19
3
1
電話號碼
93159126
營業時間
今日營業
12:00 - 21:30
星期一至日
12:00 - 21:30
以上資料只供參考, 請與餐廳確認詳情
食家推介
中式餃子食得多，尼泊爾餃子真係比較少食。呢個小店位於天水圍新北江商場，主要都係做外賣為主，主面都係放到1-2張枱。🥟蒸雞肉餃子(10隻) $45★★★★☆雞肉餃會包做圓形好似小籠包，外皮同一般餃子皮唔同係半透明，食落煙煙韌韌好特別，有啲似中式粉裹皮咁，最有驚喜係個雞肉餡，已經係雞肉泥質感，完全唔鞋仲好JUICY爆汁。而佢個辣汁都好正，食落個味道有層次，食得出有幾款調味料，但唔會太勁頂唔住。🥟香煎豬肉餃子 $50★★★★☆豬肉餃子係半月型，同我地平時食開餃子差唔多，係食開亦係熟悉同認知嘅味道，冇雞肉蒸餃咁驚喜。餃子即煎脆口，但可能炸嘅會更香口。🌟總括：雞肉蒸餃有驚喜，呢間絕對會再ENCORE！下次再試埋佢其他野食。
繼續閱讀
行過尼泊爾餃子店嗰陣，胃口直接被吸引過嚟。冇錯，我就係嚟試下呢啲講到好味得滯嘅餃子。招牌蒸豬肉餃子咬落去肉汁四溢，㗎啫㗎啫嘅肉醬同歡快彈牙嘅餃皮完美融合，一啖餃子，滿嘴生津。望落簡單嘅豬肉填餡，但味道層次豐富，嗌正！再嚟試下佢哋嘅湯上雞肉餃子。呢個就真係有驚喜咗，畀 full 分都唔怕誇！湯底鮮美，啖啖肉感嘅雞肉餃子喺肚裏頭暖笠笠，啖啖滿足。重點嚟講，呢啲餃子食落去有種唔同嘅新鮮感。係咁樣有層次有驚喜嘅味道，加上得意嘅辣醬，一試難忘！呢度嘅食物，真係可圈可點，令人一次又一次嚟探秘。下次我一定會再約埋三五知己，再嚟試吓！總之呢度嘅嘢食，真係值得一試！👍👅💥
繼續閱讀
I'd like to thank the chefs and the owners of this place for opening this shop. I'm very impressed by the quality and taste of the momos. If you're a fan of Pana Puri I'd also recommend you to try it here. I've tried most of their offers now and my personal favorite are the pan friend momos. Though it's just because I like the texture. The other options are just as tasty.If I had to give one negative, and it is hard to find, the sauce for the momos could be a bit spicier. However, I think the level of heat in the sauce right now appeals to everyone. Not something they should change but rather to set your expectations when reading this review.
繼續閱讀
早前都同朋友試過呢間位置新北江商場既momo，momo無解錯就應該係餃子既意思，之前就試話煎同煎既2種，俾我感覺就叫做還好啦，其實同一般餃子差不多，係有豬肉餡同雞肉餡，格左咁耐今日老友話想挑戰下d當地地道特色咁話喎，所以今日又再黎食個午餐啦。小店其實主力係做外賣，堂食基本上只有1小張枱，再多d人就要坐出面，但始終係商場範圍相對會無咁舒服同埋會比較熱，所以一般都係外賣多。咖哩雞烤麥餅套餐先講講咖哩就比較水汪汪果種，有d雞肉同薯仔粒，咖哩味少少唔太重，都唔會好辣，烤麥餅就比較薄身，同埋不算好熱，可以撕開再包住d咖哩雞薯仔黎食，比較似上網睇人介紹印度小食果種，感覺幾正宗，但我個人比較鍾意濃d既咖哩同埋厚少少既Naan，所以覺得一般d，另外套餐跟飲品只有罐裝汽水選擇。烤雞檸檬飯呢個飯列左做配菜類所以無餐跟的，比較奇怪，飯係用印度米，食之前加少少檸檬汁，又幾夾，烤雞烤得幾香口，唔會好乾，面頭加左d綠色既醬，唔係太食得出係咩醬，但都ok，呢個飯比較容易接受。panipuri今日既重頭戲黎啦，其實老友今日黎就係想挑戰佢，呢樣係印度好常見既街頭小食，睇過好多youtuber都挑戰過，鐘意既話佢好食，唔鍾意既接受唔到，今日就到我地黎試，先介紹下係咩黎先，其實係一個炸空心球入面加d薯仔同洋蔥，再加d綠色既薄荷水，其實如果就咁食個餅就好容易接受既，仲幾好食tim，但加左d薄荷水就即刻升左做高難度，聞落臭臭地，食落起初有陣怪味，跟著會有一陣辣味，非常複雜，又要講返句乾淨又衛生呀，有興趣既朋友不妨挑戰下。整體黎講食過2次既感覺叫做還可以啦，唔算話好好都不算差，係天水圍黎講叫做比較少有既正宗中東菜，算係一種特色，堂食環境就一定唔會坐得舒服，外賣會比較好，價錢方面我就覺得算比較進取，拍得住裝修有堂食既中東餐廳，偶爾食下都ok既。
繼續閱讀
關於新北江嘅尼泊爾餃子店，位置都真係比較難搵😂要好熟悉新北江先會去到呢個迂迴曲折嘅地方，第一次去嘅時候真係覺得好似迷宮，想食呢間再行返轉頭就好似搵唔到🙈🙈🙈尼泊爾煎豬肉餃子 🥟🥟外皮夠晒脆 豬肉餡都好足料 啖啖都係肉 加埋佢尼泊爾特製醬 （辣辣地既味道，真係愈食愈過隱）完全與港式中式餃子 有區別之分 但煎既餃子，油份始終會比較多，下次再食真係可以試下蒸既餃子～ 店舖內兩位外藉店員 😄相當親切 有禮貌 笑容都令人有放鬆既感覺 價錢亦經濟實惠
繼續閱讀