊炸到金黃色，望落都好吸引，外層脆卜卜，咬落外脆內嫩，啲雞都有成四至五件，我好彩同朋友仔一齊share姐

響觀塘見完客直落收工，當然要食返好西慰勞自己，就去試左呢間幾多好評既漢堡店。店舖主打手工漢堡，定價都幾平，仲有好多小食+野飲揀😳>德州之堡：好足料好大個，有洋蔥圈、芝士、煙肉&手打美國牛肉，各種配料令個包好有層次感，配埋BBQ醬都幾惹味。>鹹蛋黃雞堡：好創新既配搭鹹蛋黃配咩都好味，新鮮即炸既厚雞扒，食落外脆內軟，又鹹又香，不過略嫌配料少左啲，另加配料可能仲正😝>芝士肉醬薯條：大量肉醬配埋半溶狀既芝士，簡直係perfect match ，撈均之後，每條薯條都有芝士肉醬，呢個要快手食完，否則薯條好易變腍。>檸檬牛油雞翼：雞翼焗到金黃色好吸引，食落酸酸甜甜幾開胃，作為小食都幾好。>朱古力奶昔&蜜桃冰茶：估唔到佢地啲野飲都幾出色，兩款特飲都唔太甜，朱古力奶昔奶味重，朱古力味恰到好處；而蜜桃茶就有陣陣桃清香味😋

MOO MOO絕對係觀塘數一數二好食的漢堡店，基本上間唔時又會食下！最近有新包，又可以再試下！#經典之堡 $60MOOMOO之所以好食，是因為佢個外軟內脆嘅烤烘牛油麵包係即叫即烘，所以一啖咬落去時仲熱辣辣，軟棉棉，再加上新鮮手打優質美國穀飼牛肉，厚度十足，肉味十足，非常Juicy！#德州之堡 $70今期推介德州之堡，中間夾住配料有新鮮手打優質美國安格斯牛肉、洋蔥圈、芝士、煙肉，再配埋BBQ醬，是不錯嘅新包！#肉汁芝士薯條 $32平時食薯條大家都數點茄汁，但係加埋牛肉汁和拉絲芝士一齊食真係好好食！雖然佢個樣唔靚仔，因為加咗肉汁會偏淋，但真心係我係觀塘食過最好食嘅薯條！

今日黎觀塘買野…醒起呢間好多正評漢堡包店就過黎試下餐廳地店都算易搵…餐廳門外有室外座位…天氣涼涼地坐外面應該唔錯。不過今日熱d當然坐室內啦望下餐牌大約有8款burger…雞牛魚同素包…我地就點左經典之堡同滋味雞堡。見到加錢可以轉做套餐…包野飲同薯條。見到有肉汁芝士同芝士肉醬薯條…每樣點一個試下。餐飲就再加錢轉青檸梳打同士多啤梨奶昔經典之堡就係牛肉漢堡…牛肉patty好juicy同油香…l好重…塊生菜好青綠好新鮮。要讚下麵包好有質感…滋味雞堡帶微辣好惹味…仲要提下塊雞扒大到出哂界😂😂😂兩個薯條新鮮炸起熱辣辣好味…尤其肉醬幾正…諗番起加拿大食過既chillies & fries青檸梳打同士多啤梨都唔錯#見到呢度選用既係日本麵粉…可能呢個原因個包真係幾好味

疫情後都少左出街，朋友早排推介試吓呢間漢堡餐廳！係正美食天堂既觀塘區，今日一於收工去試下～😋 白菌之堡 $65汁醬係洋蔥🧅加白菌🍄，香香甜甜！最驚喜係仲有少少嘅沙律汁係入面，連同半溶既芝士🧀🧀🧀食落好多汁，勁juicy呀！而牛肉漢堡扒相信係人手自己打，食落係好鬆軟，唔會有筋，呢個配搭好唔錯！‼️好食指數 8/10‼️推介指數 8/10😋 熱帶之堡 $67呢個係我嘅朋友叫嘅，佢同我一樣都覺得個漢堡扒好出色，而且夾咗塊菠蘿一齊食好清新，配埋千島醬好有美式風情！‼️好食指數 8/10‼️推介指數 8/10😋 肉汁芝士薯條 (set+29)真係好似個名一樣，超多肉汁！出面通常都係食煙肉芝士薯條🍟～呢個肉汁薯條會令到啲薯條冇咁乾身，朋友就好鐘意！‼️好食指數 8/10‼️推介指數 7/10😋 士多啤梨奶昔 (set+$24)、青蘋果梳打 兩個飲品🥂都係唔錯，配搭埋漢堡包一齊食絕對係一個好選擇啦～‼️好食指數 8/10‼️推介指數 8/10總括嚟講呢間餐廳既漢堡都算係誠意之作，如果佢更多位置就好，可以多啲嚟食都得呀！🍽️ Moo Moo📌 觀塘巧明街94-96號鴻圖中心地下1A號舖☎️ 94968213⏰ 星期一至日

-🔸白菌之堡 $65🔸芝士肉醬狗 $45🔸沙律配汽水 +$15🔸肉汁芝士薯條配汽水 +$29🔸忌廉蘑菇雞翼 $63/6隻-觀塘愛琴坊好多唔同嘅餐廳選擇，今日就決定食burger啦！揀咗白菌之堡，夾住美國穀飼牛肉手打成嘅juicy漢堡扒、白菌、芝士、新鮮生菜同番茄，配埋好香嘅松露Mayo，又夾又好味。另一個叫咗新推出嘅熱狗系列，芝士肉醬係不敗嘅配搭。加錢可以配套餐，有沙律或薯條同汽水。最後再加咗一份忌廉蘑菇雞翼，無骨雞翼釀入忌廉蘑菇，好味😋

之前食過好好食，今次又來喇～包身鬆軟，漢堡足料，肉汁滿滿，食落滋味滿足，一食就愛上，真心值得回訪，鄰近觀塘和牛頭角港鐵站之間，前往方便，價錢合理。該店設有有室內和戶外座位供選擇，落單俾錢後即整好新鮮。店內環境乾淨，坐得舒適。今次單點了一個新包和另一個包就轉套餐。德州之堡 $70今期推介試試都好，配料有炸洋蔥圈、美式芝士、新鮮手打優質美國安格斯牛肉、煙肉，配埋BBQ醬，惹味好食唔油膩。而且牛肉漢堡厚度十足，食完都幾滿足的。不過和熱帶之堡相比，我覺得熱帶之堡多了塊菠蘿更加好味。鹹蛋黃雞堡 $69係有點邪惡，但愛自己多點唔食就笨，厚厚的雞扒肉質嫩滑多汁，配以鹹蛋黃醬咸香惹味，夾埋生菜，簡單完美的配搭，我實在超鍾意。細沙律 +$15沙律份量唔少，新鮮蔬菜健康美味。朱古力奶昔 +$25濃味朱古力加上滑滑口感，炎炎夏天飲正呀。

好耐無食漢堡包，黎開觀塘揀左呢間，餐廳仲有室外位置，我地叫左兩個漢堡包加購左肉汁芝士薯條同汽水，再叫多樣小食～🔸經典之堡 用上牛油烤烘麵包、新鮮手打優質美國穀牛肉、車打芝士、生菜、蕃茄同秘制Moo Moo汁，啖啖滋味🔸菇菇堡 用上大啡菇、芝士、生菜、蕃茄同芝麻醬，大啡菇厚身唔會乾爭爭咬落juicy，絕對不比牛肉遜色🔸肉汁芝士薯條 薯條份量唔少，面頭淋上肉汁同芝士醬好邪惡🔸水牛城辣雞鎚 雞鎚有3隻呈橙色令人垂涎欲滴，醬汁酸度十足非常醒胃帶微辣，雞肉嫩滑

今日同朋友嚟呢度搵嘢食，入面有好多唔同種類嘅餐廳，朋友想食burger，但我唔太想食，所以揀咗食沙律。經典之堡 $60朋友極力推薦！漢堡包大大個好吸引！咬落去嘅時候牛肉好多肉汁，呢個價錢而言性價比高！煙豬頸肉沙律配凱撒沙律醬 $54估唔到係一間漢堡包店都可以食得健康啲！沙律份量都好多，蔬菜好新鮮，豬頸肉份量十足！薯條$25薯條都炸到脆卜卜，不過有啲太乾身，建議食芝士肉醬或者肉汁芝士薯條會更加好！雲呢嗱奶昔$35雲呢嗱味重，而且好細滑，不過如果稠啲就會更加滿足！最後，呢間小店最新奇嘅地方係可以飲啤酒，一邊食一邊望住都幾多枱客人啤一啤中，可惜聽日要返工，如果唔係都可以同朋友小斟一杯😋😋

Burger控又要岀動啦🍔今次呢間主要係食手打漢堡🤤而且個麵包仲要係自家製既牛油麵包🧈岀面一定食唔到先😏———————————————————🍴熱帶之堡($67)我通常見到啲burger有菠蘿🍍都會忍唔住狗衝😆因為加菠蘿係buger入面 除左解膩之外仲幾醒胃漢堡就用左手打美國穀飼牛肉🐮食落手打真係唔同啲 真係有咬口啲‼️芝士🧀放落熱既漢堡上面 已經有半溶既效果加埋千島醬同菠蘿呢2個絕配🥰真係好推薦大家叫呢款👍🏼———————————————————-🍴肉汁芝士薯條($32)普遍出去食薯條都係點茄汁或者係芝士薯條🧀🍟今次呢款真係比較少見😯牛肉汁加埋芝士一齊食 味道都唔錯有啲似平時鋸扒 配菜係薯條跟住薯條唔小心點咗個牛扒汁既味道咁🤣因為點左肉汁既關係 薯條都會偏淋想食脆薯條既朋友就要留意啦😉

既然出入觀塘係會塞死駿業里🚗🏎🛻🚚🚛🚜，不如先食番個美味🍔Burger 再慢慢塞住離開。Moo Moo 係一間🍔🍺Burger Bar, 顧名思義除咗有室入🪑座位外，仲有🏖戶外嘅位置比大家chill 下，放工圍爐吹下水。餐廳出名嘅係新鮮手打美國穀飼牛肉🥩，肉味濃，食落亦有肉汁💦流出。但今次小妹再次幫襯，要試嘅係其他野食，睇下又係唔係一間全能餐廳。另一樣個人覺得同其他餐廳與別不同嘅係🐔🥚🍔鹹蛋黃雞堡($69)，真係唔係周圍都有！師傅喺厚厚雞扒同麵包皮之間查左一層鹹蛋黃醬，雞扒嫰滑多汁有彈性，配埋時下流行嘅鹹蛋黃醬一流！😋👍🏻食過牛同雞漢堡，仲要試埋魚！哩件🐟🍔魚Full 之堡($62)，雖然係炸嘅魚柳，但同雞牛一樣keep 到有汁，另外大量生菜🥬食落好健康！就咁食包唔夠，可以加$15-29升級做套餐，包一份小食🍟同飲品🥤。而我今次就加咗$29配咗肉汁芝士配薯條🍟，拉絲芝士加埋肉汁超惹味❤️壓軸追加🦑炸魷魚鬚($68), 哩味小食簡直係highly recommend 呀！ 本身炸粉已經有濃濃蒜香🧄味，加埋沙律醬，食多多都唔油膩😋😋

好耐無食🍔啦！一想食就諗起呢間高質又離公司近近地既Moo Moo😁今次同男友叫左兩個burger，其中一個轉左set😎❤️熱帶之堡走芝士💰6️⃣7️⃣麵包外脆內軟，牛油味勁香！😍安格斯​牛味濃郁，口感彈牙👍煙肉好香口，​菠蘿又甜又多汁，搭配爽脆既生菜同蕃茄，超夾超好食😆❤️肉醬薯條➕可樂 💰2️⃣9️⃣我地同樣揀左走芝士，落單時問店員肉醬可否擺埋一邊，店員仲好好咁幫我係張單寫明‘肉醬另上’☺️ 咁就唔怕整淋啲🍟😆薯條炸得香脆唔油膩👍👍點肉醬比起點茄汁更有特色，坊間較少見，鹹香味突出😋❤️滋味雞堡加牛肉走芝士 💰8️⃣8️⃣男友做完gym話要攝取超多蛋白質所以本身個burger有雞都仲要加塊牛🙈😂雞肉肉質嫩滑，加埋個辣辣地既汁好惹味🤤（男友試左我個🍔一啖之後都話加左煙肉同菠蘿好食好多，佢話下次都要加🤣）咁耐無黎都完全無令我地失望☺️☺️即使Lunch hour等成廿分鐘都好值得😎😎