影片
開飯介紹
MoMo Café全天候營業，供應國際自選佳餚和自助餐。
繼續閱讀
營業時間
今日營業
06:30 - 22:00
星期一至日
06:30 - 22:00
公眾假期
06:30 - 22:00
以上資料只供參考, 請與餐廳確認詳情
有關獎賞計劃
相關文章
🎉🎂 屋企人生日，當然要食好啲！我哋今次又嚟到呢間自助餐慶祝，已經係第二次嚟啦！今次每人大概$800左右💰，而家仲做緊買一送一優惠，真係好抵食！以呢個價錢，竟然仲有生蠔任食🦪，性價比超高！🦞🦪 食物質素整體都幾好，凍海鮮方面特別出色！青口鮮甜肥美，肉質飽滿💪🏻，真係令人食唔停口～龍蝦亦非常新鮮🦞，肉質彈牙又多汁（今次第二次食感覺比第一次更好食，可能都要睇彩數啦哈哈！）。生蠔雖然偏細隻少少，但味道都算鮮甜，以呢個價錢來講絕對收貨啦^_^🍽️ 其他熱食同甜品都保持水準，款式選擇多，味道唔錯。最驚喜係雪糕竟然有Movenpick🍦！口感香滑濃郁，為成餐畫上完美句號。整體來講，呢個自助餐無論係食物質素、款式定價錢都令人滿意，絕對係慶祝生日或者特別日子嘅好選擇！推薦大家趁有優惠嚟試下～👍🏻👍🏻
繼續閱讀
原價7百幾，折左都要6百幾的buffet。呢個價錢去返任何一間酒店都可以食得好啲。長話短說，員工服務態度極差，食品種類又少，refill 速度又慢，衰過街邊檔。1. 生蠔每人限取兩隻，手指咁細粒既生蠔。後面無人排隊攞多份都話唔得，即刻自轉一圈攞多份。2.刺身甜蝦一人只可以攞一隻，咩料呀，啲蝦好貴咩，咁唔捨得俾客食？3.凍盤有翡翠螺，長腳蟹，煙三文魚之類，算正常啲。但個雪櫃唔識凍既呢，出晒水都無人識倒左啲水，尤佢浸住，邊攞得落手呀。4.芝士焗龍蝦每次得十隻左右，派晒就又要等15分鐘。我親眼見到一開始有人可以一個人攞到兩隻，之後先一人一隻，咁即係叫其他人唔洗食，坐得近既食晒啦。係咪要帶個鬧鐘去食buffet呀，定係要企係到等15分鐘呀？5.甜品擺晒係櫃入面，要叫師父夾。呢個唔係問題，但成個甜品區得一個人，啲甜品又細細件，拎件甜品要5分鐘以上，過唔過份啲呀？有焗梳乎厘，每次9份，派晒就無，連續排左兩次，去到我剛好無晒，又係要企定係到等先食到，仲要係食啲未焗好既梳乎厘。🙈6.牛排邊有buffet切牛排俾人會俾頭頭尾尾嫁🤦仲要全熟，點食呀。7.羊架即煎的，同師父講想要生少少啦。“唔得wo，我地呢啲雪藏野黎，要全熟先得wo”OMG，呢間係咩既buffet，仲要原價收7百幾一位。完全唔會再去同介紹朋友去，希望各位唔好中伏，所以先出呢篇長文。小弟平時好少寫食評，但呢間野真係離晒大譜，我忍唔住。望各位見諒，亦希望如果有呢間酒店既人見到呢篇文章，同你地啲高層反影下，對症下藥，改善一下。
繼續閱讀
星期日去左沙田萬怡酒店 Momo Café 食自助晚餐，當晚見到好多一家大細去食，環境都幾適合家庭或朋友聚餐。🔥 重點推薦 🔥包括：1. 海鮮控最愛✅ 凍海鮮區：•長腳蟹腳•凍蝦•翡翠螺 、青口、即開生蠔✅ 刺身 & 壽司：•三文魚刺身、吞拿魚、油甘魚刺身（厚切，油脂香）•壽司選擇較少，建議主攻刺身！2. 肉食者天堂✅ 現切烤肉檔：•蜜汁火腿（外皮酥脆，肉質嫩，必拿！）•烤牛排（medium rare 程度最佳，搭配黑椒汁）•偶爾有 羊架（香料入味，無膻味）✅ 熱盤區：•西式：焗芝士龍蝦（限量供應，排隊要快）•煎大蝦 / 帶子（即叫即煎，香氣十足）3. 甜品控必掃✅ Movenpick 霜淇淋（4款任選）✅ 朱古力味心太軟（細膩不甜膩）______________________________訂位優惠：o留意Kkday近日優惠（買1送1or買2送2）______________________________📌 實用資訊•位置：港鐘石門站C出口，步行約5分鐘🌟 總結：Momo Café 不是頂級奢華 buffet，但海鮮新鮮、烤肉出色、甜品高質，性價比算幾高！如果遇到 “海鮮盛宴” 或 “和牛主題” 更值得一試。🍽️
繼續閱讀
🦪 即開生蠔夠新鮮
第一次去食，見到有即開生蠔就試咗，蠔新鮮滑溜，冇腥味，味道清爽，啱晒鍾意食海鮮嘅人。🍣 魚生厚切有口感
魚生切得幾厚，入口夠實在，味道新鮮，唔會鬆散，配豉油同芥末食，幾滿足。🔥 燒羊架現場即燒
燒烤區有羊架，係現場即燒，燒得啱啱好，食落肉質唔會乾，仲有烤蔬菜一齊食，味道唔錯。🍽️ 補菜快，環境舒服
補菜速度快，唔會等好耐。整體氣氛輕鬆，環境乾淨，服務態度唔錯，第一次嚟已經有好印象。香港沙田萬怡酒店｜MoMo Cafe 新界沙田安平街1號2樓
繼續閱讀
買到買一送一，每人$233，食lunch buffet，有任食生蠔！！！切肉又有牛，食得好開心！任飲任食！好滿足！生蠔要排一排隊，師傅密密開蠔（辛苦晒），所以都唔使等好耐！生蠔都幾新鮮(每次可以拎兩隻）熟食都OK好食！甜品款式同質素都一般般，但有Movenpick雪糕（不過我今日去得雲呢拿味同埋椰子味，但都OK啦，二百幾蚊想點？）甜品櫃檯師傅有禮！不過唔係住沙田嗰邊，就覺得有啲遠結論：抵食到爛！環境唔錯！正！
繼續閱讀