Misto Restaurant (已結業)

小妹路經尖沙咀，辛勞工作了一天，想找一個處隱蔽而且坐得安靜的地方休息一下。來了這間餐廳吃飯好幾次了，有點回憶，有點心酸的感覺。這間餐廳的氣氛好好，燈光，音樂，情調，好適合情侶來。今晚點了青咖哩給自己，這裡的青咖哩做得很出色，配上油飯，一個女仔吃，其實都很難吃得完。青咖哩的汁有淡淡香葉的味道，用來撈飯真是一流，而且雞也是啖啖肉，份量一點都不少。我最喜歡就是在咖哩汁裡的菜，整個飯做得恰到好處。期待下一次多一點人來一起吃飯。

大前日(25-10-2014 Sat) 同男友o黎經’G’字頭團購o個間公司,用特價$288.00買原價$588.00”致暈泛焗”食o既呢間o既二人套餐,我o地o黎到,o係大廈地下o既知客已問我o地係咪book o左位?我答係,然後佢就帶我o地行樓梯上o黎,上到o黎,門面好grand好靚,一入去,就算個staff o係水吧部o既,佢都同客人打招呼,係諗唔到o既. 我o地坐低後揀團購餐中要揀o既o野,揀好後等,等o左27分鐘,頭盤至到.1. 鵝肝意大利雲吞配肉骨茶雲吞有三隻,食落雲吞皮腍腍地,鵝肝係攪碎o左o既,味道唔太濃,口感粉粉地咁.加o左醋o既肉骨茶味道亦唔太濃,醋味出啲.2. 馬來西亞柑桔鮑魚沙律鮑魚煙韌唔鯹, 柑桔汁同柚子汁o既差唔多,火龍果正常冇問題啦.3. 鮮蠔周打湯湯o既顏色幾深,味道好濃,飲到海鮮o既鮮味,質地杰身. 飲完個湯,又等20分鐘,兩個主菜至到:4. 燒焗羊鞍配露絲馬利七成熟一客有兩件羊鞍,羊鞍外面好脆口唔羶,露絲馬利汁味道濃,超好味;薄荷醬味道溫和唔哽,成個好好食. 而薯菜都竟然一絲不苟,細細粒o既蕃薯,超甜;菜又唔係白烚,係加o左調味炒,夠味又惹味.

因爲媽咪係尖沙嘴返工，所以揀左附近的MISTO試試。雖然係樓上鋪，但環境非常好，樓底高而且非常有情調。當見到環境都幾好，自然會對食物有一定期待。可惜，無論係餐湯、沙律及前菜，都令我非常失望。味道雖然夠濃，但是太過咸，飲完會好想飲水。雖然標榜「鮑魚」，但是我試過最名不副實既 salad。只有面頭兩只小「鮑魚」，其餘都係火龍果。我寧願是安安份份的凱撒沙律。最最難食係個前菜揀左個名好好聽ge 鵝肝意大利餛飩肉骨茶結果入口d肉極「蘇」根本吞都吞唔落口好彩，main course 味道都算唔錯。我揀左羊鞍同大蝦配椰漿飯羊鞍叫左8成熟，裏面都juicy味道香口，都幾惹味總算挽回我對呢間餐廳既信心。大蝦配椰漿飯不過不失。大蝦好食，燒得香脆，還有些蝦膏在上面甜品我揀左apple crumble 配Vanilla 雪糕好食！一冷一熱，口感非常好！團購連加一約$320, 兩個main course 和甜品好食，環境和服務都非常好但其他真係可以用不堪入目形容...如果以$320的晚餐， 我覺得可以有更好既選擇。

Important: all judgements are respective to price.Summary: the majority of set lunches are $78 to $88 + 10%.  Although not expensive for this region, there are other better choices at the same price level.Starter: either soup or salad.  Soup - good.  Salad - normal.Grilled NZ Sirloin steak with Pommery Sauce ($108) - Although this is slightly above average, I was not asked how I like it should be cooked.Scallop & Pumpkin Risotto - there are three scallops, not big but not too small.  Although th

是日冇帶飯番公司, 聽同事介紹去左同區一間比較"隱世"既西餐廳, 起一棟舊式商業大廈, 穿過一條殘舊既樓梯, 上到黎竟然有一個咁浪漫安靜既環境食LUNCH, 呢度既LUNCH 大約60-80 左右, 加埋一100內都仲有找, 坐底左之後叫左野菌奶油扁意粉餐湯有中湯都西湯揀, 今次試左個西湯-野菌忌廉湯, 飲得出唔係樓下港式西餐既麵粉水, 完全唔會漿住個口, 飲到好濃既野菌蘑菇味, 完全溶左入個湯主菜:野菌雞肉奶油扁意粉完全唔係一般港式西餐, 意粉質素佳食到小麥味, 而且煮唔會過火, 香港大多數餐廳既意粉一定煮到過哂火變到白雪雪淋哂, 呢個仲係煮到有咬口, 已經可以加分。奶油醬汁唔係用意粉醬開, 而係真係用忌廉煮, 食到陣陣奶油香味, 再加分, 野菌同雞肉都唔會煮過火, 有咬口, 呢個質素已經係我起歐洲食到既質素, 午市60幾蚊可以食到算係抵食!

約左朋友去尖沙咀DINNER，朋友提議來這裡食，朋友亦好細心SEND左氣LINK比我睇左幾次都唔知喺邊，自問對尖沙咀都好熟架啦...... 於是早少少去找啦，地點真係一D都唔難搵，不過就行過冇數次都唔知LEE度有間餐廳啫行上一條樓梯就到門口LU 門面看來好像不錯喎！簡潔的裝修朋友已經BOOK左枱，服務員帶到窗邊的高枱，其實我覺得座椅唔太舒服呢這間小店的食物的選擇都幾廣泛，西式AND泰式都有，今晚我們選擇了西式叫了一個PIZZA大家SHARE牛油果蝦蝦PIZZA~~~PIZZA底做得好薄好脆，餡料都好豐富，唔錯Carbonara~~~汁真的太多了，Carbonara應該係冇汁的，味道都可以的牛肝菌意大利飯~~~意大利飯做得唔錯喎，軟硬度都好適中，配料有好多菇菇，味道都好好味！GOOD食物品道大都尚算OK，但服務真係麻麻地，希望餐廳好好改善

原本諗住食聖誕大餐, 點知未出. 算! 食個晚餐當慶祝, 是日晚餐包括餐湯, 餐包, 四選一主菜及coffee or tea(無甜品, 有欠全面). 我地3條女選左三個$208牛柳拼帶子餐.帶子無鮮味, 完全唔知食緊咩. 三小厚片7成熟牛柳. 但over cook. 仲好dry下. o趙到好累.我另外兩位朋友仲唔夠飽, 返屋企要食宵夜.無下次呀!

再次來到Misto Restaurant, 今日食既係特別lunch, Menu 都係為維特健靈Blogger Event 而設既。Misto 既食物水平當然無需擔心啦，碟中每樣都好好味，精緻又夠飽。蘆筍清甜新鮮又大條，冇榨，配Parmaham 好味道！鵝肝醬配麵包，味道唔會過濃，食完都想加碼。Grill 的三文魚最聰明的煮法，又唔怕煎乾又唔怕會硬，啲herbs 仲要配得好好味呢！仲有dessert, tiramisu 味道唔太濃, 酒味, 咖啡味, 芝士味道都配得好適中. 啱大眾化口味. 但對於我呢個鐘意食cheese 既人黎講個味就淡左D, 唔鐘意食cheese 既人一定啱食~下次如果要包場攪event, 我極之推薦Misto Restaurant.

鵝肝牛柳餐前菜：泰式炭燒鮮蝦沙律 (好)餐湯：野菌忌廉湯伴黑松露菌 (非常好) 主菜：法國鵝肝倂牛柳配紅酒汁 （慢慢品嚐美味極）食品質量非常好。這類食物，這個團購:HK$120 價格，這個質量值！樓上鋪裝修還不錯。

約了友人聚餐, 選址這裡, 友人預先book枱, 一行五人7:00到達, 當時人不多, 而餐廳由幾個獨立房間組成, 方便客人攪活動或派對, 私隱度較高點了一個黑松露薄餅, 青咖喱牛肉, 牛肝菌意大利飯, 2客蒜蓉飽, 2客鵝肝香芒米卷, 燒豬肋骨, XXX素雞(全名不記得), 一份甜品拼盤, 先講價錢, 盛惠HK$1,276鵝肝香芒米卷, 1 客4件, 米卷皮厚厚地卷著鵝肝,香芒和沙律菜, 入口吃不到鵝肝味道之餘, 連鵝肝有點膶的質感也沒有, 芒果則很甜青咖喱牛肉, 是專程叫來點蒜蓉飽吃, 咖喱汁入口有椰香, 牛肉肉質味濃, 蒜蓉飽也烘得金黃鬆脆, 1 客3件, 但不太有蒜蓉味牛肝菌意大利飯, 飯上面放有一撮火箭菜作點綴之用, 入口飯身較硬又不 Creamy黑松露薄餅配上薄的餅底, 和配上一小撮黑松露和一些菇類焗成, 入口也感到有黑松露的香味, 但茄醬和芝士則下得不夠, 入口較乾, 個人較喜歡薄餅拿起來有一絲絲欲斷難斷的芝士絲, 濃香芝士及茄醬燒豬肋骨伴有一球薯蓉, 先講薯蓉, 入口沒有伴以牛油般的CREAMY, 像只將壓碎了的薯蓉搓成了一團, 至於豬肋骨燒得不太香, 蜜汁塗得不夠,

今日同老婆慶祝半周年幾紀念！所以去朋友介紹既上樓餐廳！樓下門口有點那個，但樓下已有人招呼，上到去有人帶路，估不到環境清靜，非常浪漫我地頭盤食左個沙爹雞串好味推介！！！我同老婆各叫一杯紅白酒！雖然我不懂飲酒但容易入口我地叫左個煎鵝肝黑松露芋頭意大利飯雖然份量少左點但估唔到好好味！十個讚跟著我們叫左個豬排骨哈估唔到咁大份！我地叫多個蒜子介蘭，還可以沒有甚麼突別。最後我地食左個黑松露薄餅。好味由其上面的火箭菜因為正人我的口味！埋單都係五百幾底食！

是次為我的生日party.. 想掹舍地方有私人房, 又想食好d得黎又想有得玩下.. 最終經爸爸同車介紹下簡了呢間。預早了2星期book. 大房有得唱k本來諗住呢d地方有得唱k, d歌都唔慌新, 冇5-6年都有3-4年.. 點知都ok喎!! 一定冇neway果d咁新, 但都係近2年既歌..而且音效、畫面都很不錯!!環境唔算華麗但好靚, 而且有布置.. 很滿意野食都好好..生蠔很新鮮這個蝦很好味!!!沒有拍照的多款意大利飯都很好味!! 最好味的是黑松露菌意大利飯到了限定離開時間都冇趕我地走, 服務態度也很好感謝misto給了我一個難忘的生日party!!

差唔多半年無去,環境無變,食物都維持唔錯,八點前都有buy one get one侍應推介泰式燒鱸魚有大條汁好好味

求其經過見有人派傳單就去試間餐廳要上樓, 入到去感覺幾grand, toilet 超乾淨, 環境靜, d 座椅好舒服, 傾計一流食飯:因減肥關係, 先叫咗一個沙律, 一般啦, 沒什麼特別泰式拼盤, 幾大份, 我覺得好食泰式炒金邊粉, 都算炒得正宗飲品8:15pm 前買一送一坦白講, 我今餐飯旨不在fusion, 因為減肥關係沒有試真, 而honey 就反而想食泰國菜真的不能comment 到底佢有幾fusion, 有幾特別. 而價錢, 偏貴!但環境真係好好, 有機會可再試其他款式菜, 我見人地d pizza 好似好好味咁~~

一入店有種舒適既感覺，可惜食物味道差。凱撒沙律 ($68)：欠了黑醋汁清新既味道，菜唔夠爽甜，bacon 味道似豬肉乾。水牛城雞翼 ($62)：加左大量Tabasco，我食嗰隻雞翼d肉係紅色和實肉既，另外有隻雞翼超級細隻，甘既餐廳唔應該有甘差既材料。香芒鵝肝米紙卷 ($118)：完全食唔到鵝肝味，係後黎先知道有鵝肝, 餡料太少而紙卷好厚皮。牛肝菌意大利飯 ($128)：牛肝菌醬香濃，好味。香草燒羊架 ($168)：羊架有根，唔夠肉嫩，香草燒得唔夠野味。杏仁麥片大蝦 ($264)：蝦肉新鮮彈牙，太頭蝦糕香濃，杏仁麥片焗得香脆，沾上大蝦口感味道配合出色，係最好味既菜式，但$66一隻蝦貴左d。心太軟伴雪糕 ($58)：未食已經流醬，朱古力醬太甜和 “傑”左些。濃情朱古力蛋糕 ($58)：蛋糕質感似馬拉糕，沒有一種香濃既味道。Happy Hour飲品買一送一抵飲，飲 cocktail 比house wine好。座椅寬敞，有私人空間感，傾下傾下已坐左兩個多小時。