591
9
2
港鐵灣仔站 B2 出口 繼續閱讀
電話號碼
95388971
開飯介紹
餐廳環境優雅,在中央設有大型吧台,並有VIP房。餐廳內有大型魚缸,海鮮即撈即煮,絕對新鮮。 繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
公眾假期
12:00 - 15:00
18:00 - 22:00
公眾假期前夕
12:00 - 15:00
18:00 - 22:00
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
其他資料
支持防疫 詳細介紹
網上訂座
Wi-Fi
酒精飲品
切餅費
VIP房
泊車
電話訂座
賞訂座積分
當面支付
有關獎賞計劃
食評 (627)
等級4 2021-04-25
270 瀏覽
Misu Seafood Cuisine (灣仔) 8.5/10超高質西式*日式朋友生日帶咗佢去一間高質嘅日式餐廳,原本以為淨係食刺身壽司,點知仲有高質牛扒食,環境好好服務態度超級好,每食完一樣野會不停幫你換碟,有咩要求都盡量滿足你。如果有朋友生日,仲可以提前order 好靚嘅生日pancake餐廳仲會幫你播生日歌,記得提早預約因為佢即叫即整要45分鐘時間整!😗安格斯肉眼牛扒1kg $628超大份的牛扒,鐵板燒上,你都仲滋滋煎緊,記得如果唔想食太熟要早啲拎返上來!!如果唔係太熟就冇咁正。隻牛好Juicy 好有牛味一食就知靚野,食到停唔到口正兩個人食完一個牛其實已經飽晒唔使食其他嘢😱😮甜蝦$48 帆立貝壽司 $68 一碟兩件驚唔夠飽叫多兩碟壽司,超級新鮮好味。餐廳門口有個魚缸養魚,所以啲嘢都會好新鮮!🎂蜜糖脆脆鬆餅$88呢個價錢真係超值因為超大份可以四個人食,佢主要用蛋用咗唔係好多麵粉去整成的,中間會有啲朱古力同埋蜜糖脆脆。老闆個妹妹仲親自寫字,朋友見到都好開心🥳但我哋已經太飽了已經投哂降🤣用餐心情:想食下好嘢,慶祝生日又想同事食西餐日本餐都可以試吓。👅味道: 8.5/10🎋環境:8/10👱🏽服務:8.5/10人均消費: $250-500地點:灣仔皇后大道東202號QRE Plaza 26樓 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-09
1023 瀏覽
位於灣仔的Misu Seafood Cuisine,是一間主打西式和日式的海鮮餐廳。大廚在各國網羅新鮮海鮮食材,利用自家創意和令人稱羨的烹調火侯,創作出西日融合的菜單和菜式。想吃西餐,又想吃日本菜? 這裡一次過可以滿足你兩個胃口啦。入口處有一個大型魚缸,放滿不同種類生猛海鮮。甚少在西餐廳和日本餐廳看到這個設計,一般只有在中菜館才看得到呢。由於位處高層,所以風景也不錯呢。今晚與家人一同光顧,試試最新推出的精選套餐,包含沙律、刺身/前菜、味噌湯、主食和甜品。時令沙律和味噌湯,質素不錯。我們兩人均選擇吃刺身,有三文魚、油甘魚、帶子和甜蝦。刺身新鮮厚切,魚肉鮮美,三文魚脂肪豐富,相當新鮮,不慨為海鮮餐廳。活鮮蟹鮑魚汁焗飯二人份量的活鮮蟹鮑魚汁焗飯,讓我們完完全全品嚐到海鮮的鮮美。肉蟹新鮮色白,美味鮮甜,蜆肉質素也不錯。焗飯是使用磯煮鮑魚汁烹調,米飯充分吸收湯汁精華,好好吃阿。蜜糖脆脆班戟,需另加$68享用。甜品賣相相當吸引,由於即叫即製,需花點時間。班戟軟熟,散發蛋香,軟身班戟配脆卜卜脆脆,很特別阿。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-26
1456 瀏覽
朋友喺呢間餐廳點過晚市外賣後覺得味道唔錯,所以今次就同我一齊去食dinner!餐廳環境幾舒適,員工亦好友善,我哋點咗兩客精選套餐($288/位)🥗沙律:時令野菜沙律沙律有兩款,呢款沙律有沙律菜及青瓜絲,食落爽脆又新鮮,加入芝麻醬及蟹籽,好味又醒胃😋或可加$38享用魚生沙律!🍣前菜:刺身三款🐚前菜:新鮮南非磯煮鮑魚兩款前菜都揀晒諗住一齊開心share😌刺身包括三文魚腩、劍魚腩及油甘魚腩....竟然全部都係腩位😳成口都充滿魚油香,真係勁鮮甜肥美,好!很!正!囉🤩南非鮑魚炆煮5個鐘後再浸磯燒汁,味道甜甜地好入味,而且肉厚又唔韌,炆到好腍身,真係好好食😋兩款前菜都十分推薦👍🏻🥣湯類:面豉湯面豉湯飲得出係自家煲嘅,味道適中,唔會好鹹,而且有超多海苔,正😋🦀主菜:活鮮蟹鮑魚汁焗飯(兩位起)賣相吸引,焗飯除咗加入鮑魚汁,仲用咗原隻蟹及蜆肉一齊焗,每粒飯都充滿蟹香,食落甜甜地之餘仲有少少鹹鮮味😋而且蟹肉及蜆肉都好新鮮👍🏻🥞甜品:蜜糖脆脆鬆餅(+$68)鬆餅新鮮熱辣即製,大份到食唔晒😅脆脆係用蜜糖熬煮,口感似啄啄糖,而自家製嘅朱古力醬味道唔算好甜,整體味道唔錯😋但略嫌有啲乾身,加多啲蜜糖或配cream可能會更好! 繼續閱讀
(以上食評乃用戶個人意見 , 並不代表OpenRice之觀點。)
Misu Seafood Cuisine係QRE Plaza,餐廳佈置左好多聖誕裝飾,非常有氣氛午市套餐以日式為主,前菜包括有野菜沙律、日式蒸蛋、麵豉湯和時令水果,主食有多款魚生丼,熟食有牛肋骨、鹽焗鮮魚等等,價錢最平$128,但環境同服務都不錯------野菜沙律份量同味道都正常,加了蟹籽,唔會淨係得沙律菜咁單調,豐富口感,仲有芝麻醬調味日式蒸蛋表面好平滑,入口嫩滑,仲有蟹柳同香菇,不錯麵豉湯有娃娃菜同昆布,煲到好腍,湯有點偏咸,再清一點會較好1. 醬燒牛肋骨配白飯 $128 7.5/10牛肋骨好入味,醬汁徹底滲透牛肉,醬汁惹味,配飯真係一流,牛肋骨質感有點似叉燒,幾軟腍2. 極上魚生丼 $178 7.5/10魚生丼都有近5-6款刺身,三文魚厚切,帶子切片用檸檬隔開,魚生下除左飯仲有酸薑墊底,令飯份量唔算多,同埋wasabi同飯放埋一齊,食既時候會有點攻鼻,分開放會比較好最後仲有哈密瓜做甜品 繼續閱讀
(以上食評乃用戶個人意見 , 並不代表OpenRice之觀點。)
口癢想食海鮮🤪 今次我地黎左呢間西日Fusion餐廳😎餐廳環境優雅 係中間有張大型吧台 仲有VIP房~有唔少清酒樽做decoration 都幾闊落 幾啱傾計餐廳老闆既家族係做海鮮批發生意 咁直接攞貨實新鮮啦😍🍽️Dinner special set $288pp1️⃣時令野菜沙律🥗 + 麵豉湯有好多新鮮蔬菜 上面有蟹籽增添口感 簡簡單單又開胃~麵豉湯都好濃郁!昆布都好足料😆 絕對唔會口淡淡!2️⃣前菜:新鮮南非磯煮鮑魚🍣前菜:刺身三款我地兩個人 所以兩款前菜都揀晒試下!刺身包括三文魚腩、甜蝦同帶子!全部都好新鮮🐚我地最愛係甜蝦~非常鮮甜😋至於南非鮑魚都唔錯👏🏻店員話係炆煮5個鐘後再浸磯燒汁 所以特別入味又唔韌!都幾大隻🤪一人食兩片👍🏻3️⃣主菜:活鮮蟹鮑魚汁焗飯 (2pp)主菜其實係三揀一😆呢款幾特別唔係其他地方有 就一於試下!海鮮已經舖滿成個鍋既表面 見到都流晒口水🤤 焗飯用鮑魚汁烹調 仲用咗原隻蟹🦀及蜆肉🐚一齊焗 啖啖飯都充滿蟹香同鮑魚汁味👏🏻 飯既份量唔算多🤣三扒兩撥就食晒!4️⃣甜品:蜜糖脆脆鬆餅(+$68)呢個真係相當吸引🤪 pancake is love~ pancake is life💓見到我地差唔多食完主菜先即刻整 新鮮熱辣送上 好貼心!有三層pancake 好鬆軟🥞每層中間都夾住蜜糖脆脆同自家製嘅朱古力醬🤓最欣賞既係甜度適中😋同埋夠晒鬆軟!但如果可以加d cream就會更好啦☺️整體唔錯呀~ 繼續閱讀
(以上食評乃用戶個人意見 , 並不代表OpenRice之觀點。)