4
3
0
港鐵中環站 C 出口, 步行約1分鐘 繼續閱讀
電話號碼
31014775
附加資料
另可舉辦活動及包場,音樂表演等
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
付款方式
Visa Master AlipayHK 支付寶 現金 八達通
其他資料
加一服務費
當面支付
食評 (8)
等級8 2020-07-31
2851 瀏覽
行經呢間鋪嘅人都知,佢喺韓星李英愛所開嘅護膚品店,因為鋪外掛咗唔少李英愛嘅相片,然而,店家亦有兼營咖啡店,提供早、午餐,因公事需要早啲返到嚟公司,就索性試一試呢度嘅早餐,然後,再返工。因為時間早,所以,店內嘅客人唔多。查實,店內嘅環境幾舒服,除咗地方大,枱櫈嘅編排又唔會好密之外,加上柔和嘅燈光,及擺放咗唔少植物,一一都營造出舒適嘅氛圍。小弟就選近門口嘅單邊位,雖然街景都喺得馬路,但對住偌大嘅玻璃窗,感覺更開揚舒心,正能量都多啲。以早餐時段計,主要都喺以麵包類為主,走健康路線,亦有提供一款全日早餐,不過,需留意個價錢都喺單點價,並不包飲品,飲品需要另外購買。而早晨套餐,就只有一款,包牛角、烚日本蛋、咖啡嘅組合,只賣$28,無加一服務費。如想飲其他特別咖啡,亦可+$10去升級。牛角包、日本蛋、咖啡早餐 $28一向都明,宣傳圖片跟實物永遠都喺有距離,不過,今次就似乎大咗啲,主因都喺由一個大嘅牛角包,變咗兩個細嘅牛角包。以份量而言,或許差唔太多,但肯定一大個就有睇頭啲。牛角包雖然喺細隻咗,但外觀都算烘得金黃,不過,摸上手微暖都稱唔上,感覺會打咗折扣。咬落確喺酥脆,之但喺,就唔算好充滿牛油香嘅感覺,個人認為都只喺屬合格嘅程度。日本蛋講到明用上日本蛋嚟做,自不然喺加分位,如果有行開超市嘅朋友,都知近來啲日本蛋都平咗好多,10隻裝往往廿零蚊都可以買到一盒。做烚蛋比較少技巧,最緊要喺用靚蛋,眼前呢隻就夠晒有蛋香。咖啡小弟今次只喺飲一般即磨咖啡,並無升級至鮮奶咖啡。然而,杯咖啡飲得出喺用上靚豆,亦喺自己較喜歡嘅味道,醇和幽幽,細味下有果仁嘅香氣。順帶一提,餐廳鼓勵客人幫幫忙,食完嘢嘅托盤及餐具,麻煩放返去收銀旁嘅收集處。靜靜哋一個人晌個咁舒適嘅環境用餐,尤其近來疫情之凶,更感安心。雖然,今早所食到嘅早餐,唔算有咩超水準表現,但加埋環境、價錢、店員嘅服務態度,都搭夠俾個中上嘅分數。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-08-29
331 瀏覽
之前來過一次,但太匆忙,沒有做紀錄,今次做完工作,有一些時間,就在這裡吃早餐。因為是平日上班時間,人流不多,環境十分寧靜,裝修也很雅緻,空間感十足,最適宜三兩知己在這裡談天,每張枱也有一些護膚產品介紹。店內有一個28元的早餐,包括一隻日本烚蛋,一個牛角包及一杯咖啡,不過我嫌牛角包太油,沒有點這個餐。餐廳可自選麵包,自選餡料,我點了黑麥包及煙三文魚,生菜,蕃茄及醬汁剛自動附上,只是我走醬汁,另外我點了一杯cafe latte, 價錢大約65元。麥包沒有加熱,有點硬,煙三文魚加上生菜及蕃茄,味道清新健康,咖啡也不錯,可惜沒有肉桂粉給客人添加,感覺有點美中不足。份量對普通女士來說非常足夠,我那天午餐也要押後吃。這裡是需要自己將用完的餐具餐盤交回檢收點,那天有人沒有遵守,員工也較忙,導致整潔分扣了一點。整體來說,在中環地段,地面餐廳,寧靜的環境,不錯的食物,我絕對讚賞! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-02
311 瀏覽
同同事既annual lunch之約(笑), 唔知食咩好, 沿住畢打街, 見到呢間地下鋪裝修唔同左, 睇黎轉左手, 就試一試啦!我地兩個都揀左呢個吉列黑豚和風咖哩丼🍛, 價錢係menu入面最平, 加上好掛住日本美食, 所以就叫左呢個炸豬扒! 咖哩唔辣, 應該都係咖哩磚調製出黎, 略嫌稀身, 咖哩汁濃稠d會更好! 黑豚炸得剛好, 肉身唔會太老, 粉漿唔會太厚身, 配料份量都大大件, 總體黎講唔錯, 對得住個價錢!Lunch set仲包野飲, 叫左加大版既latte☕️, 味道控制得唔錯, 咖啡味再濃d就更好! 總括黎講, 中環地帶算係正常之選, 性價比正常! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-23
696 瀏覽
本來想去Jollibee 連鎖店買早餐,因為同事話佢啲咖啡同早餐都幾正。但係去到原來未開門😅,真係估佢唔到竟然八點幾都未開🤣,係唔知食乜好嘅時候,返公司途中見到對面馬路呢一間MM cafe開咗!呢間係韓國紅星李英愛喺香港開嘅護膚品店,一直知道佢哋有提供輕食午餐。不過估唔到依家連早餐都做埋😁,佢哋走中高級路線,都做埋早餐,咁勤力好難得👍。早餐選擇唔多,都係偏向健康類別,呢度環境好靚好舒服,如果下次早啲,我會喺呢度食一個早晨全餐。今次我就買咗佢哋擺喺門口嗰個牛角包雞蛋早餐,有驚喜,估唔到嗰兩隻牛角包係脆卜卜,好好味。但係成個早餐就比較細份,唔係好飽,不過唔緊要,當係減下肥囉😁。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-11
524 瀏覽
咁岩要去中環做啲嘢,嚟到就好想嘆一杯咖啡,享受整個下午,呢間餐廳好近地鐵站,C出口唔使行1分鐘就到。窗邊位有啲吧枱,見到有唔少外國人拎住部電腦喺度做嘢,一邊嘆住咖啡。午餐時間唔使等位,食物嘅選擇都算多,係價格貴咗少少。叫咗嘢食嘅話,可以用半價加咖啡,之後我就叫咗Iced Latte,但咁岩嗰日冰機壞咗,變咗我杯Iced Latte係冇ice嘅,不過都夠凍,味道就一般。我叫咗一個慢煮雞肉飯,雞肉嘅口感好軟👍🏻 繼續閱讀
(以上食評乃用戶個人意見 , 並不代表OpenRice之觀點。)